|
تصدقون.. ماعرف أطبخ ..!!كيف أتزوج؟؟!!
أخاف هالموضوع يطيحني من عينكم ..:24: بس هالله هالله فيني لاتهاوشون ..تراني حساسة ..وأخاف ..:d السالفة ومافيها الله يسلمكم ,,اني ماعرف اطبخ .. جد والله مااعرف أطبخ نهائياً .. ماتعلمت على الطباخ من يوم أنا صغيرة..:15: لما كنت أدخل مع أمي المطبخ أشوفها وهي تطبخ ..تهاوشني وتطردني ..:25: خواتي ماكانوا يعرفون يطبخون ..بس لما تزوجوا جبرتهم ظروف الحياة وصاروا يطبخون ,, أشوف اللي حوالي متزوجات وغير متزوجات كل الاعتماد ..على الخدم .. بيتنا الناس اللي فيه (مو أكيلة أبداً) مو من النوع اللي ياكل ..حتى حتى زوجات اخواني أول ماجو يتنا مساكين يتفننون في الطباخ ..عشان أزواجهم ..صادهم إحباط محد ياكل ..:29: كل الأسباب أعلاه ساعدتني ..أو خلينا نقول ..وصلتني للحالة إللي انا فيها .. يعني أعرف أسوي شاي <<وايد عليج ..:d وأعرف أسوي شكشوكة (أتوقع جذي تسمونها بالسعودي )<<بس شكشوكتي حلوة لايعلى عليها ..:17: ووووووو .. الصراحة بس ماعرف شي ثاني ..ولاأحب السويت عشان أتعلمه .. دايم أمي تقول لي تعلمي ..وراج زواج .. أرد عليها رد واحد مايتغير .. أقول لها :كله منج ماعلمتيني ..:25: أو أقول لها ..لحد الآن ماأجبرتني الظروف ,,إذا جبرتني غصبن علي بتعلم ,,وبعدين هذا زمن خدامات .. بس من كم يوم كنت أتناقش مع زوجة أخوي في هالموضوع تقول اعذروها تعلمي من ألحين احسن .. أنا أقول لها بتعلم إذا انخطبت ..وانجبرت ..:30: هي تقول إن اي طبخة محتاجة تسوينها كم مرة عشان يدوب تضبطينها .. امممممممم .. بصراحة ماأحب المطبخ .. وإذا جعت أعرف أصرف نفسي آكل اي شي ..أو اطلب من المطعم .. والله لو في دورة طبخ للمبتدئين كنت باخذ لي .. الصراحة لما حد يتقدم لي ..أمي تقول لهم ترى البنت ماتعرف تطبخ .. يقولون عادي ..هي موظفة ..أصلا ماعندها وقت تطبخ .. يعني ولا مرة حد رفضني عشان مااعرف ..<<تخيلوا رافضيني على هالسبب صج فشيلة حتى لما كنت مخطوبة قلت له إني ماأعرف ..قال :عادي بتعلمين ..:18: إنتوا يابنات شلونكم مع الطباخ ..تحسون نفسكم مهيئين من هالناحية .. خاصة إن يقولون الطريق إلى قلب الرجل معدته <<رحنا فيها ..مشكلة ..:25: وبعدين شرايكم شلون أتعلم وبإيش أبدا .. ولا مافي داعي ..اخليها للظروف .. والله أنا لاحظت معظم صديقاتي وماكانوا يعرفون يطبخون ..وللآن تزوجوا ولا يعرفون وماشية حياتهم .. اليوم أول مرة ادخل قسم التغذية والمطبخ ..طاح وجهي في الارض ..شفت واحد من الأعضاء (الذكور)..مسوي طبخة ..حسيت بإحراااااااااااااج ..وأنا ماعرف شي رجاء لا اطيح من عينكم ..تراني سنعة ..بس ماأعرف أطبخ .. خلونا نتناقش في هالمواضيع من باب التفاؤل ..والاستعداد .. وبعدين لا تتسندرون من كثرة مواضيعي هالفترة .. ترى كلها أسبوعين وتخلص إجازتي ..وبتنحرمون من سوالفي الحلوة .. |
أمر طبيعي جدااااااااااااااااااااااااااا
اشترلج كتاب الطبخ وفي الاسبوع مرتين نفذي من الكتاب بس لا تخلين زوجك يتسمم ( هههههههههه ) وبعدين مع مرور الوقت بتتعلمين ... |
أشوة (هيا) ..ريحتيني ..
