|
الى كل وحده خانها زوجها تعالي بسألك؟
السلام عليكم كيفكمممممممممم جميعاااا؟؟
اليوم بطرح موضوع وبسألكم سؤال محيرني ونكد علي حياتي وبشوف هل الكل مثلي؟ طبعا هذا السؤال للي ذاقت مررالخيانه من زوجهااا طبعاا الخيانه تختلف سواء مكالمه او لقاء او ...او.. انواع بس تكون في الاخير مسمى خيانه....... انا عن نفسي مريت بها الموقف الصعب من سنتين وكأنه امس بصراحه مو قادره انسى وكذلك مو قادره اسامحه او اثق فيه....... بعد ما كنت واثقه فيه ثقه على قولتهم عمياااااااااااء مع انه وعدني وحلف با الله ما يرجع .... من جد مو قادره انسى يجلس على النت اقول اكيد يسولف مع وحده على الماسنجر...... يطلع برا اقول اكيد يكلم من جواله اللي مخبيه با السياره......... لكن كل هذا وما احاول ابين لانه يتضايق ......... بس والله بيني وبين نفسي اتعذب ....... لاتقولين مافيك ثقه بنفسك ومن ها الكلام والله والله اللي مجرب بيحس بها الشي........ والله مو سهل انك تكشفين زوجك يخونك شي مررررررررر وصعب.......... والله اني ادعي ربي يطمني وانسى اللي صااار............ قلت لكم معاناتي بشوف هل الاغلبيه مثلي ولا مجرد ما يندم ويتأسف تنسي اللي صااار........ سؤالي....... هل تستطيعين حلوه تستطيعين مو لايق صح.......... المهم تقدرين تنسين خيانه زوجك لك اتمنى كل وحده تقول رأيهاا بصراحه...... وكذلك اللي خان زوجته وفي دمه الخيانه اقول خافوا ربكم حرااااااام عليكم؟ وتقبلووووووو تحياتي ....... |
لا ..
لا أقدر على نسيانها .. ولو إنها تستنزف من راحتي وصحتي وسعادتي .. لكن النسيان صعب .. وأحس سكين الخيانة مازالت مغروزة في قلبي .. ومع كل حركة وكل نفس أتنفسه تتحرك السكين وتجرحني وأنزف مجددا وكأنها حصلت للتو .. |
هلابك بحرينيه ولكن..........مشكوره على مرورك وانا رأيي من رأيك النسيان صعب.......
انا اقول مع الوقت بنسى وانا لي اكثر من سنتين وكأنها للتو........الله يهديهم |
خيتو دستي ع الجرح وجعتيني موقادره انسى مو لأني للدرجه هاذي أحبه لا صعبانه علي نفسي كيف أستغفلني جرحني جرح لدرجه أنو تمنيت أسمع خبر موته ولا أكتشف إللي أكتشفته كنت أحسبه ملاك ماله علاقات ولا أصحاب والبرأه ماليه عيونه كنت أقول إني ما أستاهل للدرجه هاذي ربي أكرمني بواحد يصوني ويحبني ويشتري رضاي الشاهد الله تمنيته ينعمي ما يشوف بالدنيا غيري الله حسيبه تقبلي مروري |
والله ياقلبي النسيان صعب صعب كثيررررررررررر
الله يعينا ويهدي ازواجنا ويصونهم عن ما نكره امين موضعك في الصميم تسلمين |
أعتقد ان النسيان صعب جدا
ومهما اظهرت الوحده غير هيك لكن داخل نفسها تشك بكل تصرف حتى لوكان طبيعي |
لوسمحتِ ممكن تحديد نوع الخيانة وكيف ؟
|
لم تتركي لي شيء حتى أقوله
شعورك مثل شعوري بالضبط |
كتبت رد وش طوله وش كثر عبرت لكن للاسف بضغطت زر ما ادري وشلون انمسح !! بانتظار رد عاجل
|
آآآآآآآآآآآآآآآآآآآه
مطعونه ولازال يطعن فيني شعوري مثل شعورك بالبظبط واكثررررررررررررررر لكن اقول لكل رجل يخون زوجته اتق الله اتق الله اتق الله تذكر ان الزنا دين فأن اقرضته كان الوفاء في اهل بيتك ما شعورك لو زوجتك قالاتك بنفس الجريمه لكن لاحول ولا قوه الابالله قلب طمست بحب الشهوات ... فلم تعد تفرق بين حلال او حرام |
انا مثلك تماما اشك فيه ولاصرت ااصدقه .......ومستحيل انسى مستحيل ......شكرا لك على هذا الموضوع .......
