|
يا فرحه ما تمت
السلام عليكم ورحمة الله وبركاته
اشتفت كثير للمنتدى وتصدقون حذفته من عندي لاني ما ادخل غير القسم هذا وكنت كل ما ادخل اطلع وانا محمله بكل انواع الهم والتشائم مع ان فيه مواضيع مثل مواضيع اخونا الكبير تبعث الامل والسرور بس وش اقول في نفسي المتشائمه بعد طول انتظار بدون حتى خاطب واحد تقدم لي رجل بعد معاناه مع وسطاء الخير تقدم رجل اخلاق ومتدين جدا لا يترك فرض في المسجد لا يترك محاضره ما يحضرها رجل اخلاقه عاليه وكل الناس تشهد له من دخل الرجل هذا بيتنا ابوي نفذ كل الخطط الممكنه والغير الممكنه عشان يطفشه لكن الولد كان دينه يغلب اخلاقه وكان يحترمه ويقدره اول ما جاء ابوي يخبرني عنه ما قال جاك رجل ونعم الرجال جاء يركض ويقول الرجل ثوبه قصير ولحيته طويله كأن هذا عيب فيه او ينقصه لان وبكل بساطه يبغى زوج مثل زوج اختي لا يصلي!!! اما امي الحبيبه فهي تضحك شماته من دخل الرجل!! عانيت الامرين خلال 3 شهور ابوي استفذ كل الطرق في تطفيش الرجال ومعاي انا حدث ولا حرج كان يضغط علي ويخبرني بالفرقات الي بينا وهي انه متدين ووضعه عادي فهو موظف يستلم راتب معقول طلب مني ابوي اجهز نفسي مع ان لم نعقد ويبغاني اجهز كل اغراضي بمبلغ 2000 ريال!!! اعطاني هي اروح لسوق فيها كان يأخر وقت العقد بكل طريقه سئلته في يوم قلت احنى مصريين الخطبه 5 سنوات والزواج بعد 10 سنين!!! علشان كل هذا الوقت قال لي لالا لازم ما نندفع ونكون لنا هيبه!! يوم الشوفه الشريعه جاء الرجال واهله طلب رؤتي بناء على طلب ابوي ان يجي يشوفوني رفض!! وقاله تعال بكره جاء الرجال واثناء الشوفه الشريعيه وامام الرجال قالي هذا الرجل مو من جماعتنا ولا يقربلنا!! خجل هذا الرجال مثل خجل البنت بسبب كلام ابوي امي كانت مثل الي لا وجود لها لا سئلتني ولا استشرتها لان بكل بساطه مالها دخل اخواني نفس الشي كنت استشير ربي فقط واستخير كثير وكل مره ارتاح لان يكفي نور الايمان من وجه الرجل اول ما كلم الرجال اهلي بين لهم ان السكن في بيت اهله وبعد مده من الزمن وبعد الموافقه اهلي شافو البيت وقالو لا يليق بي!!! وكأني عايشه في قصر الان عشان يقولو لا يليق بي وفي النهايه وبكل بساطه ابوي افتعل مشكله مع اخواني وامدت المشكله الي ضرب باليد كل واحد الان وبعد هذا الوقت يبغى يفرض رايه وفي النهايه وقفو اخواني وقالو لا تتزوجي هذا الرجال ليش بتسكين في بيت اهله في غرفتين وحمام انتظري كم سنه ثانيه وش فيها صح وش فيها انقضى سن الشباب وانقضى كل شي لا زواج ولا ولد ولا دراسه ولا صديقه وحده بهالوقت الحمدلله اللهم اجرني في مصيبتي واخلفني خير منها ربما تدخل وحده ويحز في نفسها ان انا مريت بتجربت الخطبه وهي لم تخطب بعد بس اقولها عمرك ما بتحسين بضياع الي انا فيه اكره غرفتي لان تخليني وحيده افكر اكره كل شي |
وعليكم السلام ورحمة الله وبركاته
