|
وش شعورك لوزوجك قالك....
السلام عليكم ورحمة الله وبركاته
بصراحه احس اني مقهووووووووووره بالمره حصل لي موقف اليوم مع زوجي كان عنده موعد في المستوصف وكنت معه واول ماشاف خويه صرفني قال روحي جلسي في استراحة النساء المهم انا عادي رحت بالعكس قلت كل الرجال يغارون على حريمهم ومايحبون ربعهم يشوفون حريمهم حتى لوكانت لابسه عبايه ومتنقبه مثلي يعني لبسي ساتر مره رجعنا البيت عادي نسولف ونضحك وسألته عن خويه وقال اول ماشفت خويي صرفتك علشان مايشوفك ويقول زوجة فلان طويله وممقوطه بيقول هذي غير الحريم المتزوجات يعني بالعربي متفشل مني قدام الناس يخاف احد يشوفه معي خايف افشله لأن زوجي في اعتقاده الوحده بعد ماتتزوج لازم تكون مليانه وانا والله طولي ووزني متناسقين بالمره وزني 58 وقبل الزواج كان49 مع العلم اني ماانجبت سقطت مرتين انا اول ماقال لي كذا انقهرت منه وبكيت كثير احس انه حطمني بكلامه يتفشل من وحده مستوره مايبين مني الا عيوني بس وهذي مو اول مره يعمل معي هالحركه من شهرين كنا في محل ملابس اول ماشاف خويه من بعيد راح عني جنب امه انا مالاحظت بس اول ماجينا البيت قال يوم شفت خويي رحت جنب امي لانها مليانه شوي علشان مااتفشل منك هوزوجته مليانه وانتي لا زعلت عليه وبعدين سامحته وعديت الموضوع لكنه رجع وكرر هالشي والله العظيم كسر بخاطري ودايم اذا كنا بمكان عام اذا شاف احد من ربعه معهم حريمهم يقول شوفي كلهم مليانين الا انتي كل الحريم كذا طيب هو ليه يجلس يطالع فيهم هذا وهما بعباياتهم ماتبين الاعيونهم ويعايرني فيهم شلون لوانهم بدون عبايات والله من جد قاهرني احس اني كرهته احسه مايستاهلني انا الحمدلله موناقصني شي وهو اللي اختارني بنفسه هذا وهو من عيلتي وشلون لو انه من بعيد وش بيقول ياريت كل وحده تحط نفسها مكاني وتقول لي عن ردة فعلها انا قلت له اني مراح اركب سيارته ولاني طالعه معاه |
الله يهديه ويصلحه
مايهم ازعلي حبتين بس لا تزوديها من حقك تزعلي وعلميه إنه النظرة هاذي حراااااااااام وإيش يعني يبغاكِ مليانة خليه يصبر بعد الحمل والولادة بتتخني شوي شكله زوجك مايحب النحف المهم لا تعديها مادامه كررها يعني ماأقولك سوي مشكلة بس لازم يعرف إنه هالشي يزعلك ويغضبك حتى مايكررها والله يهديكم لبعض ويوفقكم بحياتكم ويرزقكم الذرية الصالحة تحيــــــــــــــــــاتي |
عادي اختي لاتزعجين نفسج بهاذي الامور ولا تكبرين السالفة ....
اللله يهدية |
هلا اختي صراحة زوجك ماعنده سالفة وزنك زين رغم اني ماعرف طولك صراحة انا اذا زوجي انتقدني في شي اطلع حرتي فيه اطلع جميع اعيوبه واقوله اخلق بعدين عيب
|
السلام عليكم ...
أختي الحبيبة صارحيه وقوليله كلامك ضايقني وكسر خاطري،، وبعدين انت كل ما شفت حريم ربعك قعدت تطالعهم بدال ما تغض البصر عنهم وتخاف الله،، وأنك توقعت غيرته عليك هي اللي خلته يتصرف هالتصرف ومو فشلته منك..وأنه خيب ظنك فيه .. وقوليله لو هذا أسلوبك كل ما شفت واحد من اصحابك ما بطلع معاك علشان ما أفشلك ولا ينكسر خاطري وانت مو حاسس فيني ... ومن هالكلام ... أنا لو مكانك ما اطلع معاه لين يحترم وجودي .. أم حمزة |
أختي ماضي موادع ترى احنا الرجال دفشين شوي في كلامنا ، ولا نتأثر بمثل هذا الكلام لذا نعتقد أن النساء مثلنا لذا زوجك قالك اللي في خاطره من غير فلترة وأنا كنت نفس الشيء إلا أني قرأت مشكلة في مجلة الفرحة في يوماُ من الأيام مفادها أن زوجاً وصف زوجته بالبدينة عندما رآها من غير ملابس (الظاهر انه اول مرة يشوف بطنها ) فكانت ردة فعلها قوية واكتئبت وقالت ماراح تخليه يشوف جسمها أبداً أنا هنا صراحة أفقت من نومتي وأكتشفت أن تكوين النساء من الناحية النفسية رقيق جداً على عكسنا نحن الرجال ومن بعدها بدأت بفلترة كلامي بنسبة 70% والحمد لله أما 30% الباقية عاد الله يعينها أم العيال لازم تتحملني شوي مثل ماأن متحملها أرجعلك اختي و أنصحك اختي بإدخال مثل هذه المجلات إلى بيتك وجعلها بصورة غير مباشرة قريبة من متناول زوجك لعله يقرأ ويستفيق مثل ماأستفقنا تحياتي . |
اشكركم جميعا على الردود ووزني 166 واخصائية التغذيه قالت لي وزنك وطولك ممتاز متناسقين
ياليت الكل يشاركني بموت من القهر |
انا مع اختي ام حمزة كلامها كله عدل وموزون
يعني اهم شي المصارحة ولكن بأدب واحترام وبرفق حتى تكتسبين من تحادثينه وخصوصا زوجك لا ترفعين صوتك عليه ولا اتعيرينه بما فيه وانما كوني دبلو ماسية وتمنياتي لج بالسعادة |
اقتباس:
فقط تصحيحاً للمعلومة وزنها : 58 كيلو جرام و طولها : 166 سنتميتر |
شكرا اخي في الله على التصحيح لاتلوموني من القهر والبكي
|
عادي اختي انا مريت بهذا الموقف كمان لا واكتر من كدا انا زوجي راح مشى لوحده وسابني لوحدي
لمجرد انو شاف دكتور كان يدرسه بالجامعة .. ومرة ثانية كنا بالمطار خلاص طالعين الطيارة في الباص اللي يوديلها شاف واحد صاحبه سابني وراح جلس في الجهة الثانية من الباص... من جد حركة تزعل لكن لاتعديها له |
ما يقدر الرشاقه ..
