|
أتمنى أن يكون زوجاً لي ولكن ساعدوني
السلام عليكم و رحمه الله
صباح النور و البلور و الورد المنثور هذا ثاني مشاركه لي بهذا المنتدى والحمد الله اني لقيت اخوان لي يوقفون معاي و يوجهوني وهذا اللي لقيته و لمسته منكم من موضوعي الاول اللي طرحته و الحمد الله و قفتوا معاي و نصحتوني و مشيت بشوركم و الله وفقني اخواني و اخاتي متحرجه اقولكم و اشوف الموضوع سخيف بس و الله عاني ليل نهار لاني احس ان هناك امل او طريق اوصل للي ابيه وليس بمستحيل بس ماني عارفه اوصل له انا فتاه عمري 23 جامعيه بحاله ماديه جيده و الحمد لله على قدر عالي من الاخلاق و المظهر اخلاقي متزنه ورائي في اغلب الاحيان متز و مستقل وغالبا كل شي ابغاه اسعى له بعد تفكير بفوايده و اذا لقيت فيه منفعه اوصله و الحمد لله مشكلتي هي انا غير متزوجه لي احد اقاربي غير متزوج و اكبر مني ب5 سنوات على قدر عالي من الثقافه و العلم و شهادته مثل شهاتي فينا طبع متقارب جدا و شخصيته تعجبني جدا و بصراحه اتمناه لنفسي كزوج مع ان اخته قريبه مني مره بس طبعا عيب و فشيله اقولها شي او اني ابغاه والحياء يمنعني اني ابوح اللي بقلبي لاي احد بالدنيا وهذا اكبر شي مخبيته وهذي اول مره اكتب فيها بحياتي عن الشي هذا اللي بخاطري انا اتمناه و ادعي ربي ان يرزقني اياه خاصه انهم يدورون على بنات يزوجونه وما يحصل نصيب لانه ما يبي او يطلع شي بالبنت وكل البنات اللي يختارونهم من مستواي سواء التعليمي او العائلي او الجمالي يعني انا مو بعيده عنهم معاهم بس ما ادري ليش ما يبون زواج الاقارب مع ان اهلى متفقين مع اهله و الحد لله وش رايكم الله يسعدكم انا ابيه حيل واحس اني اطلب شي شرعي بس الحياء يمنعني ولا اقدر اسوي شي الا الدعاء بس لازم الاخذ بالاسباب و السعي وانا ودي اسعي و بديت باشياء اسويها صرت احضر مناسبات ممكن يكون فيها بس ولو الحياء يمنعني اني اسوي اي شي الله يسعدكم اذا عندكم اي راي او شي يساعدني نوروني فيه الله لا يخليني منكم والله يجزاكم الجنه |
عزيزتي بما انك تعرفين اخته تمام المعرفه
استغلي لك فرصه واجلسي فاتحيها بامور الزواج وش تتمنى بزوج المستقبل ومن هالحكي ومن هنا ادخلي عليها بامنياتك ومواصفات زوجك المستقبلي يمكن تفتحين لها عيونها وهي ماتدري ويكون النصيب ويارب يوفقك وان شاء الله اذا فيه خير لك الله يرزقك هذا الشخص واذا فيه شر ربي يرزقك احسن منه اللهم امين دمتي ياغاليتي بحب |
السلام عليكم ورحمة الله وبركاته
اختي انا مع رأيي ورود الغا حاولي تكلمي أخته بما انها صديقتك وعلاقتك جيده بها بس من غير تلميحات تخدش حيائك يعني بس فتحي عيونها زي ما قلتلك انك تتكلمي عن مواصفات زوج المستقبل وكده لانها يمكن مش واخده بالها واكيد متنسيش صلاة الاستخاره... وفقك الله اختي ورزقك كل ماتتمنين ما دام كان فيه الخير لك |
الله يرزقج الزوج الصالح ........