اهلن اختي الكريمه تحسبي الله واذكريه وان شاء الله خير اعرف انه امر يضيق بالخاطر ولكن توكلي على الله سبحانه وان شاء الله ربي بيرزقك برجل تغر به عينك ودين وان كان الثوب قصير فهذه سنه ... ولا ارا فيها شيء وبالعكس كما قال النبي صلى الله عليه وسلم :: اذا اتاكم من ترضونه دين وخلق زوجوه: ادعي الله ان ييسر امورك اخيتي |
الله يعينـــج غااليتي ؛؛
الله يررزقــج الزووج الصـــاالح وووايعينــج على أهلــج دعووواتي لج اللآن وفي صلالاتي وفي كل وووقت اتذكررج فيـــه ياا اختي الغااليـــــه اعتبرريني اختــج الصغيـــررةة *_* وسسسسمحيلي |
اسال الله العظيم رب العرش العظيم ان يفرج همك ويكشف غمك ويرزقك بالزوج الصالح عاجل غير اجل
وان يهدي اهلك ام يزيد وامل اسال الله ان يجمعني بهم في الجنه ويعوضني خيرا منهم |
يا أختي الا يوجد رجل عاقل في الاسرة مثل عم أو خال أو جد
يصلح ما فسد؟ |
اشكر جميع من ردو يا اخواني واخواتي وبارك الله فيكم ووفقكم
mtween للاسف عمي علاقتنا مقطوعه معاه والسبب امي وابوي خالي من جاء وخطبني الرجل يقول لامي من وين جبتو الرجال لان انا مو صغيره وهو مثله مثل اهلي لا فائده فيه |
لاحول ولا قوة إلا بالله
|
احس بضياع مو ضياع عشان الرجل لا والله احس بضياع في نفسي اقضي يومي كله بنوم عشان ما افكر تنصحوني بأيش
|
حبيبتي أم مزنة...
لا والله فاهمينك...وحاسين فيك بعد.. صدقيني أغلبنا جرب هالموقف وإن ااختلفت تفاصيله... وش رايك أنا يوم انخطبت أول مرة و في يوم الرؤية الشرعية صار الشي اللي محد توقعه.. تخيلي الكل ينطر هاليوم.. أنا تجهزت...ولبست...وترتبت... أمي جهزت كل شي لاستقبال الضيوف... خواتي ينادوني بالعروس... اخوي يقول سبقتيني وشكلك بتتزوجين قبلي... لكن.. في هاليوم اللي تحلم فيه كل بنت... ولا أحد حضر من أهل الخاطب ولا حتى أهله... تخيلي مايبوني و غيروا رايهم في يوم الرؤية... انصدمت... الكل انصدم... الكل يشوفني بعين الشفقة و انا متزينه و مستعدة... هاه وش رايك في الموقف؟! السالفة طويلة لكن حطيت لك منها الموقف اللي مستحيل انساه... يرفض أهلك وانت مالك دخل أهون بكثير من أن أحد يقول مانبيها ويحرجك جدام الكل.. موقف ثاني.. انخطبت مرة ثانية و صرت مثلك متمسكه فيه لالتزامه و إن كنت ما أصرح بهالشي... بس أهلي ما يبونه... سئلوني عن رايي ووافقت بعد الاستخارة و بعد ما اخوي سأل عنه إلا و تعرف عليه.. وصار يمدحه من كثر ماهو معجب باخلاقه... تخيلي وافقت و أبوي قال لاخوي دق على الخاطب و قول له مافي نصيب البنت مب موافقة.. قالوا اني مب موافقة مع اني وافقت... الحمدلله على كل حال... اختي صدقيني حاسة فيك و فاهمه شعورك... بس سبحان الله كله نصيب.. ولو كان ربي كاتب ان هذا نصيبك كان اخذتيه لو الدنيا كلها معارضة... أهلك مجرد أسباب و التدبير من رب العباد... وتذكري دايما.. " لو اجتمع الانس و الجن على ان ينفعوك بشيء لن ينفعوك إلا بشيء قد كتبه الله لك، ولو اجتمع الانس و الجن على ان يضروك بشيء لن يضروك إلا بشيء قد كتبه الله عليك...رفعت الأقلام و جفت الصحف" ،، ،، ربي يسعدك و يرزقك بالزوج الصالح المصلح اللي رب العالمين يرتضيه لك... |
