|
زوجي يبي يطلقني ومالقى سبب مقنع
الله يخليكم انا في حاله لايعلمها الا الله
مر على زواجي خمس سنين كنت في البدايه سعيده مع زوجي والان عندي ولدين واحد ثلاث سنوات والثاني سنه ونص وزوجي يدور على الزله عشان يطلقني والسبب الرئيسي انه يبي يتزوج وحده غيري ومايبي يجمع ثنتين لانهمايقدر يصرف على بيتين والله اني خانقتني العبره بس عيت الدمعه تطلع زوجي حالته الماديه ضعيفه وانا دايما اساعده بفلوسي وحتى الاشياء الخاصه فيني اكتبها باسمه عندي محل مشغل من نصيبي في الميراث وكتبته باسمه والحين علطوول معصب في البيت وانا ما ارد عليه اخاف تكبر المشكله ولكن هو يستفزني عشان اطول لساني ويلقى سبب لطلاقي ولكن انا الحمدلله ماسكه اعصابي واخر شي اليوم شافني طالعه بروح للجيران قالي بدون سبب اذا طلعتي لهم اعتبري هذا اخر يوم بيني وبينك هو عارف اني ما اقدر اعيش بدون جيراني عشان كذا يبي سبب قوي عشان يطلقني وانا طبعا اعتذرت من الجيران رجع وقال لاعاد تصلين عليهم قلت ليش وش السبب قال كذا بس بدون سبب ومنعني من المسلسلات قدام الاولاد قال تخرب اخلاقهم من المسلسلات وحتي اهلي يقول مافي روحه عندهم الا كل شهر مره وهو هدفه الرئيسي يحاصرني في البيت عشان اطلب الطلاق وانا صابره عشان عيالي وساكته وبالعه قهر الله يخليكم ويوفقكم عطوني الحل المناسب مع هذا الزوج لاني احس ان بجلوسي في بيته ماعندي كرامه احس بالذل تكفون خففوا عني واسعفوني بحلولكم |
الله يعينك يا أختي الكريمة
( إن مع العسر يسرا ) ادعي ربك أن يصلحه و يصلح ما بينك و بينه . أصلحي ما بينك و بين ربك يصلح ما بينك و بين زوجك. عليك بالدعاء و بأوقات إجابة الدعاء تحينيها و ترقبي الفرج إن شاء الله. قابلي سيئته بالحسنة و سيصبح صديقا و حميما إليك إن شاء الله. |
انا متاكد انه يمر بازمه نفسيه فاصبري عليه واطيعيه في كل اوامره
صدقيني الرجل يمر احيانا بازمات نفسيه قد لايكون لها سبب مبرر حاولي التجديد في حياتك اهتمي بنفسك اكثر اظهري له منك مايسره من ملبس وطيب قدر الامكان حاولي ان تكوني هادئه وتقبلي كلامه بصدر رحب لاتظهر له تمسكك به بسبب الاطفال ولكن اجعلي تمسكك به لاجله هوه هذه ازمه يمر بها اي بيت فقط تحتاج الى صبر الزواج صدقيني مراحل ويحتاج الى تضحيه من اجل الاستمرار ولاتنسي الدعاء في اوقات الاجابه والالحاح على الله بالدعاء الله يوفق بينكم ويشرح صدروكم لبعض |
ياربي اعووووووووذ بالله من رجل هكذا
اختي مالج الا الصبر واذا تمادى ...اشتكيه لابيه او لابيك ودعي الامر بايديهم ..... حاولي بشطارتج تجذبينه لج مره ثانيه من ناحيه كشخه ومن ناحية اهتمامك بنفسك واذا كنتي سمينه حاولي ان تنقصي من وزنك حاولي تشغلين نفسك بالشئ المسموح لك به ....وعامليه بالحسنى ترى اسلوبك راح يخليه يزداد احساسه بالذنب....هو ماطلقج لان لين الحين هو حاس بتانيب الضمير تجاهك وتجاه ابنائك ويحاول انه يلقى اي زله منج حتى يرمي يمين الطلاق بكل ثقه بس انتي لاتسمحين له ينتصر عليج والله يوفقج اصبري ...ان الله مع الصابرين ومابعد الصبر الا الفرج واذا بغيتي ترتاحين اكثر واكثر تضرعي لله وتقربي منه في قيام الليل وقراءة القران والله يزيل همج يالغاليه |
والله ماعرف شو اقولك .. بس غريب امره هالزوج .. تعطينه من عندك .. وانا متاكدة انك لا زلتي تعطين ..
