|
أخي تخلى عن خطيبته وجرى خلف !
السلام عليكم ورحمة الله وبركاته عندي مشكلة كبيرة وابي الكل يساعدني تكفوووووووون اخوي الكبير متزوج وطلع بر اسه انه يتزوج المهم قال ابي وحدة دلني عليها واحد صاحبي المهم رحنا شفناها قلنا له ماتصلح لك قال اوكي دوروا لي غيرها المهم لقيناله وحدة حلوة وناس نعرف اخلاقهم وبعدين شافها واعجبته وملك عليه قبل شهرين المهم قبل اسبوعين قال ماابيها واكتشفنا انه كان يكلم اللي خطبها اول والبنت الاولى من الناس اللي مايتغطون وانها لها علاقات مع شباب المهم اخوي قال اخطبوها لي ومو راضي يقتنع ان البنت هاذي اخلاقها مو كويسة ومعند ويقول اذا مااخذتها بنتحر وانا قبل فترة اخذت رقم امها وقلت لها بنتك خربت حياة اخوي خليه تحترم نفسها ولاتكلمه المهم اكتشفت ان امها ماسوتلها شي بالعكس اخوي اخذ الرقم وقاعد يدور من اللي دق وقال الكلام لامها المهم عمل تمثيلية على امي وابوي انه تعبان وانه بيموت اذا ماتزوج هاذي السافلة المهم ابوي قال خلاص اخطبها وراح لهم وقالواله خلاص الملكة والزواج في اسبوع ساعدوني كيف نخلي اخوي يهون منها وخطيبته الاولى ماتدري عن السالفة وانتم عارفين كيف بيكون الاحراج عليها وعلينا اذا طلقها ساعدووووووووووني وراح ادعيلكم اذا هون من الزواجة هاذي ورجع لخطيبته الاولى. عذرا من الاسلوب بس من القهر اللي فيني والله مانمت والصداع ذابحني واملي فيكم كبير
|
الله يهديه ان شاء الله ، لازم تقنعوناه الي تجرأت وكلمته كلمت عشرة غيرة ....
|
السلام عليكم ورحمه الله وبركاته
مالكم غير الدعاء طالما انه مصر كدا وتخلو احد كبير يعز على اخوك يفهمه ويعقله صلى فى اخر الليل وادعيله الله يعنكم لكم فائق احترامى |
عليكم السلام ورحمة الله وبركاته
والله الضحية الأولى في الموضوع كله البنت اللي خطبها وملك عليها وببساطة يقول ماأبيها !!! أخوك كم عمره ؟ من تصرفاته واضح إنه مش قد المسؤولية ومتسرع . مافيه حل إلا إنك تكلمينه بعيد عن العصبية والصراخ وتقنعينه وتخلينه يفكر بالمستقبل كيف بيعيش معها وهي هذي طباعها ؟ وكيف بتعيش معك وأمك وأبوك مش راضين عنها ، وعارفين عنها كل شي وكيف بتتوفق بحياتك وإنت ظلمت بنت خطبتها وتخليت عنها من غير سبب مقنع ؟ الله يكون في عونها ويصبرها ويهدي أخوك ويكتب له مافيه خير له . |
الله يعينكم اختي
لكن الربحان في القضية هذه البنت الطيبة لانها بصراحة وبدون زعل راح تتخلص من انسان تفكيره تفكير مراهق هي صحيح في الاول راح تنجرح ...لكن في الاخير راح تتخلص منه ...وربي يعوضها احسن منه اما عن اخوك ..فاللي عليكم انكم نصحتوه ... قولوا له ... انت الوحيد اللي راح تتحمل نتيجة اختيارك ...لا تجي بعدين تشتكي والله يهدي الجميع |
لحظه لحظه انتي قلتي اخوك متزوج ... وين زوجته الأولى من هذا كله ...؟؟
اللي فهمته انه خطيبته هي الثانيه صح ؟ |
لا حول ولا قوة الا بالله اخوك ما عنده حس بالمسؤولية مع الاسف والدليل تصرفاته وباين ان البنت واهلها لاعبين بعقله وداخلين على طمع والدليل انهم يبون الزواج يتم بسرعه لازم تدخلون طرف في السالفه يكون من كبار عيلتكم وقبل خطيبته زوجته المسكينة وينها من كل هاذي الدوامة؟؟؟ الله يعينها المسكينة ويهدي اخوك ان شاء الله...... |
البنت الثانية حظها زين اخوك مايستاهل بصراحة زواج اعتقد يعتبره الزواج لهو وتفكيره تفكير ساذج
محبتي لكم |
كيف امك وابوك يرضون يزوجوه وهو خاطب قبل ؟؟؟ قولي لأمك ترضاها عليك !!!
|
متزوج وحدة ..