يعني في مجال أتعلم ..الحمد لله .. شاكرة مرورج ودعمج لي .. |
أهلين اختي ... اعذروها .... بالنسبة لي أنا كنت زيك ... ولا أفكر أدخل المطبخ .... بس كنت ممشية حالي يعني أعرف اصلح رز .. خضار ... وما أصلحها إلا في المواسم .. سحور ... ومو دايم... الموهيييييييييييم بعد ما تخرجت بسنة .... أنا الآن لي متخرجة ثلاث سنوات ... طحت فيمنتديات الطبخ وصرت أطبخ ... والي يشجعني ان اخواتي يجون الإثنين والخميس ويصير بعضهم صايم مع ماما والله وأتفنن لهم ..... .. وبالنسبة انك تتعلمين ... والله بكرة اذا تزوجتي ما راح يضرك آآآآآآآآآآآآآآآآآآبدا ... كل اللي أعرفهم وتزوجوا ما يدبرون شي في الطبخ .. ولا ضرهم ... إلا من أول سنة خادمة ... وحتى اللي فنانة طبخ أول ... سوت عمرها ما تعرف قدام زوجها ... أصلا رجال هالوقت مو زي أول ... والله لو تعملين له اندومي ... اعتبرك فنانة ....
|
وقودي أمل : ريحتيني الله يريحج ..شكلي بتعم شوي شوي ..لين أصير طباخة ..خلاص عيل أندومي أندومي ..هههههه ..
أسعدني مرورج .. |
:16: :16: :16: :16: :16: :16: :16: :16:
:16: :16: :16: :16: :16: :16: :16: :16: :16: :16: :16: :16: :16: :16: :16: :16: من يوم ورايح ما رح نناديكي اعذروها ابدا مالك عذر لازم تتعلمي الطبخ سريعا علامة كمال المراة تفننها بالطبخ الله يهديكي ويرزقك الزوج الصالح اللي يحب الطبخ:25: :25: عشان تضطري تتعلميه ماعندي نصائح شلون تتعلمي الطيخ مع العلم ان الغربة علمتني شوي اطبخ يعني اعرف اعمل كفته:17: :17: وفقك الله حبيت اصبح |
الأخ صاحب ظل طويل :
والله كنت متوقعة أي رجال يدخل الموضوع يبهزأني ..بس الله يسامحك على دعاؤك ..الشق الثاني من دعاؤك ..(يحب الطبخ) مااقول آمين إلا على الشق الأول ..فعلا أحيانا الظروف تجبر الإنسان ..بدليل انت تعلمت في الغربة .. عموما ..الله يجزاك خير ..بنتعلم إيش ورانا .. |
وعليكم السلام ورحمة الله وبركاته
اخيتي بسيييطه كلش رمضان على الابواب تعلمي وتفنني من كتب من برامج مطبخيه من كثير وصدقيني راح تجدين المتعه يا اختي ركوب السلم من اول عتبه ليس من اخرها لكي نصل الى مبتغانا هيا صيري مثل ام خالد والاخوات تعلمي منهم واسألي ترا امر جميل وبكره ربي يرزقك زوج ان شاء الله راح تعرفين كيف الرجال يحب اكل وطبخ زوجته حتا لو مو اكيل بس راح تسوين هيا تعلمي من الكتب كثيره بالوصفات والصور وطبقي اكلات اخواتنا هنا واسأليهم بالصور موجوده بووركتم |
مايهزك :اولا جزاك الله خير على دعواتك الطيبة ..المشكلة مافي وقت في رمضان ..أرجع من الدوام يدوب أرتاح وتحضير وتصحيح (مدرسة الله يعين)..
