|
الى يشوف مصايب غيرة تهون عليه مصيبته هونوها وتهون ان شاءالله
السلام عليكم ورحمه الله وبركاته
ماني عارفه ابدا موضوعي لاني اصلا ماعمري نزلت موضوع هنا كت دايما اكتفي بالقراءة ومع بعض الردود لكن لاحظت بالفترة الاخيرة كثرة مواضيع بهالقسم مواضيع تحبط الواحد فيها تشاؤم فقلت مايبغالها لازم اكتب موضوع اقول لكل البنات هنا او اغلبهم توكم الحمدلله صغيرات للان :15: والى يشوف مصايب غيرة تهون عليه مصيبته :11: يعني اغلب الى بالقسم لاحظت اعمارهم ماشاء الله ماتعدت26 يعني توكم ان شاء الله بعمر الزهور صحيح ان الى كبرنا اغلبهم متزوجات وصاروا امهات بس هذا مايمنع ان فيه ناس اكبر منكم ومتعذبات اكثر منكم واكبر دليل اختي وانااختي عمرها 28 سنه وللان ماتزوجت ولاوظيفه والاغيرها وعلى كذا حالتها من سي لأسواء الله المستعان يعني كل ماقلتلكم حالتها زفت زفت يعني تقدرون تقولون نفسيتها بالحظيظ كل الى كبرها معاهم عيالهم , وزيادة على كذا اختي الى اصغر عنها بسنه انخطبت وهذي كانت الشعرة الى قصمت ظهر البعير صارت ماتتكلم مع احد حالتها حاله والواحد مايقول كلمه ترد عليه بعشرة لكن ربي ولك الحمد اشوفها يوم اجلنا زواج اختي اشوي, لعل وعسى يجيلها ولد الحلال ان شاء الله قريب مو بعيد عاجلا مو اجلا لها ولي ولبنات المنتدى صارت تتكلم معانا وتضحك بس للان اذا جبنا طاري زواج اختي تنهار نفسيتها الله المستعان:24: وانا يالي مكلمتكم عمري 25 سنه :17: وعاااااااااادي الحمدلله موقنه بالله كل خير وان شاء الله بقدوم هالشهر ان الله يرزق اختي ويرزقني ويرزق كل بنات المنتدى عاجلا غير اجلا وشيلووووو فكرت التشاؤم والنظرة المشؤمه ماعند الله غير كل خير يعني توكم يابنات صغنونات:23: :15: :15: وانا ماكتبت موضوعي غير تشجيع لكم ولي ولاختي ولكل بنت تاخرت بالزواج:14: واخيرا لاتنسوووووووووووني انا واختي من صالح دعاكم |
السلام عليكم ورحمة الله وبركاته
:22: :22: :22: ياسلام على مواضيع التفاؤل وعلى الروح المشرقة :17: انا اكبر منك بسنة ولما قريت موضوعك صدقت عمري صغنونة :15: موضوعك يونس الصراحة بعدين غاليتي أختكِ حساسة شوي لازم تحاولين تكلمينها بكل هدوء وفهميها إن كل الخير بلي يكتبه لنا ربي وإن لكل شي أجل وإن الإنسان راح ياخذ رزقه ولا بد فلا الحزن يقدم ولا يأخر وربي أرحم بها من نفسها ومن أمها وما يقدر لها قدر إلا هو الخير لها وحاولي تهدي من نفسيتها وتبينين لها إن هذا إختبار من ربي لها يختبر صبرها يختبر إيمانها ويبي يسمع صوتها بالدعاء وإن ربي كريم رحيم ماراح يردها وقولي لها قصص البنات وبيني لها إنها بنعمة وخير وأفضل من غيرها وقولي لها ربي اختارك من بينا يختبرك لأنه يحبك يعني حاولي تطمنيها وتهدين من نفسيتها أسأل ربي الكريم الرحيم أن يرزقكِ وأختكِ وإيانا أجمعين الأزواج الصالحون بالقريب العاجل إنه ولي ذلك والقادر عليه |
ماشاء الله على روح التفاؤل عندك..
