مشكلتي مع زوجة اخو زوجي اتمنى المساعده
 

السلام عليكم ورحمة الله وبركاته

انا صار لي متزوجة من 6 شهور وعمري حاليا 18 سنه ..

وزوجة اخو زوجي بلفظ لها حرف ( م ) وعمرها 25 سنه ..اخو زوجي بعده مادخل عليها .. راح يدخل عليها هذي الجمعه ان شاء الله الله يتمم عليهم بالخير ..

المهم

انا تعرفت عليها وفرحت كثير لانها اكبر عني بكثير واني بستفيد منها .. لكن انصعقت من كلامها واسلوبها وتصرفاتها ..

دايما تقولي احبج احبج اقولها انا احبج فالله تقولي انا احبج كثير اقولها انتي راح تتزوجين خلاص تقولي مابتركج

وكل يوم تتصل عادي توصل المكالمات 100 مكالمة فاليوم لو مارديت عليها .. كل ساعه تتصل

اقولها انا مع زوجي

شوي تصك التيلفون وترد تتصل .. وهيه عليها حركات شبابيه وايد وايد

مرة انا كنت اسوق السيارة ومعاي رفيجتي ومعاي ( م ) وهيه قاعده فالكرسي اللي وراي .. وتمسك ايدي وتحرك ايها ع ايدي بطريقه غريبه وتحط ايدها على رقبتي وتحرك خفييف وتقولي احبج وانتي وايد جميييله

وشفتاك جميله كثير ..

واذا ماتصلت انا لها تعاتبني واذا مارديت عليها تعاتبني ..

ابي ابتعد عنها .. ارسلت لها مسج وقفتها عند حدها زعلت يومين ماتصلت ارتحت راحة كبيرة

وزوجي منزعج من كثرة الاتصالات ..


وانا منزعجه منها واخاف لما تجي البيت تسوي اشياء واشياء ؟؟؟؟؟؟؟؟؟؟؟؟؟

وانا قلت لزوجي عن كل شيييييييي ..

ماعرف شسوي

ساعدوني ربي يخليكم

استغفر الله هذي حركات وحده شاذه !!!!!!!!11
معقــــــــوله ؟؟؟
هدديها قولي لها انتي ش تبين ووش ورى هذي الحركات
و قولي لها اذا ما هونتي عن هالسخافات ترى بخلي زوجي يعلم زوجك بحركاتك
يمــــــــه انا خفت تصدقين
لا تخلينها تجي لك الشقه وانتي لحالك اخاف تغتصبك هههههههه
والله ما امزح هالزمن يخوف وهالاشكال زايدين
زوجك ما عصب و قال لك لا تكلمينها ؟؟؟
ما حاول يقول لاخوه ؟؟؟

الرساله اللي رسلتيها لها كان فيها كلام صريح او شنوو ؟؟

الله يساعدك و يبعدها عنك

الله يستر

حاولي اختي تخلين علاقتك معاها رسميه جدا جدا

الي فهمته من كلامك انها تميل لك جنسيا عافانا الله

حاولي ماتعطينها وجه ولا تجتمعون في مكان لوحدكم

الله يوفقك

اختك بالله
جينز

جنها معجبه فيج انتي ما تعرفين اخلاقها عدل؟؟من قبل

زوجك وش ردة فعله لما قلتي له؟؟

لا حول ولا قوة الا بالله صارت هالحركات تجي من البنات الكبار اللي المفروض عاقلات

لا ومن المتزوجات بعد

استغفر الله العظيم

اوف هذي موب صاحيه
الحين بتتزوج وكذا تصرفاتها

انصحك يالغاليه حاولي تبتعدين عنها لاتعطينها وجه ولاتحتكين فيها كثير
واذا سوت اي حركه قدامك قومي واتركيها

الله يعينك على مابلاك

الله يهديها والله يعافيها ولا يبتلينا

اهديها اشرطه حاولي تصلحينها

تكسبين فيها اجر...

أعوذ بالله من غضب الله

المشكله مش معاكى بس بكره تزهق من صدك ليها ولكن المصيبه الكبرى انها هتبقى زوجه اخو زوجك

والفضائح و المشاكل اللى هتقع على دماغه من تصرفاتها الشاذه ,إن شاء الله ربنا يرزقكم بالذريه الصالحه

اه دراكى انها متكنش خطر على أولادك

طالما زوجك عرف لازم ينصح اخوه و يحاول يقوله بطريقه غير مباشره انه الأنسانه دى لا تصلح تكون زوجته

