|
أنا من جديد .. (أم وداد)
السلام عليكم ورحمة الله وبركاته
تعبتكم معاي ادري.. وادري مشكلتي ماتخلص.. مع ان حلها سهل.. لكن ارضاء اهلي وزوجي من اصعب الامور الي مريت فيها الي صار خلال هالكم يوم .. من يومين تقريبا اتصل فيني ابوي .. الساعه 12 بنص الليل .. وهالشي غريب مو من عادته .. كنت بصبر للصبح بس قام بطني يقلب من الخوف .. قلت في خاطري اكيد في شي.. اتصلت فيه ورد علي علطول.. وقال لي بابا .. ان زوجي وابوه كانو عنده وتوهم طالعين من عنده من ساعه .. وقالوا لابوي بان زوجي يبيني وشاريني وماله نية يطلقني.. ومن هالكلام... انا في خاطري ارتحت .. بس بنفس الوقت خفت .. لا تسالوني ليش مادري .. ابوي بغى مني الرد .. كان يبي يعرف لو ارجع له او لا.. قلتله يابوي ماقدر ارد عليك الحين صعبه .. يبيلها تفكير واستخارة طبعا الرجعه لزوجي بتكون لسكن مستقل وخاص.. قلت لابوي كل شي.. وعن كل الي مريت فيه وانا عندهم مو لشي.. بس عشان يكون على بينة .. ومرت الايام وانا اصلي استخارة .. وماصار شي للحين بس الي سمعته اليوم ضيق بخاطري كثيييييييييييييييير.. اليوم جمعه .. يعني عطلة نهاية الاسبوع عندنا... الكل يطلع .. اخوي كان يتسوق .. يشتري اغراض شاف زوجي هناك يتمشى مع واحد .. وسلم عليه من بعيد .. بعدها بساعات صديقتي اتصلت في اختي.. وقالت لها انا شفت زوج ام وداد .. وكان يطالعني بنظرات .. قالتلها اختي عادي يمكن سرحان او شي.. قالت لاماعتقد نظراته كانت خطيرة!!!!! شوفوا الصدف .. زوجي يطالع صديقتي.. !!!!!!!!!!! بس مالحقها ولا عطاها الرقم .. اتضايقت .. وحزنت وانصدمت .. والي يضايقني اكثر ان صديقتي ماقالت لي انا قالت لاختي وقالتلها ماتقول لي.. احس بالاهانة .. والضيقه .. ومصدوومة بس بغيت افضفض لكم ... |
صديقتك منافقه ولا وش الفايدة من الكلام اللي تقوله!!!
أنتي ادرى بمصلحتك وأبوك ماقصر خيرك لكن أنتي الظاهر ودك تجربين لقب مطلقه لكن قبل تحملين هاللقب ارجعي لزوجك وجربي الوضع إذا ماعجبك ولا تصلح الحال ارجعي لبيت اهلك ...هذا آخر كلام اقوله.. |
أعوذ بالله من الشيطان الرجيم
هاذي بليس مو صديقة تبي تخرب بينكم زوجج دام يبيك وراح لأبوك مع أبوه معناه مستحيل يفكر بغيرك بس انتي يا أختي ليش الأمور مطوله معاك انتي بقراره نفسك تبينه بس عندك شروط يعني مايحتاج تنتظرين لاستخارة الحل الي المفروض تسووينه هو أنك تقولين لأبوك أنه تبين زوجك بس بشروط وتعددين له الشروط وهو بدوره يوصلها لزوجك واذا اتفقوا الحمد لله خلاص حلت واذا اختلفوا معناه كل واحد بطريق(الله لايقول) حاولي تسرعين أختي وحطي النقاط على الحروف قبل لاتندمين وتتشتت منك أسرتك حطي ببالك أن زوجك صارة له فترة طوريلة وحيد وبعيد عنكم والشيطان الله يحزيه موجود رجعي لزوجك بأسرع وقت لأن هذا من صالحك قبل لايكون من صالحة هو دعواتي لك أختي تحياتي |
اقول ارجعي لزوجك احسن لك....
