|
كم مصروفك من زوجك؟
السلام عليكم اخواتي كيفكم جميعا......... اليوم براسي موضوع وان شاااااااء الله يعجبكم وهو للمناقشه سواء منك او من الرجل ولكن هو خاص فيك.يا حواء...........بكتب با العامي والفصحى معليش.:15: سؤالي ........كم مصروفك من زوجك طبعا هذا لغير الموظفه وهل انتي راضيه فيه ولا تحسين انه قليل وما يكفي مصاريفك......... سؤالي مو تطفل بس من كثر ما شفت من مشاكل بين الازواج بسبب المصروف...... انا عن نفسي زوجي يعطيني 1300 كل شهر واذا كانت ظروفه ما تسمح من تسديد للاجار والفواتير يكون عيالي لهم نصيب منه..هذا اذا كان مضغوط ماديا..... والحمد الله انا عن نفسي راضيه وشاكره ربي........ واللي ما تبغى تقول بكيفها.........والله شكلي بنجلد على ها الموضوع بس تحملوني:16: :16: وبا النسبه للرجال اللي يرفضون يخصصون مبلغ معين كمصروف لزوجاتهم ليه......والله كثير يرفض يكون لزوجته مصروف يكون محدد لها كل شهر ويكتفي يعطيها على مزاجه.....والله حرام احس حق ا لزوجه مهظوم...:19: .... وهذي وجهة نظري ...واتمنى التفاعل في موضوعي لا تفشلوني,,,:d :d ,,,, وتقبلووووو تحياتي ...... وكل عاااااام وانت بخير بمناسبه قرب شهر رمضان المبارك الله يجعلنا من صوامه وقوامه قولو اميييييييين :17: :17: |
انا عن نفسي قبل ما اتوظف كان زوجي يعنطيني مبلغ بسيط بس كنت مشيه فيه حياتي وطبعا نظرا ان عندي مذخراتي من قبل كانت حياتي ماشيه عادي اليوم انا موظفه وما احس ان شي تغير لان الحياة غالية وكل شي مرتفع فما فرق معانا الوضع كثير بس الحمد لله على كل حال حالنا احسن من غيرنا بوايد
|
يا هلا فيك اختي بندوره ...
شوفي اختي انا صار لي 23 سنه متزوجه .. وعمره زوجي ما عطاني مصروف في يدي ... عادة انا اروح معه الي السوق و اشتري كل اللي محتاجته لي و للعيال و هو ربي يسلمه يدفع .. واذا احتجت مبلغ من المال افتح محفظته و اسحب اللي احتاجه واذا ما لقيت المبلغ متوفر في المحفظه اسحب البطاقه الذهبيه حقته و اسحب المبلغ اللي احتاجه ... و بعدين ارد له البطاقه مع الورقه بقيمة المبلغ اللي سحبته من رصيده عشان يعرف كم سحبت .. وفوقهم بوسه من عندي ... يعني مريحه نفسي من السؤال اذا احتجت شي ما يقول لي انا عطيتك مصروفك وين صرفتيه ؟؟ لاني اكره هذا السؤال .. شكرا خيتو على الموضوع .. أميرات .. |
تخصيص مبلغ للزوجة ماعتقد انه حاجه سليمة.
عند الذهاب للسوق اعتقد الزوج هو من يحاسب وكذلك عند تسديد فاتورة الزوجة. فلماذا المصروف .؟ |
اخ فهد مو كل الازواج يروحون السوق مع زوجاتهم ولا كل الازواج يدفعون فواتير الزوجات علشان كذا انا اشوف ان المصروف يمكن يكون ضروري لسد الحاجه دون الطلب
|
هلا بك حبيبتي نواره والله صادقه الحياة تغيرت والميه زي الريال وكل شي غالي........الله يوفقك...