حسافة مااستغليت الإجازة ..بحاول اتعلم لي شي في إجازة نهاية الاسبوع بطبق على الأهل ..مساكين الله يعينهم .. عموما شرفني مرورك الكريم ..وردك الطيب..جزاك الله خير .. |
اقتباس:
لوفكرتي اكثر برشة ملح لوجدتي ان دعائي كله لك ان يهديك ان يرزقك الزوج الصالح الذي يحب الطبخ يعني هو يحب يطبخ بايده على شان خاطر يريحك من الاحراج يا اخت اعذروها لكن الان بدي اقول الله يهديكي ويوفقك ويرزقكالزوج الصالح اللي يحب الاكل :25: :25: :25: هيك احسن صح تقبلي احتراماتي العظيمة |
الأخ صاحب ظل طويل :
الله يسامحك ..خلاص اااااااااااااااامين على دعاؤك الاول كامل (بشقيه)..ودعاؤك الثاني اعتبر نفسي ماقريته ..:d جزاك الله خير .. |
شوفي ياغالية الطبخ مافيه اسهل منه خاصة اذا انتي بغيتي تتعلمين انا كنت مثلك خاصة ان البيت كان مليان بالخدم غير الطباخ بس يوم انخطبت تعلمت شوي شوي من كتب الطبخ ومن اخذ الوصفات ومن الوالدة و من هنا وهناك والحين الانترنت ماشاءالله ماخلا ولا بقى ولابالصور .. صرت اخذ الوصفات واطبقها واتفنن حتى اهل زوجي مايصدقوا ان كل هذا يطلع مني .. يالله عقبالك شوفي حبيبتي طبخ الزوجة سبب من ااسباب استقرار الحياة الزوجة لان الرجال بيطفش من اكل المطاعم كل يوم وغير كذا اكل الزوج من يد زوجته يزيد من محبتة لها لانه بياكل الاكل وفيه نفسها الحلو :25: |
حبيبتي أعذروها الله يوفقك ويسعدك دنيا وأخره
كلنا كنا كدا بالأول بس قليل قليل صرنا فنانين في الطبخ دحين فرصتك رمضان جاي وحاولي تدخلي المطبخ من بعد الدوام واعملي أي شئ مع أمك الحبيبه وممكن تشتري كتاب طبخ وأتعلمي منه والله يسعدك يارب |
عروب :
هلا حبيبتي ..والله انا احس بعد إنه سهل بس يبي له ممارسة ..وانتي ماشاء الله عليج ..الظاهر صرتي فنانة..ماشاء الله تبارك الله ..وعقبالي يارب ..طمنتيني .. |
روعة :
أها ..أثر كل المتزوجات ماكانوا يعرفو ا شي قبل ..الله يريح بالج يارب ريحتيني ..باخذ بنصيحتج قدر الإمكان .. أسعدني مرورج وردج الله يسعدج .. |
الحال من بعضه ..الله المستعان ..