هذي أكيد تبي تفرق بينكم.... ولا ليش تقول هاالكلام.. هذا اذا كانت صادقة في كلامها.. كبري عقلك وطنشي كلام الحريم.. |
اقتباس:
بعدين صديقتك مو شرط يكون كلامها صحيح يمكن الرجال شاف شيء موجود بناحيتها صار الحين يعني يطالعها ؟؟؟؟!!!!!! لا طبعا اتعوذي من ابليس يا اختي و الله يختار لك اللي فيه الخير |
السلام عليكم ورحمة الله وبركاته اختي الفاضلة.. نصيحتي لك من اخت لك في الاسلام ومحبة .. وخالصة لوجه الله.. لا تخربي بيتك بايدك.. واستعيذي من الشيطان .. وابلغي والدك بنيتك الرجوع اذا ما حقق زوجك لكي شرطك وهو السكن المستقل وهو من حقك كزوجة.. واما بخصوص صديقتك هذه .. فهي ليست بالصديقة التي فسرت نظرة زوجك اليها حسب خيالها المريض.. ولا اقول غير قول ربنا العظيم؛ بسم الله الرحمن الرحيم ( يا ايها اللذين امنوا اذا جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين) صدق الله العظيم.. واياك ثم اياك الابتعاد عن زوجك لفترة طويلة .. لانها مدخل لضعاف النفوس ممن تسول لهم نفسهم بتخريب بيوت المسلمين .. هداك الله لما فيه الخير والصلاح باذنه تعالى .. وهدى زوجك لك واصلح بالكما.. انه على كل شئ قدير وبالاجابة جدير |
ام وداااااااااااااااااااد
كيف حالك وكيف حال وداد والله اني انتظر اخباااااااااااارك من زماااااااااااان حبيبتي ..انتم اش فيكم.. خلاص الرجال اعلنها وكان صادق ..راح هو و أبووووووووووووووووووووووه لعند ابوك وتكلموا خلالالالالالالالالالالالالالاص ليش تطولونها وهي قصيييييييرة قولي لأخوك وأمك ...باللي صار بينك وبين ابوك اخلصوال الموضوع يا اختي حراااااااااام تتشتتون بعدييييييييييين لا تسمعي لكلام بعض الحريم اكييييييييد ان غرضها شيء من هالسالفة وبعييييييييييدين لحقي على زوجك وعوضيه وما رح يشوف غيرك بإذن الله كم شهر لك وانتي عند اهلك اكيييييد طويلة ما اكثر كلامي بس لازم ترجعي بأقرب وقققققققققت بيت خاص و شروطك مجابة بعدييييييييييين؟؟ الله يهدي اهلك؟؟ ويهدييييييييييك انتي.. انتي اعلنيها صريييييييييحة ولا تستحي او تخافي من احد ابي ارجع لزووووووووووجي وقولي لآبوك عن كل شيء وهو يوصلها لزوجك تكفيييييييييييييييين طمنينا عنك وحاولوا تخلصو الموضوع والله اني استني الموضوع اللي تقولي فيه أنا اكلمكم من بيت زوجي الحبيب..انا رجعت لزوجي وبيتي وانا مبسوووووطة والله يخزي الشيطان تكفييييييييييين قولي يااااااااااااااااااااارب عجل بهاليوم بانتظاااااااااااااااااااااااااااااارك |
أهلا أم وداد
ارجعي لزوجك لأنه من الواضح إنه يحبك وشاريك ما شاء الله ولا تنسي الكتكوته اللي بينكم الله يحفظها لا تلتفتي لكلام هذه الصديقة لانه إحتمال كبير يكون من إختراعها والله أعلم خاصة إذا كانت على علم إنه في مشاكل سابقة بينك وبين زوجك وربما تكون نظرة زوجك لها عادية جدا لجدا كن هي فهمتها خطأ و فسرتها على مزاجها المهم اضربي بكلامها عرض الحائط ولا تتأثري فيه و بشرينا عنك |
حبيبتي فرح