|
اختي اتمنى انك تتناسينها لان بالنهايه انتي اللي بتتعبين وهو مادرى عنك وووووووحاااولي تتغاضين عن اشيا يسويها لصالحك صدقيني لانك لوبينت وسين وجيم بيحقد عليك واحنا مالنا الا ربنا
والله يعوضنا |
دلوووعه
أحب الوددددد رئبال متابعه 2 بانتظارك......... نوورت حبيبي حياتي اليمه ام رفا تالا وبس هلا فيكم ومشكوره على مشاركاتكم...... وفعلا الاغلبيه رأييهم من رأيي النسيان صعب حتى لو حاولنا والله شي مرررررررررررر اتمنى من الجميع التواصل...... وابغى رأي الرجل كذلك وش رايكك هل لنا الحق في ذلك شااااااااركونا..... |
بندورااااااااااااااااااا
الله يهداك ضربتى على الوتر الحساااااااااس والله والله مااا انسا خيانتة لى لو تمر اسنين طعنتة لى ما انساها لو كان شنو حتى لو تغير حتى لو قال خلاص انا تبت وحتى وحتى وحتى ما انساااا لو شنو ..... ما اقدر اصلن كل لحظة حلوة اعيشها معاة لازم تمر لحضات خيانتة لى واتذكر وتكدر آآآآآآآآآآآآآآة صعبة ان حبيبك وروحك وحياتك وتوامك يخونك والله صعبة كل ما اتذكر مواقفة لما كان خاينى والله اتحطم وقلبى يتقطع حسرة وقهر لكن ما اقول حسبيا الله ونعم الوكيل على كل وحدة تكلم واحد متزوج ,,, انشاء اللة تجرب الى حنا جربناة قولو آمين قلبتى المواااااااااجع |
اااااااه لاتشكين لي ابكيلك..زاي والله انك جبتيها عالجرح..انا مثلك مو قادرةانسا ولا اتوقع اني انسا ويمكن انتي ماتبينين له وهذا كويس لكن انا كل مشاكلنا عن سالفة عدم الثقه ..بس انا اتوقع ان اللي انكسر مايتصلح..احس جرحه الى الان فقلبي..والله يعينا وياك
|
اخواتي الحبيبات..........انا مثلكم عانيت اشد المعاناة من خيانة زوجي وذقت المر والهم لدرجة اني ماصرت
اشتهي الأكل ونزل وزني كثير..والطريف ان الكل يسألني عن نوع الرجييم اللي استخدمته ولما اقول لهم ولا شي مايصدقوني....كان ودي اصرخ فيهم واقول الهم ياناس..... طبعا لما اثبت خيانته 100% كتبته له رساله ووضعتها عند مخدته على السرير ورحت بيت اهلي طبعا في الأخير اعترف لي وقرر التوبة ....... بصراحة في البداية ماقدرت انسى..وتعبت كثييييييييير لكن مع مرور الوقت رجعت حياتي طبيعية تجيني افكار بين فترة والثانية لكن اقدر اتغلب عليها....لأنها من الشيطان اختي الحبيبة .......تذكري دائما انه اخطأفي حق من هو أعظم منك في حق خالقه سبحانه وتعالى عندها ستهون عليك نفسك وكل انسان سيجازى على عمله ....... |
ما اقول الاحسبي الله على كل و حده