أسأل الله ان يهدى لكم الحال

أختك فى الله sky light

ياساااااتر وش ذي

زييين انج قلتي حق زوجج

ولاتحتكين فيها وايد على قد ماتقدرين ابتعدي عنها

انا ما احتك فيها وايد .. احس بضيييييق وفيني الم بصيييييييييييح

انا لما قلت لزوجي قالي ابتعدي عنها ,.. وانا ابتعدت .. بس صارت تتصل في خوات زوجها وتسال عني

ودايما تقولي انا بعذبج بذوبج ..ز من الكلام الوسخ

والله محتارة

اقولها اعقلي والحين بتتزوجين خلاص .. وزوجج بيشغل حياتج

قالت لي مابخليج

بحضنج وكلام وسسسسسسسسسسسخ

ياعالم شسوي .. علاقتي معاها جااااااافه بس هيه كل يوم تتصل فيني حتى انا ادرس تتصل فيني في الكلاس . احترت الصراحة وتاذيت وزوجي منزعج كثير منها .. والمشكله انا ماخليته يقول لاخوه .. لان بتصير مشااااااااااااااااااااااكل كثير .. ويوم الجمعه زواجهم .. يعني خلاص ماقدر اخليه

زوجي عصب كثير بس حاولت اهديه

شسوي

هذي الاشكال يبغالها تهزأينها وتسبينها سب وتمصخرينها مصخره


اعطيها رقم طبيب نفسي وقوليلها دخيلج اتعالجي من الشذوذ اللى فيج واذا فيج هرمونات ذكوره زايده

وشذوذ جنسي هذا كله تتعالجين منه عند دكتور نفسي

صراحة إذا وصلت العلاقة بهالشكل و صار ينقال لك هالكلام المفروض تنقطع العلاقة و لا تقولين أخاف تتضايق أو تزعل لأنك المفروض ما تقبلين ينقال لك هالكلام حتى لو كانت أختك ...


لأنها واضح جدا شاذة و إذا سكني عنها راح تتمادى ...

أستغفر الله شو هالنوع من الناس اللي ما تخاف ربها ..


الله يهديك صراحة الكلام اللي كتبتيه سبب لي لوعه و غثيان ...فكيف إنتي متحمله تسمعينه ..


الله يستر

الله يعينج على هالاشكاااااااال

صج جريئة وقليلة أدب!!

بس المشكلة حتى لو وقفتيها فترة بترد ترجع لأنها من نفس العائلة؟؟

الله يستر..

لا حول ولا قوة الا بالله

بس عزيزتي انتي لازم تقطعينها من البداية وتتصرفين تصرف حازم معها علشان بكرة اذا تزوجت راح تسببلك مشاكل كثيرة
وان لزم الامر انك تغيرين رقمك غيريه وحذري خوات زوجك لا يعطونها رقمك لين تحس وترتدع عن الي قاعدة تسويه


الله الهادي الى سواء السبيل


والله انا عصبت من الي قريته

لا حول ولا قوة الا بالله

لا حولة ولا قوة الا بالله
الله يهديه يا رب ...

الله يهديها
خلى كلامك معها رسمي لاضحك ولاشي فهميها انو اللى بسويه غلط وحرااااااااااااااااام خليه تزعل مع السلامه وذا شفتي حالها ماتعدل خلي زوجك يبلغ اخوه ويفهمه لايكون بعد الزواج ماتستمتع مع زوجها مشكله

عزيزتي..

الإخوة لم يقصروا في نصائحهم .. فقط يجب عليكِ أن تتمتعي بكثير من الحزم حتى تتمكني من تطبيق نصائحهم بشكل فعال .. ولا مجال هنا للخجل أو الخوف على مشاعرها.

الأمر الآخر .. رأيي الشخصي أن زوجها يجب أن يعرف بهذا الأمر .. والحقيقة أن هذا من حقه .. فليس سهلاً ولا بسيطاً أن يتزوج الرجل بامرأة شاذة .. والواقع أنه لا يوجد وقت كافٍ حتى تتأكدي مما إذا كان هناك مجال للعلاج والإصلاح أم لا .. فأنت تقولين إن زواجها قريب جداً .. وربما لا يكون لديها مثل هذا الاستعداد أساساً فيتورط الرجل .. خاصةً أنها ليست صغيرة وغالب ظني أن شذوذها هذا عمره طويل.

سجلي مكالمة لها معكِ واطلبي من زوجكِ أن يُسمعها لأخيه حتى يصدق ويتأكد وينهي الموضوع .. فهو سيرتبط بمن يفترض أن تربي أبناءه .. ولا أرى في تلك الفتاة ما ينبئ أنها ستنجح في هذه المهمة العظيمة.


أعانكِ الله.

