|
هل انا غلطانة؟؟!
السلام عليكم
مشكلتي باختصار هي ان زوجي عاطل عن العملله تقريبا له 4 شهور طبعا النفسيات مايحتاج المشكله ان اليوم انتقدني يقول انتي متغيره مره قلتله ماانلام وضعنا ماينصبر عليه المهم احتد النقاش وقلتله المفروض تشكرني اني صابره وانت مقصر معايا وهو يقول لا ماقصرت هو كل فتره ياخد من ابوه الف او اقل ويادوب تكفي موبايله مقطوع واقساط السياره ماندفعت والله يرزقنا المهم هو زعل لاني قلتلو انك مقصر يقول انا ماقصرت؟؟! مقصر ماديا اكيد هل انا على حق انا ماغلطت عليه هو فعلا مقصر |
وعليك السلام ورحمة الله وبركاته
طالما أنك تقولي إحتد النقاش فهنا ممكن يخرج من الإنسان أي كلام ولو كان جارح بس إذا كان الوضع عادي والنقاش بسيط فأرى أنه ما كان هناك داعي لمثل هذا الكلام وخصوصاً أنك تعرفين وضعه المادي وأنه مجبور على ذلك عموماً أرى أن تتقربي إليه وتصبريه وتذكريه بالله والصبر على ما يقدر الله سبحانه وتعالى على العبد وتمنيه أنك ستقفين بجانبه ولن تتخلي عنه وأن الله سبحانه وتعالى سيفرج أزمتكم متى ما شاء وله الحمد والثناء على ما قدر |
اجد انك الغلطانه.....
لماذا قلت انك غلطانه؟؟؟؟ اولا :لعلمك ان ظروف زوجك خارجه عن إرادته....يعني عاطل مو على كيفه..... ثانيا: يجب على الزوجه ان تقف الى جانب زوجها في السراء والضراء...واعتقد انه قبل ما كان مقصر أي قبل ان يعطل عن العمل على حسب ما فهمت....لذلك ما الفائده من الزوجه ان لم تكن السند والعون في محنة زوجها.... اختي ابتعدي عن الشكليات والكماليات...احبي زوجك لشخصه...إذا تحبه صدقا وحقا...ما صار اللي صار...إمكن مزاجك معكر وحالتك النفسيه تعبانه بس مو معناها نطلع حرتنا على احبابنا وخاصة ان كانت الظروف قاهرتهم..فلا تحملي نفسه مالم تحتمله...وتزيدي حالته سوء...وتكسري بخاطره...وتقللي من رجولته لان مثل هكذا حديث يجرح كرامته ويحس انه مقصر معك ويشعر بالنقص....وقد ينقلب مزاجه ويبدأ بمعاملتك بعنف وضيقة صدر.... بس اريد اعرف يعني مقصر معاك من اي ناحيه؟؟؟؟؟؟ كوني عونا له لا عليه.....بارك الله فيك..وجعل الجنه مثواك تمنياتي لك بحياه سعيده.....ورزقكم الله ن حيث لا تحتسبوا.... |
دام الرجل ماعنده شغل فهو يمر بأزمة
قويه بس اهم شي لاتقولين كفايه اني صابرة عليك والله اعتبره جرح ياحبيبتي تجنبي الدخول معه في نقاش قوي لانه يمر بازمه ادعي الله انه يفرجها عليكم ودام احتدم النقاش خلاص ثار الزعل لكن نصيحة تجنبي النقاش معه هذي الايام لانه احياتا تطلع كلمات مالها داعي موفقة اختي في رعاية الله |
مشكورين عالردود
للمعلوميه ترك عمله بكامل رضاه وبدون سبب مقنع وللمره الثانيه يسويها هو يقولي عادي وضعنا لو نعيش كذا طول العمر انا راضي وانا واقفه معه وعمري ماحسسته باي شي انا اقصد التقصير المادي بس هو مايحس ان حالتنا صعبه يقول وش ناقصك !!!!!!! الماده اهم شي بالحياة المفروض انه يخجل مني انه معيشني بهالوضع ماتزوجني عشان يصرف علينا احد ثاني |
أخيتي لماذا لا تغيرين السؤال ...
