|
أكتشفت إني للآن حافظة رقمه !!!
أتذكره بزيادة هاليومين ..ببزياااااااااااااااااااادة ..
أنام أحلم فيه ..أصحى أفكر فيه .. أتذكر كلامه ..سوالفه ..يوم شافني ..يوم الملجة ..أول مكالمة ,,,أخر مكالمة,, أخر يوم شفته ...خطوته وهو طالع من بيتنا ... كل شي .. مايغيب عن بالي أبد طلقني بعد ملجة 3 شهور .. هو اللي اختار الفراق قال إنه مريض ومعيون .. أنا ماصدقت .. بس اللي حوالي صدقوا .. لما يجي طاريه ..-ونادر ماتصير- ..يقولون ..مسكين يكسر الخاطر .. والله انا اللي مسكينة .. بكل بساطة أنهى الموضوع لما ملج علي .. حسسني أني كل حياته .. سمعني كلام ..ماسمعت مثله في حياتي .. كان يكلمني 24 ساعة في الـ24 ساعه حطني في أدق تفاصيل حياته .. وانا اللي عمري ماعرفت غيره .. لما أرجع اتذكر اللي كان بينا ..راسي يعورني معقولة كان كله جذب وغش وتمثيل .. معقولة ؟؟ تكفون قولوا لي معقولة ؟ طيب إذا كان كذب .. ليش كذب؟؟ أنا أعرف ان الشاب ممكن يلعب على وحدة يغازلها بالتلفون لكن يلعب على زوجته ؟حليلته؟؟ ليش ؟؟ آآآآآآآآآآآآه ..راسي بينفجر .. ماعرف عنه شي .. ولا أبي أعرف .. كل اللي اعرفه ..إنه للآن ماتزوج .. رغم ان مر على طلاقنا أكثر من سنة ... ولا أتمنى أسمع الخبر ماأتمنى أسمع انه تزوج .. قبلي .. لا .. لو صارت بنهار .. خليه يتزوج ..لكن بعد ما أنا أتزوج .. بتقولون أنانية ..قولوا .. تمنيته مايطلق ترجيته .. قلت له بصبر عليك ..لين الله يشافيك عيا .. حتى هله يذكروني بالخير .. يقولون رايتها بيضا فلانة ماقصرت .. تدرون ..واحشني صوته ..ودي أسمع صوته البارحة مسكت التلفون .. تدرون شنو اكتشفت أكتشفت إني للآن حافظة رقمه.. اي والله حافظة رقمه .. كان ودي أدق .. أسمع صوته .. أسمع كلمة (ألو ) وأسكر .. والله لولا خوفي من رب العالمين كنت سويتها لو إني ماكنت بنت ملتزمة ..كنت بتصل ..بدز مسج .. هو كان اول واحد في حياتي ..ماعرفت قبله .. أقنعت نفسي إني أكيد راح انساه إذا الله رزقني بغيره بس للآن ماتزوجت .. هو يمكن مايبي يتزوج كيفه بس أنا .. أبي أنسى .. نظرات الناس تلاحقي .. الكل يقول مسكينة مالها حظ تأخر زواجها ولما ملجت ..شهرين ثلاثة إلا هي منفصله .. جهزت الفستان ..وخططت وتمنيت ..حتى عيالنا أخترنا أساميهم آآآآآآآآآآآآه ياقلبي ... علموني كيف أنسى ..علموني كيف أقسى ادعو لي بالصبر ادعو لي الله يعوضني ..وأقدر أنسى رجاء لاتكتبون كلام يعور القلب ..ترى قلبي متعور جاااااااهز.. واسوني ..قولوا لي بتنسين ..الله يعوضج..ادعوا لي ,, بس لا تلوموني ..اللي صار مو هين ..والله مو هين واللي عاش تجربتي يفهم .. |
السلام عليكم ورحمة الله وبركاته
اختي الكريمة تفضلي تأملي في قوله تعالى [ وَإِنْ يَتَفَرَّقَا يُغْنِ اللَّهُ كُلًّا مِنْ سَعَتِهِ وَكَانَ اللَّهُ وَاسِعًا حَكِيمًا ] سورة النساء 130 الله يغنيك ويسعدك ويفرج لك همك تحياتي والله يرعاك |
حبيبتي تقدرين تنسين ليش اسمج انسانة لازم تنسين خلاص مالج نصيب معااه ياختي أكيد أحسن أكيد انتي استخرتي وهذي الاستخارة ما تروح هدر يعني كل شي يصير أكيد هو الخير
