|
متردد اكمل الخطبة او اهون ياليت تقنعوني بارائكم ......
السلام عليكم ورحمة الله وبركاته
هذي اول مشاركة اخواني خواتي في هذا المنتدى الرائع وابي منكم نصائح واقناعي لاني متردد ولااعرف وش اسوي السالفة انا شاب عمري 23 سنه والوالدة الله يحفظها اعجبتها بنت اختها وقالت ابيها لك والبنت عاقله ولا لها حس وجميلة ماشاء الله عليها كل من شافها تكلم عنها وانا حبيتها او اعجبت فيها اكثر من كثر مايجيبون سيرتها بعد ماكلمتني الوالدة وخواتي قلت الي يريحكم المهم كلموا خالتي ووافقت خالتي ووافقوا اهلها بس كل ذا كلام بالجوال يعني مو رسمي وعلى هالكلام مرت خمسة اشهر وقبل يومين الوالدة زارتهم وسالتها خالتي ان كنت ابي بنتها او لا يعني زي الي تقول متى بتجون تملكون عليها وانا كلمت الوالده اني موافق واي وقت تبون رحنا بس الي مخليني متردد كم شغله البنت توها صغيرة عمرها 15 سنة وذا الي مخوفني صغر سنها فياأعزائي وش رايكم اكمل مشواري او لا |
توكل على الله 15 سنه مش صغيره دى آنسه
|
ياخووي اول شي صل استخاره مره ومرتين واكثر حتي ترتاح وتتيسر امورك ..
وتوكل علي الله .. صح انه 15 فتاه صغيره لاكن فتيات ها الأيام كبار العقل وفاهمين ماشاء الله .. والله يوفقك ياخوووي ... وولا تنسي صلاة الأستخاره ... والزوواج في الأخر قسمه ونصيب .. |
لازم اتصلي استخارة .. اكثر من مرة .. .
والله يكتب الي فيه الخير.. |
من يقرر هو من يعرف الفتاة
هناك فتيات في سن 15 اعقل من 30 وفتيات في العشرين اقلا نضجا من 15.. هي مسألة نسبية.. أنا أرى أن تتوكل على الله وتتم خطبتك والله يسعدك أختك حائزة |
وعليكم السلام ورحمه الله وبركاته بصراحه سن 15 صغير على الزواج وعلى المسوؤلية لكن حاول ما تتردد واستخير .. الله يوفقكم يارب قـبطانـ الـهوىأ اقرأ كلامي برواقه وبتركيز كنت بعزيمه ببيت قريبه لي وفيه بنت كلامها شوي طفولي وحركاتها واسلوبها وكانت لابسه فستان انيق شيك وذهب المظهر حريمي لكن الاسلوب والكلام لا المهم قالوا لي شفتي العروس قلت وينهاا هههه استغربت فقلت صغيره وماكنها عروس وشوي خفت حركه زايده يعني مو راكاده الله يذكرها بالخير ياحليلها كان عمرها تقريبا يا 16 او 14 سنه لكن ماشاء الله تزوجت وانجبت 3 اطفال والان بعد ماكبرت بكم سنه صارت ناضجه اكثر ومقدره اكثر لمسوؤليه الزوج .. إلخ لانه احيانا فيه بنات بسن 16 وفوق يرغبن بالزواج وتفكيرها ناضج وكبيره مو على سنها واتذكر وحده من بنات خالي كانت باولى متوسط وتصيح كل يوم وتقول لأهلها زوجوني ابي استقر ابي زوج يهتم فيني اطبخ له واتمشى معه وووووإلخ هههه لكن بصراحه اهلها سافهينها وكلنا نضحك عليها .. والان ماشاء الله بسم الله عليها خطابها كثير وهي بسن 17 الله يوفقها ويوفق الجميع http://www.up07.com/up5/uploads/9df920f393.gif لهذا اقول لا تتردد لكن استخير ويمكن لك انك تتم الامر الان بعقد القران وتعيش ايام الخطوبه والزفاف تحدده بالوقت الي يناسبكم جميعا .. موفق ان شاء الله ربي يحفظك توكل على الله ......... الله معك |
لي زميله بالدراسه ... اتذكر هي الوحيده بيننا الي انخطبت وعمرها 15 سنه محد فينا توقع انها تكون قد
المسؤوليه ... لانها كانت تستهبل كثير وتسوي حركات اطفال ... لكنها بعد ماتزوجت تغيرت 180 درجه ماشاء الله عليها عقل ومسؤوليه ورزانه ... عندها الحين 3 اولاد وبنت ... انا قلت سالفتها علشان ابين لك انه العمر مو مهم ... المهم نضجها وتفكيرها كيف يكون ... وانت توكل على الله وكمل الخطبه ... الله يوفقك ويسعدك يارب ... هموووم |
الله يكتب لك الي فيه الخير ...