هل أنت كبيرة ؟
هل سبق أن تزوجتي ؟ هل تخشين فوات القطار ؟ أرجو أن تجيبي على الأسئلة لأن سيساعدنا على إيجاد الحلول |
الله يفرجها عليك يا الغالية و يرزقك من حيث لا تحتسبين
ادعي ربي إن يسخر أهلك لك موفقة و ما قدامك إلا كل خير و فرح بإذن الله القادر على كل شيء |
السلام عليكم ورحمه الله وبركاته
قدر الله وما شآء فعل أسأل الله أن يعينك على ما أنتِ فيه وصدقينى يا أختى من منا لم تجبره الظروف على أشياء لالالالايطيقها ومن منا لم يقع فى فخ الأيام ومتاهاتها ولكن من كان عنده يقين بالله يصبر... ويصبر نفسه بأنه ما بعد العسر إلا اليسر وستفرج بّإذن الله توكلى على الله وأكثرى من مناجاته فى وقت الأسحار وأكثرى من الأستغفار وانتظرى الفرج وإن كان نصيبك فيك لكان تم ولكن إذا دعونا الله فيما نحب ووقع ما نكره فلا نخالف الله فيما أحب اصبرى وثقى بفرج الله القريب وأنا يسعدنى أكون صديقتك لو حابة ولو تبى نتواصل حتى بالتلفونات ما عندى مشكلة فاأنا من ليبيا ومصر غالية على قلبى جداااااا أسأل الله أن يفرج همك وأن يكفيك ما أهمك |
عفوا يمنع التوصل بالايميلات او ارقام الهواتف تبعا لقوانين المنتدى
|
أختي الكريمة
ياليت تردين علي !! هل اتخذت مواقف قوية مع أهلك!! أنتظر ردك. |
الله يعوضك بأفضل منه عاجلا غير اجال
والله يسعدك دنيا وأخرة |
الله يعوض عليك أختي وييسر رب العالمين أمورك .. |
الله يعوضك بزوج صالح يسعدك وتسعديه
|
الله يعينـــك غااليتي ؛؛
الله يررزقــك الزووج الصـــاالح وووايعينــك على أهلــك بس فيي كل وقت تذكري (فإن مع العسر يسرا ) (ان مع العسر يسرا ) (سيجعل الله بعد عسر يسرا) (من يتقي الله يجعل له مخرجا ويرزقه من حيث لا يحتسب) تمسكي بالله وحده وتفائلي بالخير تجديه وتوكلي على الله اجعليه وكيلك في امر زواجك وهو القادر ان يوفقك ويسعدك ويكتب لك ما فيه صلاح دينك ودنياك ربي يرزقك الزوج الصالح اللي يعينك على امر دينك ودنياك |
لا حول ولاقوة إلا بالله
أسأل الله العظيم أن يفرج همك وييسر زواجك ويهدي أهلك لاتحزني يا أختي أعلم أنه موقف صعب لكن ثقي بأن الذي لا يعجزه شيء قادر على ان يسخر لك أهلك ادعي لهم بالهداية وإذا جاء نصيبك صدقيني راح تتيسر جميع أمورك ولكن اصبري قليلا وسيأتي الفرج بإذن الله تعالى |
برد على عجاله على الاسئله وبعدين برجع
سحنون هل أنت كبيرة ؟ نعم كبيره هل سبق أن تزوجتي ؟ لا هذا اول خاطب يخطبني هل تخشين فوات القطار ؟ اظن انه فات شيهانه ما اتخذت اي موقف ولا اهلي اتخذو اهلي يعيشون يومهم بيومهم ما يهم تضرر احد او هلاك احد |
اقتباس:
ما أبغى أدخل في خصوصياتك عمرك مثلا لكن فيه جمعيات التوفيق تضعين معلوماتك عندهم والمواصفات التي تطلبينها وهم لما يجدون الكفء والمواصفات المطلوبة يخبرونك ويفقون بينك وبينه أنصحك أن تشوفي واحد من قرائبك يروح لمها أو تتصلي بالهاتف بهم والله يوفقك http://www.7m7.org/img101/s0a.p7m7mf...9w38110981.gif |
