|
تفاجأت بشكلها و الآن لا اتقبلها((المشكله حلت ولله الحمد)9
السلام عليكم ورحمة الله
تكفووون شوفولي حل لأني وصلة الى مرحلة الله اعلم فيها اليكم قصتي من البداية تخرجت من الجامعه وتوظفت وكالعادة عند اي شاب يبي يتزوج انا صراحة ماطرحت الموضوع اهلي اللي طرحوا الموضوع وقال بنزوجك قلت الخير وأهلة المهم خطبولي من ناس محترمين وكالعاده ممنوع تشووف مرتك الا ليله الدخلة حتى الكلام ممنوع علي الحرام والطلاق اني اتكلم جد وانا مؤيد الشي هذا المهم خطبة امي البنت ووافقو وأخذت لي قرض وكملت اموري(5سنوات) القرض مدة نهايتة علىكلاً جا يوم زواجي كنت اسعد انسان بالمجرة بس اقول زفوني بسرعه من السوالف هذي زفوني ودخلت على زوجتي كل شي اوكي طبعاً مكياج فل ابشن هي مو انا سولفنا وقعدنا نمت و قمت الا هي قايمة ولا نامت الا المغرب من يوم الجمعة المهم قمت السبت الصبح على اساس اروح لمكتب الطيران ابي احجز للعمرة قمت لقيتها بوجهي كانت مغسلة وجهها عن المكياج هنا صابني ذعر من الموقف البنت مو اللي البارح المكياج كان مغيرها 180 درجة مارحت احجز ضاق خلقي بسرعه راحت تمكيجت ولاكن من يخفي الصورة اللي شفتها اللحين انا مو مثلي قبل متضايق متغير عليها على العلم انها تكسر خاطري ولاكني ماقدرت استوعبها او اني اكمل معاها باقي حياتي البنت مافيها من الجمال شي انا انصدمت شلون المكياج يغطي كل هذا فكرت بالطلاق شنو عذري من عائلة محترمة هي محترمة ما اقول فيها شي يعني احترت وودي اتزوج ولاكن علي القرض رحت لأمي قالت انا شفت اللي انت شفت رحت يم ابوي قال مالك غيرها واذا تزوجت لاشوف مرتك عندي بالبيت دورلي حل الله يرحم والدينكم ولاتقولن لي عملية تجميل لأن لاملك التكاليف حالياً ولا اني اكمل معاها ولا اني اطلقها لاتخلوني لأن صارلي يومين انام بالدوانية تنبيه: الحلف بما ذكرت لا يجوز و عليه تم تعديل العنوان |
اخوي الله يكون بعونك والبنت مالها ذنب بس انت لاتبين لها انها مو حلوة وصدقني مع الأيام رح
تتعود عليها بس لا تحس منك بأي شي يجرح احساسها وانت تقول انها محترمة صدقني راح ترتاحلهااا ..فجر.. |
لا حولة ولا قوة الا بالله ...
هاي نتيجة عدم رويتها فتره الملجه ، ما عرف شنو أقول بس البنت بصراحة مالها ذنب حاول انك تقتنع بشكلها ويوم عن يوم ان شاء الله بتتقبل ، ولتنسى تستخير والله يقدم الي فيه الخير ... اللهم حبب قلبه في زوجته ، الهم يسر أمره ... |
يعطيك العافية اختي فجر ابي حل واللي يرحم والدينكم غير الصبر انا لو مامليت من التفكير مالجأت
لا تخلووووووووووني تكفوووووووووون |
لاند كروزر
معليش ممكن أسألك سؤال؟؟؟ ما هو القدر الذي تحمله من الجمال؟؟ وبعدين الحق على أهلك إلي خطبولك بنت مستواها الجمالي قليل؟؟ وبعدين يمكن أخلاقها وصفاتها الثانية تغطي على خلقتها يعني لا تستعجل والله إني أعرف بعض الناس مأخذين ملكات جمال وعايشين معاهم بتعاسه ولما غيروهم بزوجات أقل جمالاً عايشين بسعاده غامرة إنت إحكم على الأخلاق والتصرفات مو على المكياج والكشخه |
يعطيك العافية اخوي محمد
