|
استخر ثم استشر شورو علي يااعضاء
السلام على الاعضاء الكرام
السالفه وماهي اني مخطوبه والحقيقه اكلم خطيبي ممكن تقولون مايجوز بس هذا الحاصل وانا لما ما بقى على عقد قراني الا اسبوعين صرت حزينه جدا مكتوم قلبي وصدري منقبض استخرت رب العالمين ولكن زادت حيرتي وتشتتي وبعد الاستخاره الاستشاره واتمنى تشورون علي هل اللي حاصل معاي طبيعي ولالا انا متضايقه ومكتومه مره مره وعلاقتي بخطيبي صارت سيئه بي هو متمسك فيني يقول مايبي الا انا وانا حاسه بنفور شديد وقال انو ممكن اللي جاينا حسد وفعلا راح عند الشيخ وقال له ان هو محسود على علاقتنا بس هو تعالج ونفس الاعراض موجوده نفور عصبيه عدم توافق ولا ابي اسمع صوته بعد ماكان احلا صوت على قلبي شسوي انا محطمه وتعبانه نفسيتي هل اللي انا امر فيه طبيعي ولا لا اوافق واملك ولا اسمع قلبي واصرف نظر على الموضوع محتاجتكم شورو علي |
صباح الخير
عزيزتي ربما ساكون قاسية عليك هذا نتيجة الخطا الذي ارتكبتيه ، اتركي المكالمات واكثري من الاستغفار ثم عاودي الاستخارة ... |
السلام عليكم ورحمه الله وبركاته
حصنى نفسك وافتحى سوره البقره وحاولى تخفى من المكالامات شوى ترى يمكن يكون الشى هذا من زود الفرحه والخوف الله يوفقك ويسهل امرك ويختارك لك الافضل على فكره اهلك ايش رايهم فى الموضوع لك فائق احترامى |
شكرا ل محمد هيا وماء القمر
|
ماء القمر اهلي يقولون الولد مره كويس بس يبوني استخير واشوف مرتاحه ولا لا واول مره احس اني مره منصدمه ليش بعد كل شي احس اني مرتاحه طيب بالاول ليش كنت مبسوطه عادي وش صار بعدين هل هذا طبيعي ولاالا
|
نقل للمقبلين
|
لا تتسرعين بالحكم على اللي صاير حاولي تخففين مكالمات بينكم وتعوذي من ابليس واستخيري ربك والله يكتب لك اللي فيه الخير ان شاء الله....... |
يا هلا ...
تعوذي من الشيطان اختي .. ان شاء الله خير .. انت متوتره قليلا .. اوقفي المكالمات لحد ما تهدئ نفسيتك و تشتاقين له و بعدين اكيد راح تتفقون .. وربي يسعدك ... أميرات .. |
قد يكون عقاب من الله سبحانه نتيجة عصيانك و تماديك فيه
اتركي المعصيه و أكثري من الطاعات لعل الله يغفر لك ويصلح شأنك وفقك الله أختي |
حبيبتي
انا بعد صارلي نفس الي بيصير لك بس انا بعدزواجي من زوجي كنت احس اذا شفته كاني شايفه جني قدامي بس كنت اكتم احساسي وكنت اول مايطلع من البيت تجيني بكوة غريبة وضيقة صدر وخصوصا اذا طلعنا عند ناس نعرفهم انا وياه المهم حبيبتي التزمي بسورة البقرة والمعوذات واية الكرسي وسورة تبارك والله راح يفتح عليك قدامك اسبوعين قبل موعد ععقد القران يعني تقدري تستخيري مرة واثنين وثلاثة والله يكتبلك اللخير وطمنينا عليك |
اقتباس:
الحمد لله رب العالمين ... اختنا في الله كلمات احب ان اشارك اخوتي بها علك تدين بها مايريحك ... اولا :: عليك بالاكثار من الاستغار لان الله يقول في كتابه (( فقلت استغفروا ربكم انه كان غفارا )) وقول النبي صلى الله عليه وسلم (( من لزم الاستغفار جعل الله له من كل هم فرجا ومن كل ضيقا مخرجا )) ثانيا :: عليك بالصدقة والاكثار منها وكذا اوصي خطيبك (( فان الصدقة تطفئ غضب الرب كما يطفى الماء النار )) .... ثالثا :: حافظي على الورد اليومي من الاذكار الصباح والمساء وبعد الصلاة ودخول الخلاء والخروج منه ودخول السوق وقراءة القران الكريم ...... رابعا :: على خطيبك ايضا ان يفعل هذا لانها من مصلحة الجميع .... خامسا اخبريه بانك سوف تقطعينن الاتصال به حتى يتم العقد وليس شكك فيه بل هي محبه في رضاء الله ... وسوف يقبل بذلك منك ان شاء الله ..... واسأل الله الكريم المنان ان يبعد عنكم كل حسود يارب العالمين ..... اخيرا نصيحة لك ولي ولكل شخص.... استعينوا على قضاء حوائجكم بالكتمان يعني على بلاطة ..... لا تخبرين احدا بأنك مبسوطه من زوجك او علاقتك به او مايدور بينكما من سعادة ففي هذا الزمن الكثير ممن يحسد بدون قصد او قد يكون الحسد من قلبك لنفسك فاحذري... |