ياليت كل البنات هنا مثلك.. واختك ماتنلام صراحه صعب اختها الصغيره تتزوج قبلها لكن لازم تقنعينها أنه هذا نصيب اختها ونصيبها يجي متى ماأنكتب.. |
الله يزيد التفاؤل عندنا يارب ..ويعطينا على قد هالتفاؤل كلنا يارب
ويرزقج واختج وكل البنات الأزواج الصالحين يارب |
عليكم السلام ورحمة الله وبركاته
الله يديمها عليك من نعمة والله يرزقك من فضله ويرزق أختك وبنات المسلمين جميعاً صدقيني ياغموض المسألة ليست تشاؤم ولله الحمد ، لكن هذا المكان الوحيد اللي أفضفض فيه من غير خوف أو قلق وبكل شفافيــــة الحمد لله داخلياً عندي إيمان كبير بأن الله أراد لي الخير حتى لو إني لم أطيق هذا الوضع والحمد لله كثيراً أنه رزقني الصبــر والتصبر أيضاً قد تسوء النفسية لموقف ما أو كلمة من هنا أو هناك لكن بالأخير أيقن تماماً بأني بأفضل حال قسمنا هنا مكاننا اللي يسمعنا ونسمع اللي فيه ونرتـاح ونريّح ولا تزعليين تونا صغــار وأبشرك أنا أتعامل بالميلادي علشان أقول عمري 24 :D |
وانا اكبر منكن جميعاً عمري الان 28 سنة ولكن يعلم الله ليس في قلبي الا ان الافضل قادم لانني ذات مرة وتحت ظرف مؤلم جداً ولقلة ايماني وقتها احبطت جداًومالجأت الا لله وتوسلت اليه بكل ماأستطيع وانهمرت دموعي كثيراً في تلك الليلة فسألت الله بعدها راحة البال والطمأنينة ومنذ ذلك اليوم ولله الحمد والمنة لم اشعر باي شعور تعاني منه اخواتي المتأخرات بالرغم من ظروفي الصعبة والحمد لله على كل حال ويالله نعيش دنيا غير مليانة حب مليانة خير .
|
المفروض العشرينيات يطلعن برا القسم <<<< مطالبة للمشرفين امزح :D الله يوفقكم . . . . . . بنان |
من وجهة نظري
عنوسة افضل من زواج فاشل وطلاق |
حلو التفاؤل
بس المشكله اللي مو متفائل من قلب يعني كلام يبرد قلبه شوي وباقي الوقت يقعد يداري نفسه الله يكون بالعون واختك لازم تكلمينها و توقفين جنبها و تهدين نفسيتها لاني مريت بهالموقف و الله يكون بالعون انهارت نفسيتي و صحت من قلب و صرت بحاله نفسيه الله العالم فيها بس لجاءت لربي كنت خايفه على نفسي تصير فيني سكته و الا شي بس الحمد رحت لصديقتي و صحت و فضفضت وكانت كفو ريحتني و طمنتني قالت لو كنتي مطلقه وش راح يكون موقفك ونفخت راسي بكلمتين انتي احسن و اشطر و من هالكلام و احمد الله عدت الحاله على خير ل=بس اوقفوا جنبها و لا تحسسسونها بالنقص وخلوها تفضفض هي صدقوني متفشله من اهلها تحس بالنقص تمام مثل اللي حسيت فيه الله يكون بالعون وشكررا على الطرح لمميز |
أيوه للحين مازلنا في عمر الزهور << تصبر عمرهـــــا
أن شاء الله إذا دخلنا عمر الشجر يكون معنا عيالنا |
بصراحه من جد من جد
انا دايم اقرا كلام البنات هنا واستغرب من كلامهم كل يوم وحده منزله موضوع تشتكي فيه من عنوستها وفي النهايه تقول انا عمري 25 ولا 26 بنات حرررررررررررررررام عليكم اا ها العمر صرتوا عوانس فيه اجل وشو عمر الشباب والله اتكلم من جد كثيييييييير كثيييييييييي بنات ما يتزوجون الا في هالعمر والله حرام اللي تقولونه في انفسكم يعني ممكن من 29 سنه وفوق هي اللي تقول انا عانس بس غيره حرررررررررام توه صغيره |