|
انا انصدمت ماني مستوعب لحد الأن انا ماكرهت البنت وراح اكمل بس ابي احل ابوي قال
لاتطلق ولا راح اطلق ولا كن كذا مستحيل انا شقتي ماعاد ادني اجيها اجيها مجاملة |
حط نفسك مكانها
انك انت البنت وهذا قدرك من الله جمالك قليل! وانك مغصوب على الاعراف والتقاليد الرجعيه الجاهله انك ما تشوفها الا ليلة زواجك! حط نفسك انت يا اخي ان زوجتك ما تقبلتك وايضا لوسامتك القليله وش تحب تقول لها؟ وكيف تبي تخليها تتعلق فيك؟ مالك الا الصبر والتعود واللي اعرفه ان البنت بعد ما تتزوج تحلو اصبر بس وخل عنك الاحلام ترى اللي تشوفه في التلفزيون مو صدق والله ياهم يتسمكروووووووون الين يدوخون شف اخلاقها والله يكتب لك مافيه الخير قبل لا انسى بلاش هالاسلوب علي الحرام وعلي الطلاق حرام مايجوز |
ما جاوبت على سؤالاتي
|
اخوي لندكروزر
اخي اهلك ما شافوها قبل !!!! يعني لو انها بشعه لهالدرجة الي تحاول انك توصله لنا كان بين لما اهلك شافوها قبل الملكة اخوي تعوذ من ابليس واذهب للجوهر والروح ووالله العظيم ان الجمال احيانا نقمة اكثر ما هو نعمة اخي ركز على الصفات الانثوية الرقيقة الموجودة في زوجتك فهي تكفيك وفي الاغلب فإن المرأه الغير جميلة تعوض هذه النقص في جمالها بأن تكون اكثر ود وانثوية واكثر اهتمام بالملابس وغير ذلك حتى تعوض هذه النقص. تمنياتي لكما بالتوفيق |
المها الله يعطيك العافية انا انا ما ابغى ملكة جمال ابغاها تكون مقبولة بس
وبعدين امي يوم شافتها كانت متمكيجة وامي مرة كبيرة ماتعرف المكياج والسوالف هذي صفاتها انا مانكر انها طيبة حبيبة ولاكن مافيه قابلية |
خلاص مالك الا الصبر وتدعي الله يحببك فيها
ومع الوقت قلت لك حتحلو صدقني حيتغير شكلها |
والله انته غلطت وتحمل عاد ثمن هلغلطه نحن الحين داخلين عالقرن 21 وفيه ناس تفكر جذي
مثل افغانستان وباكستان مايشوفون البنت عادات غريبه ما انزل الله بها من سلطان صراحه مانصحك اطلق بالفتره هذي على الأقل لاتتسرع صح انها صدمه بس شوتسوي هذا ثمن العادات الجاهليه لازم تدفع ثمنها اتريث قليل لين ماتعرف اسلوبها وشخصيتها يمكن تعجبك وحتى لو خلاص ماقدرت تستحمل ممكن انك تتزوج عليها مش اطلقها شوذنبها هي هذا ذنبك انت واهلها اهل البنت بعد يتحملون ذنب ماخلوك تشوفها وبعد ماخذ قرض الله يكون في عونك صراحه |
السلام عليكم
معقولة اخوي المكياج غير صورتها بشكل جذري يعني المكياج اتصور ممكن يغير الشكل بدرجة من 60 لغاية 70 في المية لكن ما يغير المكياج الشكل بصورة كامله الا اذا كان هذا المكياج غير عادي . بعدين انت ما وضحت في كلامك اذا كنت قد دخلت عليها بصورة شرعية اي جامعتها .. وهل هناك فارق جمالي كبير بينك وبينها مثل أن تكون انت شديد البياض وهي شديدة السمار مثلا .. وهل شكلها ممكن يعتبر مقبول بالنسبة لغيرك وغير مقبول بالنسبة لك . المسألة حساسه جدا لأنك ممكن تتسبب بجرح كبير لها في حالة اصرارك على الفراق اما عن خسارتك المادية فهي امر غير قابل للتعويض حاليا من قبل الزوجة كون الزواج تم فعلا . |