تحاول تجر رجل الى طريق الخيانه ... الله لايوفقها ويشل لسانها مثل ماهدمت بيوووت كثييييييييره والرجال بعد عليهم اكثر اللوم هم مو اطفال والمفروض يحاسبون على تصرفاتهم ويخافون من رب العالمين.. واخوااااتي نصيحــــــــــــه : انسي او بالاصح تنااااااااااااااسي ماراح احد ينفعك الماضي راح بخيره وشره وانتوا بهالتفكير والشك راح تشجعون ازواجكم انهم يعاودون الكره مره ثانيه ... اهتمي فيه زياده تغنجي بصوتك اثناء مكالمتك به استخدمي عبارات نادر ماتستخدمينها وجددي باأسلوبك ... والله يهدي الجميع ويريهم الحق حقآ ويرزقهم اتباعه |
هناك حقيقة علمية
وهي Humans are naturally polygamous تعدد الزوجات شي فطري في البشرية الرجال يميلون الى تعدد الزوجات men are naturally polygyny والنساء يملن الى تفرد الازواج Women are naturally monogamous زوجك خانك هذا لا يعني انه لا يحبك بالعكس يحبك ويموت فيك ولكن يحب في نفس الوقت ان تكون له حبيبة اخرى وهذا شي غريزي فيه الحل هو تقوية الوازع الديني حيث ان الزنا من كبائر الذنوب وعقوبة الزاني المحصن هي الموت رجما ومن نال شيئا في الدنيا حرمه الله منه في الاخرة من زنا في الدنيا حرم عليه الحور العين في الاخرة |
اقتباس:
لكن أحب أن أذكر أنه الزنا ليس وحدهما يسمى بالخيانة .. فالمكالمات الهاتفية خيانة .. والخروج بصحبة فتاة خيانة .. والنظر للفتيات في الطريق خيانة .. ومشاهدة الأفلام الهابطة أيضا تعتبر خيانة .. |
حياك الله أختي الغالية صدقيني ظليت فترة علشان ارد عليك 000شوفي أختي وبكل صراحه أنا حصل الي موقف مع زوجي في يوم من الايام كان زوجي جالس معي وفتح النت وعلى طول فتح الايميل وماي اي خصوصيتا بيني وبين زوجي ولكن وبصدفه طالعت الاسماء الموجودة وكان من بينهم اسم لبنت وفجاء
تغير الوجه الاليف الى وجه مفترس وتقيرت ملامحي وسألت زوجي وبصوت قوي ووحشي من هذي البنت وكان ردة على انه حلف ومايعرفها وقال انه جاتها اضافه وقبلها ولكن مامرة ادخلت وعلى طول حذف اسمهاوانا جالسه ولما تأكدت رجعت طبيعيها 00وعلى فكرة زوجي وهذا من فضل رب العالمين ماعنده هذي السولف وعنده حتي الوقت الكافي 00والحمد لله عيالها شباب وصاير قدوة عنا في البيت الله يخلي لي ولا يحرمني منها 00اللهم امين رمضان كريم |
مشكوره على مروركم لي عوده
مستعجله الحين..... |
انا مااظن ان احد جرب الي جربته خيانه من اربع سنوات واظن الى الحين مستمره ومع وحده اعرفها وتعرفني واشوفها في المناسبات والمشكله عينها قويه طول الوقت عينها ماتنزل عني والمصيبه انها اكبر مني ومنه وعندها خمسه اطفال الله يحرق قلبها عليهم وياخذ لي حقي منها عاجلا غير ...... بس مع مرور الوقت وبعد مااكتشفت انها مو الوحيده بحياته صار عندي تبلد من هالشي بس الي قاهرني انه مامل منها مثل الباقي --اما انا تعودت اني اكرس حياتي لبنتي واعيش لنفسي موضروري حبه واهتمامه اصلا ما عدت ابي منه شي لانه مو جدير بحبي ومايستاهل ------------ صارت حياتي رسميه اكثر من قبل بعد ما