|
زوجتي صامتة وخجولة .. اريد النصيحة
بسم الله الرحمن الرحيم اطرح مشكلتي لديكم بالمنتدى علي اجد لها حلا :- تزوجت من فترة بسيطة بزوجة صغيرة في السن من صغرها وهي ( لاتتكلم من شدة إستحيائها ) طبعا تزوجنا وممكن بعض الاياام تمر مانكلم بعض انا متفهم انها مستحية واحاول اناقشها واسولف معها بس اطول كلمة تقولها لي ( لا , نعم , ايوه ) لو اناظر فيها يمكن يغمى عليها من شدة الاستحياء لو اقول لها نامي واقفة راح تنام واقفة نصحتها اقوول لها سولفي طيري السحاء مافيه فايدة وانا وهي جالسين بالصالة اعطيها الريموت اقوول ممكن تبي قناة غير الي اشاهد ماتاخذ الريموت وتستحي تغير طبعا والحمد لله تصلي جميع الصلوات في وقتها تتابع قناة المجد فقط والقرأن في يدها وتقرأ فيه دائما طبعا ماتعرف تستخدم ماكيااج كشختها نصف نصف ولاتتزين امامي في البيت مرة انعزمنا عند واحد من اقاربي ووصيته عشان يخبر زوجته تحاول تسولف معها المهم بعد مارجعنا اتصلت عليه واخبرني ان زوجته ماسمعت من زوجتي الا ( لا , نعم , ايوه ) طبعا انا مليت من الشي هذا ابي اسولف ابي اضحك ابي احس معي شخص ااخر وصراحة افكر الحين اتزوج الثانية :( لاني صراحة متضايق من الوضع أريـــد النصيحة جزاكم الله خير |
اخي قبل لاتتزوج مره ثانيه
صارح البنت عطها كلام حلو وشجعها ادعي الله بان يسخرها لك بصلاتك كلم اهلها خلها تتجرأ بنت شريفه وانت اول رجل بحياتها لاتلومها المساله مساله وقت خاصه انها بنت تخافالله ليس لها علاقات وصغيره ترىمن الظلم ان تاخذ قرار قبل ان تخطي كل الخطوات لحل المشكله وما فيها شي لوطبعت لها ما يعجبك من حركات وسوالف واعطيها وباخبرك شي حتى اللي عندهن خبره بعد الزواج يغلب الصمت عليهن فما بالك بوحده عفيفه والله عندك نعمه راح ترفسها برجليك واخذ الأمر بايجابيه صدقني نادر تحصل الحين بنت تسمع الكلام هي تعتبره احترام وتقدير لك كلمها بلطف قولها مثلا احبج واحب اسمع منك يعني عودها يا اخي انت تجرأ وساعدها |
مشكوور اخوي night2005 والله صارحتها وشرحت لها كل شي هي من طبيعتها من خلقت على الارض ( تستحي من ظلها ) يعني تخيل تمر يومين ورى بعض مااسمع الا صوتي في البيت حتى صرت انحرج اذا رحنا لاحد اقوول الحريم ممكن يضحكوون في انفسهم منها يقوولون بس ساكتة ودي اعرف وصفة للاستحياء والله اجيبها لو بالصين بس تنحل المشكلة :) انا بصفة عامة جريئ جدا سواءا في داخل محيط البيت او خارجه وناقشتها في الموضوع هذا |
مع الوقت بتتعود عليك وبتتغير و يمكن تسمع صراخها بعد موا بس صوتها يمكن لدرجة انك تقول ياليتها ما تغيرت!!!!!!!
