|
ضائع بين فتاة الـــ 18 وفتاة الـــ 25 ...!!
كثيرا ما افكر بهذه الامر فانا انوي ان اطلب من امي ان تخطب لي فتاة ولكن متردد كثيرا فيما يخص السن
هل اخطب واتزوج فتاه بمثل عمري في 25 سنه ام ام فتاه عمرها 18-19 سنه ! فما يجذبني في بنت 25 انا ستكون عاقله ومتفهمه اكثر لامور الزواج وناضجه اكثر وهذه صفه يحبها كل رجل... ولكن في بنت 18 لديها عاطفه اقوى واكثر نشاطا وحساسه اكثر وانا احب هذا النوع .. اضافه لصغر سنها الذي قدرتها على انجاب اولاد اكثر وهذه ايضا صفه جميله جدا .....فما رايكم يااخواني ؟ هل تقييمي هذا صحيح ومانصيحتكم لي فمئات المرات افكربهذا الامر وانا محتار كثيرا ... |
أخي قاسيموف
بصراحه أنا أأيد إن الفرق يكون ما لا يقل عن 5 إلى 7 سنوات بين الزوجين يعني بالنسبه لوضعك أعتقد بنت 18 سنه بتكون مناسبه لك ولا تخاف من مسأله تحمل المسؤوليه إذا كانت واعيه وفاهمه وأهم من كذا إذا حبتك كزوج بتتحمل كل شي وبتحاول توفر لك كل سبل الراحه دعواتي لك بالتوفيق |
انظر لمميزات كل منهما إذا ..الدين ، الأخلاق ، العائلة
و إن كانتا متكافئتان من النواحي التي ذكرتها انظر للناحية الجمالية عندها تستطيع أن تحدد أيهما أفضل بغض النظر عن العمر و لا علاقة للنشاط و المرح بسنهما لأن كلتاهما شابتان أسعد الله يومك |
اقتباس:
|
اقتباس:
مشكوووووور على ردك على قدم وساق بس برضو العمر مهم اللي عمرها 18 بتشيب بعد 22 سنه واللي عمرها 25 بتشيب بعد 15 سنه فقط :d |
ليه مافيه ردود بنات ؟؟
اعتقد انهن اعرف بها الاشياء !! |
هلا اخوي
بالنسبة لي ارى ان تتزوج فتاة عمرها يقل عنك افضل وعلى الرغم انه لو وجدت فتاة بعمرك وذات خلق ودين ورغبت فيها فالعمر ليس بعائق ربي يوفقك ويكتب لك الخير |
أكيد وحده بمثل سنك ،راح تكون متفهمه اكثر ولاتسمع الا يقولك اخذ صغيره وربها مثل ما تبغي، صدقني المسؤوليه زواج وتحتاج للنضوج
اختك نايت |
حلو الواحد ياخذ أقل من سنه بكم سنة ...وبنات 18 و19 وكل الاعمار يا سلام عليهم ...انته ايش تبغى بالظبط ..صارح نفسك وتوكل على ربك,,,
ربي يوفقك |
خلي امك تشوفلك بنات كبار فوق العشرين وصغار تحت العشرين وتسال وتسفسر عنهم وتجيبلك الاخبار وانت تختار
بس انا افضل انك تتزوج بنت ال18 لاني انا تزوجت بذا العمر بس بيني وبينك ماكنت فاهمة الحياة الزوجية الحقيقية بالعقل كنت ماخذتها طلعات ونزلات ومطاعم يعني ماخذه السالفة وناسة :23: الحين صار عمري 20والحمد لله لدي طفل ومازلت افكر بهذه الطريقة لكن بعقل شويه |
ترا العمر مايفرق لان كلهم شابات .. لكن شباب عن شباب يفرق ..