قاسيت الامرين بمحاولات يائسه او تقدرون تقولون بائسه لاستعادته لانه بالنهايه الرجل مو طفل وماسوى هالشي الا لانه قاصد يسويه عشان كذا مهما اعترضتي وسويتي ما راح يتغير شي بالموضوع باءستثناء انك راح تفقدين احترامك لنفسك وتحسين انك ناقصه الله ياخذ لي حقي من كل من ظلمني يارب وحسبي الله ونعم الوكيل على كل خاين وخاينه وان شاء الله يعوضني ربي خير بالذريه الصالحه الي تبرني في كبري يارررررررررررررررررب
|
اقتباس:
اسفه علي هالمداخله بس اختي الكريمه مهما كانت امراه فاسده وخاينه حرام انقول ..... اظن اهلها ما يستاهلون وهالسب مايجوز ويارب يعوضك بعيالك ويرجعلك زوجك يارب يهديه ويخليه لكم |
انا بالنسبالي االخيانه عندي لاتغتفر ولايمكن نسيانها مهما حصل وصراحه صعب الواحد يتناساها مهما صار لكن نحنا النساء بضعفنا نحاول نتناساها عشان اطفالنا بس ... بس اللي بيخليني اتسائل ليش مو من حقنا انه نشك بالزوج بعد الشعور بالخيانه في حين انه لما المرأه تكون عندها علاقه سابقه وليست خيانه زي اللي عملها بيفضل يشك وغير الشك المعايره بالطالع والنازل ليش دائما نحن معشر النساء حقوقنا مهضومه مع الرجال يعني ليش كل شي مو من حقنا ..
وللاخت مها.. اللي ايده بالنار موزي اللي ايده بالمويه صح مايجوز ندعي للاهل بس الحرقه بالقلب تخلينا نعمل اكتر من كده.. ونلجأ للدعاء عليهم وصراحه ناس زي كدا تستاهل اكثر من كده.. والله يوريهم في كل من يحبوه ويحرق قلبهم زي ماحرقوا قلب كل انسانه على نفسها وزوجها.؟؟؟ وانا اتسائل وسؤال محيرني.. ايش اللي جابر اي انسانه اتعرضت للخيانه ومازالت تتعرض لها انها تعيش معه تحت سقف واحد لاتقولوا عشان الاولاد الاولاد اكرملهم مايعيشوا تحت سقف زي كدا كلو غباااار مافي اي جواب ممكن يقنعني... ونحنا نقول انه مالنا دوااا غير الصبر... لكن من وين نجيب الصبرررررر.. |
حبيبتي مها الكويت شكرا على المداخله بس هذولي ناس اصلهم ناقص اصلا الخيانه تجري بدمها بالوراثه امها من دوله عربيه وابوها مطلقها ومسفرها لنفس السبب يعني بالمختصر حريم ما يملى عينهم الا التراب مع ان زوجها معروف بالاخلاق والالتزام العائلي وانه يموت فيها ومو منقص عليها شى بس شتقولين ناس ناقصه وواطيه والواطي بيظل طول عمره واطي ---يكفينا قول الرسول صلى الله عليه وسلم(( تخيرو لنطفكم فان العرق دساس)) وقوله(( اياكم وخضراء الدمن قيل له وماهي يا رسول الله قال هي المراءه الحسناء في المنبت السوء)) ----------لو ماهي واطيه مالفت عليه ودارت سنه كامله لحد ما تعلق فيها
|
معلمه انجليزي.....والله من شاف مصيبه غيره هانت عليه مصيبته......بس كيف تعرفينها وتشوفينها وساكته لو مكانك والله ما اسكت ان كانت متزوجه فضحتها عند زوجها.......
