|
مخطوبــــه واحب غير خطيــــــــــــبي ...
السلام عليكم ورحمة الله وبركاته كيفكم ان شاءالله بخيــــــــــر .. ماابغى اطول عليكم بالكلاام .انا عندي مشكله اواجها هالايااام ونفسيتي مره تعبانه بسببها احس انها سالفه معقده ومالها حل وانا ودي انكم تساعدوني وتوصلون معي لحل مقنــــع .. ماابي اطول ببدأ بالسالفه .. انا بنت مخطوبه صار لي 6 سنوات انخطبت من ولد عمتي وانا عمري 17 سنه واللحين انا عمري 22 سنه وهو اكبر مني 6 سنوات بداية خطبتنا كانت على حب بيني وبينه وانخطبنا وكلمنا بعض وكنا عايشين قصة حب حلوه مع بعض لدرجة ان الناس كلها كانت تحسدنا على حبنا وتفاهمنا لكن مرة الايااام والشهور والسنوات وحسيت حبي له يقل كثير كل يوم اقل من اليوم اللي قبله الما حسيت ان خطبتنا من اساسها غلط.. لاني حسيت اني احبه حب مراهقه وطيش يعني مو حب وانا مكتمل عقلي .. مع انه للحين هو يحبني كثييييير لاكن اسلوبه في التعامل هو اللي خلاني اكرهه اكثر ... مثلااا .. _الغيره الزايده اللي توصله للشك _ اني لازم اطلع الما استأذن منه مع ان حنا مخطوبين يعني مو زوجين ,, والمشوار اللي يحس ان ماله داعي يقولي اجلسي لاتروحين مثلاا رايحه مطعم مع صديقاتي او مدينة العاب او مجمعات كان يرفض ومااروح الا بعد بكي وهواش .. _ يمنعني من اشياء خصوصيه مثل عباية الكتف .. بس الطاااااااااااااااااااااااااااامه الكبرى اني حبيت ولد خالي وولد خالي حبني وصرنا نكلم بعض وصرنا نحب بعــض مجنوووووووووووووووون واكتشفت ان ولد خالي هو اللي كنت ادور عليه من زمااان نفس اللي كنت احلم فيه يعني (( فارس احلامي )) والمشكله انه عكس خطيبي في كل شي مثلااا .. خطيبي متوسط الجمال <<>> ولد خالي مزيووون مررررره مرررره الحاله الماديه عاديه <<>> حالتة الماديه مرررره عاليه قاسي وقلبه قوي <<>> قلبه مره طيب واللي في قلبه على لسانه غيرتـــــه بايخه توصل للشك <<>> غيرته حلوه لدرجة اني حبيت الغيره منه اهله شوي شديدين يعني يتكلمون ورى ظهري <<>> اهله عسسسل ومثل تواضعهم مافيه ثقيل دم واللي يشوفه يقول عنه مغرور ومايدخل القلب <<>> خفيف دم واللي يشوفه يحبه من اول جلسه معه ولو اقارن بينهم اكثر طلعت بلااااااوي بعد ... واللحين انا مااتخيل نفسي زوجة لغير ولد خالي وولد خالي نفس الشي ومشكلتي .. اني ابي انفصل عن خطيبي عشان اتزوج ولد خالي اللي حبينا بعضنا بجنون بس ماعندي سبب مقنع اني انفصل عنه وانا مره مقدره مشاعره وامه اللي هي عمتي مااقدر ازعلها لانها في حسبة اختنا او بعد امنا انا محتاره كثير كيف انفصل عنه من دون مشاكل والكل يكون راضي ومقتنع بنفصالنا .. وابي اهلي واهله راضين على بعض واهم شي هو يكون راضي ومقتنع بالانفصال .. ادري انها مشكله بالنسبه لي مالها حل .. بس انا حبيت انكم تساعدوني في حل هالمشكله لانكم ماتتدرون وش كثر انا متعذبه .. اسفه طولت عليكم .. بس ياليت اشوف عندكم الحل الشااافي ميســـــــــــــاء ...... |
والله الله يعينك اختي
عندك حل واحد مافي غيره طفشيييييييييييه ما تريدين اطفشيه صارحيه المصارحه احسن حل بس لازم ما يعرف عن حبك لا الاخر والاحسن حل صلي و استخيري ربنا والله يوفقك |
