راتبي ومن حقي
 

كنت ابي اسالكم وابي تنناقش في موضوع مهم وماشفته كثير بالمنتدى


المره اذا اشتغلت هل راح تساعد الزوج من راتبها؟ او انه راتبها لها ولاراح تنفق ولا ريال

انا بالعكس زوجي يقولي اذا تبين الوظيفه هذا شرطي تساعديني والا اجلسي بالبيت

السلام عليكم

أنا برأي الرجل هو اللي ينفق على بيته و زوجته و اولاده في الحالات العاديه
و مستحيل الزوج يبخل بشئ اذا كان عنده....لكن في الحالات الخاصه مثل ما قالت الاخت حوريه مثل ديون او شئ كذا الرجل راتبه ما يساعد على انه يدفها....ما اقول انه راح يطلب من زوجته مستحيله ( برأيي) يعني الزوجه و فهمها و تشاركها مع زوجها

المهم الرد بأختصار
نعم راتب الزوجه لها تتمتع به و تشتري ما يحلو لها به ولا تصرف منه على البيت الا عنه الحاجه لا سمح الله

و الله يساعدنا نحن الرجال ان شاء الله ما نحتاج :)

بالتوفيق

يا هلا ..

بالتأكيد ان راتب الزوجه من حقها .. وهي ليست مسؤوله تصرفه على البيت او على اولادها .. هذه مسؤولية الزوج ..

في ازواج يستغلون راتبه الزوجه كله اصلا بعضهم ينزل راتب زوجته في حسابه الخاص و هي اللي تطلب منه ...

لازم الزوجه تكون عارفه زوجها زين .. اذا كان من النوع الاستغلالي يجب ان تكون قويه ولا تسمح له بان يستغل راتبها و ترفض انها تعطيه .. بيزعل ؟؟ خليه يزعل شوي وبعدين يرضى .. خلها تتعامل مع زوجها من ناحية راتبها مثل الطفل الذي يريد من والدته ان تشتري له لعبه و اذا رفضت الام يبدا بالصراخ و البكاء في محل الالعاب عشان يحرج امه .. لكن الامه الذكيه هي من تعرف كيف تتصرف مع ابنها في مثل هذا الموقف ولا تلقي له بالا حتى يتعود على ذلك و يبطل ما يعمل مثل هذا التصرف ..

حتى اذا كان الزوج من النوع الغير الاستغلالي يجب على الزوجه ان لا تعود زوجها على انها تصرف على البيت حتى لا يتهاون في الصرف على البيت ..

ااختك أميرات ..

سبحان الله انا أرى اذا كان الرجل لديه عزة نفس

فسترى زوجته تلح عليه لتساعده لأنه سيرفض

لكن اذا كان هو يلح و يضغط عليها ان تصرف على البيت فسترين

ردة فعل مساوية المقدار و معاكسة في الاتجاه

حيث سترين ان الزوجة ستدفع و لكن بدون اي رغبة و قد تتمنن عليه أيضا



بصفة عامــة: المرأة تحب ان ترى الرجل يدللها و يصرف و لا يطلب منها بشكل مباشر ان تساعده

الرجل مسؤول عن النفقة ولا خلاف في ذلك. ولكن كلمة راتبي وانا حره فيه يجب ان لا تقال ابدا في وجه الزوج لانها ستخلق نوع من الفصل الروحي بين الزوجين وكانك تقولين ( انت غير وانا غير ) وهذا الشيء مزعج جدا.

عجبني كلام الأخت زماني رماني وهو ( اذا تبين الوظيفه هذا شرطي تساعديني والا اجلسي بالبيت ) ومن ناحيتي اقول إذا الزوجة تبي تصرف على اشياء بسيطة مثل ( مقاضي الثلاجة ولا تبيلها فستان غالي ) فلا مانع ولكن الأشياء الأساسية يجب ان تكون على الزوج والزوج فقط

الحمدلله فتحتي هالموضوع..لاني كنت ناوية اسال وابا اعرف شو حكم الشرع....اذا عطيت اخوي الصغير فلوس من غير رضا زوجي......لان زوجي قاللي لاتعطينه ولا درهم ..واذا عطيتيه من وراي بيكون من غير رضاي!!!!! فهل اقدر اعطيه من وراه واعتبره من معاشي....علما ان كل شهر يحول راتبي لحسابه...ويعطيني مصروفي...... ارجوكم ردوا علي وساعدوني....