حياك الله حارس وش اقول وش اخلي انا ابيض منها انا لحد الأن افكر المكياج هذا كمبيوتر
صورة ماقبل المكياج وبعد المكياج مثل اختلاف الليل عن النهار |
ياخي أعطي لنفسك فرصة إنك تحبها
|
السلام عليكم ورحمة الله وبركاته.... أخوي أسمح لي أكلمك بصراحـــــــه... أول شئ أنا مستغربه كيف تملك عليها وتصير زوجتك وما تشوفهـــــــــا؟؟؟؟ في ناس يمانعون النظره الشرعيه لكن بعد الملكه بعد!!!!!!!!!!! غير كذا تخيل لو أختك هي مكانها والله خلقها كذا وكان نصيبها مثل زوجتك وزوجها تصرف مثلك نام بالديوانيه من غير مبررات وبعد عنها بدون سبب ع الأقل من وجهة نظرها؟ صحيح موقفك لا تحسد عليها بس هذا نصيبك ما عندك أخت أو حد غير أمك لما راحو يخطبونها؟ ع العموم تخيل يا خوي لا سمح الله لو صابك يوم من الأيام بعيد الشر ضرر غير لك معالم وجهك وصرت بنظرها مو مقبول تتوقع إنها تتركك؟؟؟ يا خوي الدنيا دواره ولا تخلي ذنب البنت برقبتك.. إذا كنت مصر ومو قابل لهالدرجه تعيش معاها ولا صار بينكم شئ من الأفضل الإنفصال وأنتم على البر لا تظلم نفسك ولا تظلمها معك.. ومهما كانت النتيجه صعبه يظل أهون من لما تجيب منها عيال ويروح عمرها مع إنسان ما تقبلها لمجرد شكلها! بصراحه جاوبني معليش أنا كلمتك بهالطريقه لأنك تقول أبغى حل غير الصبر بس البنت فعلا مالها ذنب تراني شفقانه عليها أكثر منك لأنك على طول فكرت تتخلى عنها لأسباب ظاهريه... الله يسعدك ويوفقك لما فيه صلاح لك ولها طمنا عنك أختك دلوو24ووعه |
الله يعينك اخوي ,,,
طبعا موقف صعب ... والدين امر بالرؤيه الشرعيه لان النظره لها دور كبير في الرفض والقبول بين الطرفين يعني من نظره .. تحس اذا تناسبك اولا وانت انحرمت من هذا الحق بدعوى العادات والتقاليد!! على العموم الفاس الحين خلاص وقعت في الراس وياما ناس ما اعطاهم الله جزء من الجمال وعايشين بسعاده وفيه قصه قديمه من قصص العرب ان رجلا تزوج امراه قبيحه ... بل شديده القبح وصار يعاملها بازدراء وخشونه بس هي كانت اخلاقها رفيعه .. ولا عمرها ردت عليه بالعكس لما يرجع يحصل غداه جاهز وبيته نظيف .. ومرت السنوات وما كان بينهم من الكلام الزين بس هي صابره وفي يوم كانت مريضه جدا وزوجها امراها ان تطعم الحصان ولم تقدر لشده مرضها وعندما عاد الزوج سالها هل اطعمتى الحصان فاجابت نعم!! حتى لا تغظبه وياكل عشاءه وهو مرتاح وعندما اطمئنت لنومه اخذت تجر اقدامها لتطعم الحصان فشعر بها زوجها فصوب بندقيته فقتلها.. وهو لا يدري انها زوجته المهم بعد ان ماتت الزوجه .. اخذ الزوج يندب حظه ويقال انه فقد عقله ... لانه عرفه اخيرا انه كان في نعمه وما رعاها حق رعايتها ... وندم كثيرا على اساءته لها المغزى من القصه يا اخى وعذرا للاطاله ان الجمال مهم في حياتنا ولكنه ليس كل شي ... كل شي ينتهى ويندثر وتبقى الاخلاق .... هي التى لا تتغير كالذهب ... قد نجد اكسسوارات مبهرجه ومزينه تخطف الانظار ... ولكنها سرعان ما تتغير وتنكسر بينما الذهب حتى وان كان تقليدي... فان قيمته لا تتغير صلي استخاره وارجع الى الله ... وهذه حياتك ما حد راح يجبرك عليها ... بس تذكر لا تظلم البنت .... ترى الظلم ظلمات يوم القيامه |
