|
امك وتأخرك بالزواج
بنات شلووون اتصرف :(
امي الله يحفظها من بدت اجازة الصيف وهي تردد "كل البنات تزوجوا الا انتي" امس وحده تقربلنا اصغر مني انخطبت على طول امي التفت علي وقالت "ريماني كل البنات تزوجوا الا انتي" قبل كم يوم بنت صديقتها اصغر مني جابت بنوته ماشاء الله قالت نفس مقولتها "كل البنات تزوجوا وخلفوا الا انتي" يعني وش اسوي؟؟؟؟؟؟؟ ليش هو على كيفي؟ بنات ابي اعرف وش موقف امهاتكم من تأخر زواجكم هل تحسون انهم مهمومين مرررره؟ يسمعونك تعليقات مالها داعي؟ انا امي ياعمري عليها قايمه قاعده تدعي لي بالزواج حسستني اني هم كبير وكل محد يقولها شئ تقول بزواج ريماني ان شالله حتى الناس حسو انها متأزمه من وضعي صار موضوع زواجي شغلهم الشاغل من غير مبالغه احس لما اتزوج كثيرررر ناس بيرتاحون :25: اكيد حب الام وخوفها على مستقبل بنتها يخليها تتصرف كذا بس لاشعوريا اتضايق وتجيني الصيحه بس احاول اكون على طبيعتي وان الموضوع ماهمني يالله ابي اسمع ردودكم وشلون تتصرفون بهالمواقف |
كم سنك حبيبتي؟
|
أنا الحمدلله أمي لا تذكر لي هذا الموضوع نهائيا لحساسيته وحساسيتي أنا أيضا لدرجة أني أحيانا أقول يمكن زواجي مو على بالهم هي وأبي لكن أعتقد أنها تكتفي بالدعاء بينها وبين ربها
|
والله ما حد يشيل همنا مثل أمهاتنا الله يخلي أمك لك ويخليلي أمي ويخلي أمهات العالم كله والله ما في مثل الأم ............. حبيبتي من حبها لك تحاتيج وإن شاء الله يستجيب دعائها وتفرحين بالزوج الصالح والذرية الصالحة عاجل غير آجل يا رب العالمين ،،،،،،،،،،،،، ولا تأخذين الموضوع بحساسية وتتضايقين الناس تعرف إن الأم تشيل هم أولادها واي وحده بتكون نفس أمج .............. الله يطول في عمرها ........... لفظ المشيئة يكتب هكذا (إن شاء الله) |
حليلهم أمهاتنا ! هذا والله أختي الحبيبة شيء يحصل عند كل متأخرة مثلنا ... أمهاتنا شايلين الهم ... وكل واحدة تتمنى تشوف إبنتها في بيتها مع زوج يخاف الله فيها تدرين حبيبتي ... أنا ساعات أحاول أنسى الموضوع ... وأقول عادي كل شيء يجي بوقته واللي لها نصيب ... حتماً بتاخذه لكن كلمات أمي وأمنياتها ودعواتها ... تجعلني أفكر ربمــــا لكي ترتاح وتكون سعيدة خصوصاً هذه الأيام مع الزواجات الكثيرة وهو موسم أعراس يزداد حنينهن ... وتتابع دعواتهن أنتي بس حاولي تقولين لها كلام طيب ... إن كل شيء قسمة ونصيب ... وأن التأخير فيه الخير ... وغيرها من الكلمات التي تهدي للصبر الله لا يحرم أمهاتنا فررررحة بنا في القريب العاجل الله يسعدك حبيبتي بالزوج الصالح التقي النقي الذي يقدّرك ويسعد قلب أمك الغالية اللهم آمين أختك " زهرة " |
ياقلب الأم الكبيــــر