وبدل أن تتساءلي عمن هو الغلطان..تساءلي كيف أغير أو أحاول على الأقل تغيير الوضع؟؟؟ حاولي انك تشجعينه للعمل...فهو رجل وهو المسؤول...عن مصروف البيت... أو حاولي انك تثقلين عليه بالطلبات خصوصا إذا عندكم أطفال...ويمكن كثرة الطلبه من أبوه تخلي أبوه يمل من أسلوبه..ويضطر للبحث عن عمل.. حاولي معاه بأي أسلوب..وان اشتغل وجاب وصرف امدحيه وادعيله ..في وجهه وحسسيه بالفرح والرضا.ز |
اقتباس:
انا مع الاخ رادع احمدي ربك جالسه اكله شاربه وملابسك ومصروفك عليه وانتي لاهم ولاغم !!!!!!!! وتقولين انت مقصر وانا صابره !!! هل هذا جزاء المعروف ؟؟؟؟ الله يهديك ويفتح على قلبك ،، |
الرجل العاطل ......... قنبله موقوته
ممكن ينفجر ويفجر اللي حواليه لكن الحل البسيط هو اخذ خاطره ومساعدته قدر الامكان والنصح والمشوره واذا كان لديه مؤهلات وخبره فاعتقد انه سهل يحصل فرصه وظيفيه بالتوفيق |
والله ياأختي كلكم غلطانين
أولا المفروض ماتجرحينه بهالكلام تراه صعب عليه انه جالس في البيت وماهو حاس بالمسؤولية حاولي تصبريه وتساعديه ومادام مومقصر بشي اصبر عليه ثانيا هو غلطان انه يترك عمله مرتين من غير اهتمام زوجك شايف ابوه يصرف عليه وهو حاط يده بمويه باردة الأب إن شاء الله يطول عمره لكن مو دايم بيصرف عليكم والدنيا صارت نااااااار كل شي ارتفع سعره حاولي تتكلمي معاه بهدوء بصراحة لازم الرجل يشتغل ويهتم وتحس الوحدة بأن زوجها بيتعب عشانها وعشان أولادها ليش ماتتكلمي مع عمك ويتصرف معاه يعني أبوه يعطيه على راسه أحسن من إنك إنتي تعاتبيه والأخوان اللي يقولو اكلة وشاربة ولابسة الرجال اللي مايشتغل ومايحس بالمسئولية مايستاهل الزوجة اللي تقدره وتريحه وتسانده إلا إذا كان لظروف خارجة عن إرادته مثل مرض أو عجز ...... لكن كل مايدخل عمل ويطلع منه ومو عاجبه شي هذا مايصح أبدااا الله يعينك ياأختي ويساندك ويهديلك زوجك ويسعدكم تحيــــــــــــــــاتي |
بكل بساطه yes انتي غلطانه
|
أنا أعتقد ان هو غلطان دام عنده وظيفة و يتركها حتى لو ما كان راتبها قوي ...