اختي اكبرخطأ الزواج من دون حب دامك منتي مرتاحة لة ارجوك ابعدي عنة لاتخربين عمرك على شانة الزواج مافية مجاملة حاولي اقناعة انك ماتبينة لكي تنحل المشكلة وبعدين دامة شكاك مؤشر سيئ لشخصيتة والله يوفقك في مايحبة الله ويرضاة
|
أختي الفاضلة
كيف نشأت العلاقة بينك وبين إبن خالك وكيف رضي إبن خالك أن يقيم علاقة مع إنسانة مخطوبة وكيف نسيتي خطبتك ومحبتك لخطيبك ومحبته لك وتحولتي بهذه السرعة لإبن خالك وكم مدة العلاقة مع إبن خالك وهل تعلمين ياأختي أن ماقمتي به يعتبر خيانة لخطيبك ومن سيضمن لك بأن إبن خالك لن يشك فيكي مستقبلا لاسيما وأنه أخذك بطريقة خاطئة ومن سيضمن لك أن إبن خالك لن يتغير واضح من كلامك أنك مندفعة وبشدة ومقررة للإنفصال والله المستعان أنصحك بقطع علاقتك بإبن خالك بأسرع وقت ممكن ثم قرري هل تريدين الإستمرار مع خطيبك الحالي أم لا وأما إبن خالك فأظنه ومع إحترامي الشديد قد يغير رأيه إذا جد الجد المعذرة على صراحتي أختي ولكننا هنا نتناصح بكل صدق أرجو أن تفكري جيدا في التساؤلات السابقة كما أحب تذكيرك بأمر هام وهو أن علاقتك مع أي شاب بدون زواج تعتبر علاقة محرمة ولايرضاها الله سواء إبن عمتك أو إبن خالك ولايصح الإسترسال في هذه العلاقة |
صباح الخير
عزيزتي شلون ترضين على نفسج انه اتكلمين انسان وانت محطوبة ؟؟؟؟؟؟؟؟؟؟؟؟؟؟؟؟؟؟؟؟؟؟؟ الله يهديج ، باكون قاسية عليج اشوي بس استحملي قبل 6 سنوات كنت أتحبين خطيبج مثل ماتقولين وكنت اتشوفينة فارس احلامج ووووووو ، والحين تغير رايج فيه !!!! لان ولد خالج طلع في الموضوع بتمر عليكم الايام والشهور والسنوات وبيتكرر نفس الشئ بطلعين عيوبه كلها مثل الاول ،، يوم خطبج ولد عمج ما استخرتي ؟؟؟ اسال الله العظيم ان يرشدك الى طرق الصواب ، ويزوجك الولد الصالح الذي يعينك على الحق ... |
أنا رايي من رايي من سبقاني مازن محمد ومحمد هيا
لازم تتقبلي التوجيه دامك طلبت الراي أنت أخطأت عزيزتي حينما فكرت في رجل آخر وأنت مخطوبة وأخطأت حينما سمحت لنفسك بأن تكلميه وتتبادلين معه مشاعر الحب وخطيبك المسكين ياغافلين لكم الله بصراحة دام هذي عمايلك ترى غيرة ولد عمتك في محلها ومافيها مبالغة لكن بعد ماطاح الفاس بالراس أنصحك تنفصلين عن خطيبك ولاتستري أكثر في خداعه. قولي له: احنا انخطبنا على صغر ولما كبرت ووعيت حسيت ان احنا ما نتناسب لبعض وأنا مع احترامي لك لكن ماأشوف فيك فارس أحلامي لذلك ماراح أقدر أرتبط فيك. حتى لو كان كلامك قاسي عليه وبسبب له صدمة فهو أمر لابد منه ومصيره بينساك وبيرتبط بامرأة تقدره وتسعده. طبعا ماراح يكون الكل راضي وراح تزعل بعض الأطراف هالشي لابد منه لاكن حاولي بقد ماتقدري تكوني ودودة ولطيفة في أسلوبك اقنعيهم أنك ماقدرت تتفاهمي معاه ولا قدرت تحبيه رغم احترامك ومعزتك له ولأهله وانهكم بتظلون أهل وحبايب رغم كل شي. وياحبذا لو تكلمين عمتك بنفسك عشان تحطينها بالصورة. لازم تواجهين الموقف بأسرع وقت عشان ترتاحين في النهاية. أما بالنسبة لولد خالك فهذا قصة ثانية بعد ماتنهين علاقتك بولد عمك أعيدي النظر فيه وفكري بروية وانتظري منه هو المبادرة ولاتشعري أي شخص من حولكم بوجود علاقة سابقة بينكما. أسأل الله لك التوفيق والفرج القريب. |
