|
أريد حل للغرور ؟؟؟؟
صباح الخير .. اتمنى منكم يا اعضاء المنتدى الغالي انكم ما تبخلون علي برايكم في مشكلتي اللي مضايقتني .. انا مشكلتي مع خطيبي (زوجي) هي الغروووووووووور !!!!!!! خطيبي الحمدلله يحبني وانا بعد مرتاحه معاه واحنا من نفس العائله .. يعني نفس المستوى المادي والاجتماعي مافيه اي فروق بيني وبينه .. بس مشكلته انه مغرور زياده حبتين .. يعني يحب يمدح نفسه عالطالعه والنازله .. واي شي يكون فيه ومو فيني على طوول يبدا يسوي مقارنه بيني وبينه وانه احسن مني .. حتى في اشياء تافهه مرررره .. ( تخيلوا مثل انه هو دخل التمهيدي وانا لا !!!!!!!!) انا الحمدلله وبشهادة الجميع وشهادته مو ناقصني شي .. وواثقه من نفسي لابعد درجه .. بس ما احب الطبع هذا ابدا يعني من الاخر (انا اكره المغرورين ) من يوم عرفت نفسي !! انا الحمدلله مبسوووطه عند اهلي ومو ناقصني اي شي يعني مدلعه ورأيي مسموع عند امي وابوي .. بس ما احب اني اغتر ابداا .. طيب ليه اهو كذا ..؟؟ حتى صرت افكر اسوي زيه اني اجلس امدح في نفسي واهلي طول الوقت .. بس احسه اسلوب مو حلو ابدا .. ( احسه اسلوب اطفال !!!!!!) يعني يمكن بس في فترة الملكه يسوي كذا عشان يخليني انبهر فيه !!!!!! ولا راح يظل على طول كذا ؟؟ بليز ابغى رأيكم .. |
أختي أحلى من العقد .. السلام عليكم
طبعاً هذه مشكلة ولكن لها حل , هو ممكن كما تفضلتي يعمل هذه الأشياء لكي تعجبي فيه.. والحل لهذا الأمر بأنك ترددي على مسامعه دائماً بأنه زينة الشباب وهو سيد الرجال وأنه يملىء عينك وأنه أفضل مما كنت تحلمي فيه عن رجل المستقبل .. بكذا بيشعر بأنه لا داعي للمباهاة بنفسه لأنه ملئ عينك . وكل ما يفتح موضوع وتحسي أنه يمدح نفسه أكثر من اللازم .. حاولي تغيري الموضوع بطريقة ملحوظة .. لكي يعلم بأن هذا الأمر يزعجك.. والله يوفقك |
الله يعينك اسلوبه من عقد نقص
|
اخوي العضوو ..
اشكر لك مرورك وردك الجميل .. بصراحه انا سويت اللي قلت عليه وصرت فعلا امدح فيه قلت يمكن هذا اللي يبغاه بس برضوا يرجع مثل اول .. هو عاجبني من دون ما يمدح في نفسه ومالي عيني .. يعني ما يحتاج شغل الاطفال هذا !!!!!!!!! والله انا احيانا اكون احسن منه في اشياء بس ما اقولها لاني ما احب شغل المقارنات والغرور !! ما ادري شكلي بسوي مثله واجلس امدح في نفسي مع اني مو كذا .. يمكن يحس !! |
إختي خواطر امرأه ..
شكرا لمرورك .. وانا فكرت في اللي قلتيه بس ما اتوقع انه شغلة احساس بالنقص ابدا ابدا .. لانه ما شاءالله عليه انسان ناجح في عمله ودراسته ومو ناقصه شي .. بس ماني عارفه كيف اغير الطبع هذا فيه ؟؟؟ |
قوليله انك احسن عنه من ناحية مهمة وهي عدم غرورك ومدحك لنفسك كل شوي
|
إختي syntax..
شكرا لمرورك .. واظاهر اني في يوم راح انفجر واقولها !!!!!!! لانه من جد اسلوب يطفش !! |
طيب انا ابغى اعرف شي ..
هل كل الرجال في فترة الملكه يكونوا كذا .. يعني يحب يمدح نفسه قدام خطيبته عشان تعجب فيه ؟؟ او انه على حسب شخصية الواحد ؟؟ |
كلا يا عزيزتي ليس كل الرجال هكذا في فترة الملكة .. ولا حتى قبلها ولا بعدها.
الرجل الذكي هو الذي يستطيع نيل إعجاب خطيبته بأفعال لا بأقوال. إن كنتِ واثقة فعلاً أنه لا يعاني من عقدة نقص فتحدثي معه وأخبريه بأن أسلوبه هذا ينفركِ منه .. وأنه لا يوجد شخص واثق فعلاً من نفسه يلجأ إلى هذا الأسلوب. فضفضي وقولي ما في نفسكِ بهدوء .. وأخبريه بأن تحمل هذا الأسلوب طوال العمر أمر صعب عليكِ. المهم أن تتحدثي معه بصراحة غير جارحة. أعانكِ الله. |
اقتباس:
لا يا اختي مو كل الرجال كذا ابـــداً و واضح إن هذا ( طبع ) في خطيبك ومو بس معاك يمكن حتى مع اصحابه يتصرف بهذه الطريقه من جد استغربت لما قلتِ إن يقارن بينك وبينه إن هو داخل التمهيدي :30: وأنتِ يا إنك تعودي نفسك على طبعه ولا تهتمين لكلامه مهما قال أو إنك تحاولي توضحي له بطريقه مباشره او غير مباشره إنك تكرهي هذا التصرف الله يكون بعونك اختي ويوفقك اميــن |
الرجل الذكي هو الذي يستطيع نيل إعجاب خطيبته بأفعال لا بأقوال.