اميرات هلابك وعيني عليكي بارده ومو كل زوج يرضى ان زوجته تاخذ بطاقته وتصرف على كيفها.....والله اعرف وحده تتمنى يحط بيدها مية ريال كل شهر......وانا عن نفسي غير مصروفي اذا رحنا انا وياه للسوق موب يقصر ساعات يدفع لي وما يسألني وين مصروفك.....هذا غير فاتورة جوالي عليه....الله يوفقك حبيبتي ويخليلك زوجك..... اخوي فهد الجبيل..با العكس انا عن نفسي اؤيد انه يكون لها مصروف معين تصرفه على كيفها وتشتري اشياء ممكن خاصه فيها وماتبغى زوجها يعرف او تدخره وتشتري حاجه في بالها.......مو كل ما احتاجت شي قالت لزوجها عطني بها الحاله هو راح يمل وبيعطيها مره .....والمره الثانيه بيقولها خلاص امس دخلتك السوق وش تبين اليوم بعد.....هذا الموال كل شهر طبعا.... واحترم وجهه نظرك.... |
انا عن نفسي قبل ما شتغل كان يعطيني 1000 والحمد لله مشيت أموري عال العال ...
|
اقتباس:
احيانا تطلب طعام من مطاعم وجبات سريعه ويكون الزوج غير متواجد احيانا يطلب الطفل نقود للبقاله ويكون الاب غير متواجد وتحتاج النقود للصالون النسائى التجميلى فالرجل لا يدخل معها اليه احيانا تود ان تفاجأ الزوج بهديه -- اظن لهذه سوف تبدل نظرتك هههههههههههههه |
وعليكم السلام ورحمه الله وبركاته
ههههههههههههه عجبنى ردك على محمد هيا شكلها انثى تتريق والله انا زوجى يعطينى 300 ريال السوق عليه الفواتير عليه كل شى عليه ال300 هذى فى يدى بس كدا لو ابغى شى وهو مهو معاى اعرف وحده زوجها يعطيها 500 وعليها الجوال واى شى تحتاجه مدرى تكفى ايش ولا ايش الله المستعان الله يعطيك العافيه لك فائق احترامى |
شكر اختي على الموضوع
من ناحيتي كزوج - المصاريف انواع ع وحسب الحاجة والوقت فمثلا كل بداية شهر مبلغ 300 ريال لزوجتي 150 ريال لابنتي - وهذا المبلغ فقط مصروف خاص فاتورة الجوال ما تعرفها نهائيا ولا تدري كم فيها بتروح لاهلها اسبوعيا 200 ريال مصروف السوق مستقل حسب الحاجة يتراوح من 500 إلى 2000 ريال شهريا للزوجه والبنت يعني بمعنى اصح ما فيه شي محدد - اسحب واصرف - الله يعوض وتحياتي للجميع |
والله انا مايعطيني ولا ريال الا في الاعياد
|
^
هههههههههه الله يسعدك وربي مت ضحك على طريقة ردك. بالنسبة للاخوات الي ردو علي انا اتكلم عن نفسي لان اولادي لم يدخلو المرحلة الابتدائية لذلك لم أؤيد اعطاء الزوجة مصروف . ولكن في حالة كبر الاولاد والبنات اعتقد من الظروري ترك مبلغ بسيط للحاجات الضرورية للبيت في حال غيابي عن المنزل . |
اقتباس:
وهذا ليس بعيب انما امر جميل وهذا من منطلق قوامته لكن الضرورات تتطلب ان يكون لها مبلغ ولو قليل للمواقف التى ذكرتها حتى لو اولادك صغار |
زوجتي موظفـة وتعطيني جزء من راتبها ما يعادل 2500 ريال كل شهر لكني أشعر ان هذا المبلغ لن يكفيني اذا فكرت بالزواج مرة أخرى وفتح بيت جديد :(
|
الي تحسن التصرف
ما تاخذ مصروف رصيد زوجها بين ايديها و ما يسالها ثلث الثلاثه كم |
والله يا أختي موضوع ممتاز
أنا شخصيا اعطيها 1300 شهريا لمصرفها الخاص (هدايا صديقاتها النفاس والمتزوجة واللي ساكنه بيت جديد الخ...) لكن باقي مصرفها علي وأهمها فاتورة جوالها اللي حسبي الله ونعم الوكيل تتجاوز 700 شهريا أظن هيك أحسن من حنتها كل شوي عطني وودني والله اللي بيعين سبحانه |
سيد الرجال حرام عليك تاخذ راتبها ولا بعد مفكر تفتح بيت جديد على حسابها صج انك مفتري واسمحلي بس من وجهة نظري
|
اقتباس:
|
سيد الرجال كلامك صح المرأه رمز التضحيه والعطاء وانا ما اشوف مشكله انك تاخذ مالها المشكله انها تعطيك وانت تفكر تحرق قلبها .. طيب ليش الرجال ما يضحي شويه