السلام عليكم
كيفك ميساء لفتني موضوعك بشده شوفي بقولك شئ يمكن يجرحك بس ياليت تتقبليه بروح حلوووووه انتي تعتبري خاينه لخطيبك وعلاقتك بولد خالك مدري خالتك غلط وانتي عشانك تحبينه ماتشوفين عيوبه اتذكري اننا كلنا بشر وانتبهي من قهر الرجال ترى مايسير اللي تسوينه وصدقيني الشيطان محلي ولد خالتك بعينك لأنه حرام عليك ومخرب عليك مع خطيبك لأنه حلالك وهذي طبيعة بني ادم يبي الشئ اللي مو له ولما يجي بيده ياخذ متعته وتنطفي حرارته على العموم انا والله مصدومه فيك حييييييل لأن الموضوع مايبيله حل واذا انتي شايفه ان ولد خالك احسن لك اتركي ولد الناس بحاله وصارحيه ترى اهون عليه من انه يكتشف ذا الشئ واتذكري انك سببتي جرح راح تلف الدنيا ويرجع عليكي تقبلي تحياتي |
هل إبن خالك مستعد إنه يخطبك إذا تركتي خطيبك الحالي؟؟
وهو إيش يقولك عن خطبتك الحاليه وإيش رأيه فيها؟ الله ييسر لك الخير |
من البدايه الخطبه لسنوات غلط واكبر غلط علشان الحب اكيد راح يقل لانكم تكلمون بعض مثل المتزوجين يعني ماخليتوا شي لان الزواج بعد بعد طول السنين يقل الحب والانبهار اللي كان بالاول ويصبح الوضع عادي يعني مو مافي حب بس حب روتيني ملل وعادي فهمتي ليش حسيتي ان خطيبك حبه عادي .. وعلاقتك مع ولد خالك كانت غلط بس اذا انتي تشوفين انك ماتبين ولد عمتك صارحيه قبل لا تكبرين المشكله وبس من غير ما تجرحينه والله يكون بالعون
|
حبيبتي انا مريت بنفس التجربه لكن فيه اختلاف بسيط
نصيحه لوجه الله لاتتركين خطيبك والله ولد خاللك يحاول ان يظهر باحسن صوره امامك يعني الصفااات السلبيه فيه راح يخبيها قد مايقدر وكلهم كذا دامك عارفه خطيبك وفاهمته وخلاص صرتي عارفه طبعه تغلبي على تصرفااااته السيئه بعقلانيه منك اكسبيه واللي قريته انك تبين تفتكين منه باي طريقه ولعلمك اذا تركتي خطيبك واحذتي ولد خااااااااالك رااح يبان لك كل شي زتعرفين انه تمثيل في تمثيل بس عشان يلفت نظرك ويكسب اهتمامك ولعلمك بعدين راح تبدا شكوكه حانت خطيبها واهو 6 سنوات معها وانا ماراح تخوني ؟؟؟ حتى لو قاللك وااااثق انتي ماتعرفين شاللي بخاااااااااااااطره وبعد كل هذا اصلا كيف تجراتي تكلمين غيره دام كنتي تكلمينه والله يوفقك ويسمح امرك |
كلام متناقض جداً
لكن حب مراهقه سميتيه وبعدين قلتي حبيتي ولد خالك المتناقضات إلي نشأتيها لولد عمتك وولد خالك أجل وش تسمين حبك لولد خالك حب العاقله والله يا أختي أنا أقول إلي بدايته خطأ نهايته خطأ وإنتي وعقلك تعرفي خلاصك تحياتي |
أختي صلي إستخارة واللي فيه الخير الله بيهديج له ....... الله يفرج همك وهم المسلمين .......... |
عصفور باليد ولا عشره على الشجره
فانتى لا تضمنين حين طلاقك من ابن عمك ان ابن خالك سوف يتقدم لخطبتك ولا تعيبى غيره ابن عمك فلها اساس فانتى تعترفين لنا بمعرفه غيره اختى ان طلاقك حتى ولو كان قبل الدخول فتعتبرين بنت مطلقه وفرصك بالزواج تختلف عن السابق بالتالى حتى فرضا لو رغبك ابن خالتك فاهله ممكن يرفضون كونك مطلقه |
الله يبعد عنك خطيبك ابن عمك ويعوضه بخير منك لانك من البداية خنتيه وكلمتي غيره !!!!!!