|
ياما بنات صغار وعقلهم سابق لسنهم فاستخر وتوكل على الله
|
مشكوووووووووورين على مرورك وردكم الي اسعدني كثيرا
وجزاكم الله خير وبصراحة ريحتوني بردودكم والحمد لله اقتنعت بحكم القصص الي قلتوها وانا الحمد لله صليت مرتين استخاره وطلعت النتيجة معي زينه مشكورين حبايبي إذا قالت افعل ما تريد تعنى سوف تدفع الثمن . |
اقتباس:
|
اوووف 15 سنه .. يالله مره صغيره
ايش فيكم يااعضاء هاذي بــ 15 يعني لسا بزره وتلعب مع الاطفال ومين قال ان ممكن بنت الــ 15 تكون احسن من بنات الــ 20 !! ماهي قاعده ابدا .. يمكن لاهاذي ولا هاذي يكونو كويسين !! يااخي البنات تغيرو مو مثل زمان .. زمان امهاتنا تزوجو وهم بــ 18 و17 و 12 وكانو قادرين على فتح بيت وتحمل مسؤوليه .. لكن شوف اليوم البنات متربين على دلع الشغالات صح الفرق بينك وبينها 8 سنين ومافي مشكله .. لكن صغر سن البنت بيحطك بمشاكل .. يعني معقوله بــ 15 قادره على تحمل مسؤولية بيت وزوج وعيال وحمل وولادة .. ومثل ماقلت لك لا تقارن بنات اليوم باامهاتنا مدري هذه وجة نظري .. والله يسهل امرك ويختار لك الطيب |
البنت عمرها صغير صحيح
لكن مانقدر نحكم عليها ونساعدك باتخاذ القرار اسئل المقربين عن تصرفاتها وتفكيرها وبالتوفيق ان شاء الله :21: |
متابعة2
انا اقول اني بعد ماخلصت استخارة ارتحت وطلعت النتيجة معي زينة مو ماهي زينة العام انا الي مخليني اتردد عمرها الصغير وصحيح بنات هالايام متعودين عالدلع بعكس اول في البداية اقنعوني وانتي الحين خليتيني اتردد مرة ثانية الي فيه الخير ربنا بيكتبه اكره التعقيد مشكوووور اخوي على مرورك واكيد العمر مو شرط نحكم فيه عالشخص ياما اطفال وعقولهم كبيرة ومبدعين وفاهمين |
امك وخواتك راح يفيدونك عنها اكثر .... لانهم يعرفون طبعك وهم يقررون تناسبك او لا ... واكثر من صلاة الاستخاره ومبروك مقدما :17: |
اولا الله يكتب لك اللي فيه الخير ويسخر لك بنت الحلال.........يااخي مااحد ادرى بالبنت كثر امك واخواتك انت صارحهم بهذي النقطة اللي انت متخوف منها وهم بيجاوبوك او ممكن يختبرو البنت بسياسه ... الشي الثاني البنت عمرها مناسب لعمرك انت كمان سنك صغير ...وممكن تطولو فترة الخطوبه وبعدها الملكه كمان خلوها فترة بحيث ان البنت تفهمك اكثر وانت تفهمها...صراحة اعرف بنات بعمر 15 و16ماشاء الله كانهم بنات25 سنه والله كله يعتمد على تربية اهلها اذا كانو محملينها مسؤليه او لا....توكل على الله وصارح اهلك ..الله يوفقك ويسهللك امرك
|
نصحيه مني الاستخاره تقدم على الأستشاره بما انك استخرت لا تتردد بأي رد كتب بموضوعك الله يوفقك يارب ويتمم لك بخير . وبما انك ارتحت والاستخاره زينه الحمدلله :14: تمم الموضوع ورح اخطب رسميا . ربي يحفظك الله معك |
اول شي استخير ... بعدين اكيد امك تعرف البنت وطباعها ...