تفكر يا اخ سحنون ما حاولت او بذلت الاسباب عشان القى زوج صالح حاولت بكل الطرق المشروعه
كلمت من اثق فيهم خاطبات من الي يخافون ربهم جمعية كل شي لكن ما يجوني ابد خطاب وهذا اول شخص يجيني وكمان عن طريق وسطاء والله تحملت الكثير من الضغط والله ناس تقولي ليه مستعجله وناس تقولي كلمي بكره كلمي بعدين والي تضحك علي خلها على ربك وانا لي سنين احاول لا تفكر يوم او شهر فرحة كثير بتعاطفكم معاي واتمنى منكم ما تنسوني من دعائكم ام الحور قصتك عورت قلبي لكن وش نسوي هذا نصيبنا |
حبيبتى ............. ام مزنة عسى ان تكرهوو شىء وهو خير لكم صدقينى قبل كل شى اللة مو قاسملك انتك تاخذينة لالا تحسفين صدقينى يمكن فية شى الرجال واللة ابعدة عنك ما اوصيك الا بدعاء وكثر الاستغفار واللة يرزقج باحسن منة ... قلبى معك
|
واللة رااااااااح ادعيلك
عادل الى يسمعنى يقوول اسكت دعاتها مستجابة |
اسال الله العظيم رب العرش العظيم ان يفرج همك ويكشف غمك ويرزقك بالزوج الصالح عاجل غير اجل
وان يهدي اهلك |
بقولك كلمتين حبيبتي يمكن تخفف عنك .. وانا كمان حاطتها ببالي
( لو جاكي نصيبك اللي كاتبه ربك محد بيقدر يعيق طريقك لا ابو ولا اخو ولا انتي نفسك .. ولو مافي نصيب ربي مايسهل الامر ) تقدم لي رجل طيب لكن ابويا ماوافق بسبب اسباب تافهه جدا حنى ماشاف الرجال وحكم عليه .. حتى وقتها زعلت وامي زعلت .. مع ان فرصي بالزواج قليله .. ورفضه وانقهرت .. لكن امي صبرتي بكلمتين لو فيه نصيب محد بيوقف بطريقك .. وتقدم لي عريس ثاني اللي هو الاخير اللي كتبت عنه .. وكان كل شي مسهل وميسر .. لكن صلى ابوي ا الاستخاره وحس انه مو مرتاح وهاذا بعد شهرين خطوبه وخلاص كنا بعد كم يوم بنملك .. لكن سبحان الله برضو بسبب ابويا ماحصل نصيب ورفضه واجبرني بالبدايه بالرفض .. لكن بعد التفكير حسيت انه ماينفع لي.. لكن ممكن اني اعيش معاه بقليل من السعاده .. << وهاذا حاز بنفسي الى الآن .. لكن ايضا ربي مو كاتب لي نصيب معاه .. يعني لادخل ابوكي او احد بتعسير زواجك .. لان الله لو كاتب فيه نصيب لكي بتاخذيه غصب عن الكل .. ان شاءالله اكون خففت عنك ولو شي بسيط .. ولاتخافي حبيبتي نصيبك ان شاءالله بيجيكي .. بس كثري من الدعاء باوااقات الاجابه .. ولاتنسينا من دعواتك |
دخلي مشائخ أو مصلحين اجتماعيين في موضوعك
|
الله يفرج همك وينفس كربك ويرزقك بالزوج الصالح
|
اقتباس:
ويارب يرزقك غيرة قريييييييييييييييييييب وتفرحي بيه يارب |
اسأل الله العظيم رب العرش العظيم ان يفرج همك وسعدك ويرزقكك الزوج الصالح الذى تقر بة عينيك عاجل غير اجل
امين يا رب العالمين |
الله يكون بعونك ابنت عمي خطبها مؤذن
رفضه عمي لآنه بكل بساطه مؤذن راح يكون مشغول دائما مع المسجد (الحمدلله على نعمة العقل) لااصدق ان في ناس مسلمين ويسون كذا اللهم ياحنان يامنان ياذا الجلال والاكرام ارزق اختي ام مزنه زوجا يسعدها يارررررررررررررررررررررررررررررررررب |