اتمنى لك التوفيق في حياتك اسعدك الله في الدارين انا من زماااااااان ابغى اقول لك أن توقيييييييييعك رااااائع واثر في كثيرا وقد نسخته وارسلته رسائل جوال لبعض من اعرفهم اللهم ارزقنا توبة صااااااادقة قبل الموت سامحيني يا ام وداد ..خرجت عن موضوعك |
السلام عليكم اختي ام وداد انا مع الاخوات الفاضلات.......هذه ليست بصديقه
واذا زوجك راح لوالدك معناها صحيح شاريكي وماراح لحاله لااااااااااااا........مع ابوه وكأنها ضمانه (يعني السالفه بوجه ابوه هالمره) ارجعي لزوجك وانسي الماضي وافتحي صفحه جديده......وخليكي قويه ولك قرارت لمصلحتك ومصلحة بنتك واسمحي لي اقول لك شي فلنفترض مجرد فرض ان زوجك فعلا طالع البنت يمكن مايقصد شي وهي ماصدقت على الله.......بعض البنات هم اللي يجبرون الواحد يطالع فيهم وانتي اخبر بصديقتك ويمكن عرفها ويبيكي تغارين مع اني استبعد الشي هذا وعشان ماتقولين لأني رجال ابرر لزوجك خليني أقول لك لاتنقهرين ولاشي حتى لو كان له قصد بانظرات فكري هو شاري مين ويحب مين وانتي ارجعي له ولاتعطينه فرصه يدور على غيرك.... وزي ماقالت لك الاخت(كل الغلا) جربي تصلحين الأمور قبل ماتشيلين لقب مطلقه.. الطلاق ليس حراااااااااااااااام لكن لاتعطي نفسك فرصه للندم وفي المستقبل تقولين ياليتني حاولت...... تعوذي من ابليس وعجلي بالموضوع والله يجمعكم على خير ويفرح البنت بأمها وأبوها جميع تحت سقف واحد |
صراحه هذه ماهي صديقة واحذري منها
لانها لو كان لبسها محترم مافي رجال يقدر يطالع فيها ماهو بس زوجك .. وبعدين يافاضلة زوجك يحبك لو كان مايفكر فيك ماكان جاء يردك .. الله يجمع شملكم يارب .. |
اقتباس:
فداك التوقيع ياقمر الله يوفقك والله اتبسطت كثير من كلماتك الحلوة وحبك للخير الله يرضى عليك ويكتب لك الآجر |
يا اختي ,,,ام وداد ... تعوذي من ابليس ... وهاذي ماهي صديقه هاذي عدوه ... مصلحتها من هالكلام
التخريب وبس ... ودام الرجال وصل لبيت ابوك معناه انه شاريك جد ... الله يسعدك يارب ... وانتبهي تفكرين باشياء مالها داعي ولا تسمعي كلام احد ابدا ... هموووم |
يا هلا والله وغلا بأم وداد الغاليه ما راح أزيد على خواتي أنا رأيي من رايهن يا بنت الحلال تعوذي من إبليس ورجعي لبيتك وزوجك طبعاً بشروطك لاتنيسين حقوقك وبس وسارعي بحل مشكلتك قبل لا يفوت الفوووووووووووت . وسلااااااااااااااااامتك |
يا ام وداد
الله يهديكي شو اللي صديقتي قالت وقالت ماقالت ويا ريتها ما قالت لا تاخذي ببالك كل ما يقول اجعلي نصب عينيك امرا واحدا لا ثاني له وهو اين مصلحتي ؟؟؟؟؟؟؟؟؟\ في بيت زوجي الذي عرض الصلح؟؟؟؟؟ ام في بيت اهلي البارد؟؟؟؟؟ اختي الكريمة هذه الامور ((نظرات زوجك ))) قد لا تكون صغيرة ولها تاثير كبير على نفسية الزوجة ولكن انت لست في موقف يحتمل التفكير بهذه الامور حتى ترجع الامور الى مجاريها استمري بالاستخارة ودعِ عنك ما يقول الناس وانا انصحك بالرجوع الى زوجك فلن تخسري بعد هذا شيئا ان استقرت حياتك معه بها ونعمت ان عادت المشاكل فستعطيك دفعة قوية للانفصال عنه لانه لا يستحقك وتقبلي تحياتي |
عزيزتي ام وداد ، الله يهديكي ويصلح حالك انتي وزوجك ووفقكم مع بعض بالخير والمحبة.
