|
قلبي متعلق بيه!!
السلام عليكم اخواتي:)
بصراحه انا عضوه جديده بالمنتدى من فتره اشتركت فيه لكن بس كنت اقرأ مواضيعكم .. وبصراحه لفتني جداا وعجبني حبكم لبعض واهتمامكم بمشاكل بعض .. عشان كدا مااترددت اكتبلكم مشكلتي عشان متأكدة انكم راح تساعدوني .. انا زي اي بنت في المنتدى اتمنى ربنا يرزقني بزوج وكنت ادعو ربنا ليل ونهار انو يرزقني .. وفي يوم من الايام احسيت انو ربنا استجاب لي وتقدمو ناس وخطبوني وكنت حأطير من الفرحه ومني مصدقه مع اني كنت مترددة شويه بس صليت الاستخاره مرره كتير وبصراحه بعد ماشفت العريس ارتحت وقبل ماشوفه شفت امو بصراحه مره كانت طيبه وعسل وحسيتها مرره حبتني هدا ريحني اكتر .. المهم وبعدها بكم يوم صارت قراية الفاتحه وانا من قبلها متفقه مع اهلي اني مابغا اعمل ملكة غير من بعد شهر من قراية الفاتحه عشان ابغا اكلم الولد واعرف شخصيتو وتفكيرو قبل الملكة وهما وافقوني على دا الشي .. وبعدها اتكلمنا لمدة شهر وبصراحه مرره ارتحتله اكتر وعجبتني شخصيتو تفكيرو وبصراحة بدأ اتعلقت بيه وبدأت احبو وهو كمان كان يقولي نفس الشي انو بيبادلني نفس الشعور والي خلاني ارتاح معاه اكتر انو امو مره طيبه ومره حبتني .. وبعد شهر ونص طلبو مني اهلي انو لازم خلاص نعمل الملكة .. فكلمتو وقلتلو اهلي خلاص يبغونا نعمل الملكة حسيتو بدأ يتهرب ويتعذر بأي شي .. لمن لقيت الموضوع كدا كلمت اخويا وخليتو يكلمو ولما كلمو قالو بصراحه انا ماعندي فلوس دحين استنو عليا على الاقل اسبوعين وادبر الفلوس ونعمل الملكه .. وجا قلي انا نفس الشي انا بصراحه ماقلت شي وقلت اوكي نستنا ماعندي مانع لانو بصراحه كنت متعلقه بيه .. وبعد كدا خلاص انا مستنية على بالي هوا بيدبر موضوع الفلوس .. بعدها بكم يوم جا قلي بصراحه انا محا اقدر اعمل الملكة قلتلو ليش ؟؟ قالي العمل الزموني اني لازم اسافر 7 شهور برا البلد ومحا اقدر اعمل الملكة دحين وفي نفس الوقت محا اقدر اعلقك معايا بس خطوبه لحد دا كلو انتي بنت وحرام اعلقك معايا لازم ننهي كل شي.. بصراحه انا ماكنت رافضه اني استناه ال 7 شهور بس مجرد خطوبه لانو والله اتعلقت فيه وماتخيلت انو حيجي يوم والموضوع محا يسير ..لكن المشكله لما جا وكلم ابويا.. ابويا رفض قالو لأ محا ينفع تتعلقو كدا ..انت سافر ودبر نفسك ولمن ترجع اذا فيه نصيب تعال اتقدم تاني وربنا يكتب الي فيه الخير.. وهوا وافق :( بس المشكله مو هنا المشكله انا اتعلقت بيه مررره والله .. ومره نفسيتي تعبانه انو بعدنا وحسيت انو الحلم الي من زمان مستنيتو انو ربنا يرزقني بعريس كويس وامو تكون كويسه كدا راح بسهوله .. والمشكله انو هوا يبغاني اكلمو من ورا اهلي ويقولي انو الي بيننا ما انتهى بس متوقف ليش ماتكلمني ومحسسني اني انا بعته وماابغا اكلمو .. لكن لمن سألت اخواتي واخويا قالي لا طبعا خلاص ماينفع تكلميه ... والله انا مره نفسيتي تعبانه انا مره متعلقه بيه وطول الوقت افكر فيه .. قولولي اش الحل ؟؟ انا بعض الاحيان احس انو هوا باعني بسهوله ..وهل غلط اني انا كلمتو من قراية الفاتحه؟؟وبنفع اكلمو واستمر معاه من وراه اهلي ولا لا؟؟واذا جا اتقدم تاني اوافق عليه ولا ماينفع؟؟ الله يخليكم لا تهملوي موضوعي ابغا أرائكم |
تم نقله لكي يتسنى التفاعل المناسب
|
انا انصحك ان تتركيه مثل ماتركه هو بسهوله
والعمل عارضين عليه يسافر بره 7 شهور هذا مو عذر وهو ادا فعلا يبيك بيجيك حتى اخر المطاف وادا فيه نصيب بينكم بجيك غصبا عنك وعنه ونصيحتي ان تتركيه وتنسي الموضوع وهذا الغلط الفادح الى تمارسه الناس قبل العقد وبعدين مايكون في نصيب البنت تروح فيها |
صار لي فترة غايبة عن المنتدى .. وحشتوني جميعا
عزيزتي .. ليه ما صارحتيه وقلتي له انك مستعده بعد عمل الملكة تنتظريه لغايه ما يرجع وان 7 شهور مو كثير طويله .. كان لازم تستفسرين منه هاي حياتكم فمن كامل حقك تقولين له اللي بقلبك .. على العموم صار اللي صار .. وثقي بانها نتيجة الإستخاره .. احسن من انه تتم الملكه وبعدين تطلع نواياه غير جيدة .. طبعا لازم توقفي تتكلمي معاه .. واذا يبغاك بعد ما تخلص بعثة العمل حقته .. يحلها الف حلال .. ولا تنسي الإستخاره مره ثانية .. لا تتحسفين على شىء انتي مستخيره فيه الله .. وطمنينا على اخبارك |
مرحبا..
اقتباس:
عزيزتي .. الأمر لا يحتاج لكثير من الحزن والتفكير منكِ .. فالرجل عندما يرغب صادقاً في الارتباط لا يتحدث هكذا حتى وإن كانت ظروفه الحالية تمنعه فعلاً من عقد القران .. أما حركات الأفلام هذه فأنا شخصياً لا أستسيغها ولا أثق فيمن يفعل ويقول هذا الكلام. اقتباس:
ألم يقل لكِ سابقاً إنه لن يستطيع عقد القران وحرام يعلقك معه بالخطوبة فقط؟!!!!!! والكلام من دون علم أهلكِ ليس تعليقاً؟؟؟؟؟؟؟؟؟؟ يعني عيب يعلقكِ بالخطوبة بعلم أهلكِ .. لكن ليس عيباً أن يعلقكِ بدون خطوبة بدون علم أحد؟!!!!!!!!!!! عزيزتي.. حلم كل فتاة أن تنال زوجاً صالحاً تسعد معه وتبني معه مستقبلها .. وهذا حقكِ دون شك.. ولكن ليس كل رجل يستحق أن يكون زوجاً ... ورأيي أن هذا الرجل لا يستحق. وأخيراً .. أنتِ صليتِ استخارة وحدث ما حدث .. وهذا في ظني جواب استخارتكِ فلا تبتئسي وارضي بقضاء الله. لكِ التحية |
ما أدري شأقول لج يا اختي بس والله حاسه فيج..انتي و انا عايشين نفس الحالة بس يمكن قصتي أطول..
