|
شوفو كيف الدنيا صغيره .. موقف صار لي
السلام عليكم ..
من فتره كنت بكتب هاذي الكلمتين .. لكن انتظرت الوقت المناسب .. وبدخل بالموضوع على طول .. قبل فتره .. سألتني صديقتي : ليش اختك تزوجت قبلك ؟؟ << هي تحسب اني ماقد تزوجت .. رديت عليها : انا تزوجت وانفصلت .. تفاجأت البنت .. ورحت حكيت لها حكايتي من طق طق لسلام عليكم .. والبنت طلعت نبيهه وحفظت ببالها اسم طليقي والتفاصيل الصغيره عنه .. وبعدها بفترة .. جاتني وقالت : ياالعام عندي لكي خبر يفرحك !! .. قالت : خمني مين قابلت اليوم ؟؟ .. كنت جالسه مع بنت خالة زوجة طليقك !! << انا صارت عيوني كذا :eek: قلت : كيف عرفتي ؟ قالت : من اسمه ومن تفاصيله اللي قالت عليها البنت .. قالت : تخيلي ماكانو عارفين انه كان متزوج منك .. وحتى لمن تقدم لهم قال انه ماعمره اتزوج وهاذي اول زواجه له .. حتى تخيلي ابوه ميت له كم شهر وهو قام يغني ويزف عروسته .. حتى امه ماحضرت زواجه لانه كانت دوبها مخلصه العدة .. سألتها البنت : قالت انتي متأكده من كلامك ؟ ردت عليها صديقتي : تعالي شوفي زوجته الاولى معانا بالجامعه لو منتي مصدقه .. قالت : لان الموضوع ماينسكت عنه .. وراحت خبرت اختها .. لكن ماادري ايش اللي صار بعدين .. ابدا ماقصدت اني اخرب او اتشمت على احد حتى لو كان طليقي .. لكن سبحان الله طلعت الدنيا صغيره .. لكن حزنت على نفسي وعلى زوجته لانه رحنا ضحايا له هو واهله .. بعد هاذا الموقف .. زاد حسن ظني بالله .. وانه حقي مابيضيع عند ربي العاملين .. وان الظالم وبيجي له يوم .. حبيت افضفض لكم .. ((وترا القصد من هاذا الموضوع هو الفضفضه ))) |
والله موقف غريب
وصديقتك هاي اسمحيلي ماتنبل الفولة في تمها هيك خربت بيت البنت؟مش يمكن كانو عايشين منيح؟؟؟ وامر طليقك غريب يرقص ويغني ويتزوج وابوه متوفي جديد؟كيف اجالو نفس ماعلينا كل انسان بياخد على حسب نواياه وان الله برزقك إن شاء الله باحسن انسان بالدنيا اصبري ويارب الله يسعدك ويوفقك امين يارب ادعيلك والدنيا تمطر عنا الان موفقة حبيبتي وهادا موقف بثبت انو البنات اغلبهم مابعرف يخبي شي وبنشر الاخبار عطول ههههههه الله يهديها صديقتك تحياتي يابطة |
ما أدري ايش الغرض من كذب الرجال على أهل البنت!!
خايفين يرفضووا مثلا؟ نفس الموقف مر على قريبة لي تقدم لها شخص مطلق قبلها وقال أنه مطلق وحده بعد الزواج اكتشفنا أنها ثنتين مو وحده!!! بس الحمدلله قريبتي عايشه حياتها و مرتاحه بس الكذب قهـــــررر وبعدين يالغاليه الأفضل لك ماتخبري حدا عن كل شي مر عليك بحياتك يعني ايش الغرض من ذكر أسم طليقك لصديقتك !! مااااااافيه فايده أبدا كان يكفي انك قلتي تزوجت وانفصلت والسلام الله يعوضك يالعااام خير |
ملَك شادي ..