حبيبتي واختي انا اشوف انك لازم ما تكبرين الامور واتخلين الشيطان يوسوس لك، اتعوذي من ابليس واستمري في صلاة الاستخارة , فمصلحتك (في رأيي) هي رجوعك الى زوجك والاستقرار بينكما وصفاء الامور وحلها بالعقل وبرويه . وتمنياتي لك بحياة هادئة وموفقة بإذن الله تعالى.:22: |
السلام عليكم
مرحبا بأم وداد عزيزتي رجعي لزوجك شكله شاريك ولا ما كان راح لابوك وهو وابوه بعد ومع بيت مستقل!! رعي وتعوذي من الشيطان واذا كانت صديقتك صادقة وريلك فعلا نظر لها بتكون فعلا نظرات الحبيب الذي يود ان يسمع او يعرف اي خبر عن حبيبة والصديقة هي مصدر اخبارك بالنسبه له ولكن شكله ما تجرأ يكلمها ويسألها عن اخبارك عشان كذيه هي فسرت النظرة بالخطيرة. لكن اسلوبها ما يدل على الصداقة ابدا وارجع واقول رجعي لزوجك تحياتي او حمزة |
قولي آمين ياأم وداد .... بإذن الله مايجي رمضان إلا وأنت في بيتك ومع زوجك مبسوطة ..
حبيبتي لمتى تبغي وضعك يستمر كذا لامطلقة ولا متزوجة .... أنت لسة في أول حياتك ليش ماتعطي لنفسك فرصة ثانية مع زوجك وأتركي عنك كلام الحساد لأن زميلتك هذي واضح إنها ماقصدها إلا التخريب الله يهديها بس .... |
صلى اكثر و ادعي ان شاء الله
الله ينور دربج |
ياااااااااااااااااااااااااادي النيله انتي برضه:d حد يئلها حاقه يا قماعه:d بلاش اتكلم انا بئا:d |
انا ماادري ايش مشكلتك بس استخيري وفكري بموضوع الرجعه
واذا قررتي ترجعي امنعي الحمل فتره الين تتضح كل الامور حرام يجي مولود جديد اذا صار طلاق لاسمح الله |
السلام عليكم ورحمة الله وبركاته
بس بغيت اقولكم .. ان زوجي مايعرف صديقاتي.. اقصد مايعرف اشكالهم .. لاني حرصت قد ماقدر باني ماخليه يشوفهم .. مايعرف شكلها ولا مرة شافها ماعتقد الهدف انه يسالها عني او شي.. ولا حتى يثير غيرتي.. بنفس الوقت انا ادري ان زوجي مرات يسرح ... يطالع بالشخص ويفكر بشي ثاني.. وممكن بعد لفتت نظره لان شكلها بصراحة ملفت للنظر.. بشكل غريب .. وانا مالومه .. لانه رجل اولا واخير متزوج بالاسم ومحروم .. والله يعينه ويعيني ويفرج همنا... وربي ينور بصيرتي وبصيرته ... وبدلنا للطريق الصحيح .. الكل ضدي.. في بيتنا الكل ضدي.. بشكل ماتتصورونه .. عايشة بعذاب محد يتخيله .. بنفس الوقت .. بعد الصلاة ارتاح .. واقول ان شاء الله بتنحل من عند ربي.. واحاول اقنع الكل شوي شوي.. لاني لو رجعت غصبن عن امي.. واهلي.. برجع لزوجي وانا ضعيفه ومالي سند وهذا الي ماتمناه .. فهمتوا قصدي؟ وممكن اتهون علي هالمساله .. لو انا واثقه بان زوجي ماراح يخيب ظني ابدا .. لو اكون واثقه بس بان زوجي بيكون سندي وعوني.. بس انا مادري بالمره .. انا احبه وهو يحبني اعتقد .. بس حبنا هذا للاسف مايصمد ضد المشاكل.. راح لابوي صحيح .. وقال له انا ابي ارجع ام وداد وبنتي لي.. ابيهم لي وبحطلهم السكن .. بس ياناس هو قال هالكلام من زمان.. وين الشقه .. شاللي يبيني اسويه بالضبط ؟؟ انا بنت مهما كان مابيدي شي وهو الرجل المفروض هو الي يتحرك .. صح كلامي ولا لا ؟؟ |