السلام عليكم ورحمة الله وبركاته
أختي الكريمة ام مزنه بصراحه السبب في تأخير زواجك هم اهلك وانصحك ببكثرة الدعاء ان يهديهم الله وكنت اتمنى عندما احترتي في الموضوع استشرتي اخوانك واخواتك في المنتدى فهم نعم الأخوان والأخوات الله يسعدك ويوفقك للخير دائما |
العام نعم معاك حق امكن ربي ما كتبه لنا لكن الى متى بيكونون اهلنا هم سبب تعاستنا يروح العمر واحنى ننتظر
اشكر كل اخواني واخواتي الي دعو لي وربي يوفقكم ولكم بمثل ما دعتو لي تيماء اهلي مثل عمك على ما اظن لا يزوجون المتدين اظن اهلي يدورن انسان بلا اخلاق ولا دين اخوي صاحب الراي قدر الله وما شاء فعل اللهم اجرني في مصيبتي واجرني خير منها اليوم اول يوم اطلع فيها لسوق من فترة ما تمت الخطوبه والله كنت انظر للاشياء واقول جيت هنا وقلت وقت ما اخذ المهر بشتري هذا وبجيب هذا اللهم لك الحمد |
ام مزنة بغض النظر عن موقف اهلك
حطي في بالك نقطة مهمة ان ربي ماكتب يكون هذا زوجك يعني حتى لو تملكتي عليه دامه ماهو مكتوب تعيشين معه ماراح تعيشين معه قولي الحمدالله انفتح الباب والحلم اصبح حقيقة وانخطبتي صح؟ هالمرة ماضبطت ان شاءالله المرة الثانية تضبط يام مزنة يالغالية كم واحد جا بيتنا وكم واحد خطب وكم واحد شاف وكم واحد كلم اهلي وخطبني وعلى كثرتهم سبحان الله ربي ماكتب يكون واحد منهم نصيبي مع العلم ان مواضيع كثيرة تطورت وقربت لحد الملكة لكن لأنها مو مكتوبة لي ماتمت الين جا زوجي هذا سبحان الله00وتزوجنا يعني المكتوب بتشوفينه بتشوفينه انت كلمي اهلك بالأسلوب اللين او دخلي احد جيران او اقارب ادعي كثير وتصدقي وانت تتصدقين ادعي بوقتها قولي يارب ارحمني وارحم حالي يارب ارزقني الزوج الصالح اللي يخافك وبصلاتك سكري باب غرفتك بوقت سجودك طولي بالسجود وادعي بخضوع ادعي بصوت كل اللي في قلبك قوووووللللللللليه اشكي لربك اللي عارف حالك صلي الليل وارفعي يديك وادعي ادعي من قلب بخشوع بخضوع وابكي جو هدوء وظلمة وكلام بينك وبين ربك يااااااااااه مأأروعه يكفي انك تلجأين لربك بهذا بحد ذاته عبادة واجر 00 صدقيني بعد ماتخلصين تحسين براحة والله اذا قربتي لربك وارضيتيه ان شاءالله بيرضيك00 احرصي على قراءة سورة البقرة يوميا الله يوفقك ويسعد قلبك ويرزقك الزوج الصالح عاجلا غير اجل |
الله يعوض عليك يااختي
ويرزقنا أجمعين بالأزواج الصالحين |
اختي ام مزنه
وانا ادعي لج كان يجيني احساس انه فيه امر تصدقين اولا اللهم له الحمد تعرفين ليش علىالأقل اخيرا في تقدم خاطب عشان تنسين الحزن صدقيني تذكري انه ما فيك عيب انه هناك من طرق بابك ان الله يبي لك الأفضل ان الله يحبك عشان كذا اختبرك بعدم اتمام الأمر انتي الحين في اختبار لا ترسبي في الأختبار عشان تنجحين بزوج محب صالح طيب شاقولج اختي احس فيج ولو زين بيدي الحل الله يعلك شنهو بداخل قلبي من الم وقهر وصرت مهزوزه احس بعدم انوثتي لن لم يتقدم لي احد وانا مو صغيره الله يرزقني واياك اختي انصحج من كل قلبي تتصدقين ولو بالقليل اقري يس بعد الفجر كل يوم والمعوذات ادعي الله ان يسخر لكي اهلك ادعي كل يوم وادعي ياكريم يارزاق زوجني يارب زوجنا يارب ارزقنا يارب لاتحرمني من نعمه الزواج يارب |