نقطة نظاااااااااااااام
انا اطالب كل بنت يتقدم لها واحد ان تشترط الشوفه الشرعيه اذا رجاجيل هالزمن مو قادرين يرفعون صوتهم ويطالبون بحقهم فانتوا يا بنات طالبوا فيه صارت حتى الشوفه الشرعيه نحن ندفع ثمنها!!!!!!!!!!!!!!!!! والله الغلطه غلطتك وغلطة اهلك والبنت مالها ذنب وان طلقتها او عاملتها بقسوه فانت المذنب امام الله يا اخوي وعسى ان تكرهوا شيئا وهو خير لكم انت لحقت تشوف منها شي؟! عط البنت فرصه !!!!!!!!!!!! |
خل عنك العبط وحركات المراهقين
تبي تطلق عشان شكلها مو حلو .؟؟ احمد الله ع الصحة بس |
شوي شوي ع الادمي ماجا الا يستشير ماجا يتهزأ الله يهدينا واياكم
|
الاخ الكريم لندكروز بعد التحية والاحترام... اولا ادعو الله لك ولزوجتك بالتوفيق.... لماذا كل هذا؟؟ الاتعلم بأن الجمال زائل؟؟ وان جمال الروح هو الذي سيجعلك تحبها وربما تعشقها الاترى المجتمعات الغربية ؟ فترى الابيض مع سوداء وهو يعشقها ويهيم بها انتظر قليلا...وفكر مجددا....انظر اليها بمنظار اخر... فكل امرأة جميلة ولكن هناك من تعرف كيف تبرز ماوهبها الله من جمال...واخرى لاتعرف والجمال يتعدد فأن لم تكن جميلة الوجة فهي جميلة الشعر، وان لم تكن كذالك فهي جميلة الجسد، وان لم تكن فلا بد ان يكون الواهب عز وجل وهبها بااجمل جمال يتمناة انسان وهو جمال الروح بالتوفيق ان شاء الله تنبيه/ (إن شاء الله) لفظ المشيئة و لفظ الجلالة يكتب كما هو مبين بين القوسين بارك الله فيك .. |
اخي لاندكروزر انت متاثر بالي تشوفه بالتلفزيون ترى كله مكياج وترى مافي مرة ماهي جميلة بس الي يعرف يظهر جماله والي مايعرف مع العشرة بتتعود عليها
الي كاسر خاطري زوجتك مسكينه ماتدري عنك الله يعينها |
يا أخي ارفق بنفسك
وأعطي نفسك واعطي زوجتك فرصة فلربما ولدت المودة بينكم وصارت في عينك اجمل نساء الكون لا تستعجل وتظلم بنت الناس |
اولا مبارك زواجكم >>> ولا ماتبينا نباارك؟؟ بارك الله لكما وبارك عليكما وجمع بينكما في خير :) يااخي اللي راح راح ومانبي نقول المفروض انك تسوي كذا وكذا قدر الله وماشاء فعل والحمد لله على كل حال ابحث عن الجوانب الحسنة في زوجتك لاتقول مافي!! طيب عطها فرصة شوف تعاملها !! جمال الشكل بيزوول وجمال الشخصية يبقى فكن واقعيا!! مرة قريت قصة واحد نفس ظروووووفك وانت ارحم فاحمد ربك المهم أخينا في الله تزوج وحدة عييييييب وفري جيب عندهم الشووفة وياويل بس اللي يفتح فمه يطالب فيها مرت الأيام والشهور وجاء يوم العرس ويوم دخل عليها تقبل شكلها لأنها كانت حاطة مكياج!! يوم اصبح اظلمت الدنيا بوجهه!!!!! يقول والله القرد ازين منها من شدة بشاعتها !!!! ((يعني انت احمد ربك تقول مافيها جمال (مع اني اشك في كلامك :( ) بس مو لدرجة البشااااعه وكانت حييل سمراء حييل!! ويقول مااقدر اطل بوجها بس قلت في نفسي انا ماقدر اتحنمل لو ثواني اطل بووجها وجسمها الغير متناسق والشحوم اللي متكتله وان طلقتها