ساعدوووووووووني بليز لأني تعبت نفسيا
 

السلام عليكم ورحمه الله وبركاته


حبيت إني استفيد منكم لأني تعبت نفسيا ،،

أنا توني والده من أربعه أيام ولله الحمد ولادتي تمت طبيعيه ،، والله رزقني بطفله جميله ولله الحمد،،


ولكني أعاني معاناه شديده من الخياطه مع حرقان ،، وألم ،، وهذي أول ولاده طبيعيه لي ،،


وثانيا ،، فجأه انتفخت في خلال هالأربعه أيام وقالولي إن السبب يعود إلى كثره السبوح والمشي حافيه على البلاط ،، وإني مب مسكره إذنيني ،، فهل هذا صحيح ؟؟



وشو الطريقه اللي تخلي الجرح يلتإم بسرعه هل من خلال جلوسي في حوض ماء دافئ مع ملح !!!!


البعض نصحني باتباع نظام فيافي ،، شو هالنظام بالضبط ؟؟ وهل هو مفيد؟

جاوبوني بسرعه لأني تعبت نفسيا بلييييييييز



جزاكم الله خير ،،

تحياتي للجميع

أما بالنسبة لنظام فيافي ..
فحاذري من اتباعه ..
وتفضلي هذا الموضوع ورد الدكتورة بخصوصه :
استخدام نظام فيافي بعدالنفاس

مشكوره أختي الكريمه ،، انا الحين طلبته من الصيدليه ،،

بس كم تكون فتره التئام الجرح ؟؟

يعني ما يحتاج إني أسوي ماء مع ملح إذا استخدمته !!

مافي احسن من المطهر هذا(فيوسيباكت)وهذا كريم لونه اصفر مع ابيض هو والكرتونه حقه وشكله زي العصار والمعجون تحطينه على مكان الخياطة
وهذا محلول مطهر ترشينه على قطنة وتمسحين مكان الخياطة بالقطنة واسمه (افالون)وهو زي الانبوبة كبير جدا وعلبته بيضاء
هذا من وصفة الدكتورة اللي ولدتني وماشاء الله اسبوع وكل شئ تمااااام حتى الالم راح استعمليه مدة اسبوعين مرتين في اليوم وبتشوفين الفرق
والحمد لله على سلامتك ومبروكة المولودة وتتربى في عزك والله يحفظها من كل مكروه

الله يشفيج ان شاءالله

بس الأحسن انج اتريحين روحج

بعد النفاس

بحرينيه ولكن ،،

أشكرج من كل قلبي غناتي ع النصيحه هذي ،، انا استخدمته الحين من يومين ومن أول ما استخدمته حسيت براحه ولله الحمد ،،


دعيتلج من خاطريه ،، تسلمين الشيخه ،،


لج تحياتي

مشكورين ع الرد خواتي ما قصرتن ،،


حبيت استفسر بعد عن شئ ثاني

هل الجلوس زين بالنسبه حق الخياطه

أنا استخدمت مرهم ميبو ومرة تمام ..التئم الجرح وراح الألم ..

ألف مبروك المولود ...

اختي نظام فيافي لا انصحك به

الماء والملح جيد لتخفيف الالم ولتسريع الالتام للجرح خصوصا بعد استخدامك للحمام ولا ضرر منه

استخدام كريم لعلاج البكتيريا لو التهب عندك الجرح مثل الكريمالت المطرحوة من قبل الاخوات وكلها اسماء تجارية لمضادات الالتهابات الموضعية

اذا لم يكن عندك التهاب لا داعي لاستخدامها
ويكفي تغيير الفوطة الصحية واستخدام الحمامات الدافئة لجرح مابعد الولادة

بالنسبة للمشي حافية على البلاط يسبب الام بالبطن

بسبب البرودة عموما
وهذا فرضية لم تثبت صحتها علميا

لكنها تحصل كثيرا
حتى اننا بالتدفئة يكفي تدفي القدمين لتحسي بالدفء

لهذا الافضل ان لا تمشي حافية
لكن ليس لدرجة ان تغلقي اذنيك
وكذلك شخصيا لا اقتنع بوجهة نظر السباحة البعض من نظريات الجدات يؤمن بان النفساء لا تستحم وهذا لا حقيقة عليمة تدعم ذلك
للالم خذي مضاد للالم مثل البارسيتمول بانواعه المختلفة بالسوق لا تؤثر على الرضاعة
او باسكو بان

والام مابعد الولادة متوقعة
خصوصا مع البرودة تزيد من انكماش الاوعية الدمية ويزيد عندك الالم

وحمد لله على السلامة