حبيبتى الله يوفقك لكل خير
توقع انه الامر عادى انا صار معاى كدا الا اذا وضع غير محتمل هذا شى تانى ادعى الله انه يختار لك الافضل وبتوفيق |
اختي روز الشرقيه شكرا والله هذا اللي انا جالسه اسويه اني استخير وادعي
اختي اميرات والله ودي اعرف هل هو توتر ولا قلبي صاد من الموضوع لانه مش مكتوب لي عبير الرياض والله ممكن يكون عقاب بس انا اللي جالسه اقوله اكمل بالموضوع ولااصرف نظر بس مرميس الله يحميك انتي وزوجك من الحاسدين اتمنى اعرف اذا اللي صار هو حسد وبس ولا انه ربي مو موفق بينا بزواج وانشالله بستمر استخير وادعي |
شكرا اخي متفائل على هذه النصائخ ويارب يصرف عني هالهم واصير فاهمه وش احساسي
|
كيف يكون اللي يحصل للبنت عقاب؟؟ إذا كانت المكالمات بين المخطوبين جائزه وبحدود و كان الهدف من أجل التعارف والتفاهم وأنا قرأت هذا الكلام هنا في المنتدى وهذا الرابط الذي به الفتوى http://www.66n.com/forums/showthread.php?t=40008 انا احس إن هذا الامر طبيعي يعني هذا الإحساس وارد وأنا مع كلام ماء القمر والاخت اميرات الله يوفقك حبيبتي إن شاء الله مايصير إلا كل خير وطمنينا عليك |
شكرا اختي تويتي عطيتيني امل انو مو اللي عاقد يصير عقاب على خطئي الله يغفر للجميع
وشكرا على المشاركه |
الاحساس ده انا شايفه انه عادي وكل اصدقائي مروا بيه وانا كمان قبل خطوبتي كنت مدايقه جدا وسبب الاحساس ده انك خلاص داخله علي دنيا جديده وعالم جديد غير اللي انتي كنتي عايشه فيه وهتزيد مسؤلياتك ما تقلقيش وطالما عملتي استخاره يبقي ان شاء الله خير وهيروح الاحساس ده بعد عقد القران ان شاء الله
ودايما استعيذي بالله لان الشيطان يكره ان يجتمع اثنان في الحلال فلازم يوسوسلك وربنا يوفقك ومبروك مقدما |
اختى الكريمه
اللي يصير لك هذا شي عادي ... ويصير لكثير من البنات .. لشعورها بالخوف وفراق اهلها والبيت اللي تربت فيها وخلافه .. لا يضيق صدري ولا تحزنين والله العظيم طبيعي ولا حسد ولا حاجة وانا شخصياً حصل معاي الشي هذا لما اتزوجت .. والحين الحمد لله كل شي تمام وبالتوفيق لك ،،،،،،،،،،،،، |
أهلين sosi-h
يا قلبي لا تخافي أنا كنت زيك كنت مخطوبة كانت مدة الخطوبة سنة.. كنت أكلم خطيبي..لما قرب العقد سرت حاسة بضيق و خوف و قلق و قلت لأهلي انوا ما أبغى الفرح دا (على أنو أنا كنت حبيتو) بابا كان يقولي يابنتي الولد كويس إيش المشكلة إحنا معاكي ادا تبي تفسخي الخطوبة بس فكري في الموضوع.. كنت أنا و ماما نستخير كل يوم جات أيام أبكي لماما و ماما تقولي خلااااااص نفسخ الخطوبة في الأخير قررت أكمل و سار العقد قبل تقريبا شهرين يعني لنا مملكين تقريبا شهرين و مررررررة مبسوطة و فرحانة اني ما فسخت الخطبة ياقلبي لا تقلقي و تشيلي هم انتو تحبو بعض استخيري ربنا بس دا كلو قلق و خوف لأنها مرحلة انتقال لأي بنت و مرحلة تخوف تسيبي كل شئ مألوف و تبدأي حياة خاصة فيكي. هو يخوف عشان كدا انتي متوترة أنصحك لا تفسخي الخطوبة بس استخيري ربنا و ان شاء الله كل شئ يتسهل و ربنا يوفقكم و طميننا عن اللي حصل الاشراف: اختي الكريمة لفظ المشيئة تكتب هكذا (ان شاء الله) بارك الله فيك... |
:14: :) شي طبيعي حبيبتي لان انتي راح تحددين مصيرك علشان كيذا انتي متوتراء بس اذا كنتي مع حبيبك والله تنسين الدنياء بالي فيها وانشاءالله بتكونين معه[COLOR="red"][COLOR
|
| الساعة الآن 10:20 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©