شباب الاولى بطفوله شويه .. لكن الثانيه بعقل اكثر .. وماتدري يمكن العكس .. بصراحه من اللي اشوفه ان الواحد ياخذ اللي بعمره احسن .. يعني ياخذ وحده صغيره وفي فرق بينهم احسه بيتعب << وهذا بحكم اللي شوفته حولي .. بنات اليوم مو زي اول .. اليوم صارت البنت ماتعقل حتى لو طبت الــ 30 .. الا من رحم ربي .. ولا تقول تشيب ماتشيب .. ايش يعني الاولي بتشيب بعد 22 والثانيه بعد 15 سنه .. محد يضمن العمر .. بصراحه متعجبه من الرد ومن التفكير .. وعلى قولا ختي روح الغالي .. يعني الحين اللي عمرها 25 فرصتها قليله بالانجاب!!! !!!!!!!.. اجل كل اللي تزوجو بهاذي الاعمار صار عقيمين .. ناس توصل للــ45 وتكون اول خلفه لها .. الله يسخر لك الطيب |
:eek::eek:
بصراحه صدمتني صدمه دحين بنت 25 اقل فرصه في الانجاب :eek: الله يهديك بس شوف اخوي حدد الصفات اللي تتمناها وبعدين قول لأهلك ماابغا عمرها يقل عن 18 سنه ولا يزيد عن 25 سنه وهم راح يبحثون ويبحثون ويبحثون وراح تخطب وتخطب وتخطب وراح تصير شوفه وشوفه وشوفه واللي ربي كاتبه راح يصير غصبا عنك انت توكل على الله اعتقد المرحله العمريه بين 18 و25 لسيت بذاك الفرق الشديد يعني عمر مناسب فعلا ياما بنات اعمارهم صغيره ولكن عقولهم توزن جبال وياما العكس والتوفيق من رب العباد اهم شي صلي صلاة الاستخاره وتوكل على الله والله يرزقك الزوجه الصالحه اللي تسعدك وتصونك وتملي عينك وقلبك |
اخووي اسمح لي..
مو كل البناات مثل بعض احياانا بنت ال18 افهم من بنت ال25 واحياانا بنت 18 مو متهيئه للزواج واللي ببالها اشيااء ..((تااافهه)).. امك بتعرف تختاار الانسب... خل البنت عليها وعطها الموااصفاات وهي اذا لقتها بتقوولك كم عمرها.... الله يووفقك ان شااء الله ويسعدك وبشرنا اذا خطبت.... تحيااتي لك |
انا اقول
ليش تاخذ بنت ال18 وايد صغيرة وتفكيرها ع قدها وليش تاخذ بنت ال25 بعمرك؟؟ علميا المراة تهرم (تعيز) قبل الرجل خذ لك وحدة اصغر عنك بسنة سنتين ثلاث يعني 24 او 23 او 22 وانا اشوف بنت 22 و 23ا فضل لك فتجمع الانثين صغر سنها وعاطفتها وتفكيرها الحلو وبالتوفيييق |
السلام عليكم ..
هو فعلا كل ماكبر الشخص كان افهم واوعى واكثر نضج ولكن هناك ايضا من عمرهم في 18 وتفكيرهم احسن من ناس كبار تجاوزا ال 30 ... بس بعد الخبرة لها دور في صقل الشخصية وتركها اكثر ادراك واحساس بالمسؤلية .. وخصوصا بنت ال 18 للحين ماوصلت للنضج المناسب في المشاعر اللي يخليها تقدر تحدد مشاعرها .. طبعا في النهاية مانقدر نحكم او نعمم بعض القواعد اذ يختلف من شخص الى اخر حسب التربية ... بس في حالتك احسن الامور اوسطها ... لاتختارها تحت العشرين ولا في سنك يعني خلها بين 20 و23 احسن بحيث انها تكون على قدر من الوعي والنضج والاحساس بالمسؤلية .. وطبعا انت ماراح تختار الا بعد دراسة هالانسانه والتأكد من تناسبها معاك وانسجامكم مع بعض ... والله يوفقك ان شاء الله اختكم : اخصائية نفسية روح حالمة |
يا هلا ...