|
بالعكس جسمك روعه ماشاءالله تبارك الله
وزوجك الظاهر انه مع الخيل ياشقراء يعني زوجات اصحابه متان يبي زوجته متينه |
عادي اختي لاتزعجين نفسج بهاذي الامور ولا تكبرين السالفة ....
الله يهدية |
يا هلا ...
اختي اهم شي خليك واثقه من نفسك و لا تجعلين هذا الكلام يهز ثقتك بنفسك .. دام انك مقتننعه بشكلك خلاص .. قولي له انك مرتاحه من زونك و ما راح تزودينه .. و صارحيه بكل هدوء ان اسلوبه جارح ... وخليه يتخيل العكس يقبل انك تتركينه و تروحين مكان ثاني لانك متفشله من شكله ؟؟ أميرات.. |
بالعس ياقلبي لاتتضايقين
ووضحي له انج تملكين الرشاقه والتناسق ف جسمك وقولي له المليانين مايقدرون يلبسون كل شي بس انا ولله الحمد كل شي ع جسمي يجنن والله زمن النساء يبحثون عن اصعب رجيم فقط لانزال وزنهم والرجال يسعووون وراء المراه المليانه زمن عجااااااااااايب جربي تسوينها معاااه ان رحتي لمكان وشفتي حد من ربيعاتج ابتعدي عنه وقولي له اتفشل منك ... لانك مو حلو وشكلك يفشلني قدام ربيعاتي وصدقيني راح يحس على عمره |
انا مع الاخت اميرات .. قولي له لو انك انتي اللي تطالعي في اصحابه رتقارنينهم به وش بتكون رده فعله
ثانيا اصلا المراه حلاتها تكون كذا جسمها مرتب وجميل ماهو مرتهل ومعفوس واهم شي انك تكوني جميله في نظر نفسك بكذا هو راح يشوفك جميله غصبا عنه مع تحياتي |
ماشاء الله تبارك الله يعني عندك لياقة هذا الجسم كل لرجال يتمنونه بس الظاهر زوجك غيران عليك ويعبر بطريقة ثانية اهم شي خلي عندك ثقة ابنفسك واقتنعي انه جسمك جميل ولاتتهورين مثل بعض البنات من ايقول الها زوجها في جسمك عيب راحت لعمليات التجميل ترا هي مضرة ولا تبكي الله يقطع ابليس لرجال
|
والله مشكله لا النحيفه عاجبه زوجها ولا المليانه عاجبه زوجها
الله يعينك اختي عقلية زوجك غريبه والله يصبرك |
هو يغار عليك بس مايبي يقولك عشان ماتدلعي عليه ،،،
طنشيه ، بلعكس اللي جسمها مليان هي اللي اتفشل ،،،(والله يستر لايزعلون علينا ) الرجال يحبون النحيفه والاذواق تختلف ،،،، |
اختى الغاليه لا تحزنى
زوجى ايضا من ذاك النوع الذى ربما يقلل من شان زوجته بحسن نيه وعلى غير علم منه انه يصيبها فى مقتل انا عندما ينتقد زوجى اى شيىء فى اقول لو كنت لا اعجبه لما تزوجنى من الاساس ارجو ان تبدى له ضيقك باسلوب طيب وعاتبيه عتاب الاحبه وخلى عندك ثقه فى نفسك تحياتى لكى |
الله يعينك ياقلبي
بس تبين الجد يمدحون التطنيش طنشي ياقلبي والدنيا فانيه الرجال كذا مافيه شي يعجبهم الله يهديهم |
عادي يا قلبي والله ما يزعل... خلي روحك رياضيه وازعلي على الامور اللي تستاهل يعني الاشياء القويه واذا بتبردين حرتك تطنزي عليه_ يعني مثلا قوليله يالدب او يا ابو كرشه_ يعني انتي شوفي شي مناسب حسب شكله عاد انا ماشفته انتي وشطارتك وبالنسبه انه يحبك مليانه لان زوجك قدييييييييييييم وماعنده سالفه والله الرشاقه تتدور هالايام وحافظي على جسمك وما عليك منه ...ودمتم
|
سوي معه نفس الحركه وقولي له انك تفشلني قدام صديقاتي
|
لا تضايقين خلقك بزياده
إذا زوجك يفضل تكوني متينه شوي فحاولي زيادة وزنك على الأقل للـ70 يمكن هو بتصرفاته هذي يبيك تحسين و تسمنين شوي الله يوفقك |
| الساعة الآن 05:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©