|
منى
هلا بك ومشكوره على مرورك الحلو ماء القمر هلا فيك ومحمد هياء شكله ذكر مو انثى..مشكوره يا قمر على مرورك مستمع ومحاور الله يخليلك زوجتك وشكلك كريم مشاء الله عناديه يا عمري انتي والله فيه كثير زي حا لاتك بس الله يهديهم فهد الجبيل يعني لازم يكبرون الاولاد علشان تعطيها مصروف الله يوفقك وجهه نظر سيد الرجال اعتقد هاذي مو رجوله ان الزوج ياخذ مصروفه من زوجته .....لكن الله يسامحك وناوي تتزوج بعد......حرام عليك.. ام اثير اصابع يدك مو سواء وما اعتقد ان اللي مخصص لها مصروف تكون ما تحسن التصرف الله يسامحك حبيبتي وهذا رأيك ونحترمه... ابو عزيز انا رايي من رأيك تفتك من الحنه والرنه ياليت الكل مثلك.....الله يخليكم لبعض نواره وسعي صدرك متحمسه مع سيد الرجال ها النوع متواجد وبكثره الله يكفينا شرهم....... معليش اسمحلي سيد الرجال بس والله قهرتني المسكينه تصرف عليك وتفكر تحرق قلبها.... |
بندورة موسعه صدري بس بصراحه انقهرت عليها مسكينه كسرت خاطري
|
انا اعطيها 1500 يوم 25 في الشهر واسحبها مها يوم 27 في الشهر;) |
هلا اخوي اسير الله يفك اسرك.....بس ليه تسحبها منها في 27 من الشهر؟
ما فهمت..... |
مــحــمــد هــــيــــاء......معليش انا اسفه اكتشفت انك عضوه مو عضو.......
بس والله اسمك يحير.....اعذريني... |
واخيرا..
كل ماجيت بكتب رد يعلق النت..متى بس بيصير زي العالم و الناس :( مصروفي يتفاوت على حسب ميزانية الشهر يعني 500 - 600 -700 هذي في يدي.. اما الجوال و السوق يرفض اني اسددهم.. وهذا كله في النهاية راجع للزوجين والاتفاق اللي بينهم:25: |
انا موظفه وشايله نفسي
بس علشان احسس زوجي انه مسؤول علي في النفقه ما استغنى عن مصروفي والغالي ما يقصر |
والله الفلوس قدامي...يقولي اللي تبغينه خذيه..يا حليله بعده طالب....ومو مقصر معي ابد...يطلعني السوق ويشتري لي اللي ابغاه بس بحدود : ) <<<لاني بلف كل اللي بالسوووق ((ما انعطى وجه : )
بس هو قالي بس اتوظف اعطيك مصروفك الشهري..قلت تمام وانتظر بفارغ الصبر : ) .....الله يوفقه يا رب وحقيقة ضميري ما يسمح.....ولا مره اخذت فلوس بدون علمه...ولا احاول اثقل عليه... |
:d
انا خطيبي توه متوظف صار له اسبوعين الحمدلله لما يستلم الراتب بقولكم كم اعطاني والله متحمسه بقووه مو عشان الفلوس بس عشان احس ان في احد يصرف علي مع ان الاهل مو مقصرين الله يخليهم بس المصروف من الزوج شيء ثاني اكيد سيد الرجال :18: عـُذراً يعني :o بس اسمك ماله علاقه بمضمونك ابدا ;) |
اقتباس:
نت بــ 100 ريال بالشهر وسرعة ولا في الخيال ... بالنسبة لي من 5 شهور ملغي الهاتف الثابت اللي كنت اسدد فاتورته كل شهرين بين الـــ 600 والـــ 800 ريال ومشترك في نت موبايلي وحتى الآن مادفعت الا 500 ريال في 5 اشهر ... وفوق ذلك محمولي معي وين ماروح ونتي معي وين ماكنت وسرعة خيالية ورخيص .. ولى زمن الاحتكار الله لايرده .. لست موظف في موبايلي ولكني عميل قدموا لي ماجعلني امتدحهم .. نعود لموضوع الاخت الاصلي فبالنسبة لي ليس لها مبلغ معين احيان فيه واحايين مافيش ولكني قائم بمصروفها ومصروفات بناتي .. ودمتن بود اخوكن البدوي ــــ |
انا نفس الشي متى مابغيت مايقصر باللي ابيه مافي مصروف معين على حسب الحاله والشي اللي احتاجه
|
اقتباس:
|
انا عمري ما مد لي مصروف لاني موظفه هل معه حق
|
انا ماتعودت اخذ مصروف محدد .. يحط لي كل فتره في حسابي الخاص في البنك .. كل مااحتجت اسحب غير الكاش اللي عندي .. تعودت يعطيني من دون تحديد للمبلغ ..