اذا كانت عاقلة وثقيلة توكل .. واذا كانت توها طفوليه انا ارى انك تنتظر سنه لين ينضج تفكيرها .... واولا واخيرا استخر واتبع قلبك ... الله يكتب لك الخيره المباركة قل امين |
وعلى قولت العام ... الحين البنات مو مثل امهاتنا اول
يعني اللي بعمر 18 الحين كنها بعمر 12 على عهد جداتنا وامهاتنا لكن يعتمد على البنت نفسها .. هل هي عاقلة وثقيلة او طفوليه وتفكيرها سطحي بقول لك قصه وحده اعرفها ... عمرها 17 سنه انخطبت وكانت مره مبسوووووووووطة ... وصارت تتعلم الطبخ والسنع ... لكن يوم تزوجت على طول بعد شهر العسل راحت لبيت اهلها... تقول اني انصمت بالزواج مو زين ابد .. وقرفت الرجال واذا جا طاري العرس جتها قشعريره ... هي ما بعد نضج عقلها .. ولافيه احد من صديقاتها تزوجت علشان تسألها عن الخصوصيات ... وأمها تستحي تقول لها ... يعني جاهله بالامور الحساسة ... ولمن تزوجت ما كانت متوقعه النتايج ... لكن ارجع اقول لك استخر وتوكل على الله ... لكن لو تطول الخطبه لسنه لين تكبر شوي يكون افضل ويرجع لك القرار اولا واخيرا ... |
من جدك اخوي 15 سنة!!!
تبي تدخل على ام 15 سنة!!! لا اسمحلي اخوي انت تبي زوجة والا ابنة لك؟؟ ممكن يكون فيه خطبه وتتزوجها بعد 3 او 4 سنين يمكن مع اني ارى ان هذا ليس اسلوب جيد من جهة ومن جهة ثانية ايضا البنت سيصبح عمرها حينها 18 سنة وستظل ايضا صغيرا نسبيا على الزواج. اخوي ما ادري وشي الصفاة الجيدة والزينة الي شافوها اهلك على طفله بالكاد بدأت ملامحها الانثوية تتضح وانا متاكد ان انوثتها الكاملة لم تكتمل! أخوي لك حرية الاختيار بالتاكيد لكن اذا كنت ناوي زواج قريبا فتاكد انك ستجني على نفسك اولا وعلى تلك الطفلة لو تزوجتها...وانا اقول كلامي كناصح ولك الخيار بالتاكيد بالنهاية. *ملاحظة:انا لا اعرف كيف وافقوا اهل البنت على تزويج بنتهم وهي بهذا العمر. تحياتي للجميع والله يوفقك للي فيه الخير. |
الفرق بينكم حلو بس اهم شي تكون البنت مستعده للزواج ودام انها هاديه يمكن تكون عاقله ان شاء الله تكون قد المسؤوليه وربي يوفقك وكل شي يبان بعد الملكه لماتتكلم معاها وتكتشف شخصيتها بس خليك حذر لاتزعلها لانها قريبتك واي تصرف منك ممكن يزعل خالتك منك وتسير احزاب وغير كدا ربنا يوفقك .
|
الله يوفقك اخوي ويكتبلك مافيه الخير
تحيتي |
بسم الله الرحمن الرحيم أخي بصراحة وحقيقة ازعلتني انت مو تقول أستخرت الله أكثر من مرة وطلعت النتيجة مريحة وجيده ليش ترجع لكلام الناس مرة ثانية الموضوع انتهى انت استشرت اعلم العالمين فلا تحتاج من بعده لرأي أحد أما بالنسبة لكون البنت عمرها 15 سنة وصغيرة فهذا كلام غير صحيح أجلس مع البنت وتكلم معها وشوفها واترك المجال لأختك بأن تجلس معها وتكلمها وتتعرف على مدى رغبتها وقدرتها على الزواج أنا تزوجت وكانت زوجتى في الثالث ثانوي (بعد أن انتظرت للأسف سنة كاملة لأنهم قالوا بأنها صغيرة) وكنا نؤثث بيت الزوجيه وهي تدرس ثم سكنا وتعلمت الطبخ (برأسي طبعا) وتعلمت كيف تكون أما والحمدلله توكل على الله ولا ترد على أحد والسلام ختام |
أخى ..
السن ليس شرطا على نجاح المرأة أسريا وليس دليلا على أنها ستكون زوجة ناجحة أو تكون غير ذلك لكن الذى يحكم ذلك الأمر هو مدى معرفتها بمعنى كلمة أسرة ومدى علمها بالواجبات الزوجية ومدى تحملها لتلك المسؤلية ومدى معرفتها بالفرق بين الحياة مع والدها ووالدتها والتعامل معهم وبين وجودها فى بيت زوجها .......والفارق طبعا كبير جدا..........وهذا لا يستطيع الحكم عليه إلا والدتك واخوتك وفقك الله وهداك إلى الصواب........... |
| الساعة الآن 07:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©