ربي يرزقج ويرزقني ويرزق بنات المنتدى الأزواج الصالحين اللي ينسينا الدنيا باللي فيها وما يذكرنا الا بذكر الله سبحانه (ومن يتق الله يجعل له مخرجا ويرزقه من حيث لا يحتسب) اتق الله وتوكلي عليه ربي يسعدج |
قبل فترة انخطبت ..وماصار نصيب
من يوم تقدموا وانا حايشتني ضيقة .. أبي أتزوج صح .. إلا اتمنى ..أتزوج بس أحسها وااااااااااايد صعبة .. مرة ثانية .. واحد ثاني .. أقعد معاه ..وأكلمه ..ويكلمني يقول لي ..أقول له .. ياالله ..أتمناها .. بس أستصعبها يمكن تستغربون لو قلت لكم إن رغم كل الكلام اللي فوق . أنا ماحبيته . والله العظيم ماحبيته .. كان في شي ينفرني منه .. شنو بالضبط ماأدري .. بس أنا حبيت الحب حبيت الستر .. حبيت فكرة عروسة وفستان ..وبيت وذرية .. حبيت ينقال لي كلام حلو .. حبيت مسجات الحب والغرام .. سوالف تالي الليل .. العروس .. التجهيز .. الفستان .. فلانة مخطوبة ..فلانه تكلم خطيبها فلانة خطيبها يموووووووووووت فيها .. وشلون كانت صدمتني ..لما سمعت الناس اللي ما أمدامها تبارك لي .. تقول لي : الله يعوضج .. |
ياختي صج كلج شعوووووووور ترى قطعتي قلبي تخوفين الواحد يبدا لأنه يخاف من نهاية جدذي وما دامج ما حبيتيه الحمدلله الا احمدي الله مليون مرة وما راح توفينه حقه وربي يعوضج واحد أحسن منه وواحد تحبينه هو مو تحبين الحب
الله يكتب لج الي فيه الخير |
أخوي ..صاحب رأي سديد :الله يجزاك خير ..فعلا ..الله كريم سبحانه ..كأني أقرا الآية أول مرة ..مع إني أحفظ قرآن ..
خايفة والله :شاسوي ياأختي ..والله تمرعلي أيام أحس نفسي جبل ماينهد .. وتمر علي أيام أحس نفسي ريشة ..كلمة توديني وكلمة تجيبني .. المواقف اللي تصيد الإنسان ساعات هي اللي تحرك مشاعره ..وأنا هاليومين ..صايرة لي مشاكل مع هلي وهذا اللي خلاني أحن وأشتاق ..الله يجزاج خير كلامج عين العقل ..والله كريم |
طيب يا اختي يمكن فعلا جايته نفس او عين
لازم تعذرينه وبالاخير هذا نصيب |
اقتباس:
يا اختي يا حبيبتي هالريال ما يستاهلك تدرين ليش ؟؟؟؟؟ لأنه مو قد المسئوليه يوم ملج طلع له عذر ليش ماعرف انه معيون يوم خطبج ؟؟؟؟؟؟ اهو مريض نفسيا وكان راح يمرضك معاه قولي الحمدلله خالتي تزوجت وعمرها بمنتصف الأربعينات تدرين منو خذت ؟؟؟؟؟؟ خطبها مديرها وهو بعد مو متزوج كانو يشتغلون بنفس القسم من عشرييييييييييييييييين سنه وما كانت تدري انه نصيبها ولا هو يدري انها نصيبه !!!!!!!!!!!!!!!!!!!!!!!!!!!!!!!!!!!!!!!!!! شفتي النصيب سبحان الله ؟؟؟ ما تدرين يمكن لو كانو متزوجين مبكر كان الله رزقهم بولد عاق !!!!!!! كللللللله خييييره وكلللللللللللله بأوانه بس اهم شئ الدعاااااااااااااااااااااااااااااااااااااااااااااا ااااااااااااااء لأن الملاج بالسما الله سبحانه اللي كتب نصيبنا بالدنيا والاخره قولي معاي : ونعم بالله ولا حول ولا قوة الا بالله قدر الله وماشاء فعل انا لله وانا اليه راجعون اللهم اجرني واخلف لي الخير وبلغينا باخر اخبارك |