بس والله شي صعب ومررالله يصبرك انا زوجي كلم مره ووعدني ما يعيدها بس في قلبي حرقه واحسه مازال يكلمها مجرد شك مع ان تصرفاته تقول عكس كذا..... بس والله مدري شقولك لاتسكتين والله يتمادى وبكرا يدخلها في بيتك مو بس يكلمها...... وعليك با الدعاااااااااااء الله يفرج همك وحسبي الله عليها من خاينه.......ز أختي مها....هلا بك ومشكوره على مرورك وانا رأيي من راي واس..اللي ايده في النار مو زي اللي ايده في المويه.....حبيبتي والله من الحرقه والقهر اللي نحس فيه من ها الشي الوحده منا مو بس تتلفظ ...... ان شاء ما تذوقين اللي ذقناه......ومشكوره على مرورك....... واس هلافيك ومشكوره على مرورك وحسبي الله عليهم وصدقيني الدنيا دواره وان شاء الله كل وحده فكرت تكلم انسان متزوج رااح تشوف ها الشي بزوجها....... واكيد اللي مصبرهم الاولاد والله حرام يتشتتون علشان لحظه ضعف من الشيطان مرت على ابوهم....... والله يهدي الجميع يارب....... |
الله يفرج همومكن
ولا يورينا ما نكره اااامين |
اشكر اي وحده تفاعلت معاي او حاولت تبرد قلبي ------صدقوني كلامكم زي البلسم -----لا تنسوني من الدعاء في هالشهر الكريم ان الله يعوضني خيررررررررررررررررررررر احيانا انا الوم نفسي لاني كنت معطيته الثقه المطلقه وماكنت مفتحه عيوني زين بس والله كنت صغيره وما افهم في هالاشياء بعدين انا في بدايه زواجنا كنت ادرس في الكليه وانشغلت عنه حيل ومن زين الحظ من تخرجت جاني التعيين في منطقه بعيده شوي عن مكان سكني وكنت طول الاسبوع مو عنده ما اجي لبيتي الا في الخميس والجمعه يعني كان الجو صافي لها عالاخرررررررررررررر عشان تصطاد في المويه العكره ----انا ما احط كل اللوم عليها بالعكس حتى هو لو ماكان عنده استعداد نفسي للخيانه ما كان خااااااااااااااااااااااااااااااااان بس حسبي الله ونعم الوكيل
|
يا بنات
لين متى نشكي ونبكي لين متى؟! الرجل لن ولن ولن يتغير ومستعد ان يرمي عليكي كل العيوب والاخطاء حتى يبرر لنفسه الخيانه ويمكن اذا واجهتيهي يتبجح ويقولج ايه اخونج عندج مانع؟! هذا هو الرجل الخائن انتي وانتي فقط من يجب ان تتغير مصلحتج فوق كل شي فلوسج لج وقتج لج واذا لزم الامر الحياة ما تسوى الواحد يضيع دقيقه وحده منها عشان يفكر بشخص ما يستاهل |
تمنيت اني ما قريت موضوعك
خليتيني أعيش مرة ثانية كل المواقف الصعبه اللي عشتها وبالنسبة لي انا ........ ماعندي بقاموسي شي اسمه نسياااااااااااااااااااان لكن مالنا غير الصبر وندعي ربنا يصرف قلوبهم عن كل معصيه |
حبيباتي انا هذه القصه بالضبط صارت لي من 3 اسابيع
يعني زوجي الملاك الحبوب الي مافي مثله فجاءه اكتشف انه يكلم بنات ويدخل مواقع اباحيه و يكلم بنات عن الجنس والخ يعني بالفعل صدمه قووووووووووووويه يعني شي ولا في الخيال لمن واجهته اعتذر و بكاء وتااااب الخ.... بس متل ماقالت الاخت انك ترجعي الثقه الاوليه صعب مررررررررره خاصه انك ماكنتي تتوقعي هالشي بس انا حاولت انسي كل الي صار لان اني قررت اسامحه واعطيه فرصه اخيره ولو ربنا كشفه والله لو كان معي 10 اطفال ماسامحه لانه بيكون اب وزوج غير جدير بالاحترام وانا الحممدلله محترمه وماحبب اقلل من قيمتي وزي ماقلتي انا مش مجبوووره اعيش مع