هاذا حالنا احنا البنات .. مايبات في فمنا فوله .. وتسلمي ياقلبي على ردك ودعواتك لي :) لكن صديقتي ماكان قصدها التخريب .. لكن تفاجأت ان بنت خالة صديقتها تزوجت طليقي .. oOعبير الرياضOo .. هلا عبوره .. شكلك متابعه المنتدى من بعيد :d .. بعض الرجال تكذب عشان تخفي المستور مثل اللي صار مع طليقي ... قبل لايخطبني تقدم لكثير بنات لكن يرفضوه بعد السؤال عنه ..واكثرهم كانو صديقاتي لكن من بعيد وكان يقول لي اني رفضت كل البنات اللي تقدمت لها لانهم ماعجبوني .. فكيف بعد مااتزوجني !!!.. اكيد بيقول لااهل زوجته الجديده اني ماعمري تزوجت .. وهاذي الصديقه كانت مقربه لي .. واكيد بقول لها عن حياتي السابقه .. ولمن قلت عن اسمه من باب سواليف عاديه وكانت اول مره اقول لااحد عن اسمه ..وقلت لها انه له بعض الاغاني المنتشره بالنت .. لان الناس ماتصدق اللي صار بالتفاصيل البسيطه السطحيه .. لازم افرط الشريط كله لانها طريقة للدفاع عن النفس .. حتى مايجني احد يقول ليش تطلقت و و و و !! |
سبحانك ربي ما أعدلك و أحكمك
ربنا يفرج همك و يرزقك بمن هو خير منه في الدنيا و الآخرة |
تصدقي اني هواية فرحت لان يستاهل و ليش تخبي عنها كفاية استغفال لازم الظالم يووم يجي له و يندم على كل تصرفاته و اتمنى انه تكون عبرة له و لو ما اعتقد انه هو يعتبر المهم فرحتيني بهالموضوع من الصبااحية مشكورة لج>>شريرة:) لا من صج مو لانه شريره بس احس ان الحق انتصر على الباطل :23: تحياتي لج اختج:22: |
الله ييفرحني فيك ياعام ربي رد لك نصرك أكيد .. وأخلاقك أعلى من الشماته فيه لكن ربك أقوى وأعلم .. يعجبني ياعام ثقتك وتفاؤلك الله يسعدك ويبلغني فيك يارب |
مما لا يعجبني في المرأة المطلقة متابعة أخبار طليقها أولا بأول وأحيانا تضخيم هذه الأخبار والكذب فيها أحيانا لست أقصدك إنما أنا متعقد من كثرة ما حكت زوجتي أخبار طليق أختها حتى أني قلتها هذا حرام وغيبة لاتجوز واترك الرجال في حاله http://www.7m7.org/img101/s0a.p7m7mf...9w38110981.gif |
اللهم هذه أختي في الله ...يسر أمرها وفرج همها ونفث كربها ..اللهم وأبدلها بالزوج الصالح وأجمع بينهم على خير ... اللهم صب عليها الرزق صبا ولا تجعل عيشها كدرا ولا كدا ... اللهم صلى وسلم على نبينا محمد وعلى آله وصحبه وسلم أختي .. العام .. أبغى أقول لك كلام وأتمنى إنك ما تتوقعى ولا تظني إني أقول هذا الكلام لأني رجل أو لأن المعني زوجك السابق وليس أنت فأنا أخاطب فيك عقلك وإيمانك بالله بالنسبة لموضوع ظلم زوجك السابق لك فهذا مما لا شك فيه حرام .. فالظلم ظلمات يوم القيامة وقد حرمه الله على نفسه وجعله بين الناس محرما ... ولكن ما أريد أن أبثه إليك هو أن أدعوك إلى أن تجربي أن تسامحيه لوجه الله تعالى ليس لشخصه وإنما من أجلك أنت والله سوف تنعمين براحة البال بإذن الله بالإضافة إلى الأجر العظيم من الله عزوجل لأنه وللأسف كم من الأعمار ضاعت والنفوس توغلت من أجل الضغائن بينننا وبين من حولنا الأمر الثاني بخصوص ما حصل مع صديقتك ... فنصيحة لوجه الله دعي الخلق للخالق ولا تتبابعي الموضوع لا حرصا ولا مجرد إطلاعا كما يقولون الأمر الثالث أوصيك أن تثقي بأن الله كما رزقك بالزوج الأول فهو قادر أن يرزقك مثله زوج ولكن أخير وأفضل وأجمل وأصلح ...فثقي بالله واسعدي وتوكلي عليه ... وعلى فكرة إنت ذكرتي إن الموضوع فضفضه والأمر واضح ولكن ما حبيت أخرج من الموضوع من غير مشاركة وخاصة والكلام السابق لقيت أنه يعرض نفسه وبقوة ويريد أن يجد متنفسا ليصل إليك ... أسعدك الله في الدارين .. أخوك أبو عبدالعزيز |
وعليكم السلام ورحمه الله وبركاته
كلامك يا بو عبد العزيز عين العقل يا اخي بارك الله فيك وعلى نصحك الطيب:22: بووركتم دمتم بصحه وعافيه |
سبحان الله
هو اراد ان يكذب ولكن الله كشفة دون قصد منك سبحان الذى يعلم السر وما تخفى الصدور |
يا زين فضفضتك :d :d
قولي آمين الله يرزقك بمن هو احسن منه تدري يالغالية انه هاطليقك ما له في الطيب والحظ نصيب:25: حدا يترك جوهرة زيك:23: اما إنه اعمى بشكل أم وليد |
Sun_of_me..