|
لا تستعجلي الامور
فان كان من نصيبك سينتبه اليه ويطلب يدك للزواج والا فلن يحصل ذلك فقد كتب رزقك ونصيبك وزوجك في اللوح المحفوظ وهو في علم الغيب عند الله الشيء الوحيد الذي تستطيعين فعله هو الدعاء ثم الدعاء ثم الدعاء وايضا كما اشار اليك الاعضاء ..حدثي اخته عن مواصفات زوج المستقبل رغبيها فيك لتنقل الرغبة الى اخيها وربنا يكتب لك الزوج الصالح الذي تتمنين |
عليكم السلام ورحمة الله وبركاته
لو كنت مكانك بدعي ربي ليل نهـار إنه يرزقني إياه إن كان فيه خير لي ويصرفه إن كان فيه شر ، وبعدها راح أرتاح لأنه الخيرة فيما أختاره الله وماأفضل اللي تلفت الأنظار لها وهي في مكان حساس مثل مكانك لأنه ربما لا يكون نصيب وماينحرج في الموقف هذا إلا أنتِ لذلك خليها بينك وبين ربك والله يكتب اللي فيه خيـــر . |
الله ييسر له لك ان كان خير لكم
تحيايت ابو فهد |
استخيري فيه يمكن ما يكتب لك معاه نصيب
واستخيري في انك تكلمي واحد من اخوانك في نفس الموضوع وعلميه في وجه نضرك وخليه يروح له ويكلمه الرجال ترى عادي عندهم ...اخطب لبنتك ولا تخطب لولدك ترى انا سويتها والله ...وش اسوي ما فيه شباب بنشد فيهم الضهر ...عطيتها كاش لاخوي ..بس اقولك استخرت مين من اخواني اكلم ... صدق ذلني اسبوع خلاني على نار ..يضحك علي ..ويتريق ..وخلاني مهزله بس كنت اقول معليه خذى مني فلوس لا قبل ...بس ما زادت عن 1000 بالاقاساط مره بيسهر مع زملاه ومره بيشتري بطاقه ومره مايبي عشى البيت ..ويهدد ترى بعلم امي واخواني عنك ... غثني ...الين شافه وقاله ...واستخار الرجال ورحب بس قال بقول لاهلي اول خلاني شهر على نار ...والله يسرها واخذته ... بس الحمدالله الله لايغيرها من نعمه نعم الاختيار ..حتى زوجس صارحني في اول مكالمه بعد الملكه قال وشلون كنتي قريبه منا وفكرنا في غيرك بس قويه منك هذي الحركه رديت عليه وقلت مو عيب انتى تدور وانا ادور وهذي صارت من عهد الصحابه بس اقولك شي مع السنوات اكتشفت ان كتير من الحريم مسوين هذي الحركه يرسلون ابوهم او اخوهم او صديق وسعي صدرك اذا الرجل كفو ولا يهمك من سبق لبق والله يعينك على المزح الثقيل منهم ...اهم شي يكون يستاهل سلام ام مهند |
الله يرزقك الزوج الذي تتمنينه امين يارب
|
اختي في الله .. على حد قولك انك قريبه منهم .. ومن اخته .. وهم يدورون له زوجه .. هل تظنين انهم ما ذكروا اسمك قدامه ؟؟
بلا شك .. وخاصه اخته التي هي صديقتك .. من المؤكد انها رشحتك .. لا احد يعلم اين النصيب ؟؟ لكن راح اقولك شىء ؟؟ احيانا انا اذا ابغي شىء واكون مستعجله عليه .. تدرين وش اسوي .. استخير .. اذا الله كاتب لي فيه خير .. سبحان الله يعجله لي .. واذا ما كان فيه خير يصرفه عني .. وانتي اختي في الله جربي .. واستخيري .. اذا في هالرجال خير لك فبعد الإستخاره اما تشوفين الموضوع قرب لك او تشوفينه مثلا خطب او اجل الموضوع ولا اي شىء من هالقبيل .. ولا انصحك ابدا تلمحين لاخته .. او تجعلينهم يحسون بانك ترغبين فيه .. لا تضعين نفسك في موقف تندمين عليه لاحقا .. ابدا .. مشاعرك لا عيب فيها .. ومن حقك ان تختارين من يراه قلبك وعقلك مناسبا .. ولكن للأسف تحكمنا عادات وتقاليد لا نملك فيها امرا .. في امان الله |