كان في طالب معاي من دوله ثانية ، معجب فيني وصارحني (والصراحة كنت انا بعد معجبة فيه بس مستحيل يعرف) لما صارحني طلبت منه ينتظرني 6 شهور عشان ظروف اهلي لأنه كنا بعدنا نبني البيت و ما كانت مارة فترة طويلة من فسخ خطوبتي من ولد عمي ، وابوي كان شوي زعلان على الموضوع. المهم مرة فترة ال6 شهور و ماكان بينا شي غير الوعد لأننا الاثنين ملتزمين...ولما انتقلنا و اتسكر موضوع ولد عمي نهائيا، كلم امه و هيه فتحت الموضوع مع امي بالتلفون مبدئيا عشان تحدد موعد ويجون يخطبون رسمي.. في البداية وافق ابوي و لكن بعد فترة قال نفس كلام ابوج... لأنه طالب قال له : انت (كمل دراستك) ودبر نفسك ولمن تخلص اذا فيه نصيب تعال اتقدم تاني وربنا يكتب الي فيه الخير.. وهوا وافق لأنه اهله قالوا انه ابوي ما راح يوافق قبل ما يكمل وحتى لوكانت خطوبه بس... الحين أنا عايشه مثلج بس المشكلة انها مب 7 شهور بس ولكن اكثر عن سنه... الله يكون في عونج..انا كل اللي اهلي وغير اهلي ينصحوني بيه هوه الصبر...لكن انا حاسه اني راح اطفش لأنه الموضوع من بدايته ماخذ سنة للحين..وبعد باقي سنة على الأقل.. إنتي يا أختي أنصحيني... |
يا أختي صدقيني هذي خيره لكي انكي عرفتية على حقيقته قبل الزواج
قولي الحمد لله على كل شي ونصيبك راح يجيك ان شاء الله |
قولي الحمد لله على كل شي
ونصيبك راح يجيك ان شاء الله |
اقتباس:
صدقت و الله الاخت و تصرفه هذا يدل على انه عايز يتسلى بيكى فهل تقبلى هذا لنفسك مهما كان حبك له او حتى لو كان اخر رجل فى الدنيا... و كلام ابوكى له هو عيييييييين العقل ... يجهز نفسه بعيدا عنكى و بعدين يبقى يتفضل |
اتركيه ولكن؟؟؟؟
إذا رجع وكلم وكان معاه الفلوس كامله على طول إعملي الملكة ومشي الأمور بس لا تكلميه من ورا أهلك حراااام ولا يجوز بدون عقد أصلاً إنك تكلمينه معلييييس بس لو كل واحد يكلم الوحده بعد الشوفه وقرآءة الفاتحه كان الدنيا تعباااااااااااانه نصيحتي لكي لا تعطينه وجه لأنو بعد كذا بيفكر إنك حتى أهلك منتي مخلصه لهم وإذا كلمك تقولين له إذا كنت فعلاً تبغاني أنا أنتظرك بس لازم بعد الملكه وإحسمي الأمر تحياتي لكي |
اختي الفاضله ربي يسعدج ويوفقج
بس انا اللي اشوفه انج تحطين كذا خط احمر تحت موضوع انه من البدايه تهرب من الملكه والحفله بعدها جاء موضوع السبع شهور وقالج انه ما يقدر يعلقك كل هالمده ورايي الوالد كان صحيح ميه بالميه واللي اشوفه انج لا تحطين امال كبيره على هذا الشخص وتحاولين ترضين شو ما كان الوضع بعد 7 شهور سواء انه رجع تقدم ولا نسى الموضوع بس انتي عليك بالدعاء انه ربك اييسر لك الامور وماراح يصير الا اللي فيه خير لك ان شاء الله |
والله حاسه فيك بس أكثر منك 4سنين وانا مخطوبه بس ربي يفرجها عليا وعليكي
|
اختي الغاليه
من قلب مليء بالجراح والقهر اتركيييه لا تغضبي ربك لا تهدمي كرامتك انه بدايه لعبه خطيره سيكون هو الفائز وانتي الخاسره اللي يخون الله واهلك ما منه خيير ادعي الله بان يعطيك الحلال ادعيه دائما غيري الهاتف اشغلي نفسك ما فائده كلام دون رابطه ساميه بالنور وحفله تعلنين فيها دخولك قفص الحب تعوذي من الشيطان واتركيه ولو كان صعب |
اتركيه فورا...