صدقيني ياريماني أمك من كثر ماتحبك تتمنى لك الخير هذا أكيد لكن تعبيرها يمكن يضايقك لأنه منها بالذات أعرف إنه كل بنت نفسها تفرح قلب أمها علشان كذا متضايقة إنك سبب ضيقها الحل الوحيد إنك تقنعين نفسك بأنه أمك تحبك ومن حبها بتشوفك أفضل الناس إذا قالت كذا لاتتحسسين وطمنيها وقولي بإذن الله بكره بتزوج وبفرح قلبك إذا قالت فلانة تزوجت وفلانة ولدت قولي بإذن الله أنا بيجي يوم وبتزوج وبفرح قلبك لاتتضايقين منها ياريماني اللي تقوله أمك تنفيس عن اللي جواتها لكن لو كانت تقوله عند كل الناس إجلسي معها وكلميها بهدوء وحنان إنه ولا وحده من البنات هي اللي جابت الزواج لها كله بيـــــد الله لو كان بإيدينا كان من زمــــــــــان إخترت واحد على مزاجـــي وأكيد هي حريصة عليك لما تقولين لها إذا صرتي تبينين للناس إنك مهمومة ومتضايقة مني بكره كلهم بيشوفوني ثقيلة وإنك ماتحبيني وإنت عكس هذا كله أحبك وتحبيني بالكلمة الحلوة ياريماني إن شاءالله تقدرين على أمك وتقنعينها وتريحين بالها ومالنـا إلا الصبـــــــــــــــــــــــر . |
تصدقي بالله .. اذا انا ماسمعت كلمة ( ان شاء الله بنسويها بزواج ( العام ) ماارتاح .. احس اذا ماقالوها اني ماراح اتزوج واحسهم مو متحمسين لزواجي
لكن امي الله يهديها تعايرني بعض الاحيان بطلاقي .. لمن يجي عريس يبغى يشوفني وانا اقوم ارتبك تقوم تقول المفرض خلاص تعودتي على هاذا الموقف .. تقولها من باب مزح لكن تحز بنفسي والله الله يفرج كربتنا وبعوضنا خير .. معليه حبيبتي تحملي .. شوفي شوبارد سم الله عليها الله يحميها .. كانت تسمع من والدتها الله يخليها لها كلام يعور واحنا كنا نهون عليها .. وشوفيها ماشاء الله عليها اتزوجت وامها مبسوطه فيها .. الله يحميها ويبعد عنها شر الحاسدين مالنا غير الصبر .. ومابعد شيقة الا فرج |
يا مكثر ما سمعت من أمي كلمة ياعـــــــانس !!
ودعاوي السم أرحم منها والله ما عقدني بحياتي غيرها الله يهديها |
أنا أمي ما تقول كلام يجرح...
لكنها كثييييييير تدعيلي... يعني بمناسبة و بدون مناسبة.... أحيانا أتمنى إني ما أسمعها و هي تدعي عشان ما أحس إني تأخرت في الزواج و أهلي شايلين همي.. اختي... ترانا كلنا نمر بنفس الظروف وان اختلفت المواقف... والأمهات ربي يخليهم ترى و الله من حبهم الزايد يقولون اللي يقولونه... ربي يحفظهم و يخليهم يارب... وانت التمسي لامك العذر ترى والله ماتكلمت إلا من حبها لك... ،، ،، ربي يرزقك ويرزق كل بنت في هالقسم بالزوج الصالح... |
أمي
أمنيتي في الدنيا اشوفها تحضر عرسي ..احس هذا حلم حياتها .. الله لايحرمنا ولا امهاتنا من هاليوم .. |
:11:
ياسكر ياحبيبة قلبي انت ايش هذا الكلام خليك متفائله وابشري بالخير كل الامهات كذا قد يختلفون ولكن هدفهم واحد انا ماانكر احنا هم يعني انا اتكلم عن امي امي شايله همي لو صار شي لها لاسمح الله خايفه علينا انا واختي ايش راح يصير فينا كيف اخوانا راح يعاملونا فتبغا تتطمن علينا وتزوجنا عارفه انا امي كانت تحرجني لما الناس يتصلوا يسلموا ويسألوا عننا انا واختي تقول لهم ماعندكم شباب ازوجهم بناتي ومره والله كانت جسلة شاي ومتجمعين مع ناس موذيك العلاقه معاهم يعني اخر مره شفتهم قبل 13 سنه وفي ذاك اليوم ماادري كيف فتحوا الموضوع وبوجهي قالت لها ماعندك عريس لبنتي نزوجها:29: وعلى طول سألتني الحرمه قدام الحريم كم عمرك؟ وايش دراستك؟ تشتغلي ولا لأ؟ وصاروا الحريم كلهم يطالعون فيني:o والله قمة الاحراج تمنيت الارض تنشق وتبلعني ولا اكون بهذا الموقف وطبعا كل مره انبه امي ياامي مايصير ايش يقولوا الناس عننا مو حلوه في حقنا هما عارفين اننا بنات وماتزوجنا خلاص مافي داعي الكلام هذي كأنك تسترخصينا وقلت لها ماعليك غير الدعاء وتأكدي ياأمي بيجي ابن الحلال من اوسع ابوابه ومن غير ماتحسي راح نتزوج اتصدقي تسكت امي وترتاح واشوفها تكثف دعائها لنا واقولها امي لاتدعين لي واختي وبس لا ادعي لجميع بنات المسلمين عشان الملائكه ترد عليك ولك بالمثل فأشوفها ترتاح وتدعي للجميع فمعليش حبيبتي لاتزعلي ولا شي اسمعي اذا قالت لك( كل البنات تزوجوا الا انتي) قولي لها ( انا ان شاء الله الشهر الجاي بيجيني الزوج الصالح ونملك بعدها بشهر ونتزوج بعدها بشهرين) وقوليها وانت متفائله ومبسوطه واملك بالله كبير صدقيني راح تفرح وتدعي لك ومره قولي لها:: افاااااا ياأمي شكلك ماكثفتي الدعاء:( ادعي لي ياامي وادعي لبنات المسلمين:) عشان ربي يستجيب وقوليها وانت تمزحي ومتفائله ومبسوطه ومستبشره صدقيني مره على مره راح تتغير ترى انا اقولك من تجربتي مع امي فلا تشيلي هم ودحين خليك قريبه منها وقولي لها امي رمضان قرب خليك متفائله وادعي لنا ياامي وكل شوي ذكريها اذا شفتيها تصلي قولي لها ادعي لي ياامي اذا شفتيها جالسه قربي منها وبوسها ودلعيها شوي وقولي لها امي لاتنسين تدعيلي<<< عارفه بتكون في قمة رضاها عنك وراح تدعي لك بقلب صادق راضي عنك ومره ومن غير سبب بوسي يدها وراسها وقولي لها وكلك ذل وخضوع ((امي انت راضيه عني؟؟؟ امي سامحيني اذا قصرت في حقك امي سامحيني وارضا عني)) وبوسها واذا اخذتي رضاها روحي صدقيني في ذيك اللحظه راح تدعي لك من كل قلبها واخيرا حبيبتي هذول امهاتنا ومن خوفهم علينا يتصرفون تصرفات تضايقنا لكن خليك متفائله ولاتشوفيها ثقيله عليك هيا حبيبتي لنكثف دعائنا في هذه الايام وفي شهر رمضان بقلب صادق مؤمن موقن بالاجابه يارب ياكريم يفتح لنا ابواب رحمة ويسخرلنا الازواج الصالحين ويستر علينا دنيا واخره الله يسعدك ويفرج همك وينولك مرادك ويسخرلك ويرضا عليك ويرضيك غاليتي:: ممكن سؤال::: حبيبتي كيف الحفظ معاك ومراجعة السورة حاولي تراجعي السوره عشان ماتنسيه ويضيع تعبنا الله يجعلنا من حفظة القرآن الكريم حصنتك بلا اله الا الله |
انا امي نفس الحالة ..