عسى الله لا يخليني منك
والله يجزاكم الجنه جمعيا من جد من قلبي شكرررررررررررررررررررررا الله يكتب الاجر لكم في ميزان حسناتكم الله يوفقكم |
اولا السلام عليكم
من نصيحتي اولا التأكد بطريقه غير مباشره من اخته ماهي ظروفه واين تتجه طموحه واماله واذا اتاكدتي منها وانها في مصلحتك بادري في فتح الموضوع بجديه مع اخته والله الموفق |
السلام عليكم رأيي تماما مثل رأي الأخت غالية
|
حاولي تتناقشين مع أخته بالموضوع بطريق غير مباشر
و ان شاء الله يكتبه ربي من نصيبك ويجعل فيه الخير لك |
والله اختي لو كل وحده تقدر بيده تسوي كل شي كان ماتأخرت ولا دقيقه ،تقريا مشكلتك مقاربه لمشكلتي ولكن مع هذا ماهتمتيت تدرين ليش لأن كل واحد باخذا نصيبه ليش أتعب نفسي وهو مش حاس فيني بس الفرق بيني وبينك أن هو ماخطب يعني توه بس أهلها حاطين في راسهم فكرت الزواج وماتكلموا في أحد ولا خطب والله يعينك ويعنيي والله قهر أحيانا الرجاجيل عيونهم تكون مغمضه ليششششششششش مادري؟؟ خخخ أمزح الله يوفقك ونبغى نسمع أخبار عنك وعن اللي في بالك ؟؟ أوكي حبيتي أتمنى أكون ريحتك يالغلا
|
اقتباس:
مع كلام الأخت الفاضلة بصراحة أتوقع إنج خطرتي على بالهم خاصة إنه اخته قريبه منج وايد بس كل شي قسمة ونصيب والله يكتبلج اللي فيه الخير |
ان شاء الله يكون من نصيبك ما عليكي سوى الدعاء
|
السلام عليكم
انا من رايي تكلمب اخته واول شي وقبل لا تكلمين في موضوعج تكلمي هل له بنت يعرفها ومواعدها واذا ردت عليك بانو فاضي ماله شي اطرحي الموضوع عليها واهي تكلمه وربي يوفقكم تحياتي صقر المغرب |
السلام عليكم أختي
أنا نصيحتي تتجملين بحياءك ولا تقولين لأخته شي لأنه لو كان نصيبك راح يجيك لو بعد فترة لأن كل شي في هالدنيا كاتبه رب العالمين وأنت إذا كان متعبك حبه ومتعلقة فيه والله ماراح تلقين مثل التعلق بالله واللجوء إليه في حل مشكلتك لأن الإنسان كلما تعلق بالله وزاد قرب له وامتلئ قلبه بحبه والله والله والله والله راح يهونون البشر عنده صدقيني. وخيرا أقولك إن كان من نصيبك راح يجي عند رجولك. نسيت شي00حاولي تتذكرين أي شي شين فيه عشان يقل حبك له وبعدين ترى الطبايع ماتبان إلا بالعشرة!!!! |
الله يوفقكم و يسعدكم و عسى الله يخليكم اخوان لي بالله
اتشرف باراكم واحس استحي اكلم اخته مهما يكون لو ما صار نصيب اكيد بتفشل ابدعي ربي و استخيره و عسى الله لا يخليني منكم شكرا الف شكر وجزاك الله خير |
الله يجعله من نصيبك إن شاء الله
الإشراف : إن شاء الله تكتب هكذا |
الله يرزقج يا حبيبتي اللي في بالج وييسر لج أمرج...
وكل شي قسمة ونصيب............ |
انا راي من راي شيخة الحور الزواج نصيب اذا كان لك لايكون لغيرك لكن الله عز وجل ياخذ بالاسباب فمن الاسباب مفاتحة اخته وهذا انسب حل مع الدعاء
|
الله يجعله من نصيبك ان شاء الله
يلا طمنينا وش صار انا متحممممسه |
قابليه في السطوح ...!!!