اقرأي معي
: { وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ } [ الذاريات: 22-23 ] . ( قل اللهم مالك الملك تؤتي ملك الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير تولج الليل في النهار وتولج النهار في الليل وتخرج الحي من الميت وتخرج الميت الحي وترزق من تشاء بغير حساب ) [ آل عمران :26 -27 ]. ( أمن هذا الذي يرزقكم إن أمسك رزقه )[الملك : 21] " وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ (سورة هود ، آية 6). " اللَّهُ الَّذِي خَلَقَكُمْ ثُمَّ رَزَقَكُمْ "(سورة الروم، آية 40) "... هَلْ مِنْ خَالِقٍ غَيْرُ اللَّهِ يَرْزُقُكُم...(سورة فاطر، آية 3). يقول الله تبارك وتعالى في الحديث القدسي" خلقت السماوات والأرض ولم أعيَّ بخلقهن، أفيُعيني رغيف أسوقه الى عبدي؟ عبدي.. لي عليك فريضة ولك علي رزق فإن خالفتني في فريضتي لم أخالفك في رزقك..". ------ الله!!! الله عنده مفاتيح الرزق جميعها. شوفي اختي هالكلام اكتبته اخت عزيزه لا اريد ان ارحمها الأجر حطي في بالك رزقك ما حد يقدر يمنعه الا الله وانا مره قريت عشان الدعوه تستجاب لازم الوالدين يكونون راضيين فحاولي تكسبينهم وفي مليون ريال ومدام جي خاطب انحلت العقده يعني في احد ثاني بالطريق باذنالله قولي يارب اييني خاطب |
يا حبيبتي يا ام مزنه
الله يرزقك بمزنه و غيث يا رب اقول يعني لو تشكين امرك لشيخ او احد يقدر يسوي لك شي لان ابوك معضل و هذا ما اله دوا الله يرفع عنك ويسهل امورك يارب |
جريدة الرياض اليومية
الأثنين 23رجب 1428هـ - 6أغسطس 2007م - العدد 14287 -------------------------------------------------------------------------------- القاضي نقل الولاية لمحكمة الضمان والأنكحة لتتولى تزويج الفتاة إلى الشاب المحكمة العامة بالرياض تخلع "الولاية" عن أحد الآباء لامتناعه تزويج ابنته لشاب ترغب فيه متابعة علي الشثري أصدرت المحكمة العامة بالرياض حكماً شرعياً يقضي بخلع الولاية من أحد الآباء لامتناعه عن الموافقة على تزويج ابنته لأحد الشباب الراغبين في الزواج منها والذي وافقت هي على الزواج به ونقلت المحكمة الولاية إلى الحاكم الشرعي في هذه البلاد ويمثله القاضي المختص في المحكمة الجزئية للضمان والأنكحة ليتولى نكاح الفتاة على الشاب الراغب في الزواج منها. وكانت الفتاة قد أوكلت أحد أقاربها الذي بدوره أوكل مكتب المحامي للقيام بالترافع أمام القاضي في المحكمة العامة حيث أكد المكتب في دعواها ان الشاب تقدم خاطباً للفتاة من والدها وهو رجل مرضٍ في خُلقه