وخطب الثانية .. ويكلم الثالثة .. لا حول ولا قوة إلا بالله العلي العظيم .. |
المهم ان اخوي عمره 33 سنة وزوجتة الاولى راضية انه يطلق الثانية لانها تعرفها وخلاصة الفيلم الهندي حق اخوي هو ان زواجه بكرة الله لايوفقها ولايتمم لها بخير لانا اكتشفنا ان اخوي مسحوووووووور ادعوله بالشفاء
|
لاحول ولاقوة الابالله
لازم تعالجونه قبل فوات الاوان جيبو شيخ يقرأ عليه الله يشفيه ويهديه ويسخره الزوجته يارب وعليكي بالدعاء |
اللهم عجل في شفائة ياارحم الراحمين ..
إن شاء الله يارب إذا شفى من السحر وتخلصتو منوو .. ياريت يطلقها ويتزوج خطيبتو الثانية القديمة .. والله إني حسيت ان بالسالفه ياتهديد من البنت أو سحر .. لأنو تراجع ورجع لها .. الله يشفيه يارب العالمين .. |
لا حول ولا قوة الا بالله
يعني ايش بيستفيد ان تزوجها قبل رمضان شوفي يا قلبووو ،، حاولي تكسبينه عشان يهوون بهدوووء وسبحان الله يمكن ربك يفضحهم ويشوف بنفسه ، لا تزنين قولي له طيب احنا ما تجهزنا نبي نضبط امورك ونسوي ووووو وحاولي تماطلينه لبعد رمضان ،، اغمزيه وش بتستفيد الحين ،، خليها عقب رمضان والعيد عيدين ... من هالكلام بس ان كان مسحور اشك انه بيرضى والله المستعان اعانكم الله ورد كيد الحاقدين على أنفسهم |
اتوقع ان اخوك مراهق
الله يهديه |
الله يهديه ويشفيه
|
الله يهدية ان شاء الله
|
حسبنا الله ونعم الوكيل , شربوه ماء مقري فيه من دون مايعرف يمكن يتعب بما أنه مسحور وبالتالي يتأجل زواجه, واستمروا في ذلك ..
|
شلون جذي؟؟
الله يهدي.. يضيع روحه ويضيع بنات الناس.. بس ما في إلا تكلمينه انتي يا اختي؟ وقولي له انكم كلكم مو راضيين عن اللي يسويه.. وما دام هو ماشي على هالطريق.. بتجوفين بعد بيكلم بنات غير!! الله يستر .. |
قولي له عن قصة اللي تزوج وحدة عن طريق الانترنت وبعدين طلقها بعد اربع شهور يقول صار كل مايشوف زوجته قاعده على الكمبيوتر يشك انها تكلم واحد غيره وهي نفس الشي لما تشوفه قاعد على الكمبيوتر تشك انه يكلم وحده غيرها وصارت حياتهم كلها شك في شك الين طلقها وقولي له انه يمكن يصير معه نفس الشي خصوصا انه متعرف عليها عن طريق الجوال يعني كل ماراح يشوفها تكلم جوال راح يقول يمكن تكلم واحد غيري مثل لما كانت تكلمني عند اهلها وبيعيش في عذاب ، وأكثري من الاستغفار قال رسول الله صلى الله عليه وسلم ( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب )
|
معليش ماقريت نهاية الموضوع
الله يشفي اخوك إن شاء الله ويهدي البنت والناس اللي سحرووه . |
يا اختي
33 !! عاقل بالغ مسؤول ليش تقررون عنه خلوه وهو الوحيد اللي بيحصد اللي زرعه ما اتوقع انه شاب بهالعمر راح يسمع لحد |
مبين أن أخوك راكب راسه وما بيفيد معه كلام بس أنتي طلبي من الله أن يمنع هالزواج
بس هم حاولوا معه بكلام مقنع فهموه أن هذي نزوه وأنه بيخرب حياته بيده شلون تكلم واحد مابينها وبينه أي إرتباط والله الهادي[COLOR="DarkOrchid"][/COLOR] |
وشلون عرفتوا انه مسحور؟؟ لازم تتأكدون عشان ما يضل يغلط وانتو تعذرونه لأنه مسحور ..
تأكدوا .. وحاولوا تعالجونه بالقرآن الكريم .. وصدقيني إذا كان اخوك يصلي ويقرا قرآن وعارف ربه فلا سحر يأثر فيه ولا شي .. حثوه على الصلاه لانها مو بس تحمية من السحر لا وبعد تنهاه عن الفحشاء والمنكر .. الله يهديه ويهدينا اجمعين ،، تحياتي ،، |
حبيبتي مو كل شيء نقول عنه سحر
و مو كل شيء نقطه براس البنت اخوك كبير و عاقل و مستحيل احد يقرر عنه و هو مقرر من زمان و الحين فمل باللي سواه الله يهديه و يهدي زوجته معااااااه \ |
الله يكون بعونك ويصلح حال أخوك ان شاء الله
والله يكتب اللي فيه الخير |
| الساعة الآن 08:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©