يا ام وداد الله يرضى لي عليك
الان انتي تاركه زوجك لك فترة ليست قصيرة (بمعنى انه فقد الاشباع العاطفي والجنسي) فبالله عليك هل تصرفه بنظراته على تلك المرأة سيستغرب ؟؟؟؟؟؟؟؟؟ اختي انصحك لله ارجعي الى بيتك واحمدي ربك ولا تطولين السالفه قبل ان يصل الموضوع الى حد لا يطاق اختي الكريمة المستفيد رقم 1 من بعدك عن زوجك هو الشيطان . والشيطان سيلعب دورهـ على اكمل وجه طالما انتم بعيدين وكلام البنت الي تقول ان زوجك يناظر فيها ؟؟؟ اغلب البنات يريدون ان يخبروا الناس انهم يلفتون النظر .......(ربما ان صاحبتك هذي شيفه واول مرة يناظرها رجل , وما صدقت خبر راحت تنشر اختي اقول لك ارجعي بيتك قبل ان تندمي , الرجل يستطيع ان يتزوج اربع بدلا منك فاحرصي على نفسك وزوجك وبنت ومستقبلك |
ام وداااااااااااد القمررررررررررر
إيش الأخباااااااااار؟؟ طمنينا؟؟ |
أم وداد
ماذا تنتظرين؟ هل تنتظري ان يتزوج اخرى؟ لا تدعي الشيطان يتحكم في أمرك الله يوفقك |
ام وداد
لاتقهريني بنات هالأيام من تشوف واحد سارح قالت هذي اكيد معجب فيني اختي تعوذي من الشيطان ونصيحتي الشخصيه ترجعي لزوجك اختي البعد مو بصالحكم |
عادي ممكن لفتت نظرو عشانها صديقتك وبعرفها
ثم انو صديقتك لو صديقة كويسة مابتحكيلك يعني لو انا مريت بهالموقف السخيف مابحكي شي ممكن بحكي بصديقتي شفت زوجك اليوم بالسوق والله وخلص ومابخبرها الا لو صار شي فعلي كلمني او شي فصديقتك الله يهديها تهوى القيل والقال سيبك منها حادثة عادية بتصير مع الكل وفقك الله لما يحب وبرضى وفيه مصلحتك انت وحياتك دنيا واخرة يارب |
حبيبتي في الله اذكري الله واهدئ وصدقيني صديقك من صدقك
هذه انسانه منافقه ولو عارفه ان اختك ماراح توصل لك الكلام كان ماقالته الله يكتب الي فيه الخير بس عزيزتي تذكري ان بنتك بكره راح تلومك لما فصلتيها عن ابوها اختي الحبيبه كل البيوت فيها مشاكل والشاطره هي الي تقدر تكيف نفسها مع مشاكلها مثل الجمل |
يا ام وداد
صديقتج لو فيها خير وحابه تصلح بينكم جان ما قالت هالكلام انا لو مكانها اسكت وانطب حبيبتي الموضوع يستحق تجربه اخرى رجعي لبيتج واحتوي زوجج وادعي الله انه يساعدج في بناء عشج من جديد |
الله يفرج همك خلك على طلب السكن الخاص وما عليك من سوالف البنات ترى يتخيلون اشياء وايد ويقولونها او يمكن هي ترسم عليه وتبيك تخلصين الموضوع بسرعه تحذري منها
|
أم وداااااااااد
خلي ابوك يتصل بزوجك ويقوله البنت موافقة ترجع لك وانت عليك تجهز السكن وبإذن الله من يوم تنتهي على طول بترجع هي وبنتها يمكن إلى الآن ماجهز السكن لأنه مو عارف ردك اذكري الله واتعوذي من ابليس واتصلي عليه وفرحيه جيته لأبوك معناها شاريك ومايستغني عنك الله يصلح بينكم ويوفقكم يارب تحيـــــــــــــــــــــــــــاتي |