انا الفرق بيني و بين زوجي 11 سنه .. تزوجت و عمري 17 وعمر زوجي 28 .. و صار لنا تقريبا 23 سنه متزوجين و الحمد لله سمن على عسل .. فاهمته و فاهمني .. رباني و عودني على طبايعه .. وعايشين في تبات و نبات و مخلفين صبيان و بنات .. انصحك تتزوج اللي عمرها 18 سنه و هي مثل العجينه تشكلها على كيفك .. أختك أميرات .. |
^
^ بصراحه تفكير غريب اختي اميرات .. يعني البنت صارت عجينه ويشكلها على كيفه .. طيب يمكن يجي كيفه هاذا اللي تقولي عليه مو تمام .. والله مستغربه ومصدومه من بعض الردود |
ههههههههههههههههههههه تفكيرك من وجهة نظري غير منطقي بالمرهـ
لان بنت ال 18 او ال 25 ماتحكم عليها بعمرها احكم عليها بشخصيتها بااسلوبها بتفكيرها في بنات في 18 عقلها يوزن بلد ما شاءالله وبعضهم مطيورات وفي بنات في ال 25 تفكيرهم سطحي ومايعرفون وين الله حاطهم انا في رائي اهم صفة تدور عليها بعد الدين والاخلاق انها تكون غير عنيده لان العناد هو ساس البلاء واغلب اسباب الطلاق منه .. |
أعتقد قصدك بلنسبة للإنجاب للمستقبل
يعني ممكن 18 تجيب أولاد وبنات أكثر من أم 25 إذا أخذنا بعين الأعتبار الفترات إلي بين الأطفال قبل وصولها لسن اليأس والله العالم لاتحط في بالك هذي الفكرة تحياتي لك |
رأى
أنا رأى من رأى ((العام +vip-5sd ))
لا تحكم من السن فالاولى بك النظر لظروفها المعيشية . يجب أن تضع فى بالك ان الذرية رزق من الله لو قدر الله لك ان تكون أب فستكون و من الممكن ان تكون أنت السبب فى عدم الانجاب لا قدر الله . بالنسبة لمسئلة الشيب فهى تختلف من جسم الى اخر جدتى الى الان لم تشب الا شعرات بسيطة و لكن أمى قد شابت من مدة . و أحب أوجه سؤال الى الاخت اميرات ......مع احترامى لتجربة زواجك و لكن هل تنظرين لمجتمعنا على انه لم يتغير من 23 سنة ؟ و الله أستغرب فى عقلية أصحاب بعض الردود |
لنا فى رسول الله قدوه حسنه
الرسول تزوج خديجه وهى اكبر منه ب15 سنه هو كان عمره 25 سنه وهى اربعين ومع ذلك جميع ابناء الرسول منها الا واحد ولم يكن ينوى ان يتزوج بعد موتها ولكن امره الله بالزواج ايضا الرسول تزوج عائشه وهى اصغر منه بكثير ومع ذلك لم تنجب منه الرسول عليه السلام قال تنكح المراءه لاربع لجمالها ودينها وحسبها ومالها فاضفر بذات الدين تربت يداك وقبل كل شى التوفيق من الله والله يرزق المسلمين والمسلمات ويوفقهم لمايحب ويرضى |
احس انك تسأل وانت تبي ام 18
ليش السؤال اجل ؟ |
بنت 25 سنه افضل واحسن
لانه بتكون فاهمة الحياه اكثر وتقدر المسؤلية وتعرف كيف تتعامل مع الزوج .. هالكلام عن تجربه لاني اعرف ناس تزوجوا 20و22 ويتشكوون من معاملة زوجاتهم لهم لان لسى تفكيرها سطحي واخذين الزواج لعب وتسلية .. اما الانجاب فالي بالاربعين والثلاثين ينجبن فمابالك ب25 |
السلام عليكم
أخي إن كان هذا أسلوبك في التفكير فلما لا تتزوج ابنة 18 و تنهي المسألة ! الأعمار بيد الله هذا أولا ..و كبر الإنسان و بدء ملامح الشيخوخة أمر وراثي و ليس فقط مسألة اختلاف 7 سنوات هناك أشياء أهم من كونها مجرد أرقام عليك أن تنظر إلى إيجابيات هذه و هذه قبل الإختيار عندها لن تلوم أحدا غير نفسك إن اعتمدت على أعمارهن فقط ! |
والله حسب اولوياتك