بس دائما افرحها واقول .. ان شاء الله تشوفينني قريب عروسة .. وتشوفين عيالي .. وتحظرين زواجاتهم .. وبتفرحين بس اصبري شوي <===== المفروض هي اللي تهون علي مو انا ... بس والله من كثر مو شاغل بالها .. ما ابي ابين لها اني مهمومه انا بعد وهو كل شي قسمة ونصيب |
كتر خيرك
لكن يبدو انكي صغيرة في السن ربنا يكرمك ان شاء الله |
بالنسبة لأمي ..... هذا أول كانت تدعي قدامي .. بس بطريقة تخليني أحس اني عبء ... بس وحده من أخواتي الكبار كلمتها وان هالطريقة تجرحني ... تغير اسلوبها ... صرتي انا اللي أقول أنا ما راح اتزوج ؟؟ عادي كيفي عمرك ... وهي تقول لا ان شاء الله .... يعني أنا اللي محبطة نفسي بنفسي ... وأمي تحاول تهون علي ... انتي جربي تخلين احد يكلمها في هالموضوع ... أو انتي كلميها وقولي لها الله يجزاك بالجنة ترى كذا وكذا ... والله بترتاحين كثييييييييير ........ الله يفرجها علينا
|
ana-22
اواخر العشرينات :24: عندنا اللي توصل هالعمر وماتزوجت خلاص فاتها القطار الله المستعان حبيبة الفهد الله يخليك امك وتفرح فيك يااارب انا امي ماتفتح الموضوع مباشره لكن احس من نظراتها ودعواتها انها مررررررررره مررره شايله هم الله يفرحها يارب وتشوفني عروسه نور الاوطان اي والله مافي مثل الام الله يخليهم لنا ويفرحوووون فينا قريب lovepeaceangel اللهم اااامين انا وانتي وبنات المسلمين ياحبيلك كلامك عسل والله انا ودي اتزوج بس عشان ترتاح الله يبلغها هاليوم يارب غـاليــة ياقلبي انا اتضايق لما اشوفها مهمومه عشاني وهي لاشعوريا تظهر همها للناس مو بالكلام لا بالدعاء الله لايحرمني دعواتها بس مو قدام الناس لاني انحرج الصراحه الله يطمن قلوب امهاتنا علينا ويفرحهم يارب العام اكيد امك نفس حالة امي شايله همك وصدقيني ياقلبي ماتقصد تعايرك بس تمزح معك مثل ماقلتي من حبهم وخوفهم علينا الله لايخلينا منهم ويزفونا للازواج الصالحين عاجلا غير اجل oOعبير الرياضOo الله يهدي امك ويصلحها على هالكلمه ويسخرلك يارب زوج صالح يقر عيونك ويفرح قلبك وقلب امك أم حور ياحبيلها والله مقدره شعورها وكثيرررر اعذرها اكيد تحاتي وخايفه علي وربي ماعمري سمعت منها كلمه تجرح الله يخليها لي يارب حتى لما تقول كل البنات تزوجوا الا انتي تقولها وهي مهمومه وانا يحز في نفسي اشوفها كذا احيانا اقولها نصيب واحيانا اسكت واحيانا اقولها بتفرحين فيني ان شالله الله لايحرمنا اجر دعواتهم ويفرحهم يارب اعذروها اااااااااامين يارب الله يحقق امنيتك يالغاليه عاجلا غير اجل ويبلغ امهاتنا ويقر عيونهم بشوفتنا عرايس ودي اشوف فرحتها بهاليوم الله يبلغني يارب روح الغالي يشهد الله اني احبك فيه وربي كلامك عسل ياعسل ويريح القلب انتي السكر والله ياحليلها امك الله يخليها لكم يارب وتفرح فيكم قررررريب الله يرزقنا برهم ورضاهم يااارب تصدقين احيانا اقولها ترا في زواجي بتلبسين كذا وتسوين كذا تضحك وتقول ان شالله مااحب تشوفني مهمومه او منكسره دايما احسسها اني متفائله واتكلم معها عن زوجي واطفالي :d لما تسمع خبر خطوبه ولازواج اشوف نظره الهم بعيونها وانا اموووووت ولااشوفها مهمومه ولاحزينه عشاني غصب عني اتضايق لما اشوفها كذا ماتتكلم عتاب او معايره لاوربي بس الهم ياكل قلبها هي تحس بتأنيب ضمير لان عاداتنا بالزواج معقده شوي ياربي عجل بالفرج وفرح