قعدي معاه ناقشي بهدوء .. ومسكي اعصابك نفس مانتي مسويه .. لا تعطينه الفرصة يمسك عليك شي.. عشان يطلقك .. والله ماعرف وشو اقولك بس بدعيلك يالغلا .. تتسهل امورك الله يعينك |
اقتباس:
اخوي وليد الحمدلله انا علاقتي برب العالمين قويه ودائما استغفره واصلي وادعيه في ثلث الليل الاخير بس هو عافني شكله مايبيني يبي يتزوج وحده من قريباته وقبل لاتطلع في حياته كانت حياتنا مستقره وكان طيب معي لابعد الحدود يمكن هذا ابتلاء من الله |
اختي معقوله فيه رجل يحاول يهدم بيته ويشتت ابنائه بسبب نزوه!!!
تأكدي أختي فربما أنتي مقصره في حقوقه وهذا سبب تصرفاته.. لاتكوني سلبيه !!اجلسي معه وناقشيه بهدوء عن سبب تغيره ولا تظهري بمظهر المستكينه التي تطلب رضاه.. |
اقتباس:
والله انا البس له كل شي حلو و انظف البيت وابخره وابدا معه بكلام حلو بس مايرد علي وهو مايمر بأزمه نفسيه ولا شي هو يبي قريبته وفي نفس الوقت مايقدر يصرف على بيتين او يمكن هي اشترطت عليه انه يطلقني حسبي الله ونعم الوكيل |
ايش خلاك تقولين يبي يتزوج
هو صرح لك أنه يبي يتزوج ؟ ولا وش عرفك أنه يفكر في واحده من قريباته ؟ومن متى بدا بهالأسلوب ؟ أنتبهي يمكن في واحده قاعده تحوم حوله اللهم رد زوجها رداً جميلاً ماأملك غير الدعاء وأنشاء الله الأعضاء يفيدونك بحل |
اقتباس:
والله جسمي معتدل الحمدلله حتى بعد الولاده حافظت على جسمي ورجعته مثل اول وما اقدر اشتكيه لابوه لانه بيتهمني بالكذب وابوي الله يرحمه رحمه واسعه |
اقتباس:
جايته فلوس ويبي يتخلص مني هذي جزاتي يوم كان معاي فلوس اعطيه بدون مقابل ويوم صارت الفلوس بيده بيرد الجميل بطلاقي |
اقتباس:
ويقول ما ابي اسمع اي كلمه ثانيه واذا تكلمت يعصب ويطلع من البيت |
اختي لا يهدر غيرك كرامتك الااذا اعطيتياها هذا نذل والله
يعين استخيري ربك والله يكتب الي فيه الخيره يارب |
اقتباس:
يا اختي هو قالي بنفسه اني يبي يتزوج وانا زعلت عليه بس بعدين رضيت بالامر الواقع وشرطت عليه انها ماتسكن معي في نفس البيت بس هو مايقدر على فتح بيت ثاني فكانت حيلته انه يستبدلني بقريبته حسبي الله ونعم الوكيل |
مالك الا الصبر ثم الصب ثم الصبر والله يهون عليك ان شاء الله
طيب ليش ماتتفاهمين مع قريبته او تعطين رقمها لخطابه ادور لها رجال مشان تبعد عن زوجك |
اقتباس:
صدقتي يا اختي ودي اطلع من بيته بس احس ان في شي يردني وبصراحه ودي انها تجي منه هو عشان ما احس اني انا السبب في تشرد عيالي وبعدهم عن ابوهم |
لا حول ولا قوة الا الله
الله يكون فى عونك يا اختى وربينا قادر يهدية ويرده الى بيته واليك والى ابناءه سالما لا شىء تفعليه الا ان تقولى "حسبى الله وتعم الوكيل" وقولى "وافوض امرى الى الله ان الله بصير بالعباد" واكثرى من الاستغفار "استغفر الله العظيم الذى لا اله الا هو الحى القيوم واتوب اليه" ومن "لا حول ولا قوة الا بالله" ولا تنسى دعاء الرسول الكريم صلى الله عليه وسلم "اللهم انى اعوذ بك من الهم والحزن واعوذ بك من العجز والكسل واعوذ من الجبن والبخل واعوذ بك من غلبة الدين وقهر الرجال" وكم انت محتاجة