ماتستاهلين تكونين زوجتة !!!!! الله يهديك ويفتح على قلبك !!!! |
اقتباس:
وانت ايضا يا اختي تضلين بنت ولك مشاعر و يفضل ان ترتبطين بمن يميل له قلبك ولكن ما ذكرتيه عن حبيبك ( ولد خالتك ) انه وسيم و غني وغير ذلك اعتقد بأنها ما وصفتيه لا تتعدى كونها شكليات وانك لم تذكري الدين والأخلاق في حديثك وبالتالي راجعي نفسك يا اختي واتقي الله واستخيري |
!!! ؟؟؟
|
النساء مالهم اماااااااان ابدا |
اقتباس:
السلام عليكم..... أخي الكريم ،، صحيح ان أختنا ميساء بدأت تمشي في طريق غلط ولجأت لنا بعد الله علشان ننورها .. لكن هذا لا يعني أن الرجال ما يسوون اللي أكبر من هذا دون مراعاة لا رب العالمين ولا الزوجة،،... وبالأخير النساء مالهم أمان!!!!!!!!!<<<<<<<<<<<< عجيبة هذه أم حمزة |
شوفي يااختي ..
لو من البدايه ماكلمتي هاذا او هاذا كان انتي اليوم مرتاحه .. كلمتي اجنبي عنك .. لاتقولي خطيبي ماخطيبي .. لانه لسا اجنبي عنك .. كلمتي ولد عمتك بالبدايه وكنتي طايره من الفرح وحبكم الكل تكلم عنه .. لكن مع مرور الزمن يبدأ الواحد يشيل القناع وتبدأ طباعه الحقيقه تبان سواء كانت شينه او زينه .. بهاذي الفتره اللي حسيتي انو ولد عمتك بان على حقيقته وانك مليتي من تصرفاته ظهر ولد خالك .. وكلمتيه مع انه حرام تكلميه .. وحبيته وطبيعي تعملي مقارنه بينه وبين ولد عمتك .. لكن استني شويه كمان مثل مااستنيتي مع ولد عمتك وتشوفي راح تبان الصفات والطبايع الحقيقه اللي راح تعملي مقارنه حقيقه مع الاثنين .. وترا المقارنات اللي كتبتها مو شي ماعدا انه اهل ولد عمتك يتكلمو عنك .. ولد خالك تراه مسوي غلط كبير .. كيف يسمح لنفسه انه يكلمك وانتي مخطوبه لواحد ثاني .. وترا لو انتظرتي شويه راح تطلع عيوب اكثر واكثر حبيبتي اسمعيها نصيحه مني .. اتركي مكالمة الاثنين .. لانه غلط .. واللي كاتبه ربي راح يصير .. |
من مراهقة لمراهقة .. من حفرة لدحديرة ..
