|
ابني ينضرب و انا حائره،،،،
بسم الله الرحمن الرحيم أبي ادخل بالموضوع مباشرة : إبني البكر عمره سنتين وشهر و إبن اخت زوجي اكبر منه ب 8 شهور و في فرق كبير بالجسم لأن الولد سمين. وهذا الولد إتعود إنه يضرب إبني بشكل مستمر و مو ضرب عادي يعني لما يدفه يطيحه على الأرض و تورم راسه صحيح إبني يسد الضرب بس ما يعرف يضرب يلمسه لمس و انا والله لما أشوف هذا المنظر يرتفع ضغطي من القهر لأني ما أقدر أضرب الولد لأنه حرام و لأني ما أبي أمه تزعل علي ابي الحل و المشورة منكم تم تعديل العنوان ليتفق مع المضمون،،، ام اثير |
والله ياحبيبتي نفس الحاله اني ساكنه مع اهل زوجي وعندي بنت حماتي موريه ولدي الويل والله العظيم من يومين دخل لي الشقه وانفه ينزف ويش تبي اكثر من كدا صرت ما اطلع من شقتي صار لي فتره ليست قصيرة واللــــــــــــــــــــــــــــــــــــه يعيننا الجميع وانتبهوا لنفسكم
اختكم ام حســـــــــــــــــــــــــــــــــــــــــونه |
طيب و الحل
و الله انا اليوم ما رحت لبيت عمي عشان هذه الشغلة و المشكلة ما اعرف غيرهم يعني لا دخلة و لا طلعة إلا عليهم و إبني و الله يطفش يبي الناس |
لازم تدخلين في الموضوع
قومي وامسك ولدك واطلبي من ام الولد تنتبه لولدها واظن مافيها شي لو فهمتي الولد بطريقتك ان هذا عيب حتى امه ماظنتي تزعل |
الظاهر هذي مشكلة اغلب الاطفال
انا ولدي كانت بنت اختي تموته ضرب بس انا اضربها والحمدلله انتهت المشكله والحين ولدي صار يضرب ولد اخوي ويسبب لي احراج مع اني ضربته وهاوشته بس مانفع معاه يرجع يضرب وامه مسكينه ماعمرها مدت يدها على ولدي لانها تراعي مشاعري الله يصلح حال اطفالنا |
مشكورة غاليتي أم خالد الله يجزاك خير
عناديه : الله يعيننا على هالأولاد و يهديهم مشكورة على التواصل |
علمي ولدك يدافع عن نفسه وقولي لأم الولد تعلم ولدها او انتي علميه حتى لو تضربيه علشان يخاف منك وما يقرب تجاه ولدك نهائيا
|
و الله نشف ريقي و أنا أقول بس لا حياة لمن تنادي
و الولد ما أقدر أضربه |
اقتباس:
|
صار لي مثل هاالموقف وام الولد ما تقول شئ وعزيزه عليه بس وصلت حدي
مسكت الولد وانا معصبه من يده ورفعت صوتي عليه وانا ماسكه الجزمه وانتم كرامه طبعا ماضربته نزلت الجزمه في الارض بقوه وقلتلها لو تضرب بنتي ثاني مررررررررررررره مراح احد يضربك غيري فاهم طبعا بصوت عالي -00 ورحت وخليته طبعا انا طلعت من الغرفه شووووي الا صياح الولد يبكي 00 راحت وامه وقالت وشفيك في هذه الحاله انحرجت هههههههههه وقلتلها انا ما ضربته بس هاوشته وتكلمت عليه مو معقوله اذا تقابلنا كل مرررررررررررره يضرب البنت قالت لاعااااااااااادي انا اعرف الولد شقي الله يهديه دائما يفشلني عند الناس من بعدها اخذها درس الله يهدي اطفالنا يارب |
السلام عليكم
ولا يهمج خيتي ابنج من النوع اللي بيتغير مع الكبر ويدافع عن نفسه بس انتي لا تاخدين الامر بصعوبه لانهم في الاخر كلهم يهال تحياتي صقر المغرب |
اقتباس:
و الله إني عملت كذا نفس ما تقولين بس بدون فايدة أنا ودي الأم تتحرك تقول شي !!!!!!!!!!!!!!! والله لي يومين محشورة بالبيت بسببه لأنه مافي غيرهم أروح لهم الله يجزاك خير |
اقتباس:
بس ما أقدر أشوف إبني ينضرب و أظل ساكته و الله أنقهر و مرات أقعد أبكي و مرات أقول كبري عقلك يا بنت قاضي الصغار شنق حاله بس والله ما أقدر الله يجزاك خير |
طب انتو شابه بين عيالكم وعيال الجيران وشايفين انكم في مشكلة انا ويش اسوي:d عيالي طايحين فبعض عندي 3 الله يحفظهم وما عطاكم الأول 5 سنوات عنيف بشكل استثنائي عليه لكمات خطافية مفقع وجه اخوه ابو 3 سنوات صاير وجه الولد شوارع وابو 3 سنوات من حرته ما يلقى غير اللي اصغر منه ابو 7 شهور مرة يمعصه من يده ويسحبه من فوق الكنبه يطيحه على البلاط ومره يبطحه ويركب فوقه يقوله هش ياحمار يبن الحمار لا وابشركم بما فضلني الله على بعض خلقه الصغير ابو 7 شهور من كثر ما ينضرب بادي يتعلم الضرب قبل يتعلم يقعد زي الاوادم يعني اضرب مين وأخلي مين |
مشكله ترى يبي ليها حل جدري وربي ....