شخص مايعرف قيمتي ولقب مطلقه افضل من غبيه و غافله ويمكن الاقي فرصه احسن في المستقبل الشي الي تغير اني صرت احب نفسي اكثر شوي يعني اهتم بحالي اشتري لنفسي واصرف لان المصيبه اني اشتغل وراتبي كله اساعده فيه في المصاريف يعني ولا اتهنى بيه ومع ذلك اكتشف مصيبه والله انك قلبتي علي الجرح الله يعينا وكل الحريم الي معاهم ازواج من دي العينه عارفين الي قاهرني لمن سالته هل انا مقصره معك بشي قال لي لا والله بس انا مرييت بفتره حسيت فيها بنقص هخخخخخخخخخخخخ ودي اكسر راسه والله |
أنا اختي صبرت ولقيت بدال الشكر خيانه وانا الان مني قادره انسى اي شي صار يخص سالفت الخيانه لا الكلام ولا الرسايل
|
انا جربت خيانة زوجي
مهما نسيتي او تناسيتي راح تتذكرين فعلا اضم صوتي لصوتك و اقول للرجاااااال حراااااااااااااااااااااااام عليكم |
اعتقد في هذا الزمن كل الرجال خونة لكن البعض عارفات والبعض ما يعرف والنسيان مستحيل
|
بريــال عارضتـــه على الســـوق بريـــال
مــن بــاعني برخيـــص والله لبيعــــــه ومن يشــــتري رجّــال قصّــر بالأفعـــــال باع العهـــود الماضيـــــه للخـــديعــه رجّــــال يســوى له ثمــانين رجّــــال كل الصفــــات اللي ملكهـــا فضيعـــــه له ضحكـــــة تشـــبه لضحكــــات الأطفـال ذيــب ..ونظـراتـــه حنونـــه وديعـــه وله فــزعــة منهــا المجــانين عقــال وفجــوج لا ضـــاقت علــى الوســـيعــه يا ما عـــدل عـــوج ثقيـــلات وطـــوال وانا معـــاقبتـــه غيــــور ســــريعه والله يســــــوى له ثمـــانيــن رّجــــال والخبـــل مثلي لا زعـــل من يبيعـــــه هذي قصيدة عجبتني وحطيتها هنا اتمنى تعجبكم |
ماتصير مصيبة الا ولها سبب
انا متأكد 97% لن تحصل الخيانة من الزوج في السنتين الاولا من الزواج والسبب المراه ( هبة حرس) الاسباب بعد السنتين أهمال الزوجه لزوجها من التجمل وحسن الاخلاف عمل المراه بعيداً عن زوجها أو العكس المجتمع الذي يحيط في الزوج يعني رفيق السوا ضعف الوازع الديني قلة مافي يد الزوج حتي يتزوج بثانيه أو قل غيرة المره علي زوجها بحيث لايهمها يزني أو ينتحر المهم لايتزوج علها أسال الله العظيم رب العرش الكريم ان يفرج هم كل مهموم ويبعد كل زوج وزوجه عن الزنا واليكم هذا الحديث الشريف / لحديث : 4009 حدثنا محمود بن خالد الدمشقي حدثنا سليمان بن عبد الرحمن أبو أيوب عن ابن أبي مالك عن أبيه عن عطاء بن أبي رباح عن عبد الله بن عمر قال أقبل علينا رسول الله صلى الله عليه وسلم فقال يا معشر المهاجرين خمس إذا ابتليتم بهن وأعوذ بالله أن تدركوهن لم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم الذين مضوا ولم ينقصوا المكيال والميزان إلا أخذوا بالسنين وشدة المئونة وجور السلطان عليهم ولم يمنعوا زكاة أموالهم إلا منعوا القطر من السماء ولولا البهائم لم يمطروا ولم ينقضوا عهد الله وعهد رسوله إلا سلط الله عليهم عدوا من غيرهم فأخذوا بعض ما في أيديهم وما لم تحكم أئمتهم بكتاب الله ويتخيروا مما أنزل الله إلا جعل الله بأسهم بينهم * . ( حسن ) _ |
الله يصبركن جميعا
ويبعد عنا الخيانه تحياتي /all@love |
| الساعة الآن 02:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©