اقتباس:
:17: :17: :17: :17: :17: :17: :17: :17: :17: لا فـــــــــــــــــــــض فـــــــــــــــــــــــــــــــوك |
ام وداد الله يهديك
انا انتظر منك موضوع بفارغ الصبر يطمنا عليك وتخبرينا انك رجعت لزوجك ولأن تقولين ان زوجك طلبك ترجعين تقولين صديقتي تقول !!!!! ولا تزعلين مني صدقيتك ماتستحي حتى لو كانت صادقه ماتذكر هذا الشي ياام وداد انتي الأن كم لك بعيده عن زوجك فلا تلومين الرجال هذا اذا فعلا كان ينظر نظره مريبه لصديقتك ليش ماتحسنين الظن وليش اي يقال لك تصدقين زوجك بحاجتك وانت بحاجته ليش هذا التردد والتباطي زوجك جاي وابوه الرجال شاريك يابنت الحلال لا يلعب عليك ابليس الله يخذله انا متأكده مرت عليك ايام ماقدرتي تنامين فيها ولا تاكلين ونفسيتك تعبانه مرهـ والله دائما افكر فيك رجعت لزوجها او مارجعت وانتظر موضوع منك بشارهـ رجوعك لزوجك وادعي لك ولأن تفاجئينا بمثل هذا الموضوع ام اوداد ابليس الشيطان المقرب له اللي يفرق بين الزوج وزجته فكري بنفسك وفكري بوداد وفكري بزوجك مالي الا ادعي لك الله يوفقك ويكتب لك اللي فيه الخير والصالح لاتزعلين من ردي والله اني احبك في الله واتمنى لك الخير والسعادهـ طمنينا عليك |
السلام ليكم ياام وداد
والل كل ماشفت مشاركتك باي موضوع اقول الله اعلم وش صار معها الاخوات ما قصروا وفوا وكفوا ارجعي لبيتك وزجك والله يخزي ابليس وننتظر ايش صار على احر من الجمر |
اللهم فك كرب ام وداد
اللهم فك كرب ام وداد اللهم فك كرب ام وداد اللهم فك كرب ام وداد اللهم فك كرب ام وداد اللهم فك كرب ام وداد والله اختى لم أملك لك سوى الدعاء يارب يلم شمل اسرتك اللهم يا قادر يا كريم |
|
ام وداد مو لذي الدرجة انتي ماتفكري تصدقي اي وحدة فرضا كذابة
وارجعي لزوجك ولا تخافي الاهل يضلوا سند لك مهما كان حتى لو هددوا انهم مالهم شغل فيك مو كفاية عاقبتيه كل ذي المدة ارجعي خلي بنتك تحس بحنان الابوة اهلك مابيدومون لك فكري فيها زين وش يفيدك بعدين مطلقة وعندها بنت هذا اذا خلها ابوها عندك ارجع واستهدي بالله وخلي رمضان تستقبليه ببيتك مع زوجك وادعي الله يوفقكم بهالشهر |
أختي الفاضلة أم وداد الحمدالله على هذه التطورات الإيجابية وعليك أن تصلحي مع زوجك في أسررررع وقت ممكن وتعوذي من الشيطان الرجيم وإن شاء الله تعود المياه الى مجاريها قبل شهر رمضان المبارك ، وعليك بالمحافظة على الأذكار والرقية الشرعية وقراءة سورة البقرة 00أما من قال لك أنه رأى زوجتك في السوق فيا أختي التمسي لزوجك سبعين عذرا فلربما أنها تكذب عليك أو ربما أنك تشابهين لها وظنها أنت عموما أنت فتاة عاقلة ومثقفة ولا تحتاجين من يعلمك وإنما هذا تذكير ليس إلا أتمنى أن تبشرينني بعودة المياه الى مجاريها عاجلا غيرآجل
|
الله يصلح بينكم ...
|
| الساعة الآن 03:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©