امهاتنا يارب ابشرك يالغاليه الحفظ تمام الحمدلله بس محتاجه اراجع الاجزاء الاخيره احس انها تلخبط شويه الله يتمم علينا يارب ويرزقنا حفظ كتابه مـالك عالـمي الله يحفظ امك يااااارب ويبلغها شوفتك عرووووسه وتشوف عيال عيالك ان شالله جويرية22 احيانا اقنع نفسي اني صغيره بس لما اشوف حالة الاستنفار اخاف اقول شكلي كبرت :30: تسلمي على المرور وقودي أمل اخاف اكلمها او ارسل احد يكلمها وتفهمني غلط وتقول يعني ماتبين ادعيلك حبيبتي لاتحسسين امك انك محبطه وربي بتتضايق اكثر تفائلي قدامها ولادعت قولي ااامين انا اتظاهر قدامها ان الامر عاادي واني بتزوج حالي حال البنات ومن داخل الله يعلم بحالتي بس ماودي اضيق صدرها او ازيد همها هم الله يرزقك يارب باللي يسعد قلبك ويفرحك عاجلا غير اجل |
وسعي خاطرك يا عمري ولا تتكدرين هذا كله من الحـــرص..... إلخ كل ماجابت سيره الزواج قولي لها بس تكفين ادعي لي بصلاتس وبآخر الليل والله بيستجيب الدعوات يايمه وعساتس بالجنة ويطول بعمرتس .... ولا تزعلين منها ولا تكونين حســـــاسة تبي تفرح بس :14: الله يرزقك ويسعد ايامتس والله معك |
امي و ابويا الله يحفظهم
ابدا ما يظهرون لي قلقهم من هذه الناحية يمكن هم قلقين لكن يخفون مشاعرهم وهذا لاني مو مقصرة من هذه الناحية و صريحة معهما جدا فمن يشعر بي سواهما و من يمسح دمعتي سواهما !! هل لدينا غيرهما الله يحفظهم و يحفظ جميع الاباء و الامهات و يلبسهم ثوب الصحة و العافية !! |
حبيبتي قراتي عن قيام الليل وسورة البقرة وقصص البنات اللي تزوجو بعد ما سووها ادخلي هالموقع وتقدري تعملي بحث في قوقـــل اذا حبيتي
هذي قصه من الموقع ... عشان تتحمسي انك تعمليها قصص من تزوجن بعد قيام الليل او قراءة سورة البقرة أنا اعرف وحدة فاتها قطار الزواج يمكن عمرها تعدى الثلاثين ولا جاها نصيبها وفي يوم من الأيام حست البنت انها كبرت وبدت تذبل ولاجاها رزقها.. المهم قدر الله وحضرت محاضرة لداعية عن قيام الليل وفضل الدعاء والإلحاح وان الله في الثلث الأخير من الليل ينزل في السماء الدنيا ويقول هل من داع فأستجيب له.. المهم هي قالت لازم استغل الفرصة وادعي ربي يرزقني الزوج الصالح... ومع ان اختها كانت تقولها لاتعبين عمرك بالدعاء محد يبغاك انتي كبيرة بالعمر وهي ترد عليها وتقول ربي سميع قريب سبحانه.. المهم قعدت حول 3شهور وهي يوميا تقوم الليل وتدعي ربها بانه يرزقها الزوج اللي في بالها وكانت من ضمن اللي دعت ربها انه يكون ابيض وطويل وعيونه زرقاء.. حتى اختها كانت تقولها لاتحلمييين مافيه سعودي كذا وسبحاااان الله مجيب الدعاء رزقها ربي بواحد اصغر منها وابيض وطويل وعيونه زرقاء... تصدقووووووووون ولالااااا....... ما أقول الاسبحان ربي اللي يقول للشئ كن فيكون.... هذا هو الرابط وفيه قصص كثييييره http://www.khayma.com/da3wah/219.html |
أنا امي قبل ما أتزوج كانت يا سلام باليوم ألف مرة
بس ما كان يهمني أبدا وش تقول لأني أصلا ما كنت مقتنعة أني تأخرت عن السن كنت على طول اقلبها مزحة و ضحكة و هي تقلي مدري تهاونك وين راح يوصلك بس انا انخطبت كثير بس كنت حابة واحد معين الي يجي اخترعلهم عيب معين حتى جاء الي عليه النية و الحمد لله الحين هي وراء اختي يعني المسلسل ما ينتهي ابدا مع الأمهات |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©