|
مالذي يزين بنظرك أكثر من إعدادك لأكلك بطريقتك أنت وليس من كتب المطبخ الكتب الوحيده التي لن أقتنيها هي كتب الطبخ ليس لشي لكن " يقولون لكل طباخ نفس في الأكل" * * * برغم وجود الخدم ( الذين لا أحبهم ) في منزلنا منذ صغري بحكم ظروف عمل والدتي وبحكم أنني وحيده وحجم المنزل * * * إلا أن والدتي كانت تصمم على وقوفي ومساعدتي لها ولذا أكون سعيده إن رأيت عائلتي سعيدة بما أقدمه لهم وأسعد أكثر إن كان كل شي من إعدادي صدقيني * * * لو كنت رجلاً لما تمنيت من زوجتي أن تعمل ولا أن تتعلم قدر إهتمامها بي وببيتها صحة أبنائها وصحتي ،، وقبلها تعليمهم ورقي فكرها هذا المهم لا أن تعلم الناس وأبناؤهم وهي لم تتعلم كيف تحسن التودد لي ليس هذا واجباً لكنه إحسان ..!! . . ياغاليه لاتضني أن هذا ليس ُمهماً بل بالعكس تعلميه لأجل نفسك لتتذوقي ماتحبين ساعه تحبين ليس فقط لتتذكري ماتقدمينه لأي رجل . . صدقيني نفسك غاليه فدلليها . . ثم اينك من بر والدلك أولاتستحق والدتك أن تقدمي لها طبقاً تشاركينها فيه كل مساء ..!! . . قدمي ماتحبين لمن تحبين ثم الأكل لذه فكيف إن تم تقديمه بطريقه مرتبه وصحيه .. . أنا ممن يدخلون المطبخ ولي طقوس وبشهادة من حولي ُأجيد هذا كثيراً * * * رغم إنشغالي لكنني حين ُأقدم شيئاً أقدمه بإخلاص ... على أي حال سأكون هنا إن إحتجتي لمساعدتي الأكل لا يتعلمه أحد قدر مايتفنن فيه ويحب أن يقدمه ..!! . . . وتذكري صائمه لله تعتبر ممن يقدمون الطام بشكل جيد وكذا ام البنين .. ننتظر تجاربك في رمضان . . لك ولوالدتك سلامي ومح ـــبتي |
كلي شعووور:
الظاهر كل البنات والمتزوجات مثلنا ..الله المستعان .. |
تعب:
والله انا خاطري اتعلم..وفعلا كل انسان له طريقته ..أحيانا اثنين يسوون نفس الطبخةونفس المقادير وتطلع مختلفة .. هذي اللي يسمونه(النفس) .. انا ناوية اتعلم..وماشاء الله عليج..مبدعة دايما .. أكيد يسعدني مرورج دايما في مواضيعي ..وتنوريني نصايحج الحلوة .. |
وضعي مثل وضعك بالضبط، و أزيدك من الشعر بيت...
أنا بيني و بين المطبخ عداوة... مع العلم أني أعرف طريقة إعداد بعض أصناف الحلويات و سبق أن أعددتها في بعض المناسبات... لكن ماااااااااااااااااا أحب المطبخ والطبخ أبدا... وأنتظر الوضع الإجباري عشان أمد ايدي و أصافح موضوع الطبخ بكل ود و محبة!! ،، ،، اعذروها...ماقول غير الله يعيني و يعينك |
أنا أرى والرأي لكم : أنأ أشوف أنك تكتشفي نفسك أولاً . ماهي قيمك في الحياة ، وأيش اللي يعجبك وإيش اللي مايعجبك . بخصوص تعلم الطبخ مافيه أي مشكله مثله مثل اي حاجة جديدة (نبحث في الكتب وعن تجارب الآخرين ونتدرب عليها بتقليدهم أولاً ثم نستقل عنهم ونعمل أشياء جديدة بنفسنا الخاص) . ولكن المهم أن تسألي نفسك سؤال مهم : س : ليش أتعلم ؟ أو لماذا أريد أتعلم الطبخ ؟ إن كانت اجابتك : مثلي مثل الزوجات وعشان . سأشك في نجاحك . ولكن إذا كانت اجابتك من داخل أعماقك : (والاجابات كثيرة وتختلف وممكن الاجابات تختلف عند كل طبخة ) أنا أريد أن اطبخ لكي ادخل الفرحة على قلب أمي ، أسعد زوجي ، أزيد ثقتي بنفسي ، أصقل هواية الرسم (إذا كنتي ممن يحبون الرسم) بتزيين الاطباق وجعلها بشكل جميل ، الإستفادة من بقايا الأطباق السابقة في الثلاجة وعمل منها طبق جديد ( ولعلمك هذه بالذات تدر الملايين على الشيف الذي يتقن هذا الفن ) ، وغيرها الكثير . شوفي انا عندك مثلاً :اللي حمسني لعمل الجيلي هو أن الطابع البصري لدي مرتفع عندي كثير وأهتم بالشكل ، لذا عندما رأيت الصورة تحمست حماس حماس رهيب وتحملت عناء شراء الحاجيات وعناء قضاء الوقت في المطبخ وعناء فشل التجربة وعناء قلق البنات وازعاجهم ، يعني بالعربي تحملت المستحيل عشان أصل لهدفي . لذا أختي أبحري في أعماقك وتوكلي على الله . والله يرزقك بالزوج اللي يحب اليد اللي طبخت الطبخة و ليس الطبخة نفسها |
اعذورها يالغلا
انا قبل لا اتزوج كنت تنكه :d ما ادري وش السالفه يمكن مرتين سويت فيها رز بس وكم مره سويت حلا وطبعا كنت اسوي اسهل الوصفات :d بس بعد الزواج هاته اتصالات على الوالده الله يحفظها تقريبا كل يوم اذا بغيت ازين الغدا سالتها :25: هذا غير مساعدات زوجي الله يحفظه لي شفهيا بالطبخ لانه يعرف يطبخ ماشاء الله :d لكن للاسف موراضي يوريني ابداعاته مطبقه بلمساته الخاصه :29: والان ولله الحمد الكل يشكر لي طبخي ويسالني عن الوصفات واستحاله اسوي الطبخه المنقوله بحذافيرها لا لازم اضيف لها لمساتي الخاصه :22: الله يوفقك يالغلا ويرزقك بالزوج الصالح الي تتفنين له بالاكل |
عادي الله يهديك انا اول ما تزوجنا زوجتي ما تعرف تطبخ ومع الوقت وصبري عليها والتجارب وعزيمتها الرهيبة الحمد لله زبط الرز باللبن:d يعني الموضوع يحتاج عزيمه:18: |
ههههههههههههههههه
الله يسعدك يااعذروها .. قول امين .. والله اني ضحكت عليكي .. حتى انا اكره شيئين عندي بالحياه .. المطبخ و المطبخ :d .. مااحبه مره :( حبيبتي عادي جدا انك ماتعرفي تطبخي .. اولا احنا بزمن متغير عن امهاتنا .. يعني تربينا على زمن الشغالات والدلع وعلى التمرد .. يعني مثلا امي تقول قومي معايا تعملي .. اقول والله مافيا خلاص لمن يجي وقته اتعلم او اجبلي شغاله <<مخططه وناويه على المنتظر :d بس تصدقي حبيبي والله الطباخ مايبغالها تعلم .. هو فن بمعنى اصح ونفس حلو .. يعني اهم شي تعرفي الملح من الفلفل الاسود ..:d تصدقي انا ماتعلمت او بمعنى اصح مادخلتني امي غصبا عني المطبخ ايام ماكنت مملكه .. بس كنت اعرف شوية اساسيات .. مثلا الدجاج كيف يتنظف ويتقطع .. مثلا الماجي لازم يتذوب في مويه حار .. وهاذي كلها كنت اشوفها كل ماادخل المطبخ يعني مو تعلم... لكن لمن تزوجت اول طبخه سويتها بعد 23 يوم << فاكره :26: .. مالها اسم بس كانت عباره عن ( مدري كيف اوصفلك ) رز ابيض وفوقه خلطه دجاج بالكاري وفوقه بطاطس مبشوره مقليه واحطها بزبديه وبعدين اقلبها بصحن ويطلع شكلها مثل شكل الزبديه << قال هنا تفنن :25: .. وكان بينهبل عليها كان طول الوقت يسلم على يدي ويقول الله يعطيكي العافيه اجل كيف امك تقول ماتعرفي تطبخي ؟؟ << لانه امي طول فترة الملكه تقوله ها ترا ماتعرف تطبخ << فشايل :25: ومشيت الايام اللي بعدها كلها تخبيص بتخبيص يعني انا احب الخبط بالاكل يعني مثلا احط بهارات وخضار معينه ويطلع شي :22: .. ومره سويت سلطه مدري ايش اسمها كانت تجنن فيها ناجتس مقطع صغير وخضار وخلطة قودي حقت السلطات بس يافيها تخبيص والله الحمدلله ذاك اليوم سلمنا ومارحنا المستشفى .. << اوووف ياطول ردي الله يعينك يااعذروها .. :d حبيبتي الخلاصه اذا انتي مييح مره بالمطبخ يعني ماتفرقي الدجاج عن اللحم او الملح عن الكمون فروحي تعلمي اساسيات بس وخلي الطبخ لبعدين عشان اليدين لاتخرب من الطبخ << ياويلي لو امي قريت ذا الكلام .. |
مدري مااحس ان الطبخ مشكله
يمكن لانه مو من ضمن اولوياتي او اهتماماتي اصلا :d شجعتك صح شوفي ياقلبي كل البنات اللي حولي حتى لو ماتعرف تطبخ مصيرها تتزوج وتتعلم ويمكن تصير فنانه واحسن طباخه بعد يعني انا عندي مبدأ :25: كذا كذا بتعلم ليش اتعب نفس من الحين خاصه ان كثير يقولون الطبخ سهل يعني عندي قابليه للتعلم بس مالي خلق ابدااا ماجربت اتعلم او اطبخ طبخ ثقيل كل اللي اعرفه حلويات وسلطات اتفنن فيها لكن للاسف مااحب الطبخ واعتبره مضيعه للوقت :29: يازينك ساكته ومتى مااشتهيت وصارلي خلق وجا عريس الغفله بتعلم ان شالله والله اني سنعه :d بس مدري ليش مااحب الطبخ وسعي صدرك ياحلوه لاتحاتين ولاشئ والله يرزقك باللي يخليك تتعلمين الطبخ عشانه قولي ااامين |
الرجال الحين يهمه مظهرك اكثر من طبخك
صاحبتي عشانها حلوه زووجها منجن عليها وهو اللي يرجع من الدوام ويطبخ الغدا والله ماتسوي هي شي ابد |
اهلين يا قلبي
حلو انك تعرفين تسوين شاي :22: طب خلينا بالشاي واليك هالرابط لاول كيكة عملتها بنت ام خالد امانة قول ما شاء الله <<<<<<<بدي اخطبها لابني www.66n.com/forums/showthread.php?t=136695 وعندك اسبوع كامل لتعملينا موضوع شاي وكيكة :d :d وبعدين نحكي كل اسبوع احط الك رابط سهل واعطيك اسبوع مذاكرة وبنهاية الاسبوع امتحان الي هو طبخة بس ها بدنا الهمة :29: :29: وبنحط لجنة معاينة متكونة من ام خالد وما ءالقمر وام جمانة وبخصوص الجلي بنحط ابو لجين :d :d طب اش قولك ما لك عذر يااعذروها بدنا نزوجك:14: :14: ام وليد |
ياقلبي ..
أنا متزوجة صار لي أكثر من 5 سنين وللحين ماعرف أطبخ ..:o :o :o :o |
ياويلي ويلااااااه انا متزوجه حالتي من حالتج
بيت اهلي ماكنت اطبخ لان امي تطبخ او مرت ابوي او الخدامه او اختي اللي اكبر عني يعني انا خارج قائمة الطباخين وكنت دوم اقول لما اعرس بطبخ بس هنيه الورطه ماعرف خخخ واللي مشجعني اكثر ان بيت اهل زوجي مب من النوع اللي ياكلون كللللش يعني الغدى خالتي تطبخ وباقي اليوم مافي عشى الكل ياكل من برى او مايتعشون >>ناس صحيين بس انا شوي احسن عنج لان عندي محاولات اعرف اسوي معكرونه وصالونه((مرقه)) يالله يالله والخفايف اعرفها ومره جربت وسويت مجبوس بس بعد قلبي يعورني لاني مب طبيخه لاني كلللللللش ماحب المطبخ واخاف ان طبخت يحترق الاكل او يخترب عاد نحن اللي يغلط عندنا يفضحونه بس احاول واااايد وان شاء الله مفكره استعين بكتب طبخ |