أنا ودي أعرف كيف تبغين خطيبك ما يغار عليك وأنت من ذوات عباة الكتف .. أصلا كيف رضي بك خطيبه .. وكيف سيرضى بك ابن خالك وأنت قد خنت ابن عمك .. ما اعتقد في رجل عاقل يرض بزوجته وأم عياله تكون خانة أهلها وخطيبها .. لأنه لن يضمنها أبدا .. مع احترامي لك , الله لا يبتلي مسلم بمثلك |
لاحول ولا قوة الا بالله
استغفري ربك يا أختي وين ضميرك وانتي تخوني خطيبك؟؟؟؟؟؟؟ كيف تماديتي في علاقه وكمان حبيتيه من ورا اهلك وخطيبك هاذي مو اخلاق مسلمين ابداااااااااااااااا لاحول ولا قوه الا بالله توبي الى الله وصلي استخاره ولا تخربي على نفسك حياتك |
اختي انتي ماقلتي لنا ابن عمتك هل هو خطيبك بعقد شرعي وملكه ام فقد خطوبه وحبيبتي لاتزعلي من كلامهم ممكن يكون قاسي شويه بس عارفه انتي شويه بعيده عن ربنا وغارقه في دوامة الحب لو تتركي ابن عمتك وابن خالتك وتجلسي تفكري بنفسك شوي وبحالك مع ربك وافعالك فكري فيها بعقل وقولي لنفسك انا اللي بسويه صح يرضي ربي ويرضيني واحمدي ربك على خطيبك ابن عمك مع انك قلتي انه مايناسبك بس فكري واتأكدي من الاشياء الكبيره مثلا هو يحبك يخاف الله يتحمل مسؤوليه مكافح في حياته اخلاقه كويسه معاكي يحترمك لو كانت هذه الاشياء متوفره فلاتفرطي فيه واتركي ولد خالك وتوبي لربك عسى ان يغفر لك واتعلمي انك تفهمي خطيبك وتقربي اليه اتمنى ترجعي لنا بأخبار حلوه عنك.
|
في بالي شيئين بس ...
_كيف وصلتي لولد خالك ... وكيف وصلتو للمكالمات مره وحده !!! وكيف هو رضى بهالشي وانتي مخطوبه ... _ انتي واثقه انك لما تنفصلين عن ولد عمك يخطبك ولد خالك على طول ...؟ يعني مو لعب عيال ومراهقه؟ الله يهديك الي انتي فيه كله غلط بغلط |
اسمحي لي ابكون قاسيه شوي
بس الله يعين ولد عمتك هالي جالسه تخونينه من وراه وتقولين شكاك الحق انه ما ينلام الله يصلحك بس صدقيني طالما ان ولد خالك رضى يكون علاقه معاك وانتي مخطوبه معانها انه مافيه خير ولا اغفل خطأك الكبير وخيانتك توبي الى الله اختك بالله جينز |
أفضل حل عند الله سبحانه وتعالى
صلي استخاااره |
بصراحه و بدون زعل العيب فيك مع احترامي لك .......... كيف تكلمي ولد خالتك و أنتي مخطوبة ؟؟؟؟
|
انزين اهو يبي مصلحتج اذا قال لج لا تلبسين عباية كتف!!
|
اخيتي انتي تظني انك الان غير مراهقة؟
للأسف استيقظي ..انتي اكبر مراهقة هنا.. انتي تستبدلي حب 7 سنوات وخطبة ب رجل لم تعرفيه بنفس القدر..ولاتظني ان بعد 7 سنوات سيكون حبك لأبن خالك لو تزوجتيه كالأن.. ان مايفعله خطيبك الان من منعك من امور كالخروج مع صديقاتك لانه يريد ان يحافظ عليك وهذا شيء لاتفهمه الكثير من النساء.. وخصوصا ان لم تتعوده في بيت اهلها.. غيرته الزائدة التي اسميتها.. هي الغيرة الحق وثقي ان اي شيء اقل منها لاتظنيه غيره ابدا.. الرجل المحب فعلا يسعى لان يعود زوجته على الحياة معه منذ البداية كما يفعل هو بجعلك تستئذنين ويمنعك من بعض الخروجات احيانا لان حياتك الزوجية لن تكون كلها حب وخروج وفقط.. الرجل المحب هو الذي يغار على زوجته ويصونها ويحافظ عليها.. ثم اخبريني.. الا تظني ان ابن خالك سيدخل له الشيطان او اي احد من اقربائه ويقول له..سمحت لنفسها ان تكلمك وهي مخطوبه لأخر فما يضمن لك ان لاتكلم احد غيرك وتتركك لتذهب اخر؟ أنتي في قواميس كل البشر ( خائنة) وسيقولها لك حتى ابن خالك هذا.. الحقيقة دائما مؤلمة .. انتي مخطأة اشد الخطأ.. استغفري ربك .. وعجلي بزواجك من خطيبك.. وادعي الله ان يستر عليك أختك حائزة |
السلام عليكم
الفاضلة ... صاحبة الموضوع لأجد لكِ أي ردود أو إنفعال لما تقدمت به أخواتك من حلول ، وإرشاد ،،، وعليكِ مراجعة الردود مرة أخرى لـ... محمد مازن .. محمد هيا ... العام ... حائزة الأمل . جزاهم الله خيراً أختاه . من تصرفاتك وأفعالك وتعاملك مع أقاربك ... ينقصك رجاحة عقل وما عليكِ إلا التقرب إلى الله .والإستخـــــــــــــــــــارة فيما تقدمي عليه أسال الله أن يهديكِ .... |
اابي ااقول كلمتين وبداايةً أعتذر عن صرااحتي اللي قد تزعلك أو تجرحك ..