الحمد لله زوجي ميزانيته عاليه .. وعنده امكانيه على المصاريف .. يعني الحمد لله مااحس بنقص او بقصوور |
انا اعتقد انه كلام زي هذا مايصلح كم يعطيك زوجك ؟ احسها تدخل في باب التطفل
وكذلك قد تخلق الغيره بين النساء ولكن لو كان الموضوع هل تأخذين مصروف من زوجك او لا ؟ او هل يخصص لك زوجك مصروف او لا وبناء على الردود يتم مناقشة اسباب الطلب واسباب والرفض والمساوء والمحاسن سيد الرجال ... انت صراحه مادري وش اقول فيك ؟ اعتقد انك جالس بالبيت وهي الي تشتغل ؟! |
أنا عن نفسي قبل مايتزوج كان يعطيني 500 وبعد ماأتزوج صار300 وأحياناً شهرفيه ..وشهرمافيه
وحياتي ماشيه . لك تحيتي |
السلام عليكم.....
بصراه أعجبني الموضوع ... وأشكر كاتبته على ذلك .... طبعاَ بالنسبة لي ..... أول ماتزوجت ..... مافيه مصروف .....أنا اللى أعطيه .. بس الوالد الله لايحرمني منه مشيلي مصروف ......غير العيد .. زوجني ومافتك منى :d وبعد ماجبت دحوم ... الحمد الله صار فيه مصروف ..... 300 ريال في الشهر بس ... كلها تروح في البقاله :25: أذا ماوقفت مع زوجي مين يوقف معاه :d وفي العيد دبري نفسك ..... حتى أشترت لي أمي فستان العيد .... ......وزعل ..... على ايش مادري ؟ درت أخته بالسالفه ولا مادرت ... تفاهمت معه ..... وصار كل عيد يعطيني للعيد .....غير المصروف ..... شكلي طولتها .. ودمتم سالمين .. |
اقتباس:
لكن بعض النساء هنا يرون ان مساعدة ومشاركة الزوجة لزوجها في مصاريف المنزل تعتبر عيـبة ونقيـصـة في رجولة الرجل بينما الحقيقة والواقع ان الحياة مشاركة والرجل اذا اخذ شيئا من مال زوجته لن يضعها في جيـبة ويصرفها على نفسه انما سيصرفها على متطلبات البيت ورفاهية الزوجة واولادها . وانا عندما تزوجت كلفني زواجي ما يعادل 200 الف ريال دفعتها دون أن أنـدم لأني أدرك ان زوجتي الصالحة خير معين لي من البشر على متطلبات هذه الحياة . |
اقتباس:
بالنسبة لي فأنا لسه عزوبي :rolleyes: مقبل على الزواج بس منتظر اخوي الكبير يتزوج و يفك السير :d و لكن ما اتوقع اني في اي وقت من الاوقات راح اتزوج على مراتي لأني بصراحة اقدر على كل شيء بهالدنيا إلا دموع البنات و كيف لو كانت اللي تبكي هي مراتي و شريكت حياتي !!!! انصحك اخوي أنك تفكر بموضوع التعدد و اثاره السلبيه على العيال و اسف إذا كنت تدخلت بأمورك الخصوصية ... |
اقتباس:
فالواجب تنفق عليها حسب استطاعتك حتى لو كانت هى صاحبه مال من منطلق قوامتك عليها ورجل مسؤول عليها |
مستمع ..محااااااااااااااور.زمدهره زوجتك..
ماشاء الله عليك....يعني..ماعليك..ديون لو اصرف في السوق.من 500 -2000 كان مارجعت مروقه من السوق الله لايحرم اسرتك..منك..ويزيدك من فضله... مصروفي..500واحيان ولاشى بس هو اللي يسدد..جوالي..واذا رحت معه السوق..يدفع.. يعني ان كثرت..اصرف..في اللسو500-800 فقط وانا ارعي ظروفه الماديه.. وانا خاااااااااااااااااايفه من الكلام والهوشه بالبيت والله يخلي..لي زوجي..ويديم نعمته.. |
| الساعة الآن 07:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©