ان تستعيذى بالله من قهر الرجال وخصوصا قهر زوجك هداه الله وان شاء الله يكون لك فى هذه الكلمات المباركات الفرج بأذن الله تعالى وخصوصا فى الثلث الاخير من الليل وطوال النهار يعنى لا يقل عن خمسمائة مرة لكل منها فى اليوم وان شاء الله سيفرج الله عمك وغمك قريبا بأذن الله ولا تنسى ان الله عز وجل يتنزل فى الثلث الاخير من الليل ويسأل هل من سأل فأعطيه فسأل الله من فضله قبل الفجر بساعة واستميتى فى الدعاء والترجى السؤال لله عز وجل والبكاء والتضرع بين يدى الله نحن ليس لنا ملجأ الا هو الحمد لله والله تعالى المستعان وصلى الله على نبينا محمد وعلى آله وصحبه وسلم |
اقتباس:
ما اقدر اسوي هالتصرف لانها بتفضحني قدام اللي يسوى واللي مايسوى وبتقول زوجك هو اللي يبيني مو انا اللي جيته وخطبته يعني بتشرشحني |
اقتباس:
جزاك الله خير اخي او مريم ان شالله اعمل بنصيحتك |
ياااااااااااااااارب يساااااااااااعدك ..الله يعطيك على قد نيتك..ربي ماينسى عبااااااااااااااده
اقوووولها وقلبي كله قهررررر وحرقةطلبتـــــــــــــك لاتطلقين مهما ذلك ومهمااا استفزك ومهمااا قسى علييييك ..عشااااااااااااااااااااااااان بس عيااااااااااااااااالك طلبتك ..مافيه احن من الام...صبري عشااان خاطرهم وربيهم الله معاااااااااااااااااااااااااااااك |
اقتباس:
سأصبر ولكن والله ان اشد شئ على الانسان ان يعيش بدون كرامه كل الالام تهووون عند هذا الشئ |
سهام الليل يا اختي لا تخطيء
الجيء الى الله عز وجل اكثري من الاستغفار واجعليه ديدنك في كل حين وحزه الدعااااااااااااء يا اختي توكلي على الله واستعيني عليه بالله عزوجل اطلبي الله في اوقات الاجابه سيسخره الله لكي |
معلش يا اختى
يا ترى كم عمر زوجك وكم عمرك وهل زوجك متدين ومصلى ثم انى احب ان ازيدك يا اختى انك ان شاء الله مأجورة على هذا الصبر من اجل ابناءك لانه يجب ان يكون هناك طرف مضحى من اجل الابناء لان الذى يدفع الثمن الغالى والعواذ بالله دائما الابناء فجزاك الله خير الجزاء على صبرك من اجلهم وعوضك الله خيرا ان شاء الله تعالى سواء فى الدنيا بأذن الله تعالى وفى الاخرة ووفقك لما يحب ويرضى وان شاء الله سيبرك ابناءك نظير صبرك من اجلهم وسيعوضك كل الخير ا ن شاء الله ولا تنسى قول الحق سبحانه "وبشر الصابرين" اى بشرى اجمل من هذه بشرى من الله للصابرين وان شاء الله تكونوا منهم ولا تتحدثى عن الذل او ضياع الكرامة لان الهدف أكبر واسمى ومن اجله نصبر على اى شىء ولكن اليس لك رجل عاقل او الا تعلمين احد مشايخ مسجد الحى الذى يصلى به حتى تحكى له على ان يتكلم معه بأسلوب غير مباشر ولا يعلمه انه عرف منك ويحاول ان يثنيه ويعرفة ان هذا ظلم واول من سيدفع الثمن هو وابناءه هداه الله ان سميع قريب مجيب الدعاء |
الله يعينك اختي و يجبر كسرك
هل هناك امرأة معينة يريد الزواج منها ؟؟ ربما بدعائك ربنا يسفر المرأة الاخرى و يرجع زوجك لعقله و ينصلح و يهتدي ادعي ربنا بكل وقت رمضان على الابواب اغتنمي الفرصة و يا رب بدعاء الاخوةو الاخوات في المنتدى ربنا يهدي زوجك آ’مين |
أختي الكريمة.