المفروض ان الراتب ملكها
لكن الواقع أو العرف يفرض نفسه
اذا كنتي ستعملين لابد ان تساهمي في المنزل
بشكل او بأخر
ليس من المعقول
ان الزوج امامه مشروعات لتامين مستقبل الأسرة
والزوجة تنفق دخلها علي العطور ومستحضرات التجميل

ا

لسلام عليكم
.
.
.
أنا من رأي الأخت حورية لبنان
فأنا دوما في مشاكسات بيني وبينها على أن تنفق من راتبها على البيت
ترفض رجولتي وقوامتي على البيت أن أسمح لزوجتي بأن تصرف بشكل مباشر عليه
ولكن زوجتي بارك الله فيها وجزاها الله كل خير مرات تصرف لما تكون طالعة لوحدها أو ما شابة
وأنا أذكرها دوما بأن لا تصرف غير من مالي وأذكرها بأن أي درهم وضعته في هو صدقة منها جعله الله في ميزان حسناتها وأدعو لها به
.
.
.
مبدأ المساعد قاااااائم نعم ... ولكن عند الحاجة فقط
فعندما أحتاج تتبرع هي من نفسها (وهي أولى من غيرها بالأجر والثواب)
.
.
.
نسأل الله العفو والعافية
والله المستعان

اوافقك الراى تمام -- فمن منطلق القوامه فالنفقه من واجباته لكن ان رغبت الزوجه طواعيه ان تساعده لا ضير بهذا

هذا غلط ان يتحول راتبك لحسابه

مافيها شي أعتقد

بس بشرط موافقة الزوجة .

والله ما أسمح لها تدفع نص هلله وتهينني لو أمسح الشارع مسح باكر تقول لحم أكتافك من خيري ما هيك يا أبضاي ؟؟؟؟

المصروفات مشتركة بيننا واغلب الاحيان انا ادفع اكثر بحكم ان راتبي اعلى من زوجي وليس لدي مشكلة مادامت اناحتيجاتنا تتطلب ولكن في هذه الحالة يجب على الزوج ان يحذر في مصروفاته

ماشاء الله غبت يوم ورديت وحصلت 15 رد الله يزيدهم..يسلمو جميعا عالردود وطبعا اختلاف وجهات النظر وارد فيكم من ايد انه المره تساعد الرجال من راتبها ومنهم من قال انه هذا شي مفروض على الرجل

انا طبعا لحد اللحين ماتوظفت لكن على وشك اني اخلص الجامعه باذن الله باقي لي السيميستر الجاي..دعواتكم لي

لكن اشوف اذا فتحت الموضوع مع زوجي دايما يقولي موضوع الفلوس والماده دايما مصدر خلاف بين الناس والاخوان والازواج...فالاتفاق هو احسن شي بس من كلامه يوضح انه اذا ودج تشتغلين حطي في الشهر عالاقل مصروف معين وهو يحط مصروف معين شهريا والا اذا مابتساعدين مب لازم تشتغلين وتبريره لهذا الكلام انه ليش انتي تطلعين وتخلين زوجج وعيالج فالبيت وتغيبين عنهم وتحرمينهم منج ومن شوفتج وتربيتج ولاتسوين لهم الغدا وتتاخرين عليهم يعني انج تقصرين بحقهم...ويحاول يبين لي ان بعض المشايخ افتوا (يعني باجتهاد منهم) اللحين انه دام المره تشتغل لازم تساعد زوجها


يعني اللحين ان اسال هل ادفع شهريا في البيت والا مااعطي السالفه اي اهميه متى ماطلعت وشفت انه البيت ناقصه شي اشتري يعني اساعد بطريقه غير مباشره واصر على كلامي...مع العلم اني وارثه من ابوي رحمه الله بس بحياته ماقال لي شي عن فلوسي ويصرف علي ولله الحمد يعني مش من النوع البخيل

اختي AFA

اولا المفروض راتبج مايروح لحسابه لانه راتبج وانتي حره فيه ومايجوز فالشرع اذا انتي مش موافقه الا اذا كان الشي برضاج هذا شي ثاني

ثانيا يعني ماافتي بس اعتقد دام انه راتبج هو ماله حق يقولج ماتعطين اخوج......وليش ماتعطين اخوج ؟؟ماعرفتي ايش وجة نظر زوجج في انج ماتعطين اخوج؟؟

راتبي لي ولاكن مافي مانع اشتري لاولادي اذا كنت رايحه السوق مع صديقاتي


او اذا كنت رايحه السوبر ماركت عادي ما اهتم الحمدلله

الراتب من حقج ولكن ما يضر مساعده الزوج ترى الحين العيشه غاليه وكل شي غالي ما يمدي نص الشهر الا المعاش طاير

يعني انا اذكر الوالد الله يرحمه كان معاشه كله مصرف علينا وعلى والاقساط من سيارات واغراض للبيت ومشرب وملبس الخ

ومعاش الوالده الله يطول بعمرها كان محد يلمسه وكان يبني فيه الوالد البيت الي احنا عايشين فيه الحين ولله الحمد


يعني لو ما كانو متفقين ومتعاونين جان عمرنا ما عشنا في بيت ولا كان عندنا سياير ولا شي

يعني يد وحده ما تصفق

خصوصا بهذا الوقت مستحيل الرجل على معاشه بروحه يتحمل مصروف بيت وعيال وزوجه واقساط ومن مصروفات الحياة الاجباريه

عيب على المره بصراحه اذا شافت زوجها بضيقه ماليه ما تساعده وتقط فلوسها على كماليات

والزوجين المفروض يعتبرون فلوسهم وحده وما تفرق عندهم مثل ما هي حياتهم وحده ومصيرهم واحد

خخخخخخخخخخخخخخ
أعصابك يبووو:d