بس كم صار لكم متزوجين؟؟؟ واذا المدة طولت ناقشها في الموضوع وقول لها بالي في بالك علها تتغير... |
والله انتو يارجال
ماحد يعرفلكم كانت تتكلم قلتوا ازعجتنا ساكتة تبغوا تتزوجوا عليها الله يسترمنكم |
عذرا اخوي .. على أقل شي قال الرجال ابتزوج ثانيه
مانظرت لكل حسانتها الثانيه وخليت صفة الحياء المذمة الوحيده اللي تنفذ بها للزواج الثاني اصبر عليها شوي شوي راح تتأقلم .. خصوصا انك جرئ مثل ماقلت لاتستعجل الامور الدنيا مابتطير .. |
اخي الفاضل الحياء طبيعي موجود واعتقد مع الوقت يزول شوي شوي وبالتعود عيل اللي رجالهم مايتكلمون شيسون اذا كان حلك للموضوع الزواج باخرى الله يعين الكل وعطها وقت وبالتدريج
|
يا عبقري ما يبغالها تفكير , عاملها بالمثل
|
بابكي
انا بنت اخوي شوف انت جريء وهي خجوله الحل يتطلب وقت كثير وليس بقليل تناقش معها بامور عملك السياسه الأهل شاهدا التفاز معا احرجا معا تسوقا معا كلمها بالحب وغيره معا ارسل لها مسجات حلها تدش هالموقع ليما تنحل السالفه وصدقني الساكته احسن لك |
الأخ الكريم مشكلتك بسيطه جدا حاول تجذبها لك اتكلم بمواضيع تشدها امزح معاهه خرجها ملاهي اشتريلها قميص نوم ولبسها خليها تطلع على المنتديات على المكياج على المواضيع اذا تحب سير الصحابة اعطيها مواضيع من الانترنت حكيها عن مواقفك وانت وسنها اتقرب منها ومن الاخر طيح الحياء بينك وبينها هذي حلالك
|
توا الناس عليها توكم متزوجين ..
|
مستعجل اوي علي الزواج بثانية. لا تقلق انا كنت تقريبا في بداية زواجي مثلها لا اتكلم ولا امزح .لكن كان نفسي اتغير والحمد لله الان مش ببطل كلام ولامزح .بس انت اصبر عليها وخليها تتجرأ عليك يعني شيل التكلفة بينكم خالص ومزحها واجري خليها تجري وراك وتفنن انت في هذه الامور وان شاء الله ربنا يهديها مفيش واحدة مش عايزة تتمتع مع زوجها وتلعب وتمرح بس اصبر وراعي التغير الي حصل لحياتها طبعا حياة البنت غير المتزوجة خالص فرق 180 درجة
|
يا رجل إحمد ربك على هالنعمه .. ومصير هالحياء يجي يوم وينفك ..
وعلى قولتهم كثر الدق يفك الحديد .. طال الزمان وإلا قصر .. لو هي جاايه جريئه ولساانهاا أطول منها كان تضايقت و جلست توسوس .. الله يديم حيائهاا ويوفقكم ويرزقكم ويجمع بينكم بكل خير .. انا ما يقهرني الا اللي ما عجبه شئ وهو ما امدااه متزوج إلا يقول ابي اتزوج عليها .. أحس مرات بعض الاحياان يستخدمها بعض الأعضاء لإثارة العضواات والقيام بالرد على الموضوع .. ااجل يا ويلك منهم .. :d تشكراااتي .. |
: لا تتعجل وتتزوج عليها حرام عليك والله انها ماسوت خطا عظيم
فقط امهلها قليل من الوقت وممكن تقولها تراي ابسوي مسابقه بيني وبينك وانتي تساليني وانا اسالك والفايز طبعا له هديه وممكن تقولها ابسمع لك بعض سور القران بس على شرط الصوت يكون عالي موب مثل النمل ماينسمع:d :22: :17: |
ياخوي هذا طبعها حرام عليك تتزوج بس عشان الحياء