اعجبتني عبارتك هذي مررره .. فعلا هذا اللي ابغاه من خطيبي !!!!!! بس حاليا مافيه حل ثاني غير المواجهه !! يعني كيف اوصله اللي ابغى من دون ما اقوله بطريقه مباشره ؟؟.. |
اختي تويتي نايس ..
شكرا لمرورك الكريم .. وفعلا اظاهر ان هذا طبع فيه .. وياليتها وقفت المقارنات عالتمهيدي وبس .. الا في كل شي !!!! والمشكله لو وقفت على مدحه لنفسه في الاشياء اللي هو سواها كان قلت ماعليه الا بالعكس امدح فيه واستانس ان خطيبي متفوق وناجح .. لكن يغتر باشياء يسووها اهله واخوانه لاااااااااااااااااا ما اقدر اتحمل كذا !!!!!!!!!!!!!! بس تصدقي شكلي باعامله مثل ما يعاملني .. يمكن يحس ؟؟ |
الغروووووووووور لله فقط
|
لما يمدح نفسه تمي ساكته لا تعليق بس اسمعي ,, ومن ينتهي من كلامه تكلمي بموضوع ثاني ماله دخل باللي كان يقوله ,,
يعني عشان يفهم بالتدريج مع تكرار هالحركة |
الجمال الآسر ..
شكرا لمرورك الكريم .. راح اسوي اللي قلتي عليه .. مع اني راح يرتفع الضغط عندي وانا اسمع .. بس انشاءالله تجيب نتيجه .. |
اختلف معك اختي
طالما هو يحس بعقد نقص ويحاول ينفش ريشه امامك الافضل ان تتجاوبي معه لا ان تعانديه وتطفشيه هويرغب بات تشبعي غروره اشبعيه قبل ان يتكلم ارضي غروره وسيعشقك جربي وادعي لي |
خواطر إمرأه..
شكرا لمرورك الكريم .. انا بصراحه مستبعده من بالي فكرة انه احساس بالنقص لانه ماشاءالله عليه انسان ناجح .. الا اذا كان فيه اشياء انا ما اعرفها !!! بس تتوقعي الاسلوب هذا ينفع معاه !! يعني يبغالي انا صبر وتعويد لاني من طبعي اكره الغرور .. الله يجزاك كل خير يارب .. |
الحل هو إشباع غروره بمدحه وأن تحسسيه بأنك لا ترين في العالم غيره.
وإذا تكلم غيري الموضوع عشان يفهم ردة فعلك ... ولا تفعلي كما يفعل من مدح للذات وإلا ستدخلوا في حرب أنتما في غنى عنها... مع يغيني بأن الغرور مرض ضعب وضعب جداً .. ويحتاج وقت طويل للتغيير ... طيب حاولي تاخذي رايه في الشخص المغرور .. قولي له قصة إفتراضية بأن زوج صديقتك دايما يمدح نفسه وشوفي وش رايه الله يعين قلبك يا اختي |
المفروض يشوف نفسه على الناس مو عليكي
كلميه وصارحيه وكثر الدق يفك اللحام |
اقتباس:
سبحان الله سبحان الله سبحان الله الكبرياء والعزة لله تعالى الله عن ماتقول |
حضرت ندوة عن انماط الرجال التى يجب ان لا ترتبطى فيهم
وكان منهم المغرور لانه لن يراك تفعلى شىء وهو فى نظره صاحب كل الافعال اذا لم تستطيعى تحمل هذا الوضع فاستخيرى وافعلى ما يمليه عقلك عليك وعن تجربة احدثك حبيبتى حبيبتى انت كما قلت لا ينقصك شىء فلا تتعجلى وفكرى فهذه حياتك وعمرك فانظرى مع من ستحين وتهبين له هذا العمر وتلك الحياة وفقك المولى وكل عام وانت بخير وسعادة |
بسم الله
أختي هذا ليسى غرور بل هو عبارعن أعجاب بالنفس و كلنا هذا الرجل إلا انه هناك تفاوت في المدح و الكلام و أفضل علاج له هوا عدم الأهتمام به عند مدحه لنفسه و الأهتمام بمايقول حينما لايكون الموضوع يخصه شخصياً و حولي في بعض الأحيان ان تقولي له كفاك كلام عن نفسك حتى لايأخذوك بلعين فهذه ستعجبه و لكن لا تقوليها دائماً و الرجوا من الله ان يهديه . و السلام عليكم |
أشكر كل اللي مرو على موضوعي وعلقوا عليه ..
والله يجزاكم كل خير يارب .. والله اني استفدت من نصايحكم كثير .. وان شاءالله اطبقها .. صدق من قال ( رب اخ لك لم تلده امك ) شكرا لكم .. |
| الساعة الآن 02:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©