أسأل الله العلي القدير ان يفرج همك ويسعد قلبك أولا.اختي لماذا تتنازلين له عن اموالك .لو اعطيتيه شيئا من ريع المحل لكان أفضل من ان تكتبي المحل باسمه . ثانيا. قد تكون شدة تعلقك به هو السبب في نفوره منك (ردة فعل معاكسة) حاولي ان تظهري له انك غير مهتمة بأمر زواجه او طلاقك (بردي نفسك قدامه) ثالثا.اصنعي حجة للذهاب لبيت اهلك عدة ايام كأن تكون امك بحاجتك او غير ذلك لكن ليس بسبب زعل ففي هذه المدة قديراجع حساباته ويعرف قيمتك و يشتاق اليك اذا أصر على الطلاق فلا تذلي نفسك من أجله ولا تترجيه بقائك واللي يبيعك بيعيه واذهبي لبيت اهلك غير منكسره ولكن اتركي الاولاد عنده انا اعرف ان قلبك على عيالك و لا يمكن تستغنين عنهم لكن قوي قلبك واتركيهم عنده مؤقتا عشان يبلش بهم ويحس بقدرك اخيرا اعلمي ان رزقك ليس بيده والخيرة فيما اختار الله و لن يضيعك الله ابدا |
متى ظهرت هذه المرأه فى حياته ؟
وما سبب تعلقه بها و كيف تعلق بها ؟ وحبيبتى لا انصحك بترك المنزل فهذا مكانك الى ان يقضى الله امرا كان مفعولا لا تجعليه يمسك عليك فرصه وعليك بالصبر والدعاء ان مع العسر يسر |
الله يفرج همك يارب
الدمعة في عيني عيت تطلع من القهر ذكرني كلامك بوضعي قبل ست سنين يارب فرج همها ولم شمل اسرتها وارزقها السعادة يارب |
الأخت الفاضلة ...
عامليه بنقيض قصده حاولي تغيير حياتك معه للأفضل , أحرجيه بكرم أخلاقك وتفانيك في حياتك معه, جربي هذه مدة, لا تجعليه يراك إلا كما تحبين أن تريه واصبري في ذلك وسترين نتيجته.. لأنه كما يبدو يعيش صراع نفسي يجعله يعتقد أنك لم تقومي بواجبك أو أن غيرك قد يكون أفضل منك,, ولكن اعكسي ظنه ... |
ياربي ليش فيه رجال كذا
حسبي الله ونعم الوكيل ليش وش شايف فيها زود وفوق هذا حافي ومنتف اقول خدي محلك ولا تعطيه اياه ناس يبي لها ضرب وتاديب وعيشي حياتك طبيعيه واذا بيتزوج باللي ما يرده بس خليه هو اللي يطلق مو انتي اللي تطلبي الله يهديه ويكره المحروسه فيه ويشينه بعينها جعلها ماتشوف فيه شي عدل |
الله يصبرك والله قطعتي قلبي عليك طيب تاكدي يمكن مافي احد في حياته ممكن ظروف نفسيه
ونصيحه مني لاتتركي بيتك وزوجك لاتتخلي ابد عن شي يخصك وصدقيني مافيه في الحب شي اسمه كرامه معليه حبيبتي تحملي واصبري وخلك قويه عشان اولادك وعشان ترجعين زوجك لك وصدقيني راح يجي يوم وزوجك يصحى ويرجع لك لكن انتي ردي عليه برد طيب خليه ينحرج منك لاتعطينه اي سبب عشان يطلقك تكفين ارجوك الا الطلاق وعليك بالدعاء وماتضيق الا وعند ربك الفرج وربي ماراح ينساك وانتي تذكرينه اهتمي بنفسك حبيبتي وطمنينا عن خر اخبارك قلبي معك اختك نينا ريتشي |
اقتباس:
امين يارب حسبي الله عليهاهي وياه:22: :22: |
الله يسخرلك زوجك ويرده لك ردا جميلا
حبيبة قلبي وكلي امرك لله وكثري من "لاحول ولاقوة الا بالله" مااملك الا الدعاء لك لان بصراحه ماعندي خبره بامور الزواج |
الله يصبرج .....
|
الله يهدي زوجك ان شاء الله بس اختي اخاف المرأة الثانيه سوت له عمل او شي عشان يكرهك وتبعده عنك والله اعلم حاولي تكثرين من قراءة القران والدعاء والله يفرج همك ان شاء الله .
|
طلقك بدون سبب معناته انه مجنون بعدين كيف تكتبين المشغل باسمه
اجلسي معه وشوفي ليه ززززززززززززززعلان منك اتمنى لك التوفيق |
اقتباس:
اقتباس:
جزاك الله خير اخي ابو مريم على النصايح الثمينه |
اقتباس:
نعم اختي هناك امرأه وهي قريبته وقد فاتحها في الموضوع ولكن لضعف مادته مازال الموضوع معلق وانا عندي احساس انه يحادثها الى الان |
اقتباس:
ولكن انا الان نادمه جدا ولا ادري كيف الطريقه التي افاتحه فيها لاستراد المحل باسمي واخاف ان طلبت منه ان يكبر الموضوع ويجعله سبب في طلاقي |
اقتباس:
خطبها قبل بضعة اشهر وكان يعزم على الزواج بها ولكن لضعف مادته اجل الموضوع شكرا على نصيحتك |
اقتباس:
جزاك الله خير |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©