انت صارحها وقولها لازم تكوني جريئه بصراحه وقلها انا ماني مرتاح معاكي والسبب حيائك وهي انشاءالله بتتغير واذا على الكشخه انت روح السوق معها واشتريلها على ذوقك ربي يسعدكم انشاء الله |
اخي العزيز انا اعرف لك وحده اذا سلمت ترتجف لكن بعد زواجها وولادتها لولدها الاول
قلت يالله العافيه ياليتها مانطقت تقل بالعه مسجل الله ييسرك اخوي وسع صدرك وصدقني انشاء الله بتنحل بس الزواج ماهو حل لك يمكن البنت من النوعيه الي تربت على كل شي عيب وبقوه امزح معها انت حاول انت حاول تتقرب منها يمكن البنت للحين ماتعودت عليك |
اقتباس:
زوجتك هذي الكتكوته نعمة انعم الله بها عليك بس انت شكلك جرئ بزيادة فشايف ان الوضع مشكلة وانا اشوف ان الوضع عادي أخي أتمنى ان تجاوب على اسئلتي وسارد اعتمادا عليها هل تحب زوجتك؟ كم عمرها؟ هل كان بينكم تواصل ايام الملكة؟ هل هي اكبر اخواتها؟ هل لديها اخوة (ذكور)؟ ما لونته في ردك هي ملاحظاتي أخي زوجتك اختارتك [blink]انت [/blink] لتشاركها الحياة ولتكن ابا لبنائها الخلاصة لا تقلل من ذوق زوجتك فقد اختارتك ورضيت بك انتظر ردك اختك حنان |
امرأة اخذت اجمل ما في النساء (الحياء..........
الرجــال بلحاهــا والنســاء بحيــاها .......... لكن يبدوا لي ان الذي تعاني منه زوجتك هو الخجل المفرط وليس الحياء وعليك اخي ان تتفهم هذه النفسية ربما ان زوجتك تشعر انك متعلم اكثر منها أو انك ابن ناس اغنياء وهي انسانه على قد حالها او انها تشعر انك جميل وتستحق بنات اجمل منها بكثير فهي تستحي من ذلك (لأنك اخذتها.... فعليك بارك الله فيك ان تزيح هذا الستار القبيح عن وجه وقلب وفكر زوجتك ......... طبعا انا لو كنت في موقفك تعرف كيف راح اتصرف ؟؟؟؟؟؟ صدقني أخليها تعيف شيء اسمه حياء اعقدها اكثر بدل ما تستحي من طلباتي (اجعلها تنفذ اوامري ......... طبعا بالحزم , لأن الدلع ماراح يزيدها الا دلع امسكي الريموت , يالله غيري القنوات وبسرعة ابي قناة تعجبك خلال دقيقة (غير الي الان شغاله... البسي اللبس الفلاني الان وقدامي تلبسينه وبسرعة اطلعي قدامي واستعرضي بالرقص او بأي شيء آخر (بسرعة...... اجلس معها وقل لها في الجلسة انا لن اتكلم ولو بحرف واحد (لكن انتي لو تسكتين بتغير معك مرة ....عطينا سالفه المهم يا اخي الكريم انك من خلال هذه المعاملة راح تعود زوجتك على التصرفات التي هي تخشاها وفترة بسيطة اقلها اسبوعين راح تجد ان زوجتك تخلصت من هذه العيوب طبعا لا تنسى ان تعطيها كتب ومقالات عن الخجل وكتب عن الحياة الزوجية ولا تنسى ان تخبرها بأنك مليت من شخصيتها (وانك راح تفكر تتزوج عليها اذا ما تغيرت ..... أسأل الله ان يسعدك معها وأن يجمع بينكما في خير وان يرزقكما الذرية الصالحة |
اقتباس:
|
صارحها أن هذا الشي يضايقك
توكم ماأمداكم والبنت لازم في البدايه تكون حياويه وماأنصحك تتبع رأي زياد مع أحترامي له بعدين بتتذكر هالأيام وتتحسر عليها و أنتم ماتصدقون تلقون شي في الزوجه عشان تقولون بأتزوج عليها:19: ونصيحه لا تقول هالكلام قدام زوجتك بأتزوج عليك حتى لو بالمزح |
عمرهاا 16 ..!! وتلومهاا بعد الله يهدااك ..!!
