|
أخجل من زوجي كثيراً
الله ييسر لنا ولكم.. هاذا اول شي والثانيه اني اعاني من هاذي المشكله من اول زواجي لحد اللحين وليه4 سنوات متزوجه ووالله اني نفسي اتغير لكن ما قدرت والمشكله اني استحي من زوجي مررررررره مرررررررررررررررره مررررررررررررررررررررررره الى درجه تطفش وان اشياء كثيره تنقصني وما اقدر اطلبها مثال: اكون هلكانه من الحمل ولو اموت ما اقدر اقوله جيب غداء معاك من اي مطعم... او البيت وسخ ما اقدر اطلب منه يساعدني لو بشي بسيط وبرضه هو ما يقصر والله دايم يحاول يساعدني طبعا مو دايم ما يقصر ما اظلمه لكن دايم اني احس اني اتعب لأن هاذا حملي الثالث على التوالي فمره احس بتعب ونادر ما احس اني نشيطه واقوم اشتغل مثال اخر... احنا في خارج بلدتنا وزوجي فصل عن بيتنا الصفر الدولي وجلست ما يقارب 1شهر ما اتصلت بااهلي ولا تجراءت اطلبه بطايق عشان اكلمهم ما ادري ايش اسوي؟؟؟؟؟؟؟؟؟؟؟؟؟؟؟:11: :11: :11: |
اذا كنت تستحين من زوجك بهذه الطريقة يمكنك تعويد نفسك على كتابة ما تريدينه منه فى ورقة وتعطيها له واكيد لو هو واعى حايحس بمشكلتك وبيحاو ل
يساعدك على تجاوزها |
تستحين من زوجج
انصحج تشيلين عنج الخجل خصوصا مع زوجج حرام بتعودينه على طبعج عقب صعب تغيرينه |
عفواً .. يُنقل للمكان المناسب .
|
السلام عليكم . . . أنا مرت علي مثل هذه الحاله كنت استحي من مصارحة زوجتي فلجأت للإيميل ... أي شي بدي أحكي فيه وأسترسل ابعتلها رسالة عالإيميل فيمكنك أختي الكريمة كتابة ما يدور في نفسك على قصاصة ورقية وتركها في مكان يراه وهو حين يقرأها سيفتح معك الموضوع بالتالي تتحدثين . . . نسأل الله العفو والعافية والله المستعان |
[QUOTE=ossla]اذا كنت تستحين من زوجك بهذه الطريقة يمكنك تعويد نفسك على كتابة ما تريدينه منه فى ورقة وتعطيها له واكيد لو هو واعى حايحس بمشكلتك وبيحاو ل
يساعدك على تجاوزها[/QUOTE مثل ما قالت الاخت الي قبلي |
ما له داعي هذا الخجل
|
ما له داعي هذا الخجل
|
اختي انا بعد متزوجة من اربع سنين اعترف اني فالبدايه كنت استحي اطلب منه شي حتى يوم سافرنا برا فشهر العسل استحيت اشتري حقي شي بصراحه وبعد كما ردينا ما طلعني مكان ابدا وكنت استحي اقوله خذني وطلعني بس ما استفدت شي من هالمستحه عقب صار ويهي لوح خخخخخخخ المهم عادي حبيبتي عشان ما يتعود على هالشي اطلبي منه اي شي لان لريال يحب انه يحس ان حرمته محتاجتنه وتطلب منه كانها بنته خخخ بابا ييب حقي حلاوة وكيك وبيبسي وتسلمين الغاليه وسوري اذا ازعجتج بكلامي
|
اقتباس:
وش تسوين انك تحاولين تتغلبين على الخجل:o ماراح يفيدك ! والحل ؟ استخدمي معه رسائل عبر جواله او http://www.asmilies.com/smiliespic/psmilie/150.gif رسائل على ورق ملون ايضا اكتبيها وضعيها بجانب السرير او التسريحة او بغرفة المكتب وانا افضل تعبرين وتأخذين منه ويسمع منك افضل ;) لكن شوي شوي لين تشجعين ويروح ويخف عنك الخجل خاصة نقطه اتصالك واطمئنان اهلك عليك ليه الخجل ! ونقطه انك تعبانه وتحتاجين دواء من الصيدليه او زيارة طبيبة هذا ماله داعي الخجل او ! |
انا معك بعض النساء تكون خجوله وزوجها مايعمل حساب لها النقطه يعني مثلا مايعرض خدماته اويسالها تحتاجين شي او وش اخبار اهلك او 000
لذلك الحل مثلا: في البدايه ليزول من الخجل اتبعي اسلوب التلميح ((مثلا لوبغيتي يجيب لك غدا قوليله ياسلالالام لو الواحد اول ما يدخل المطبخ يلقى الغداء جاهز!!! ولمحي له بان اغلب صديقاتك يمدحو مطعم معين،،،متى ودك نجربه:cool: (((شوفي المكرررر)) او مثلا00 تنظيف البيت لو سوى زوجك شي بسيط من التنظيف امدحيه لين بكره وذكريه انه ابدع بهالشغله احسن منك وياليت لو يتولاها على طووول:p 000(( شوفي كيد النساء) او مثلا لو بغيتي تكلمين اهلك قولي :سمعت ان فيه شرايح للي ماعنده صفر **صدق!! وتقريبا كم سعرها ((يعني افتحي الموضوع للنقاش))بعدين قولي والله زينه هالخدمه تصلح لحالتنا 000استغبي عليه00:23: الخ بعد فتره انتقلي للتصريححح واغسلي وجهك بمرررق 00:eek: لاتصيرين زي حالاتي الى ساعتك وانا المح وحركاتي صارت مفضوحه وما اقدر اصرح حفاظا على كرامتي لاني عارفه برفضه مسسسسبقا"" ((خايفه اني اقعد اللقط وجهي كالعاده)):( :16: |
انتي تستحين مرة مو اشوي بعد
ماله دااعي الخجل هذااا تجاوزتي الحدود بالاستحياء زوجج ذاا مو اي حد عشان تخجلي لماتطلبي اوتقولي شي طبعج بنظري حلو لكن صاير بزيادة شووية وربي يوفقج |
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©