ودينه ويُشهد له بالصلاح وهو مكافئ للفتاة في الدين والنسب وبينهما قرابة والفتاة ترغب في نكاح هذا الرجل إلا ان والدها المدعى عليه امتنع من الموافقة واجراء العقد لها عليه وعضلها دون مبرر شرعي وخشية فوات الكفء. وطلب مكتب المحاماة الوكيل عن الفتاة الحكم بإثبات عضل المدعى عليه ونقل الولاية منه إلى المحكمة المختصة لاجراء عقد النكاح. وقد ادعى والد الفتاة في رفضه لقبول تزويج ابنته لهذا الرجل ان بينه وبين أهل الزوج عداوات ومحاكمات منذ عشر سنوات وبعضهما لا يأتي البعض الآخر. وقام القاضي باحضار عدد من الشهود للسؤال عن الرجل المتقدم للزواج من الفتاة وشهدوا بعدالة الرجل وليس عليه مخالفات شرعية تقدح فيه. وقد أصدر القاضي حكماً شرعياً ضمنه الصك الصادر في القضية قال فيه: "بتأمل ما سبق من الدعوى والإجابة وبما ان المدعى عليه (الأب) امتنع عن تزويج ابنته المدعية من الراغب فيها الشاب الذي تقدم لها بسبب أن بينهم مشاكل وبما ان الصكوك التي أشار إليها المدعى عليها من حصول المشاكل لا تتعلق بالراغب في النكاح، وحيث ثبت لدينا عدالة الراغب بشهادة شاهدين معدلين التعديل الشرعي ان الخاطب مكافئ للمدعية وبما ان المصلحة ظاهرة في تزويج المدعية من الراغب فيها لأن السن تتقدم بها ويقل الراغبون فيها من الرجال ولأن في بقاء المرأة بدون زوج فتنة لها لا سيما في وقتنا الحاضر". وأضاف القاضي قائلاً في حكمه: ومن القواعد المقررة شرعاً لدى الفقهاء قاعدة سد الذرائع ولما نص عليه ابن قدامة رحمه الله في كتاب المغني 384/9من قوله "فإن رغبت في كفء وأراد تزويجها لغير من أكفائها وامتنع عن تزويجها من الذي أرادته كان عاضلاً لها" أ. ه، واستناداً إلى قوله تعالى: (فلا تعضلوهن) وإلى قوله عليه الصلاة والسلام "لم ير للمتحابين مثل الزواج" رواه ابن ماجة والحاكم وصححه السيوطي واستناداً إلى ما قرره الفقهاء رحمهم الله من انه إذا عضل الولي الأقرب فتنتقل إلى السلطان وفي رواية عند الإمام أحمد وهي اختيار أبي بكر ذكر ذلك عن عثمان بن عفان وشريح وبه قال الشافعي لقول النبي صلى الله عليه وسلم "فإن استجرؤوا فالسلطان ولي من لا ولي له" ولأن ذلك حق عليه امتنع من أدائه وقام الحاكم مقامه. وأردف القاضي ولجميع ما تقدم فقد ثبت لديّ عضل المدعى عليه "الأب" لابنته المدعية وانتقال الولاية إلى الحاكم الشرعي في هذه البلاد ويمثله القاضي المختص في المحكمة الجزئية للضمان والأنكحة ليتولى نكاح المدعية من الراغب المذكور. يمنع وضع روابط خارجية تعجبني هالبنت محد بينفعها ان أصبحت عانس كل عمرها |
والله العظيم ادخل المنتدى اقراء كلامك واطلع حتى مو قادره اكتب حرف ولا ارد
نايت يعلم الله انك اختي لي في الله واتمنى لك الخير اخواتي الي ردو واخواني فرحت بردودكم واعذروني مو على عادتي اشكر فرد فرد ولكن لضيق النفس الي انا فيه ادعولي |
| الساعة الآن 01:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©