عجبي ...!! |
الله يجعله من نصيبك لو فيه الخير ..
طيب ليه ماتخلي احد من قرايببك يكلم اخته عنك . .او اي احد قريب منهم وله صله فيكي .. |
Rammadan Kareem Ya Gma3ah Win Sh2 Allah Yn3ad 3leena Bel5eer
\ |
رأى
رأى مثل الاخت غالية و عابرة سبيل
أولا صلى الاستخارة لانه فى عديد من الاحيان نرى العديد من المواضيع على انها فرص لا تعود ثم بعد حصولنا عليها نكتشف انها عكس أحلامنا و توقعاتنا . أنتبهى و أرزنى و لا تقولى لاخته شيئا لانك سوف تظهرين بمظهر سئ فى حقك نحن اعلم بمجتمعاتنا العربية و طريقة تفكير الاهل فى البنت التى تعرض نفسها على ابنهما انا مررت بنفس الشئ عندما لمحت لى صديقتى ضمنيا عن رغبتها بالزواج بأخى ضايقتنى طريقتها لانى لو كنت أريد خطبتها لاخى لخطبتها لكن الموضوع ليس بيدى . تخيلى لو لمحتى لها و صارحتك بشئ لا يعجبهم فيك او فى عائلتك لهذا لم يتقدموا فسوف تنحرجى أكثر . اختى أصبرى و أدعى لله لو كان فيه خير يسخر لك و لو كان شر يبعده عنك لو كان نصيبك سياتيك ركظا . |
اختي ادعي ربك في ظهر الغيب انه اذا لك فيه خير ربي يسهله ويسره لك واذا فيه شر يصرفه عنك واناماافضل انك تكلمي اخته احسه شي يقلل من شخصيتك صعب ترمي نفسك على احد ولو ماحصل نصيب انتي اللي راح تتعبي ادعي ربك لو لكي فيه نصيب بتاخذينه بس نصيحتي ياالغاليه لاتعلقي امالك وتحلمي بهذا الشخص كثير يمكن مايحصل نصيب وتتعبي
|
اقتباس:
احفظي كرامتك وكرامة اهلك واعتقد ان صديقتك ماهي غافلة عنك ولكن بمكن اخوها رفضك ؟ فلاتتعلقين بشي احتمااال كبير مايصير ,, |
اذا حابة تلفتي انتباه اخته او اهله لك
ممكن انك بطريقة غير مباشرة تعملي الآتي : و انتي مع اخته اسأليها لو عجبك شاب و فيه المواصفات اللي بتحلمي فيها شو بتعملي ؟ و اذا سألتك ليش قولي لها انك قرأتي موضوع بمنتدى ما عن بنت بتسأل هالسؤال و فعلاً سؤال محير وأبدي رأيك بالموضوع ممكن بهالطريقة تلفتي النظر من دون ما تصرحي |
تناقشت مع زوجي بموضوعك و قلت له يحط نفسه مكان قريبك و انتي مكان قريبة له و كان رأيه
انك تنسي الموضوع و تتوكلي على الله ان كان من نصيبك بتاخديه اكيد |
لاتقولين شي لها بس لمحيلها
سأليها عنه وعن أحواله.... مره مرتين هي بتحس ويمكن تتفتح عيونها..... بس أول شي والاهم استخيري ساعات القلب يميل وماينتبه للتفاصيل........ |
سبحان الله نفس اللي ياعج يصيري
لكن انا هو يكون زميلي بالدوام لكن مو قادرة اسوي شي غير اني ادعي ربي بـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ارب يكون من نصيبي ادعولي |
نصيحه صلي استخاره اذا مناسب تفتحين الموضوع للأهل واخته
اذا حسيتي بطمانينه مو شرط حلم توكلي على الله واذا لا خلاص انسي الموضوع ما افرق بينج وبين صديقتج بس ساعات في صديقات حق كل شي الا الزواج فهل انتي تحسين اهي تتقبل وبتساعدج سوري بس لو فيها خير علىالأقل لمحت له انتي ادعي الله لو فيه خير يكون من نصيبج اختيار الله احسن منا |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©