الله يحفظكم ويجمع بينكم بكل خير ويرزقكم بالذريه الصاالحه .. تشكرااتي .. |
شى طبيعى البنات يستحون باول اوقاتهم بعدين يصير الامر عادى اصبر
وحاول انك تخرج معها لتنزه حتى تتعود عليك اكثر واكثر |
نقل إلى عالم المتزوجين .. مكانه المناسب إن شاء الله ..
|
رجاء خاص000 زوجتك خجووووله وصغغغيرررره جدا" في السن:15: لذلك لاتستعمل معها القوه والحزم كاسلوب((زياد النجدي )) مع احترامي للجميع لانه بيسبب رد فعل عكسي وخوووف شديدين
بل اللين والاقناع حبه حبه معليش تتعب شوي لكن لا تكسر قليب هالطفله:29: هي تحترمك زي ابوها مسكينه 00ماتعرف للرجال //ماشافت الاابوها!! هذي مشكلة الزواج بفارق عمري كبير 00لكن عاد تبي الحل: انزل لمسوى فكرها وناقشها في اهتماماتها وتطلعاتها00اسالها عن المدرسه وزميلاتها شوي شوي لين ترتقي بفكرها وفهمها وش تبي منها بالضبط وحسسها باهميتها ودورها بالنسبه لك00:22: حرام عليك وحده عمرها16 سنه وتبيها بخبرة 25 سنه فبي المكياج والموضه والحوار والجرأه:( :( لا و تبيها تغير ملابسها عندك وترقص لك!!000 ماسواها كثير وهم اكبر منها مسكينه قدر وضعها ((طفله و اكبر اخواتها!!) ماعندها ادنى خلفيه عن فنون الحياة الزوجيه ماتعرف الا المدرسه تخاف منك وتطيعك طاعه عمياء (( في نظرها ان هذا قمة الاخلاق))) ((ويقولون اتبع معها اسلوب الامر والحزم !! طيب يمكن بعد هي مجبره عالزواج وماتعرف له!! الحل/ تطلب من والدتها اعطائها( الف /باء)مهارات وفنون الحياه الزوجيه لانها تعرف تتعامل مع بنتها ونصيحه اذا بتقارنها قارنها بمن هم في سنها00تلقاهم يلعبون سوني او يسمعون اغاني او يتبادلون بلوتوث!!:25: ترى عندك جوهرها قدر ثمنها وحسبي الله على من يزوج الاطفال00:15: اعذرووني خصوصا(( زياد النجدي)) لك مني اكبر عبارات الاعتذاررر :) وشاكره لك وجهة نظرك:17: /// معليش راحمه هالطفله!! |
بشرنا وش صار معك؟
|
الحل عاملها بحب وحنااااان حسسها بالامان لان هي خايفه منك
قولها كلمات حلوه اشتري لها ملابس جميله وقولها احب اشوفها عليك اكيد بتصير اجمل واعذرني انا ارى المشكله بك انت وليس بزوجتك |
السلام عليكم
والله راي اخونا زياد النجدي حلو وسهل التطبيق وبعدين لا تعطيها فرصة تجاوب بلا ونعم وايوا غير اسئلتك برمج نفسك على ليش؟ ليش؟ ليش؟ ليش؟ ( لماذا؟) فسري؟ تابع قنواتها اللي تحبها ويوم ترجع من برة اسألها عن كل شيء صار بغيابك وانت تداعبها بعد اسألها قبل ما تروحوا لزيارة خذها لخواتك أو الصالون للتزين صغيرة ما تعرف وما عنها خوات بتتعلم منهن خلي خواتك يخاونها ويعلمنها الكشخة وانت ادفع على كشختها املىء الكبت بها الاشياء اللي انت تحبها وسبحان الله بتشوف النتيجة وخلك على هذي العروسة والله شكلها جنان بس يبالك وقت وبتكتشفها اختك ام حمزة |
ياخي خلها على الصامت احسن لك ولها
ان صارت على العام هع هع بتسمع كلام حب ودلع لمدة وفترة معينة وبعدين بتسمع اسئلة وتحقيق وزعل ونكد وطفش وتقول وينك يالشاحنة علشان اموت تحتك !!! دمت بخير |
اقتباس:
صدقـــــــــــــــــــــــــــــــــــــــــــــــ ــت :d :d :d |
انا زوجتي زي كذا
بس والله مع الكلام الحلوووووووو والله العظيم له سحر كبير عليها انت جرب وراح تشوف النتائج |
16 سنة !