مع العلم إني من النااس الذي لا أؤمن بمشااكل الأعضااء الجدد ليس تكذيبااً والعيااذ بالله .. لكن ساالفة وااحد يشترك ما له إلا مشااركتين وبعدين يقول مشكله ولا نشوف وجهه سوااء عضو أو عضوه .. أحس إن في الموضوع شئ غريب .. لكن هي قنااعة خااصة قد تكون صحيحه أو قد تكون أكثر خااطئه .. على كلاً .. و أبي أمشى في أن قصتك صحيحه عزيزتي .. حب 6 أو 7 سنواات .. معقوله كل هـ االفتره ما أكتشفتي عيوبه .. معقوله ما أتضحت لك إلا بعد ما تعرفتي على ولد خالك .. ولد خالك أكيد وأجزم أنه يعرف إنك مخطوبه لولد عمتك .. يعنى إنتي ما حليتي في عينه إلا لإنك مخطوبه .. مسألة المقارنات .. والعيوب اللي ذكرتيها في ولد عمتك هي محاولة تبرير لنفسك لتقنعينها في أحقيتك في الإنفصاال .. مسألة غيرته وأنها ما تجوز لك .. بإمكانك بما إنكم مخطوبين تحااولين تعالجينها في قدر الإمكاان .. وإذا فشلتي بإمكانك تطلبين الإنفصال .. مسألة إنه يحرمك من عباة على الكتف .. أنا من وجهة نظري البنت اللي تلبس العبايه على الكتف لو ما تبقى إلا هي في الدنيا ما خطبتها .. مو مسألة تشكيك فيها لا سمح الله لكن هي قنااعة خااصه ومن أبسط حقوقي التمسك فيها .. الحب يا عزيزتي ما يجي في العمر إلا مره واحده في العمر فقط لا غير .. وهذي وجهة نظر كذلك .. لكن إني ( أتسلى 7 سنوات ) يوم مليت وخلصت قلت حب مرااهقه .. وقلت أدور حب ثاني .. سلاماات ..!! على فكره أنا من الناس اللي من أشد المعارضين في مسألة المكالمات للمخطوبين ولا بينهم عقد شرعي رسمي .. بصرااحه حبك ما هو غريب عن حب ( الكثير وليس الكل ) من بنات هالأياام .. لكن صدقيني لو تم زواجك من ولد خالك صدقيني ما راح يصير إلا من بعد مشاكل كثيره ومنازعات أكثر وقطاعه بين الأقرباء أكثر وأكثر .. آسف على الإطاله لكن لك حق القراءة ولك حق أكثر في التطنيش .. تشكرااتي .. |
ما شاء الله... الأعضاء ماقصروا وبكل أمانه في اعطاء نصائح من قلوب صافيه تحمل الرغبه بالمساعده والنقد البناء للمشكله وتغطيتها من كافة جوانبها...