انا اكبر وحدة فيكم عمرى 30 وبدخل بالواحد والثلاثين
بس عادى صح ابي اتزوج بس اذا ماجاء النصيب ماهو مشكله ننتظره لين يجى الله يسعدكم يارب |
ربما أكون زعيمة العصابة ... أقصد زعيمة القسم فعُمري 31 ومع ذلك :d :d :d أعترف أنني أحياناً تأتيني أوقات أضعف وأشعر بالضيق لكن هذا شيء عادي ... المهم أن الانسان لا يترك نفسه لهذه الحالة ويستسلم مازلِتُ أشعُر أن الله سيعوضني خيراً بإذن الله أحياناً أُفكر ... سنوات من عُمري ضاعت من بين يدي ... لكن أقول عندما يأتي الفرج إن شاء الله سأنسى كل الألم وستلتئم كل الجراح ... ولن يبقى إلا فرحة القلب :22: وبالنسبة لأختك غاليتي ... فأنا مع أخواتي هنا أنكِ يجب أن تتحدثي معها ... وتحثيها على الصبر ... لكي تستطيع أن تتقبّل زواج شقيقتها الأصغر منها وذلك حتى لا تصير عندها عُقدة ... أو تتأثر علاقتها بأختها دون أن تشعُر قولي لها أن هذا نصيب ... وكل انسان سيأتيه النصيب في أوانه تسلمي يا عسل على الموضوع المتفائل ربي يرزقنا وإياكِ وأختك بالأزواج الصالحين اللهم آمين |
العذبه وعليكم السلام ورحمه الله وبركاته احم احم <<<كبرتي راسي الله يكبر قدرك بالدنيا والاخرة:17: ابشري والله صغنونه وصغنونه:15: :15: صدقتي والله بالنسبه لاختي بس عاد وش تقولين اله يهديها ويرزقها يارب اللهم امين كل الغلا الله يخليك ويرزقك من حيث لاتحتسبين والله محد يلومها مااقول غير الله لايحطنا بموقفها المسكينه ويرزقها عاجل غير اجل اعذروها يالبى قلبك امين يارب العالمين ويرزقك ويفرح قلب امك فيك قبل مايحول حول هالسنه انتي واختي وانا كل بنات المنتدى:14: غاليه كلامك صحيح والله وعارفه انك ماتكتبون هنا غير من الى ماتقدرون تقولونه بالحياة اليوميه وانا اكبر دليل عندك تحسبيني راضيه ان اختي الصغيرة تتزوج قبل الكبيرة بس قدامها اقنعها ان هذا رزقها واضحك عادي لكن من جو وربي قلبي يتقطع عليها وعلي وعلى كل بنت حلال تاخرت بالزواج ايوووووة خليك دايما حاطه بالك انك توك صغيرة بالنسبه لغيرك :15: والله يرزقك ويرزق اختي وبنات المنتدى عاجلا غير اجلا ابله جوجو ياعمري عمرك مثل عمر اختي الله يرزقك ويرزقها قبل مايخلص هالشهر ان شاء الله وعلى قولتك يالله نعيش بدنيا كلها خير وتفاؤل ويديم عليك هالتفاؤل طول العمر بنان هههههههههههههههههههه المفروض والله الله يسعدك ويرزقك ويوفقك No#1 وجهه نظرك على راسي بس ياحبوبه انتي جربيتي الحياة وكانت التجربه فاشله او كان فيها سلبيات خلونا برضو حنا نجرب هالحياة وندخل هالعالم ياااااااااااااااااااارب قرب هاليوم لاختي ولي وللبنات المنتدى برجال صالحون ام السطوح هههههههههههههههههه الله يسعدك ضحكتيني تدرين ليش لان احيانا تمر فيني هالحركه اتفائل قدام الناس وانا من جنبها واحيانا احاول اخلي اختي تتفائل وانا بعد من جنبها العبرة خانقتني وعن اختي والله مالومها وعارفه لنار الى بصدرها بس حتى اختي الثانيه مو صغيرة