وانتي ليه ساكته له ؟؟؟؟؟؟؟؟؟؟؟؟؟؟
انا لو منك واي وحده تسوي معي حركه بسيطه كان :29: :29: :16: :16:

خافي على نفسك منها ممكن تسويلك سحر واخبري زوجك بفعلها هي شاذة

استغفر الله العظيم

أعانكِ الله

الشذوذ وصل الى مرحلة كبيرة في مجتمعاتنا

فالشاب يعشق الشاب

والفتاة تعشق الفتاة

لاحول ولاقوة إلأا بالله

الله يكون في عونك ياقلبي

أختي أستعيني بالله 00ولاتعطينها وجه00
مالك شغل فيها00خلي علاقتك معاها رسمية مهما كان00حتى لو حسيتي أنها تعدلت بعد الزواج00
شمدريك يمكن تمثل00شطبي عليها00والله كان معانا وحدة بالمرسة وحنا معلمات00نظراتها لي مي طبيعية00قلبي نغزني00تقط علي كلام00ونظراتها مريبة00تقل رجال00مدري وين عايشة00
المهم علمت زوجي00وسفهتها00سلام وعليكم السلام00
كم شهر الا تكلم زوجي 00تحاول فيه00السافلة00
لا تعملين حساب أحد أقطعي علاقتك فيها

شاذة ذي لازم تخبرون اخو زوجك .. حتى يتركها ي قوه فاسده .

استغفر الله ..

الله يهديها ويصلحها ..


حاولي تنصحينها انا اعرف وايد بنات معجبين ويحبون بنات .. تزوجوا بس للاسف مااستمر زواجهم .. والله اعرف 3 انفصلوا .. وكله بسبب المشاكل بينها وبين زوجها .. يطالبها انها تترك رفيجتها او تخفف من العلاقه وهي ماترضى .. ممكن تستغنى عنه بس عنها لاا


ابتعدي عنها قد ماتقدرين .. وحاولي تتكلمين مع زوجك اكثر .. او اذا قدر زوجك يكلمها ويبعدها عنك ..

انا اشوف ان هذا الموضوع خطير .. ولازم زوجك مايسكت ع الوضوع .. خليه هو يتصرف

صارت وياي \اختي نصيحه وحطيها في اذنج زين
دايما سوي نفسج قرفانه لما تحاول تتقرب
او تقولج كلام
قويلها شو هالقرف لا تقولين جيه
حسسيها انج مو طايقتها ابد
وصدقيني راح تستحي على دمها وتبتعد
اما تجاملينها فابشري بتلزق فيج
وترى هالنوعيه لها نفس طويل واحذري منها لانهم اصحاب مشاكل
ودايما خبري زوجج اول باول

اذا اتصلت فيك خلي زوجك يرد عليها
ويكون حازم معاها وانتي لا تكلميها ابدا
الله يعينك حبيبتي

افضل لك ان يصرحها زوجك بماتفعل ويدعوها للتوبة والهداية او يخبرها لو كررت فعلتها باخبار اخوه وابتعاده عنها وتركها . جاملتيها كتير كان من اول محاولة توقيفها فى حدها او تخبرى زوجك من الاول مش بعد كم محاولة .
ماتسكنى قريب منها مهما كان خليك بعيدة صعب تنزلك من راسها .
اعانك الله ووفقك وحفظك من الاشرار

من راي يا اختي تكوني معها رسمية لابعد من الحدود ومصيرها تتزوج وتعقل .

الزواج تم امس ..
وهي يوم الزواج نادتني .. وانا لانها عروس رحت لها .. قالت لي ( وينج اشتقت لج .. ماتصلتي اليوم .. قلت لها اكيد انتي مشغولة وانا مشغولة .. قالت لي ليش ماشفتج وتمت تعاتبني وهيه لابسه فستان عرسها .. ماقدرت ازعلها عشان عرسها ..

وخلاص يوم ولا يومين بتسكن معاي فالبيت

لو خليت علاقتي رسمية معها .. اهل زوجي بيشكون ان في شي بينا .. او بيقولون اني غيرانه منها .. الو .. الو .. الخ .. ماعرف يعني احس غييييييييييير

تقولي نفسي انام معاااااااااااااااااااااااااااج بروحنا يوم كامل

وسديت الخط فويها .. وعقب اعتذرت ..

المشكلة ان ماقدر اغير رقمي لان بعد بيشكون ..

زوجي قال اذا ماصارت اوكي بعد الزواج له تصرف ثاني

وانا عندي الارادة والحزم

بس لازم اجاملها لاني ماعرف شسوي معاها ولان جدام الناس مايقولون شي


قولولي حللللللللللللل

عسى الله يهديها
انتي غيري رقم جوالك ولا تعلمينها اياه
ولا تهتمين لها أهم شي زوجك ولا تردي عليها باجر اتسويلك سالفة