:d:d:d:d:d
ياااارب اسعد قلبها وروحها العسل شوفي ياقمر وسعي صدرك ولاتشيلين هم افتحي قسم الطبخ بسم الله عليهم البنات ابدعوا في نقل الطبخات بالصور والله اني عملت لي ملف عشان في يوم من الايام افتح الطبخه واطبق مثل الصور والله شي خيال البنات ماشاء الله عليهم تصدقين تعلمت كذا طبخه من المنتدى واسميها بأسماء البنات اللي علموني ايها شوي انا كل طبخاتي ما تتعدى 5 موالح و10 حلويات :17: تدرين اعشق الحلويات:22: المهم حبيبتي لاتفكرين في الموضوع شوفي طبخه عجبتك في المنتدى طبقيها مره في الاسبوع انزلي اطبخي واذا اهلك في البيت مايكلون عادي وزعي وارسلي لحريم اخوانك واخواتك وبس ومره على مره تمشين حالك على فكره خذي الطبخ لملئ وقت فراغك صدقيني راح تستمتعي وراح يمشي من وقت فراغك وعلى فكره حطي هذا الكلام في راسك وقت ماتنخطبين ان شاء الله مايمديك ياعسل تتعلمين الطبخ:( تدرين ليه لأن يادوب تعيشين ايامك الورديه وتجهزين نفسك وتهتمين بجسمك وشعرك وبشرتك ومافيك تتعلمين للطبخ ربي يسعدك ياعسل ولا يحرمنا منك يارب حتى بعد بداية العمل حصنتك بلا اله الا الله |
حالتي مع المطبخ حاله
أحب الطبخ و البربسه بس إذا وصلنا لغسيل الصحون ماااااالي دخل خصوصا من راحت شغالتنا و أنا كارهه المطبخ من قلب بس الحمدلله أعرف أطبخ الأشياء الأساسية و عندي كتب طبخ كثييييير و بالنسبه لك يا اعذروها بصراحه ماراح نعذرك تعلمي لو الشيء الأساسي مثل رز ،مكرونة، عدس، فول ... أشياء تمشين عمرك فيها شــــوي و الباقي خليه مع سعيد الحظ |
يا شيخة والله الطبخ مو عائق .. أحب اتفنن في الطبخ .. والحمدلله طبخي حلو .. وكل شغالة تجينا أعلمها كل شيئ حتى تروح لأهلها وهي ( شيف ) ههههه لكن وش استفدت هذاني جالسة في بيت أهلي ؟؟ <<< استغفر الله .. اللهم لا اعتراض ..!! الشاهد من كلامي : الطبخ ليس عائق وان شاء الله تتعلمين بين عشية وضحاها * * * * * محبتك واختك / بنان |
اقتباس:
وعقبال ماتنجبرين قولي اااامين ..:22: |
اقتباس:
والله أنا ابي أتعلم عشان اذا تزوجت وكان زوجي يحب الأكل أطبخ له وأسعده وأرضيه ,, واااااااااااااااااااااااامين على دعاؤك ..جزاك الله خير وكثر الله من امثالك :22: |
اقتباس:
|
اقتباس:
رز بلبن ها .. الله يسعدك ويا زوجتك يارب.. |
اختي انصحك بكتاب اسمه اطباق النخبه
|
اقتباس:
يعني ظنج بس أتعلم أساسيات ..اذا جذي مقدور عليها هذي ..نتعلمها ..بس مو لدرجة ماعرف اللحم من الدجاج .. وبعدين حلوة سالفة انج تسوين أطباق من تأليفج وتطلع حلوة ..حمستيني الصراحة ..وأخاف الاسعاف عند الباب عقبها ..الله يستر .. الله يرزقج الزوج اللي يسعج وتالفين له اطباق جديدة :14: |
اقتباس:
لا الله خوش تشجيع ..:17: شكلنا كلنا ماراح نتعلم إلا لما يجي عريس الغفلة الله يجيبه بالسلامة يارب .. امين حبيبتي دايما اقولها على الدعاء اللي في توقيعج ..:14: |
اقتباس:
جداً ممتاز هذا الكتاب وكان صعب جداً الحصول عليه ولكن الحين والحمد لله متوفر بالاسواق |
| الساعة الآن 02:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©