ولكن في كل هذه المعمعه... أين صاحبة الموضوع؟ أين هي لتعطينا رأيها واستفادتها (إذا كانت استفادت) من أصحاب الخبرات والعقول الراجحه؟ الله يصلح شأنها وشأن الجميع إن شاء الله |
:16: لا تعلييييييييييق
وليس كل النساء ليس لهم أمااااااااااااااااان!!!!!! |
ميسا انتبهي لا تصيرين ضحيه تاكدي من ولد خاالتك وانه فعلا يبي يتزوجك ولاتكون علاقه عاابره خاصه وانه يعرف انك مخطوبه لولد عمتك انتبي لا يكون يعتبر هالعلاقه خياانه اما كيف تتخلصين من الزواج من ولد عمتك شوفي اقرب وااحد من اخواانك واللى تحسين انه يفهمك وخبريه بس انك ما تبين ولد خاالتك وانه ما يناسبك والا طفشيييه وكرههييه فيك احسن
|
صراحه كلمه وحده بقولج اياها هي انج تتحلين بالوفـــــــــــــــــــــــــاء
|
لا حول ولاقوة الابالله حرااااااام عليكي اللي قاعده تسويه بس صدقيني الخطبه اللي تطول اكبر غلط
|
حبيبتي نصيحه خليك على ولد عمتك أحسن لك لأن الواضح
والله أعلم <<< لا تزعلين إن ولد خالتك كذاب وقاعد يتسلى ولما يوقع الفاس بالراس راح يتخلى عنك بعدين وينه عنك من الزمان وإلا حليتي بنظره لما انخطبتي .. الله يعينك أختي ولا تنسين الاستخاره . |
لا تنخدعين بالظاهر ...
انتي بعد حب دام 6 سنـــوات اكتشفتي نفسج انج ما كنتي تحبينـــه !!!! يعني قبل كنتي تحبينــه والعيوب الي اكتشفتيهن في خطيبــج كنتي معميــه عنهن قبل ليــــــش؟؟؟!!! لآنــج تحبينه !!!!! يعني الزمن يعيد نفســـه ونفس الغلطــة تكررينهــآآ ووانتي مغمظــة عيونـج !!!! فتحـــي عيونج فتحي فتحي يا أختي صلي استخـــآرة ووصلي وووصلي ووادعي ربــج يبعد عن هالطريــق الغلط الي ماشيــه فيه شوفي من البدايه علآقتــج بولد خالج ( غلط ) كلآمــج له فالتيلفون وانتو مثل ما تقولين .._- تحبون بعض -_.. بعــد ( غلط ) تكلمين شخص وإنتي مخطوبــة لغيره ( غلط ) محد في هالدنيـــآ بيعرف خيرتج ووين كثر رب العالميـــن بعد صـــلآه الاستخـــارة حطي في بـــآلج إنج بتتركين كل حب قبل الزواج لوجــه الله عل وعســـى الله يرزقــج الحب الي تتمنـــآآه وتحلم به كل بنت بينــج وبين زوجج يارب العالميــن الله يوفقــج غنآتي إختج جولي |
اختى فى الله
من الواضح انك مراهقة جدا ولا تفكرى بعقلك بل تجرى وراء مشاعرك ولكن فكرى بالعقل شوى تفتكرى ابن خالك رجل صالح ؟ لااااااااااااااااااااااااااااااااااااا لانه سمح لنفسه ان مثل ما بتقولى انه يحبك مع انى اشك فى ذلك ممكن تكونى انتى مراهقة ومش عارفة مصلحتك فين لكن هو مش ممكن يكون رجل عاقل لانه قبل على نفسه انه يكلمك وهو عارف انك مخطوبة لابن عمتك تفتكرى ابن خالتك مفكرش مرة انك ممكن تفعلى معاه مثل ما فعلتى مع ابن عمتك حتى لو افترض معاكى انه فعلا يحبك هل سوف يثق فيكى بعد ذلك مششششششششششششششش ممكن ابداااااااااا بجد انتى لازم تتقربى من ربنا اكثر من كده شوى وخطيبك انتى كنت بتحبيه جدااااااااا لحد ما ظهر ابن خالتك يبقى لاااااااااااااااااااااازم تبعدى عن ابن خالتك ونصيحة المفروض اللى تتخطب لا ترى أحد سوى خطيبها فقط ربنا يهديكى واطلب منك الرد على كل هذه الأراء |
لا تظلمي بن عمك معك ، بعدكون عل البر ... احكيلوا مافي نصيب والله يرزقك أحسن مني ..
بس من خبرة ، راح تخلقي مشاكل بعيلتك مالها نهاية .. وبالناهية ، لا تاخدي واحد ما بتحبيه ، واتكلي على الله وادعي انو الله يغفرلك لإنو حكيتي مع شخص ما المفروض تحكي معو اللي هو ابن خالك .. وموفقه .. |
وعين الرضا عن كل عيب كليلة وعين السخط تبدي المساوئا |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©