زوجي و دوامه ..أريد ردت فعل الزوجات و رأي الأزواج ؟
 

ماذا تفعلون لو كنتو في هذا الموقف؟؟؟؟
زوجي دوامه كل يوم من الساعة تسعة الصبح للساعة سبعة المغرب ومن يرد من الشغل على طول يقعد تحت يعني مع بيتهم لان احنا معاهم في نفس البيت يقعد للساعة 10 او 11 ولما يجي فوق يطالع التلفزيون نص ساعة وبعدين ينام:(
بغيت اعرف شنو ردة فعل باقي النساء في حالة كان ازواجهم جذي وراي الشباب في الموضوع
تحياتي وشكرا

لان يحب بيتهم وايد ومتعلق فيهم بس الحين هو تزوج ولازم يخصص الوقت الاكبر لزوجته انا ما اقول ان ما ابغيه يحب بيتهم بالعكس بس انا في النهاية زوجته واستاهل اكثر من نصف ساعة اوساعة عشان يقعد وياي
شكرا على مشاركتك اخوي

الله يعينك

اكيد اخوي واكثر من مرة بس هو دائما يجاوبني بلييييييييييييييييييييز لا تشرطين في هالموضوع وانا طبعي حساسة بعدها ما اعرف شقول له لان ما ابيه يحس اني ابي يسوي شي غصب عنه

وهذا أقل حق من حقوقك عليه

أهدى الله سركم ... وشهر رمضان مبارك للجميع

يااختي الزوجه لازم تكوني متجدده من اجل جذب اهتمام الرجل عشان يشعر بشوق ويتحمس من اجل العوده للبيت

يا رحمن زوجي جذي من بداية زواجنا اللي صار له ثلاثة شهور وانا الحمد لله اهتم في نفسي واحاول اوفر له كل سبل الراحة اللي ممكن تجذبه للبيت بس مافي فايدة

حاولي ان تتحدتي معه وان تفهميه بانكي بحاجة له

على طول اقوله واحاول ابين له
مشكورين على الردود

يا اختي الحال من بعضه
كنت اكلمه بالهدوء
ووايد كنت ازعل
واتجاهل وجوده او حتى انام واطنشه
للاسف ماشي فايده !!
مع اني مثلج الحمدلله اسولف ومرحه وضحوكه

اخر شي نصحوني اني اخذ الموضوع (بطول نفس )
يعني ممكن يطول الموضوع سنه

اولا...حاولي تشغلين نفسج بشي مهم ...بهوايه باهتمام بجسمج...لا تخلين يومج يتمحور حوله
ثانيا...بين فتره والثانيه بينيله شوقج بس بدون ما تتطرقين لموضوع اهله
وممكن تشاركينه القعده مع اهله

بس نصيحه لا تحنين وتزنين
لانه مقدما اقولج ماشي فايده
اذا حصلتي طريقه ثانيه غششيني ههه
بالتوفيق

كل الاراء السابقه سليمه وقريبه من الحقيقه
وعليكى ان تكونى ايجابيه
ممكن تنزلى وتطلعى معاه يعنى عوديه عليكى
وممكن تكلميه بالحنيه انه يطلع بدرى شويه علشان يقعد معاكى
لو يومين بالاسبوع بس فى الاول لغاية ما يتعود وفهميه انك محتاجه قوى تنامى فى حضنه قبل ما تروحى فى النوم يعنى وانتم صاحيين
والمسأله فعلا مسألة وقت لكن تعود كمان اقصد لا تدعيه يعتاد على ذلك ولكن باللين والدلع لان واضح من رده انه حازم جدا ومافى الا الرقه والدلال اللذان سيوصلانكالى ما تريدين فى حياتك معه
وانت كمان لا تجعلى ذلك مشكلة كبيره تنكدى بيها على حياتك لان بصراحه الزوج فى بداية حياته يكون انطباع عن زوجته واريده ان لا يصفك بأنك تبحثين عن النكد
فعليك بالصبر
وفقك الله لما يحبه ويرضاااه

بسيطه

اذا جا انزلي لهم

واجلسي عندهم وحسسيه بوجدك هناك

بعد فتره

قولي له حبيبي ممكن اذا جيت من الدوام تطلع عندي تغير ملابسك وننزل مع بعض لاهلك ونسهر عندهم

وبعد فتره ايضا

اذا صار يطلع لك اول

يوم عن يوم اخريه عن النزله لو ربع ساعه نص ساعه

بس استغلي الوقت صح سوالف دلع ضحك راحه

بعدين تلاقينه من نفسه صار يجلس معك اكثر واكثر

حبيباتي

المطلوب الحيله والاسلوب اللين في هذي الامور ترى الحياه سهله وبسيطه بس للي يفهمها !

الله يوفقك وييسر امورك

الله يحنن قلب زوجها عليها ...

اختي ..

لن اقول لك اهتمي بنفسك .. ولن اقول لك حاولي جذبه إليك ..

اقول لك وعن تجربة فحالي لا يختلف عن حالك ..

تقبلي الأمر حتى لا تتعبي ..

إن ناقشته زاد بعدا .. وإن كلمته قال لك لاتتحكمي بي ..

هذه ياغالية ضريبة السكن مع اهل الزوج في فيلا واحدة وإن كنتِ بشقة مستقلة ..

.. فما لك غير الصبر والدعاء ومحاولة تقبل الأمر حتى تسعدي وحتى لا يعتقد أنك لا تريدي اهله


وفقك الله ..

عادي انا زوجي دوامه من 7 الصباح الى 7 المغرب يرجع وينام وبعد ما يجلس يروح عند اهله وما اشوفه الا يوم الخميس والجمعة وتعودت على الوضع

اختي انا زوجي دوامه من 7 الصبح لين 3 العصر يرجع نتغدى حنا واهله وعلى طول ينام ويصحى الساعه6 ويروح دوامه الثاني ويرجع 11 ويقعد تحت وبعدين نطلع ننام
الين جا يوم وكلمته وكنت مترددة وخايفة انه يزعل مني بس الحمد لله ماقال شي وبالعكس قالي هذا حقك


وانتي حاولي تفاتحينه بالموضوع وانشاء الله يتقبل