|
انا مثلك اعاني بان بنتي عمرها 3 سنوات هي اللي تضارب وتعض الاطفال والله انها مرة تفشلني علمتها وفهمتها وضربتها مانفع معاها
|
شوفي حبيبتي..
لا تبكي ولا تضايقي نفسك.. أنا إبني(سنتين و8 أشهر) من النوع اللي يضرب غيره.. وأكيد الموضوع يقهر بالنسبه لك.. ووجدت أن الحل يكون بالتكرار والإصرار 1) قولي لأبنك أمام الولد الثاني اللي بيضربك إضربه 2) اضربي الولد على إيده إذا ضرب ابنك ولا تخافي لأني لو كنت مكان الأم ما رح أزعل (وصدقيني رح يحرررررم إنه يضرب إبنك) 3) انهري الولد وبشده وحزم إذا ضرب إبنك 4) الحل الأشد تأثير هو أن تقولي لأمه، مافيها شي ومافي زعل في الموضوع: (قوليلها فلان ضرب ابني وآذاه) واسكتي وشوفي إيش رح تسوي.. إذا ما سوت له شي (وهو غير محتمل) تصرفي إنت بضرب الولد على يده بقوه شوي.. وإذا تصرفت أمه بيكون خير وبركه.. الله يوفقك ويسعدك |
الله يسلمكم و يخليكم لي يااااااااااااااااااااااااااااااا رب
و الله تهونووووووووووووووون المشاكل |
شوفي حبيبتي الولد هذا لازم يعرف ان الناس مولعبة عنده يطقهم ومافي حسيب ولا رقيب وقولي لامه مثل ماولدها غالي عندها انتي بعد ولدك غالي عندك وخذي موقف إيجابي لأنك مسؤلة عن ولدك وتخيلي نفسك مكانه وأمك ماتدافع عنك ويش يكون شعورك يالله قومي ليش جالسة للحين انا انقهرت على ولدك انت ماانقهرت ترى انا بعد عايشة مع أهل زوجي وعندي بنت اخت زوجي لكن اخذحق ولدي اذاكان مظلوم فقط يعني احيان يكون هو البادي ساعتها ابعد الاثنين عن بعض وخلاص وكل واحد يروح عند امه والله شرايكم؟
|
على فكره هذي مشكله كل الناس ولا تكبرون الموضوع زياده .. انا ابني عمره 3 سنين وشويه ولد عمته عمره 7 سنوات وطايح ضرب وتكفيخ في ابني على انه لعب وكل مره يلعبون فيها مع بعض يرجع لي ابني مشقوق راسه ولا صبعه والله لو تشوفون الاصابات معضمهم تحتاج خياطه اخر مره شق لي راسه وخيطناه هنا انا عصبت وهاوشت الولد وامه يعد تهاوشه بس مافي فايده الاولاد دايم كذا وتلقونهم من غير قصد و لو الاولاد تزاعلوا يرجعون بسرعه لبعض ولدي يموت على ولد عمته .. فمايصير احنا الكبار نزعل روحنا على سوالف ما تستاهل .. بس لو الموضوع زاد عن حده تقدرين تضربين الياهل على ايده وانتي محمره عينيك عليه راح يخاف
|
مرات أقول كبري عقلك يابنت بس لما أشوف إبني بنضرب ما يظل فيني عقل
مشكورات يالغلا |
طيب أيش الحل مع الأم اللي ما توقف ولدها عند حده بل و ممكن تعلمه يأخذ حقه أو يتعدى على الأطفال الثانيين...و تزعل لو خاصمتى ولدها..