بس انتي غلطانة تقولي لزوجك انه مقصر معك بالمادة .. يفترض أنك اتحاولي تتفاهمي معه بأسلوب أرقى من كذه .. خاصة إذا كان يحبك و يحترمك حاولي انك ما تخسريه .. و تأكدي أنك راح تكبرين بعينه و أهم شي في الحياة الزوجية المودة و الحب و التفاهم .. و انه الوالد يساعده عادي يمون عليه .. أفضل لك من اللي يشتغل حرامي و يوكلك من نار جهنم .. |
اقتباس:
اخي شاكره مرورك ولكن ياريت تقراء الردود الاخرى وتقتبس الاسلوب لان الاسلوب اللين يغلب على الحق البين وكلامك ماله داعي لان محد يعرف هل اصلح له زوجه او لا الا هو ولو ربي رزقك زوجه مثلي بتكون امك داعية لك وهذا ليس غرورا ولكن تمر ظروف لايحس بها الا اللي عايشها فلا يصلح ان تطلق احكامك بدون معرفه الظروف الله لايريك مانعيشه ولا يعيش خواتك او بناتك بوضعي ودعوتك الاخيره ليس لها دخل بالموضوع:( اشكر جميع من ردو على موضوعي والله يصلح الحال |
الماسه -ام علي صادق
مروركم برد قلبي وفعلا مايحس بالنار الا واطيها |
العذر الوحيد انو احتد النقااااااااااااااش بينكم
لكن هو مسكين فى حال لايعلمه الا الله كيف يدبر فلوس لكي وللبيت .......... وانتي تجرحيه قدري ظرفه والله يعجل لكم بالفرج |
هلا اختي
والله يا اختي ممكن تكوني انفعلتي وقلتي اللي قلتي لكن اشحني هممه اختي بأن يبحث عن عمل ابوه ما راح يدوم له طوول الزومن ،،،،،،،،،،،،، بالنسبة لكلام الأخ رادع والله ما اشوف له اي داعي ياخوي زووج وزوجه واولاد ومحتاجين لأشياء كثيرة ولا فيه اي مبلغ عندهم بسبب نوووم الزوج وعدم تحمله للمسئوليه وعدم مبالاته .. تبيها تضحك .. ترقص .. وش تبيها تسوي .. الله يعينها بس على ما ابتلاها وبعض الأزواج يحتاجون للكلام القاسي عشان يفوووووووووووقوا ،، خالد،، |
اختي فديتج ادري ان نفسيتج تعبانه والسبب العوز المادي اللي عايشين فيه
........ اخذي بيد زوجك ... وقولي له ربنا قال اسعى ياعبد وانا اسعى معااااك يعني فهميه ان الوضع جدا مخجل حيث انه متزوج ويترك اباه الذي يصرف عليه وعليك وهو بكامل صحته شجعيه ان يبحث وبكل الحاح على وظيفه تغنيكم عن الحاجه للغير حتى لو كان والده ودائما ادعي ربك واستغفري وعسى الله يفك كربتكم... انتي غلطانه ... لان نفسيته لاتحتمل الكلام هذا منك بهذا الوقت ... لانه يريد بهذا الوقت وقفتك معاااه لا ذمك ياقلبي... وهو غلطان ... انه ترك العمل وهو ماعنده مصدر دخل اخر .... الله يهديه ويرزقه ان شاء الله اصبري ان الله مع الصابرين |
الرجل حاجه معقده صعب نفهمها من كل جوانبها
وعموما احمدي ربك دائما على كل شيء فهذه المشكله أهون من غيرها ومع ذلك يجب عليك ان تشجعي زوجك وتمدحيه دائما؟؟؟ |
اقتباس:
هذا اللي كنت ناويه اكتبه .. كلامك عين العقل اخوي خالد.. لا تيأسي اختي ما بعد الضيق الا الفرج .. عليك بالدعاء في جوف الليل ان الله يفك كربتكم .. أميرات.. |
اقتباس من رد ولد مكة
لكن هو مسكين فى حال لايعلمه الا الله كيف يدبر فلوس لكي وللبيت .......... وانتي تجرحيه قدري ظرفه والله يعجل لكم بالفرج طيب الأخت تقول انه زوجها كان يشتغل و ترك الوظيفة بإرادته و بدون سبب مقنع .. يعني هو برايكم ما جرحها ؟؟ صحيح هي غلطانة انها ما مسكت اعصابها بس الرجال اللي عنده زوجة و يترك وظيفته مع احترامي له ..ما عنده مبااااااااالاااااااااااه و لا مسؤولية .. بس انا اطلب من الاخت انها تتماسك للاخير و تحاول تتفاهم معه بأسلوب رقيق.. و بليز لا احد يتكلم عنه كأنه ما سوا شي غلط .. و تحملون الغلط كله للاخت المظلومة .. أوضح من الشمس ان هو غلطااااان .. |
اقتباس:
اعجبني كلام اختي شروق السعودية الرجل من غير عمل يحس بالضعف ادعي رب العالمين انه يفرجها عليكم كان الله بعونكم شكرا اختي شروق السعودية اخوك هلال العالم |
| الساعة الآن 05:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©