ياقلبي والله اني حاسة بالي تحسينه شعووووووووووور صعب .....بس تاكدي ان الله مايترك اي عبد من عبادة اذا لجاء له ....فعليك بالدعاء ويارب يرزقك ابن الحلال الي يعوضك وينسيك .....امين
|
hus
أنا عذرته من زماااااااااااان وحللته وسامحته من زماااااااان .. ورحت العمرة بعد ماانفصلنا ودعيت له من كل قلبي هو نصيب أكيد .. بس بني آدم ضعيف ..الله كريم ..الله كريم |
عذاري :
تدرين ..كثير قالوا مثل ماقلتي ..قالوا مو قد المسؤلية .. أنا ما أبي أتلم عن الرجال ..الله يوفقه ويسعده وين ماكان .. وبالنسبة لعمتج ..الحمد لله ربج كريم ..لله يسعدها ويوفقها يارب ويرد على قلبج مثل مابردتي على قلبي بكلامج الطيب نعم بالله ولا حول ولا قوة الا بالله قدر الله وماشاء فعل انا لله وانا اليه راجعون اللهم اجرني واخلف لي الخير |
السلام عليكم ورحمة الله
غاليتي ... كلامك أثر في كثيييير ياغالية ..(( وعسى أن تكرهوا شيئا وهو خير لكم)) لعل فراقكم خير لكما انتما الإثنين سبحان الله ماتعرفي شو اللي كاتبه ربنا خير إن شاء الله ربي يعوضك خير ويسهل أمرك ويفرج همك ويفرح قلبك ويرزقك الزوج الهين اللين اللي يقدرك ويحترمك ويخاف الله فيكِ ربنا كريم |
اآآآآآآآآآآآآآآآآآآه والله ياختي اني مسكت عبرتي
كلامك وجع قلبي اسال الله العظيم انه يعوضك عن كل ثانية مرت من بعد اللملكه اسال الله العظيم ان يسخر لك زوجا يحبك وتحبينه وان تلبسي الفستان الأبيض وان يفرح كل من يحبك بزواجك وانشاء الله ماانساك من دعاء الليل وانت كذلك اختك ومحبتك الى الابد شروق......العمر 26 الحالة الاجتماعيه : عانسة |
عزيزتي كلي شعور : أعلمي أن الله لايفعل شيء الا فيه صلاح للعبد ....
وأنفصالك عن خطيبك فيه حكمة مخفيه عند رب العالمين ....مع مرور الزمن بتعرفينها .... وأعلمي ايضا ان عذابك وصبرك تؤجرين عليه ...فتقربي الي رب العالمين اكثر واذكريه اكثر من خطيبك وأدعي ربك يوفقك ويخلف عليك أفضل منه .... وصدقيني ان الله سميع مجيب ... |
طيب حبيبتي بقولك عني شي يمكن تهون عليكي
لمن خطبني طليقي جلسنا 4 شهور مخطوبين وبهذي الفتره كلمته من غير علم اهلي كان كل شي بحياتي وانا كذلك بالنسبه له .. بعدها ملكنا لــ 7 اشهر وكانت ايام حلوه لكن ماتخلو من المشاكل خططنا لكل شي سوا الشقه وفرشناها والدراسه تركتها بالمدينه اللي كنت فيها عشان اروح للمدينه اللي يشتغل فيها .. كنا نكلم بعض من المغرب اليين الفجر بااتصال واحد حتى الصلاة ننساها استغفر الله .. الين مانتعب من حرارة الجوال وننام من التعب .. تزوجنا بعد الــ 7 اشهر وجلسنا شهرين بس تخيلي شهرين .. وبعدها صارت المشاكل .. وكان حاسس من يوم ماخرجت من بيته عشان يوديني عند اهلي ازورهم .. قالي يا ... خليني اطالع عيونك يمكن اخر مره اشوفها .. وبالفعل كان هذاك اخر يوم شفته .. وياما ذكريات تألم وتعور لكن الحمدلله نسيتها كلها وان مرت تمر مرور السلام الحمدلله على كل حال .. الله يرزقك الزوج الصالح اللي تقر عينيك فيه لاتخافي حبيبتي ربي بيعوضك خير بإذن الله |
