|
ماذا أهدي خطيبتي؟
السلام عليكم ورحمة اللة وبركاته وبعد تحيه طيبه وبعد.
انا بحمد الله تقدمت لخطبه فتاه من احد اقاربي وتمت الموافقه :17: :14: ولكن اريد ان اهدي لها هديه :d لذلك ابى ارئكم بهالموضوع يعني بصراحه كل شخص يخبرنا بالهديه اللي اهداها لخطيبته لمن خطبها بكل امانه وبإنتظاركم لان الموعد قريب قبل رمضان بلييييييييييييييييييييييييييييز لا تتأخرووو ............ الاشراف: تم تعديل العنوان ليناسب النص.. |
الف مبروك عليكم والله يتتم لكم بكل خير 00ورمضان كريم
قدم لها زجاج عطر فاخرة أو قدم لها ساعه مميزة او حقيبه يد أنيقه او فستان 00الهديا ماشاء الله كثير لا تفكر ولا تحتار قدم لها الي يناسب ذوقه وتحبه علشان تكون ذكرى جميله ربي يوفقكم أختك أم شاهين |
الله يتمملك على خير ....
انا جاب لي هديه في فترة الخطوبه فستان و المرة الثانيه لما جاء لبستلو الفستان وفرح مرة |
السلام عليكم ياأخوي مبرووووووووووووك الله يوفقك ويجمع بينكم على خير
انا زوجي اهدى لي بوكيه ورد كبيره وصندوق شوكلاه صغير وحاط صورته فيها مرة اعجبتني وفرحت فيها بس الله لا يوريك قعدت اتمقل في هالصوره وكلن اوريهياه:22: |
انا خطيبي بيوم الملكة اهداني عطرين مغلفين في صندوق والمهر نفس الشي في صندوق مع قران ومسباح وعطر عود |
وعليكم السلام ورحمة الله وبركاته بارك الله لكما وبارك عليكما وجمع بينكما في خير افضل هدية علبه عطر عشان كل ماتعطرت به تذكرك (: وايضا ساعة انيقة مع وردة |
السلام عليكم .. قبل أن تفكر فيما تهديها .. من الهدايا المادية .. فكر أن تهديها قلبا حنونا دائما .. ورأفة لا تغادر معاملتك معها .. وروحها شفافة تلهمها كل أحساس جميل ... أحفظ حقوقها واجعلها تحفظ حقوقك .. كن أنت مدير حياتك الزوجية .. اقرأ وثقف نفسك ... ولا بأس في أن تهديها كتاب جميل تقرأه معها .. لتتعرف على دهاليز الحياة الزوجية .. اقترب منها كن أنت رفيق خيالها ومتعتها .. كن أنت محط رحالها .. ومن أجمل الهدايا ... " قرآن الله الكريم " تجعله دستور حياتكما الزوجية .. تمنياتي لك بحياة كريمة سعيدة .. درر الخير |
الف مبرووووووك
لا تحتار اي هدية راح تتجنن عليها وانا زوجي جبلي ايام الخطوبه تعليقه على شكل قلب ولا تنسى تلف الهديه لانو شكلها مررره مهم |
اشكركم من كل قلبي كلكم اخواني واخواتي وتفاعلكم يبعث السرور في قلبي ولكن سألت بعض الاخوان وكمان عندي الاهل يقول لازم طقم ذهب اهم شي وانا حسب ارأكم انه علبة عطر مغلفه او بوكيه ورد مع طقم حلو او فستان مادري اذا جبت مثل هذي الاشياء تنفع يعني ورد وصندوق شوكولا وخاتم مثلا يعني حاجات خفيف مع العلم انني في فترة خطوبه وليست ملكه بلييييييييييييييز تهمني ردودكم...