اللهم امين .. جزاك الله عني كل خير .. ومشكوره ياقلبي على ردك .. احلام مزيفة.. حبيبتي صح هو يستاهل .. بس مو بسببي .. يعني يصير له اللي يصير لكن مايكون لي دخل بالموضوع .. وسلامتك ياقلبي من كلمة شريره .. :d t3b2006.. اللهم امين .. الله يسعدك ياقلبي على الدعوة .. والله ماغير ردودكم من بعد الله هيا اللي تفرحني .. سحنون2008.. مااخفي عليك كنت ببداية طلاقي اتبع اخباره وكنت افرح لمن اسمع خبر مو زين .. لكن حسيت انه يرجع لي يعني اتضايق واتحسر اني صرت بهاذي التصرفات .. فتركت متابعة اخباره ووكلت امري لله .. حتى سألت استاذه .. قالت يعتبر غيبه ونميمه فااتركي امره لله .. إنسان غير.. الله يجزاك خير اخي الكريم .. كلامك عين العقل .. وقلت مافي نفسي و صدري .. انا عاهدت نفسي برمضان الفائت بااني ماادعي عليه او اتحسب واسامحه واسامح اهله بالرغم من اللي جا منهم ..مو عشانه عشان اكسب الاجر العظيم من وراء مسامحته .. ونفسي ترتاح من الحقد والضغينه وحب الانتقام .. وبالفعل نفسي ارتاحت كثييير وزي مايقولو يابخت من نام مظلوم مو ظالم .. وكله عاد لي بالنفع والراحه .. وصديقتي هاذي قطعت علاقتي معاها تقريبا ومن يومها ماسألتها عن الموضوع .. ما يهزك.. مشكور اخي الكريم .. وبالفعل كلام انسان غير عين القعل بمحله الله يجزاه ويجزاك عني كل الخير .. sheraz.. وهاذا والله مااقصده من موضوعي ... جزاك الله كل خير ووفقك لما تحب وترضي سلامات يا قلبي.. هلا بالغاليه .. ويازين مرورك بمواضيعي .. فرحتيني بكلمة جوهره :d .. لكن فين دعواتك الاحلى ياام وليد |
حبل الكذب قصير بس ماتوقعت في رجل بيكذب لهالدرجه
يكذب يقول ما ادخن عمري كذا لكن مره واحده انه ماتزوج؟؟ اووووف اكره الكذابين احس اللي بدايته غلط نهايته غلط |
يااااااااعسل انت
فضفضي وطلعي اللي بخاطرك اللي يعيش ياما يشوف ياحبيبة قلبي ودي افضفض لك انا كمان واطلع اللي بخاطري واللي كاتمته من سنين الحمدالله على كل حال شوفي ياعسل انت طنشي بيجي له يوم ويندم وانا متفائله لك خير عظيم وقرب الفرج ياقلبي الله يفتح لك ابواب رحمة ويسخرلك اللي يخاف الله فيك ويسعدك ويصونك حصنتك بلا اله الا الله |
أختي الكريمة ... طبعاً أكيد ما كان قصدك توصل الأمور لهذه الدرجة لكن هذا حدث لحكمة يعلمها الله وحده ... وايضاً لأن طليقك أخطأ لأنه أخفى موضوع زواجه السابق ... وحياته الجديدة كان يجب أن يبنيها على الصدق وليس الكذب ... ثم لزوجته وأهلها حق القبول به أو رفضه على كل حال ... ربي يعوضك بكل الخير حبيبتي |
أختي العام الله يرزقك بالزوج الصالح اللي يقدرك ويصونك وتقدريه وتصونيه ويعوض صبرك خير ياااااااااااااارب |
أختي العام صحيح الدنيا صغيرة
ومافي شيئ يستخبئ فيها والله مافي حاجة الا وفي يوم تطلع ولو حتى بعد زمن وطليقك الظاهر انة ظلمك بدليل انة كذب على البنت الي تزوجها وهذا واضح لكن احسن انه راح لحالة والله بيوفقك بأنسان يستحقك يالغالية فضفضي براحتك بيتك واخواتك اختك حنيين |
دودي الحلوه..
والله الناس تكذب لاكثر من كذا عشان توصل لمبتغاها .. وطليقي هاذا كذب وطلع عني كلام ماهو موجود اصلا .. تسلمي ياقلبي على الرد روح الغالي .. والله اني مطنشته ولا هو على بالي ولا نسيت كل شي صار منهم .. وليه ماتفضفضي .. يلا نبغى نشوف فضفضه مين احسن :d .. (وانا متفائله لك خير عظيم وقرب الفرج ياقلبي) << والله الكلمتين هاذي بتفرحني وتخليني اطير من الفرحه اليوم الله يسعدك ياغاليه ويفرج همك ويرزقك ماتتمني lovepeaceangel.. اللهم امين .. وصح مابنى على باطل فهو باطل .. مدري كيف ماخاف من ربه .. انه بفشل مره ثانيه بزواجه .. مو كفايه الاولى وهو السبب .. مدري كيف يفكر .. ومشكوره والله يسعدك ويوفقك لما تحب وترضى .. أم ديومه.. الهم امين .. والله اني افرح لمن اقرا مثل هاذي الدعاوي :17: .. تسلمي ياقلبي حنيين1.. اللهم امين .. صحيح انه راح لحاله .. لكن سبحان الله الظالم وله يوم وبيجي .. مشكوره على الرد |
|
والله الغلط منهم ما سئلو عن الرجال عشان كذا ماعرفو انو متزوج او لا
|
القلب المجروح..
جزاك الله خير ام مزنه.. يمكن سألو بس ماسألو عنه اذا كان متزوج ولا لا .. افتكر زواجهم صار بسرعه يعني بشهر او شهرين بالكثير صارت خطوبه وملكه وزواج ..مشكوره حبيبتي على ردك |
| الساعة الآن 09:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