لكن ملاحظة بنت 25 لاتفتقر للعاطفة او الرومانسية او النشاط او او او......... حسستني انو الينت عمرها 40 بالعكس راح تكون رومانسية وكل شي بس بنت 18 كمان حتكون رومانسية لكن حتكون لسة مراهقة وراح يختلط فيها تصرفات مراهقة وال25 حتكون انضج اما لا يوجد فرق في النشاط والرومانسية انت تتحدث عن سن ال25 بالعكس قمة الحب والرومانسية والنشاط انا متزوجةحديثا وعمري 24 والحمدلله قمة في النشاط والحيوية والرومانسية والعاطفة والحب والكلام هادا كلو اقول هذا لافهمك ان سن الفوق ال20 شباب وحيوية وبالنسبة لانو بنت 25 حتشيب بعد 15 سنة والاخرى بعد 22 !!!! مقارنة صراحة غريبة ولاهكذا يتم المقارنة بين البنات تعجبت جدا من مقارنتك هذا رايي وفقك الله واسعدك ولعلمك ان كانت زوجتك سعيدة معك لن تشيب ابدا وستكون اميرة وشابة ولن يظهر فيها او في وجهها سنين العمر فالسعادة الزوجية تؤثر جدا في شكل الانسان وخاصة المراة |
اذا كل الناس فكرت نفس تفكيركم ماحد بياخذ بنات ال25
وبصراحه هذا من اهم اسباب العنوسه الواحد عمره 28 و32 وياخذ بنت 18 وبنات ال24 - 25 جالسات واخرتها يطلق ام ال18 يقول ماارتحت معاها او ماتفاهمنا وتقولوا ليش نسب العنوسه والطلاق بمجتمعنا عاليه والواحد ما يفكر الا بنفسه الزواج مو بس دللع ومزح ولعب علشان نفضل الصغيره .. مع ان الكبيره مو ناقصه عنها بشي اكيد الزواج مشاركه ومسؤليه طول العمر مو يوم او يومين عموما اذا بتكسر الحيره هذي خذ وحده وسط 22 - 24 اتوقع منااااسب جدا تحياتي |
انا نصيحتي لك خدي لك وحده اصغر منك بكم سنه 3او4سنين احس افضل واحلى
من تاخدوحده قريب عمرها لك اوبعمررك والرآي الاخير لك وقناعتك باللي عطوك اياه من رآي وربي يوفقك ويسسعدك |
تجربة مريرة
أخي الكريم ...
أنا لسه خارج من تجربة مريرة انتهت بالطلاق بعد العقد وقبل الدخلة .... عمري 27 وعمرها كان 19 ... وبصراحة عانيت كثير من تفكير من هم في مثل هذا العمر ... وكان من أسباب الطلاق الرئيسية عدم النضوج الكافي للبنت وال خلاها تسيء التصرف في حاجات كثيرة وتسير بمركب الزوج إلى طريق الهلكة ... أنا في رأيي المناسبة لمن هم في مثل سنك من 22 - 24 ... وعلى العموم بالتوفيق يا أخي الكريم |
الوضع الثاني أفضل
بنت 18 أحسن تحياتي |
الله يوفقك ياخوي ويكتبلك الخير سواء مع 18 ولا 25
انا من رايي السن ما هو اساس الاختيار بس راح افترض انه قدامك ثنتين وحده 18 ووحده 25 وكلهم ماشاء الله على دين وخلق وقد المسؤولية.. راح اقولك خذ بنت 18 لانك راح تقدر تحتويها وهي راح تقدر تشوف فيك حنان الاب وحب الزوج وتفهم الاخ وراح تكون مساحتك في هالحياة اكبر بمعنى ما راح تشاغبك في حياتك وتحاول تمسك مقود الحياة وياك راح تحطك ربان هالسفينه لانها راح تشوفك الاكبر والافهم وهذا راح يسهل عليك كثير اشيا <<< بس لا تكون مستبد معاها بمعنى خذها وشاورها وعلم كيف تاخذ قرارها صح هذا رايي وبيني وبينك لو خيروووني ارجع خمس سنوات ورى واتزوج كان اخترت بس يله ربنا كتبلي اتزوج في 23 ولله الحمد بخصوص انه بنت 18 سنه حيويه وشباب وحماسه اكثر انا معااااااك... اصلا احسهم نفسيا حلوين ويسرين وما يعقدووون الامور الا بشوية دلعهم بس دلعهم عسل على القلب... وربي يوفقك بالمرأة الصالحه اللي تحبك وتعزك وتهنيك يا رب |
انا مستغربة من بعض تفكيرهم
يعني انا فوق ال26 ورومانسيتي تفوق واحدة عمرها 18..الرومانسية ليس بالسن..بل بالطبع..يوجد بنات رومانسيات ويوجد ينات غير رومانسيات |
أنا رأيي اللي تشوفها على خلق ودين منهم خذها
|
| الساعة الآن 03:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©