مـآ آقول غير الله يوفقكم و يتمم عليكم حيـآتكم يـآررررب .. بس يالغالي بعد اذنك .. (( كم عمرك )) .. |
ولا إن شكرتم لاذيدنكم
يا اخى
بارك الله لكما وبارك عليكما وجمع بينكما فى خير بسم الله ما شاء الله ولا قوة الا بالله هذه فطرة الله فى النساء الحياء والتى انعدمت اليوم وهى اجمل ما يزين النساء فتاه 16 عام مع زوج لم تلتفى به قبل ، واول مرة تبيت خارج بيت اهلها ومع من ليس عند صديقة او قريبة مع رجل غريب عنها نعم زوجها لكن رجل وبسم الله ما شاء الله لا تعرف ان القرأن والصلاة يا اخى اتقى الله فيها والله لو انت سافرت الى مكان جديد وعملت بشركة جديدة وسكنت مع مجموعة موظفين لن تتكلم معهم ولن تختط معهم لمدة طويلة حتى تأخذ عليهم فما بالك بزوجتك ذات 16 ربيعا والتى لم تفراق اهلها ابدا ولم تحتكى مع اناس اغراب ترفق بها واصبر عليها اشعرها بحبك وعاطفتك التى هى تفتقدها الان بعد بعدها عن ابويها واخوتها كن انت الاب والام والزوج والاخ والحبيب وستجد ما يسرك ان شاء الله شهرين فى عمر الزواج لا تعنى اى شىء يا اخى اللى خالك تصبر سنين الا تستطيع ان تصبر كمان شهرين ولكن اسمحى لى هل تقوم بواجبتها الشرعية نحوك ام لا فأذا كانت تقوم بها فأذن احمد الله انها تعفك ولكن الحياء صفة فى النساء المؤمينات بارك الله لك فيها وهداك الله واصبر ان الله مع الصابرين اى نساء تريد ان تتحدث معه زوجات اكبر منها على الاقل بعشر سنوات ومتزوجات وتحملن المسئولية والحمل والانجاب والولائم وتأدية الواجبات سواء الاسرية او الزوجية كيف لك تقارن بينها وبينهم وخصوصا انها لم تراهم من قبل يا حباذا لو كان لها صديقة مرقبة ومتزوجة يمكن لك ان تتعرف انت على زوج صديقتها وتبدأ فى زيارتهم وهى ستتحدث مع صديقتها وشىء فشىء ستخد عليك بأذن الله ويرفع الحياء تدريجيا بأذن الله وان شاء الله بكرة تشكى من طلباتها ومن انك لا تستطيع ان تنام لانها تطلب منك الكلام ولكن قدر موقفها وفقكم الله ورزقكم الذرية الصالحة |
بعض الأعضاء
تصرفاتهم القسوة وليست الحزم . . . بل دللها وأسرف في هذا وحاول أن تكون قريباً النفس تألف مايكون قريباً . . . وتكره مايكون صلباً قاسياً .. ولك في رسول الله قدوة حسنة سينتهي يوماً حياؤها منك لكن بصبرك وحسن أخلاق وقربك الدائم وستراك أنت خدر الخجل .. فقط بالتفهم وبالتودد وفقك الله وأسعدك بها هي مكسب صدقني أنا أحب الفتاة الخجولة فكيف وأنا من معشر النساء وأجزم بأنك تحب هذا لكن كل مملوك غير مرغوب .. . وفقك الله وأسعد غداً ستكون هذه ذكريات |
أشكركــم جميــعا على تفاعلــكم الجميــل وإنشاء الله تنحل هذه المشكلة طبعا حاليا استخدم معها اسلووب معين وإنشاء الله راح اعطيكم النتائح اذا تحققت أي نتائج وبعد راح اعلمكم شنهو الاسلووب ؟ :d وشكرا |