واسمعي كلام اهلج. والله يعوضج خير،، لا ترخصين بنفسج أختي.(كوني بالنسبه له صعبه المنال) وإذا كان يبيج يدخل من الباب. |
طيب ليش جا خطبك من الاساس اذا ماكان جاهز ولا معه فلوس؟؟؟
من جد عييييب انتي بنت ناس وعايله وهو جا لاهلك من الباب عيب يقول لك كلميني من وراهم كنتي رديتي عليه وقلتي له تبغى بنت تتسلى وتنبسط معاها روح دورها بمكان ثاني انا بنت ناس ولا ارضى لنفسي هالشي ... ووقت ماتكون جاهز تجي بيتنا ويكون كل شي بالنور وانتي خلاص طلعيه من مخك.. ان جا حياه الله .. ماجا ربي يعوضك بالافضل منه تحياتي |
حبيبتي..اعانك الله..احس بشعورك ولو كنت مكانك سأحزن مثلك
لكن حبيبتي احس انه ليس جاد..فقط يريد ان يكلم فتاة ولكنه مو قد المسؤؤلية قولي له اذا هو فعلا يريدك يخطبك مرة اخرى وقبلها لا يوجد اي مكالمات دامك لست خطيبته وكان ممكن انه يعقد عليكي قبل ان يسافر..وال 7 شهور ليست فترة طويلة بالعكس بعض الناس حتى يخطبون من دون عقد فترة اطول من هذا بل تستمر الى سنين..كان ممكن ان يفعل هذا ولكنه اختار ان يفك الخطوبة وانا مستغربة من تفكيره اخبريه لو هو فعلا شاريك سيفعل أي طريقة بأن ياتي ويعقد القران حتى لو جاء في يوم استراحته ويعقد عليكي الله ييسر امورك كلها |
السلام عليكم اختي الفاضله alod انصحك بالابتعاد عن هذا الشخص وما تكلميه من وراء اهلك لانني شعرت من خلال كلامك ان هذا الشخص غير جاد ويتهرب من المسؤوليه وما يستاهلك وشعرت انه يريد التهرب باي شكل من الاشكال حتى انت لا تتفاجئي غدا انه لم يسافر من الاصل حتى ، لذلك احتسبي هذا الموضوع عند الله وان شاء الله ربنا يعوضك خير ، املئي وقتك بالاستغفار وسوف تنسين هذا الرجل باذن الله تعالى اتمنى لك التوفيق والسعاده ان شاء الله |
اختي توكلي على الله و دعي امرج لربج
لو فيه خير لج و له بيرجع مرة ثانية و خلي رضا الله هو اهم شي سبحان الله ما تعرفين الظروف الله يكتب لكم الخير جميعا |
أتركيه
انا انصحك ان تتركيه مثل ماتركه هو بسهوله
والعمل عارضين عليه يسافر بره 7 شهور هذا مو عذر وهو ادا فعلا يبيك بيجيك حتى اخر المطاف وادا فيه نصيب بينكم بجيك غصبا عنك وعنه ونصيحتي ان تتركيه وتنسي الموضوع وهذا الغلط الفادح الى تمارسه الناس قبل العقد وبعدين مايكون في نصيب البنت تروح فيها0 أتركيه هذا مايبيك ربي يعوضك خير منه ، ربما أنه شاف فيك عيوب كجرأتك معه وحاول أن ينسحب باللتي هي أحسن وهو لايريد أن يزعلك لذلك بدأ يتحجج بهذه الحجج لذلك اتركيه وربي يعوضك خير منه |
والله يااختي مدري وش اقوول
لكن راح اقول كلمة سمعتها من احد المشايخ المراة تنجرف وراء اي رجل يعني سواء كان صالح اوطالح وفي راي ان هذا الانسان لو فيه نصيب بيرجع وصدقيني هذي نتيجة الاستخارة ولكن لاتكلميه من وراء اهلك لانه حرام كمان فيه خيانه للام والأب وادعي الله بالزوج الصالح فالدنيا لم تتوقف عنده وصدقني تحمدين عقباها |
بصراحه مشكووورين كلكم على أرائكم الحلوه .. والله اني ارتحت كتير لمن شفت كلامكم.. ربنا يريح قلوبكم ان شا الله ويفرج عليا وعليكم يااارب..
بس ماجاوبتوني هل اني اكلمو في قرايه الفاتحه هدا غلط؟؟ وممكن هدا يكون سبب من الاسباب الي خلتو يعمل كدا؟؟ |
نعم اختي الكريمه
هذا ما تركه يعمل كذا يتهرب وبعدين يخليك تتعلقين به اكثر وانتو ماكتبتو الكتاب" عقد القران" انا انصحك ادا عقتو قران "كيبتو الكتاب" كلميه على راحتك بس ادا ما كتبتو الكتاب هذا حرام الانه يحرم عليك |
| الساعة الآن 04:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©