يااختي الله يعوضك خير
وكثير من الفتيات من تمر بأكثر من هذا ولكن وقت حدوث المصيبه تقول اللهم اجرني في مصيبتي واخلفني خير منها |
الله يرزقك بأخير منه انشاء الله ويستر عليك وعلى جميع المسلمين
|
أختي العزيزه 0000 هذا إنسان لعوب والحمدلله اللي فكج منه بعد 3 شهور توه تذكر إنه مسحور بعد ما لعب في عواطفج وخلاج تحبينه الحمدلله اللي خلصج منه لأنه انسان مو قد المسؤولية
|
والله يالغاليه شعورك وكلامك يقطع القلب لاكن اقتنعي ان من عافنا عفناه لو كان غالي
اهو الي تركك مو انتي اهو تخلي عنك والله العالم شنو السبب اكيد تعلقتي فيه وعاجبتك شخصيته بس تركك والله العالم شنو السبب وصار سنه وانت ما تزوجتي يعني لو باغيك كان رجع لمي الباقي من جروحك واحلامك وكرامتك وانسي والي جابه يجيب غيره والله يعوضك بالاحسن قولي امين |
عسى ان تكرهوا شيئا وهو خيرا لكم اخيره فيما اختاره الله الله يعوضك خير ويوفقك ويسعدك وبنات المسلمين اجمعين عليك بالدعاء والاستغفار كثرررررررررررررررررررررررررري منه وموفقه اختي
|
أختي الغالية والله والله والله أقولها من كل قلبي الله يصبرك يرزقك بإبن الحلاااااااااال اللي ينسيك همومك كلها ويعوض عليك بالسعادة الدايمة يارب........
صدقيني حاسة باللي إنت فيه وعارفة لأني جربته...... جربت الألم...... جربت هذا الإنهيار..... بس تصدقين...... جربته بعد ما أتزوجت...... مع زوجي....... مع الإنسان الوحيد الذي أحببت... الذي عشقت...... الفرق الوحيد بيني وبينك....... (أنه تركك قبل الزواج) وأنا... تركني بعد الزواج.... لا تفزعوا..... أنا لم أتطلق.... بل لازلت متزوجة.... ولكنه لم يعد الإنسان الذي أحببت.... الذي كان يعشقني ويرحل بي إلى عالم مليء بالأحلام والسعادة الأبدية (كما كان يقول).... آآآآآآآآه بلاش أعور قلبك بالتفاصيل عشان لا تتألمين زيادة عاللي إنت فيه.... الله يهون عليك وعلى أمة سيدنا محمد عليه الصلاة والسلام.... مع تمنياتي لك بالسعادة |
رجاء لاتكتبون كلام يعور القلب ..ترى قلبي متعور جاااااااهز..
والله انج عورتي قلبي .. ادري صعب تنسين لكن مايكفي انج تذكرين انه هو اللي تركك مايستاهل انج تفكرين فيه .. وتذكري قول الله تعالى: ((وعسى أن تكرهوا شيئا وهو خير لكم )) فوضي أمرك إلى من يعلم عواقب الأمور وارضي بقضائه فأنت لا تعلمين لو استمر زواجك كيف سيكون حالك .. فتحمدين الله أنه لم يتم أسأل الله العظيم أن يعوضك قريبا بالزوج الصالح الذي تقر به عينك |
اعانك الله اختي الكريمة
اقتباس:
عشان يعمل تمثيلة كل الناس بتبقي ناوية علي العمار لكن دا قدر الله وربنا يتولانا ويعوضك ويعوضني باللي أحسن منه بس حاولي تشيليه من بالك لأنه ممكن يتجوز في اي وقت حاولي تخرجي من اللي أنتي فيه بأي حاجة جديدة عمل او دراسة او صديقات أو هواية ربنا يوفقك |
والله حياتي انتي
الله راح يعطيج على قد نيتج وطيبة قلبج والله يعوضج انشااااله بواحد احسن منه ربي وربج كبير والله ما ينسى عبيده |
الله يعوضج يارب ..الله يعوضج ..