ربنا رزقك درة مصونه فحافظ عليها وكن معها لا عليها
واحمدالله على ادبها وحيائها .. والله الواحد هالايام يشوف العجب العجاب من بنات هالوقت وهم في سن زوجتك واكبر .. فاشكر الله واشكر اهلها اللي ربوها تربية جيدة وصارت من نصيبك .. ماشاءالله لاقوة الا بالله بنت في سنها وكذا ...غيرها يترقصون ويتنطنطون على الاغاني والجوال في اذنهم وهات ياتفاهات وغبيه ونميمه.. وبعدين لاتطالع لغيرك ولاتقارن حياتك باشخاص اخرين ياما ناس يضحكون ويحضنون بعض امام الناس وهم في بيوتهم الله يستر عليهم من النكد والمشاكل .. انا حاسه انه نفسك تكون هالزوجة الخليله والصديقه والام والزوجة ولكن اصبر وكن انت معلم لها وخذ بيدها حتى تتعلم ماتريد .. اغلبنا تزوجنا مانعرف وش هو الزواج على بالنا فستان وزفه ولبس ومكياج ومانعرف المسؤوليات ولا طريقة معاملة الزوج وماذا يحب ويكرهه ولكن ازواجنا من علمونا ماكنا نجهل فخليك انسان صبور وعلمها ودرسها وخذها حبه حبه .. اهديها ياخوي كتب زوجية .. اكتبلها بطاقات تحوي كلمات حب واطلب منها تعمل مثلك شوي شوي راح تلاقيها احسن منك وراح تتفن في كل شيء اللبس ماهو عاجبك طريقتها روح انت اشتريلها اللي تحب تشوفه عليها واطلب منها تلبسه .. وقيس على كذا مو على طول راح اتزوج ..!!!! |
اقتراحات الاخوة والاخوات وفت وكفت الا طبعا ما قسى منها
فتلك هى القسوة القاتلة وهى اسهل اداة لكسر قلب المراة وذلك لا يعيه الكثير هى فتاة ذات 16 زهر بتلك البساطة تقول اتزوج عليها ببساطة تقهرها ؟!!! افرض انت الرجل الخجول الذى لا يعرف شىء ولا يتكلم عن شىء ماذا كانت ستفعل هى معك ؟؟؟ الصبر معها والافكار ما اكثرها على منتدانا الرائع اجعلهل تحبك فانت بكر حبها ومعرفتها بالرجال فبارك الله لك فيها وقدر النعمة التى اعطاك الله اياها والا زالت منك وذهبت لمن يقدرها ويستحقها |
أخي الكريم
طفلة أكبر اخوتها فلم يسبقها احد للتجربة او يكون قريب منها ليعطيها نظرة لما ستخوضه مستقبلا لم تختلط سابقا بأي شاب فلا تملك اخوة ذكور تاخذ من اسلوبهم وحياتهم خبرة في التعامل مع الشباب بين عشية وضحاها تغير حالها ما بين طفلة مدللة لا تعرف شيئا الى بيت به رجل غريب عنها صدقني مهما بلغ تفتح الفتاة وخبرتها الا انها تموت خجلا عندما تقابل رجلا غريب من وراء حجاب فما بالك من دون حجاب أخي الكريم زوجتك وعاء شفاف خالي ينتظر من يملاه بخير أو شر ما أقصده زوجتك صغيرة زرع في قلبها التقوى (اسشفيت ذلك من كلامك) لا تملك خبرة ولا عاطفة لذلك انت من سيعطيها الخبرة والعاطفة علمها أخبرها سجلها في المنتدى ستتغير 180 درجة ان كنت تملك اخوات او أزواج زملائك ممن انت متأكد من أخلاقهم اجعلها تزورهم باستمرار بعد أن توضح لهم ان يعلموها بطرق غير مباشرة بعد هذا كله أخي بما انك رضيت ان تتزوج فتاة بهذا السن فيجب ان تتحمل قلة خبرتها وعاطفتها هل تريد من فتاة عمرها 16 عام ان تملك خبرة او قدرة على تحمل مسؤولية زوج ؟ أخي زوجتك بهذا العمر عجينه سهلة التشكل الان ولكنها ستجمد وتصبح صلبة حينما تتقدم في العمر وستحتفظ بما اجري عليها من لمسات لذلك شكلها على الخير وعلى كل أمر تهواه مالم يكن ظلما في حق نفسك او حق نفسها ولا تنسى ان هناك عوامل ربما تشكلها عكس تشكيلك 1_ المجتمع 2_ كثرة المشاكل((ستجعل منها قلبا قاسيا وستشكل في ذهنها معتقدا قويا ينص على ان الزواج بلوى وحياة لا تستحق العيش فيها)) لما المشاكل ؟ اي حياة لا تخلو من المشاكل واختلاف وجهات النظر والاهتمامات يخلق نوع من المشاكل او المنازعات خصوصا انها صغيرة وربما تجدها تتمسك برأيها أكثر عندها لا تنسى ! اتمنى ان يكون ما كتبته نافعا مساعدا لك كما اتمنى لك حياة زوجية مفعمة بالحب والراحة والرومانسية دمت بحفظ الله |
انا لست مع اخي رادع الذي قال عاملها بالمثل لآن توكم متزوجين فهذا الاسلوب ليس هل ولن يغير المشكلة لآن واضح انها صغيييييييرة وتستحي مووووووت
اخوي احب اقول لك اني انا كنت كذا واكثررررر والحين زوجي يقول لي بس لما اسأله مجرد سؤال يقول..تكفييييييييييييين اسكتي واتركيني لحالي يا اخي عاااااااااااااااااااااااااااادي ..كيف تبغاها جريئة من اول يوووووووم (من جد حيرتونا) صح خجل زوحتك زاااايد بس حاول معاها صارحها صراحة..اذا حسيت انها رح تخجل زيادة اكتب لها احضنها كلما مررت بحانبها..و زد ثقتها في نفسها ..قل له ان البيت من دونك ما يسوى البيت من دونك صمت مطبببببببببق بس بك انتي ان شاء الله يصيييييييير مشعللللللل واشتر له كتب تتكلم عن هالمواضيع وخلها تدخل مواقع ومنتديات وتشوف الدنيا وخلها تدخل على المنتدى هذا (ولو بطريقة غير مباشرة بس لا تنسى تضع خروج من المنتدى عشان ماتشوفك) يعني علمهااااااااااااااا ..تراها باقي صغييييييييييييييرونة اعرف وحدة قريبة لي مررررررررررررررررررررررررررررررررررررررررة..كانت نفس زوجتك بس استمرت اكثر من سنة ما تعدلت قليييييييييييلا إلا بعد ما جوها اطفال والحين عادية عايشة حياتها حاول تجعلها في حلقة تحفييييييييظ مثلا لآن غالب البنات اللي فيه جريئات ومؤدبات و ملتزمات وهذا شيء مهم تحتاجه زوجتك يا ليييييييييييييتها جارتي بس والله احس اني حبيتها دعوووووووواتي القلبية لكم بحياة سعييييييييدة |
اقتباس:
لا فض فووووك :17: :17: :17: |
اقتباس:
|
| الساعة الآن 04:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©