مسكينه 27 سنه مااقول يارب يامنان ياحنان ارزقها واياي وبنات المنتدى رجال يخافون الله فينا والف شكر لردك عبير الرياض هههههههههههههههههههههه والله انك ان شاء الله بعمر الزهور:15: اما عمر الشجر الله يوسع صدرك دنيا واخر:d ة حياتي اليمه والله صادقه انا يوم اشوف كلام بعضهم احسها بال28او29 او 30 يمكن هذا نقول طولنا بالزواج لكن انصدم 24 او 25 توكم خواتي صغنونات عيشوا حياتكم وان شاء الله الفرج قريب نجود ماشاء الله العمر كله ويارب يارب مايدخل ال31 الا وانتي مخطوبه على ولد الحلال الى يخاف الله فيك قولي امين ومايجي عمرك 32 الا وانتي معاك البيبي الى يجنن ويقولك ماما lovepeaceangel ماشاء الله الله يرزقك ويرزق اختي وانا وبنات هالمنتدى قبل دخول رمضان يارب بعيال الحلال فعلا تمر على الانسان لحظات تكون من اصعب لحظات حياته يوم يفكر صديقتي الفلانيه معاها 2 وبنت عمي معاها 3 وحامل يحس ان كل الابواب تقفلت بوجهه بس يرجع ويتذكر باب لى ماينقفل ابدا هو باب الرحمن ابشري ان شاء الله انك على خير وسيعوضك ربي بابن الحلال الى كلنا يقول الينها صبرت ونالت واختي تكلمنا معاها بدال المرة الف لكن الله يهديها ويرزقها عاجلا غير اجلا واياك وبنات المنتدى اللهم امين يارب العالمين وانتي الى عسل بمرورك وردك |
والله مشكله
هذا الزواج وربي مشكله كبيره يعني هو شي ضروري ومطلوب للانسان السوي سواء رجل او امراه ولاكن الناس اللي مانكتبلهم نصيب وش ذنبهم ؟؟ الله يزوج اختك ويزوجك انتي يارب وكل بنات المسلمين |
عن جد يا بنااااااااااااااااات اكسبن من عمركن والله احلى ايام العمر لما تكوني حررت قرارك
ما تعرفي قدر هالنعمه الا بعد زوالها بكل الاحوال امور واشياء مقدره من الله يجب الرضااا بالقدر والقضاء والنصيب وادعوا الله بالستر لك اخواتي هناااا والتوفيق للوصول الى المراد الصحيح انه كريم مجيب تحياتي لكن |
انا عندي لكم فكره ليش ما تبدأ توحدو الدعاء مع بعض برمضان وانا متيقنه بالله انه مارح يخيب ظنكم ابدا وتكونو خاطبين على العيد:14: بأذن الله
يا الله اشوف هممكم يا صبايا الله يوفقكم ويرزقكم انتو واخواتكم واختي معكم ياااااااااااااااااااارب:22: |
اللهم أرزقني وإياكم الأزواج الصالحين .. عاجلاً غير أجل .. الهم آمين اللهم آمين اللهم آمين .. |
ياناس اقسم بالله اعرف وحدة بااااارة بوالديها جاها نصيبها ثلاث مرات وتطلق الين جا عمرها 37 تزوجت من سنه تقريبا وعايشه زي الحلاوة وزيدكم من الشعر بيت الحمل عندها مررررررررره صعب
الحمد لله على كل حال وعليكم بالاستغفااااااااااار واني لكم من الناصحين |
وانا ادعوا لي انا زوجتي مصممه على الطلاق الله يصلحها خاطبها 3 سنوات وقعدت معي كم شهر وطلبت الطلاق وانا ماقصرت معها ابد بس حجتها انها ماتحبني واني مادخلت قلبها
اه يالقهر خساير وديون ثم تجي باتفه عبارة تبي الطلاق |
اقتباس:
اما زوج صح او البقاء عانس العنوسة افضل واسئلي المطلقات على الاقل القليل خيارتك افضل منهم في امل ان يجيك شاب لم يسبق له الزواج واقري قصصهم لتحمدي ربك على النعمة انا رديت بعد ما قريت قصة عروس محطمة http://www.66n.com/forums/showthread.php?t=136681 ودليل على كلامي انها كاتبة في توقيعها يا ليتني ما تزوجت !!! وانا والحمد لله ما جربت تجربة فاشلة لازلت عزووووووبي واتذوق مرارة الحرمان ولا تسمحلي ضروفي اتزوج !! ولا حتى خطبة طويلة لين تتحسن الظروف لان الاقارب رفضوني او انا رفضتهم والاغراب مقدر اعلق بناتهم سنين وقد يجيهم رزقهم قبلي الله المستعان والحرام وصل الى حدي وانا صابر ومع ذلك اقوول الحمد الله على جميع نعمه التى لاتعد ولاتحصى والدنيا دار بلاء نصبر ونحتسب الاجر من الله ومشاكلي ولا شي مقارنة بغيري |
جميل يا اختي كلامك عن التفاؤل
لكن اقتباس:
طيب يا أختي اختك حالتها كما تقولين و بالحضيض فين التفاؤل ده :) |
يختي يالغلا
بقولك سالفة قريبتي هي أكبر خواتها وعمرهايمكن29 انخطبت أختها الثالثة مواللي أصغر منهاعلطول اللي أصغرمنهن وبعدها بكم سنة انخطبت اللي أصغر منها تزوجن ثنتين أصغر منها وماشاء الله عليها حضرت زواجهن ومبسوطة وتهلي وترحب أكيد من داخلها مجروحة بس ماشاء الله عليها أبدمابينت أدعوووووووووووووووولها بالزوج الصالح |
اسأل الله الكريم ان يرزقك ويرزق اخواتك الازواج الصالحين .. ويقر اعينكم ويسعدكم
يا رب ما تجي الصيفيه الجاية الا وكلكم في بيوت ازواجكم اللهم امين |
hus1399
كلامك سليم لكن مثل ماقلتي هو سنه الحياة وحاجه ضروريه من ضروريات الحياة ولاتنسين بعد العالم ماترحم الوحدة الى متاخرة بالزواج امين الله يسمع منك smor33 يالله متى هاليوم الى ان شاء الله نتذكر ايام عزوبيتنا والله معتقد اننا راح نشتاق لهااااااااا امين فوفو هذا الى ان شاء الله ناوين نعمله لان احد الاخوات الله يوفقها راح تطبع الاسماء ان شاء الله وراح نوحد الدعاء عسى ان توافق ساعه استجابه اللهم امين mornbeam اللهم امين اللهم امين اللهم امين الله يستجاب دعوتك امير الشوق808 الف شكر لمرورك وفعلا الاستفغار يفتح كل امر عصيب والله يسر امرك وامر زوجتك ويهدي بالكم No#1 هلا بعودتك اخوي انت فهمتني غلط انا ماابغى اجرب تجربه فاشله بس قلت خلونا نعيش تجربه الزواج والله يوفقنا وحنا الى نقيسها هي فاشله والا ناجحه وان شاء الله بعد هالصبر ان الله يعوضنا كلنا بزواج رائع وازواج صالحين يخافون الله فينا وذريه بارة لي ولك ولاختي وللبنات المنتدى والمسلمين اجمعين والله يرزقك بزوجها صالحه بنت الحلال الى تعرف قيمتك وتحطك فوق راسه جويرية22 ان اتكلم عن روحي الحمدلله متفائله لكن اختي هي الى الله يهديها حالتها حاله الله يرزقها الألمعية الله يكون في عونها محد يحس بالنار غير واطيها تلاقينها ميته من القهر اشوف حاله اختي يوم بس يتكلمون بالموضوع احس العبرة خانقتها وتقوم على طول من الجلسه الله يرزقها ويرزق اختي وانا وكل بنات المنتدى قريب مو بعيد مـالك عالـمي الله يسمع منك ويرزقك معانا وبنات المنتدى |
| الساعة الآن 01:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©