|
عوورتي قلبي
الله يعوضج بزوج يسعدج ومايقصر معاج ويكون افضل من خطيبج السابق الله يفرج همج يااااارب ويريح بالج ويحقق لج كل اللي تتمنينه اللهم امين .. اللهم امين .. اللهم امين |
آآآآآه عورتي قلبي وقطعتيييه الله يسعدك خلااص كاافي عليك هم وحزن ونكد.. والله حااسة فيك حبيبتي لكن تأكدي ان الله ماراح ينسااك ولايضيعك فكري معاي شوي وابحثي عن الاجابيات قبل السلبيات انت تنظرين للسلبيات ممحورة نظرك عليها فقط تقولين: اقتباس:
عزيزتي هل نظرت نظرة ايجابية لهذه المشكلة فكري معي شوووي من الممكن ان يتم كل شي كماتحبييين وتلبسين الفستان الابيض ويقولون عنك فلااااانة خطيبها بيمووت عليها والجهااز وكله هل فكرت انو من الممكن بعد كل هذه المشوار وبعد اجتماعكم في عش الزوجية تلاقي نفسك في دوااامة اخرى انتي في غنى كاامل عنها!!..من الممكن ان لايعجبك ..قد تجديدن فيه صفاات اخرى غير محببه اليكِ قد تحدث مشااكل تتمنين ساعتها انك لم توافقي عليه انظري من هذه الجهة لاتتركي للشيطان مدخل عليك لاتجعليه يضيع الامل عندك الآن الآن استعيذي بالله منه اعوذ بالله من الشيطان الرجيم اعوذ بالله من الشيطان الرجيم اعوذ بالله من الشيطان الرجيم اللهم اني اسأل بإسمك الاعظم الذي اذا سأل به احد من خلقك استجبت له ان ترزق "كلي شعوور" بالزوج الصالح يااربي في القرييييب العاجل الاجل يااارب آسفة جدا عالاطاالة اخيتي تقبلي كلمااتي واشوااقي : : مودتي |
اقتباس:
جيتي على الجرح كلنا نفس الشي مانريد غير الستر الله يعوضنا |
يا حياتي عليك .. حسبي الله على هالنوع من الرجال اللي ماخذ بنات الناس لعبه .. اسفه ان كان يضايقك اتحسب عليه بس من جد مقهوره
واهله بعد بدل ما يوقفوا ضده ويفهموه يقولون ماقصرت فلانه رايتها بيضا.. اصلا لهم عين يتكلمون بعد اللي سواه ولدهم اسفه ياقلبي ان كنت قلبت عليك المواجع الموضوع هذا شيليه من باااااااااالك خلاص اللي صار صار وانتهى وربي يحبك اكيد واختار لك الافضل لانه عارف بحكمته سبحان الله احنا البشر اذا صار لنا شي نزعل ونبكي ونتسخط .. وربي رحيم بينا وعارف مصلحتنا اكثر مننا كل هاللي تحسن فيه من وساوس ابليس اللعين ييغى يخليك تيأسين ويضعف ايمانك .. علشان يلقى له مدخل عليك بس انتي ان شاالله انك انسانه واعيه وفاااهمه .. ومتاكده انك راح تحذفين الرقم وتنسين الموضوع ذا كله بس صدقيني .. الموضوع كله مسئله وقت وبعدين خلاص هو راح بحاله ماعليك منه تزوج ماتزوج .. وربي يعوضك بالزوج الصالح يارب |
وجعتي قلبي بكلامك
والله حاسة فيك وكل اللي قلتيه وكلنا في الهوى سوى بنات ونعرف ايش تحس بيه الوحدة مثلك بس الله مقدر لك امور اخرى لحكمة من عنده سبحانه ونحن بشر مانعرف ايش حكمة الله في امورنا وتأكدي ان بعد العسر يسرا ربي يعوضك الزوج الصالح الحنون الطيسب اللي يحبك ويخاف عليك ويمووووووووووووووت فيك بس خلي املك بالله كبير واكيد ..تأكدي ان راح يجي اليوم اللي تكوني فيه عروسة وتلبسي الفستان الابيض ويكون لك ..وبيت وذرية .. وتسمعي الكثيررررررررررمن الكلام الحلو .. وتشوفي مسجات الحب والغرام .. و تملي من سوالف تالي الليل .. راح يجي اليوم اللي نكوني فيه العروس .. بكل التجهيزات و الاشياء الحلوة .. و الكل يقول عليكي فلانة خطيبها يموووووووووووت فيها .. او فلانة زوجها يمووووووووووووووووووت فيها |