|
ماشاء الله الففففففففففففف مبروك ياعريس وعلى فكرة عندي لك نصايح
اولا / انتبه تفرض عليها اوامرك من اول شهر السبب : لان الزوجه تختبر زوجها في اول ايام الزواج فبعضهن اذا رأت زوجها فيه اكثر من مشكله تطلب الطلاق قبل ان يكون هناك اولاد بينهم وهذه المشكله حصلت معي شخصيا ثانيا / اكرم زوجتك تكرمك والسبب كل زوجها ترى ان زوجها لازم يدلعها لذلك لاتخيب ضنها ثالثا / اذا دخلت في مواضيع انت وزوجتك سواءً فترة الملكة يعني المكالمات بينكم بالتلفون او بعد الزواج وحدث مشاده كلاميع بينكم انتبه انتبة لاتستمر في الخناق وضيع السالفه على طول وابتسم والسبب / بعضهن يسببن مشاكل صغيرة لكي ترى صبر زوجها عليها ومن خلاله تقيس عصبيته لذلك خلك ثلجة رابعا / الهداية بما تستطيع (( هاتف نقال + رقم جديد )) او (( ساعه فاخره )) يعني ابحث عن الهداية القيمه نوعا ما خامساً / اياك والجدال خليك بعيد عن الهواش واني لك من الناصحين سادسا / اذا خذت معها بعد توفيق الله سنه او تزيد قليلا قم بالتوجيهات على خفيف وباذن الله تمشي امورك اخيرا اسال الاستشاريين في المنتدى عن نصائحي وان شاء الله ستجد القبول مبروك ياعريس |
اقتباس:
وبعد الملكه اكيد بتجيب لها طقم الماس او طقم ذهب عشان تلبسه بالشبكه او بملكتها بالحفله العائلية والله يسعدكم |
حبيت ابارك بس لاني قرأت الموضوع متاخر ...
الله يعطيك خير الزوجة ويكفيك شرها ... |
أنا أقول الهدية الممتازة ماعبرت عما في النفس .... ولامانع اذا كنت مقتدر والله فاتحها بوشك ... تجيب لها شيء عليه القيمة ... لانها بعدين لن ترضى بدونها ...في المستقبل .. يعني لاتنفخها مررررة وبعد الزواج تجيب اي شيء ولو كان بسيط ... الهدايا التي بسيطة وعليها بعض حركات الرومناسية والدلع لها يثلج الصدر .....واذكر احد الشباب يقولي :: انه اهدى زوجته هداياااا واجد غاليه في كل زيارة يجيها ... واخر زيارة احترت ... فاستشار اخته فارجحت له ان البنات تحب الدلع والبساطة في الهدايااا ... موكلهم طبعا .... ويقول واروح واجيب صندوق من محال الهدايا واحط فيه عطر واغلفه وشوي حركات ولمسات وروائح جميله (( ولامانع من بعض الكلمات العذبة )) هذه الاخيرة من عندي ,,,)) ... ويقول والله بعدها ماكلمها الا وتذكر سالفت الهدية رغم انها ماكلفت وااجد ويقول شريت مرة لها ساعه بقرابه 2000 ريال ... ماتكلمت زي المرة هذه ... هذا مايمنع من المزج بين هذا وهذا .... واطيب الاماني وانا قريب ان شاء الله ساقدم لكم بعض التجارب التي في خاطري ان اجربها على من وفق الله بيننا للملكة .... ولعلها تنال اعجابكم |
احلى هديه الذهب مافيه مثله ويبقى ذكرى عزيزه
وحسب ميزانيتك وغلفها مع ورد طبيعي احلى والله يوفقكم |
اقتباس:
وعليكم السلام مبروك :14: :14: الله يتمم لك بخير ويحفظكم اهديه صندوق انيق شيك صغير ضعي بداخله قران وقبل كذا ودي المصحف لمحلات التجليد يمكن بالمكتبات بعد .. واختار تجليد انيق وبداخل الصفحة او بالخارج على المصحف يطبع عليه بخط جميل او ختم اهداء منكِ واكتبي اسمه . . وايضا اشتري سبحه ذات لون جميل وكرت وايضا علبه عطر دهن عود غاااااالي وكلها ضعيها بداخل الصندوق ثم روحي لمحلات تغليف الهدايا واطلبي منه يغلفه بشكل جميل ومميز والله معك |
انا زوجي شرى لي خاتم ألماس مررررة حلو و لبستني اياه أمه بوم اليي جاو يخطبوني.. و فوق هذا يمكن 8 بوكيهات كباااار و شوكولاتة
|
| الساعة الآن 09:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©