|
يا جماعه والله ما ادري انتو ليش مسويها قصه
في مثل يقول قاضي الاطفال شنق نفسه الاطفال يتعاركون ويتصالحون و لو تدخلو الامهات تخرب علاقتهم و الاولاد ولا همه سائلين وراها بدقيقه يركضون ويضحكون و احنا بس ينحرق دمنا اذا ما عجبك امسكي ابنك و ابن قريبتك وقوليلهم الحلوين ما يتعاركون يعني بصفه عامه و ابنك الي ينضرب من تروحون زياره خذي حلاوه معاكي و خليه يعطيها للاطفال و شوفي كيف يكون محبوب و مسيطر الي يضربه يقوله ماالك حلاوه بالزياره الثانيه و خليها عاده كل ما رحتوا حلاوه من الي يحبوها الاولاد و طعمي الفم تستحي العين و الله يخليه ويصلحه و يرزق كل محروم |
والله يا أم أثير إنك أقنعتيني بشششششششششششششششششششششششششدة
كل الشكر يالغلا على الحل و التواصل الرائع |
هلا حبيبتي والله هذا حالنا جميعاً لما يجتمعوا الأطفال (كأنهم في غابة )القوي يضرب الضعيف وحاسة بإحساسك والقهر اللي تحسينه بس لازم توقفين الولد عند حده بدون ماتضربينه لأنه طفل بس امسكيه بقوة
وارفعي صوتك عليه ووضحي له الخطأ يعني لازم على طول بعد مايضرب طفلك مايصلح تأجلين العقاب لأن الطفل راح ينسى ويكون مو عارف سبب صراخك وبالتالي ماراح يفيده العقاب.واحمدي ربك أن ولدك يدافع عن نفسه حتى ولو كان لمس لأن هذا دليل قوة شخصيته .....والله يهدي أولادنا جميعاً لاضارب ولا مضروب يارب |
ذكرتوني باولادي وهم صغار
بنتي كانت تنضرب وما تاخذ حقها وانا كنت استحي اخاصم اولاد الناس الكل كان يضربها وبعدين فجئه اتغيرت بنتي وصارت هي الي تضرب ولمى يقولو شفي بنتك اقول خلوها تختلص الي عملوه اولادكم فيها وانتو تتفرجو واعتقد ان كذا احسن لما تقعدي تدافعي عن ابنك مارح يصير لو شخصية مع انها تقهر بس تصبري شوي احسن من لمى يدخل المدرسة ينصدم وكمان ابني تعاملت معه بنفس الطريقة بس ابني ماتعلم يدافع عن نفسة الى في سنة ثاني بعد ان انعزمنا في استراحة وضربوه خمس اطفال لمى جيت لقيته يبكي وما يدافع عن نفسة وبعدين انا من زعلي رحت ضربته كمان قلتله ليش ما تدافع عن نفسك انا باجي المدرسة ادفع عنك ومن يومها يدافع عن نفسه ولا عاد احد قدر يضربه فالاطفال تختلف شخصيتهم من واحد الى الثاني متى يبدى الطفل يدافع عن نفسة بس تاكدي انه لو ما تدخلتي كل مره رح يدافع عن نفسةوالله يعين هذي حال الاطفال كلهم يوم لك ويوم عليك |
مرحبا..........
انا صار لي موقف........... ولدي الله يحفظه كان عمره سنه........ من النوع الخجول... ولاصق فيني وايد... كنت حابه اوديه مكان الالعاب في الجمعيه (حلبة الكور)........ وكانوا اهناك اطفال يلعبون...... وهو يشوفهم بس من السياج......... والا يت بنت ملاك حلوة وعسولة.. فجأة ضربت ولدي.......... بدون مقدمات يمكن عمرها ثلاث سنين ونص........ كنت انا وزوجي....... خذت ولدي برع المكان اسكته......... بس ما حسيت في نفسي والا وانا اقول لريلي بروح اضربها !! لما وصلت ... مسكت البنيه ...... وكنت اهديت طبعا(لاول مره ولدي في حياته كان يحصل صفعه على ويهه )........ قلت للبنت.... ليش ضربتيه؟ هو ولد صغير ... عيب يضربون الصغار اوكي؟ ....... ورحت عنها....... بها الطريقة حسيت اني دافعت عن ولدي :) في موثق صار من يومين.......... خلاني أعيش حالة من الاكتئاب........... ولد اخوي شاف ولدي يلعب هني في البيت فيى يلعب معاه........ كل ما ولد اخوي يمسك لعبه ولدي ياخذه........ وانا وهم بروحنا......... بس تصرف ولدي نرفزني حسيته اناني......... مني ومناك... الا شوي ولدي دز ولد اخوي وطاح في الارض......... مب طيحه قويه......... وراسه ما لامس الارض........ بس انا عصبت ونقهرت من تصرف ولدي.......... حسيت انه خذلني........... وسويت شيء اول مره اسويه في حياتي.... انا عمري ما ضربت ولدي شو ما صار......... بس صفعته صفعه قويه في ويهه.........:( اه يا القهر......... طبعا صاح.......... ولد اخوي شوي وخليته يروح.......... وان شالله ما راح اكررها........ |
| الساعة الآن 05:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©