بعد هذا كله تحلفين بالله انج ماحبيتيه والله انتو البنات خطيرات تخوفون مادري يعني تمثلون
علينا ولا شو عالعموم اعتقد حالتج مثل الجرح الوقت فقط كفيل بعلاج هذا الجرح ويلتأم ويشفى وبتنسين |
الله يكون بعونك
|
أختي الحبيبة
كلامك قطع قلبي وأحزنني كثيرا حصل لي قليل جدا مم حصل لك ما أقول لك لا تفكرين فيه ما تقدرين حتى لو حاولتي لكن إشغلي نفسك عن التفكير بمراجعة القرآن والإطلاع على كتب أهل العلم وقراءة ما لإهل البلاء من الأجر و الله يعوضك بخير منه يملأ حياتك فرحاً وسروراً (وعسى أن تكرهوا شيئا وهو خير لكم وعسى أن تحبوا شيئا وهو شر لكم) |
حبيبتي حاسة فيكي و بكل كلمة قلتيها
لأني ما اتصور الموقف و الله صعبة بس عسى ان تكرهي شيء و هو خير لك تأكدي أن نصيبك راح يجي لحد عندك و انشاء الله أحسن باين فعلا أنك كلك شعور في أمان الله حاولي تشغلي نفسك حتى ما تتأزم حالتك |
اختي حبيبتي
كان الله في عونك ويارب يعوضك بأحسن منو ولن ازيد ايات قرانية من الي كتبوها الاعضاء لكن ساقول لك اقرئي توقيعك ... الله يوفقك يارب العالمين ويسعدك ويحقق امانيكي |
عسى الله يعوضج بالزوج الصالح اللي يسعدج ويهنيج بدنياج
والله حاسه بكل كلمه كتبتيـــــــــــــــها....وايد اثرت فيني كلماتج...بس مابيدي شي غير اني ادعي لج وربج قادر على كل شي ان شاااااااااااااااااااءالله يارب ياكريم اسمع خبر زواجك قررررررررررريب يارب ياكريم اللهم امين والسموحة |
اقتباس:
وَإِنْ يَتَفَرَّقَا يُغْنِ اللَّهُ كُلًّا مِنْ سَعَتِهِ وَكَانَ اللَّهُ وَاسِعًا حَكِيمًا |
كل اللي اقدر اقوله لك حبيبتي
أسأل الله العظيم رب العرش العظيم أن يفرج همك وحزنك ويعوضك خير الله يسعدك دنيا واخره وربي من قلبي ادعيلك لاني حاسه انو مهما تكلمتي وطلعتي اللي بقلبك مافي احد راح يحس باللي تحسينه انتي بس تأكدي ان غيرك عنده هموم ومصائب مايقدر حتى يفضفض ويتكلم ويحكي لاحد باللي بداخله وهذا العذاب بعينه واحمدي ربك انك ماتعلقتي فيه او حبيته كل السالفه انك تعودتي عليه وصدقيني مع الايام راح تتذكري الوقت اللي قعدتي تفكري فيه وتضحكي على نفسك لانك كبرتي المشكل وضيعتي وقتك ... حبيبتي ألجاي الى الله في كل لحظه واصبري واحتسبيها اجر عند رب العالمين واشغلي وقتك بذكر الله وكل مااتمناه لكي ولبنات وشباب المسلمين الصلاح والهدايه والخير والسهاده بإذن الله.... |
|
والله مو عااااااااارفة إيش أقول
فرحتوني بإهتمامكم ودعواتك أسعدتني كثيييييييير صحيح الدنيا ازالت بخير الله يجزكم كل خير ياااااااااااااااااااااررب |
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©