بيظلمها المجتمع!! ويقولون اكيد فيها بلا ولا ليش طلقها وبتعنس طول عمرها والسبب انا حرام هي وش ذنبها وميزانيتي ماتسمح اني اتزوج ثانيه!! المهم تحممممل وصبر على الأيام الأولى كانت من اسوء ايام حياته اللي المفروض كأي عريس انها تكون العكس اسعد الأيام !! ويوم شاف صلاحها واهتمامها فيه مع انه كان يصد عنها وينعزل لحاله :( !! صبرت هي ومرة لقاها جالسة تبكي وهي مو دارية انه يراقبها وقتها حزت بقلبه وقعد يلوم نفسة ويعاتبها ومن وقتها حاول يتقرب منها يقول طلعت حنووووووونه وطيبه وربي نساني شكلها البشع يقول والله اني الآآن اشوفها ملكت جمال ومااقدر استغني لو ثانيه عنها فالحمد لله اللي هداه ومااتسرع فيا اخوي لاتدكروزر ترى اغلب اللي تشوفهم بالفضائءيات ماطلعت الا بعد عمليات تجميل ومكيااااج لو تشوفهن قبل غير تحسبهن عجاااايز وشكلك متأثر فيهن واحمد ربك اللي رزقك ببنية محترمه ومستقيمه مو حقة صياعة وقلة ادب وكاهي الحين متحملتك وصابرة عليك وعلى جرحك لمشاعرها ولاتحسبها مو حاسة فيك لا وربي حاااسة بس هي اصيلة و بنت ناس متحملتك!! خصوصا انك تقول انك منعزل عنها تكفى ياخوي لا تجرح مشاعرها الله خلقها كذا تجي انت تعترض؟؟!! قسم بالله لو تشوف موضوعك كان تركتك للأبد!!! وحتطيييييح من عينها وبقووه ولا اندمت اشد الندم انها وافقت عليك!! عني إن ماكانت الحين جالسة بلحالها وتبكي :( تعوذ من الشيطان ورح لزوجتك!! فتح عيونك زين اقتبس اليك هذه التأملات في آية عظيمة تأملات قرآنية ( وعسى أن تكرهوا شيئا وهو خير لكم ) (((قاعدة عظيمة في بيان قضية المصالح والمفاسد فتقدير الله تعالى للإنسان كله خير ومن عقيدتنا أن الله جل وعلا لا يخلق شراً محضاً لا خير فيه بل هو وإن كان شراً في صورته إلا أنه يتضمن كثيراً من الخير لذلك كان من دعائه عليه الصلاة والسلام ( والشر ليس إليك ) فكم من محنة كانت في حقيقتها منحة وكم من بلاء تجلى بعد ذلك عن نعماء لذلك ختم الله الآية بقوله ( والله يعلم وأنتم لا تعلمون ) سورة البقرة . ربَّ أمـرٍ تـتـقيـه *** جـرَّ أمـراً تـرتضـيه خـفي المحـبوب منـه *** وبـدا المكـروه فيــه))) وفقكم الله لكل خير امول |
والله مالومك
ياخوي هل مكياج خدعه كبيره |
اقتباس:
زوجتك مشوهه أم غير جميلة فقط؟؟ |
يمكن هي جمالها مقبول بس إنت يا لاند كنت حاط ببالك مادلين مونرو
لا تزعل يا أخي من كلامي بس و الله البنت ما لها ذنب ويا أخي ليش ما طالبت بالرؤية الشرعية ؟ و أمك و خواتك ما وصفوها لك لمن شافوها ؟ طول بالك عالبنية و لا تحط ببالك إنها شنعة و ما اقدر أعيش معاها حاول تغير أفكارك عنها الله ييسر أموركم و يوفقكم |
الله يهدي سرك ..
لا مابنقولك عمليات ماعمليات .. لكن نقولك العشره والتودد راح يولد الحب اللي مايعرف لاجمال ولا غيره .. او حتى يولد التعود او الموده |
زين انها بالمكياج تصير حلوة
يعني اغلب احتمال ان بشرتها ليست جميلة وملامحها جميلة والا المكياج صحيح يغير الناس لكن مابيخلي جيكرة فاتنة وواضح ان جسمها جميل بدليل ان تعليقك فقط على وجهها اذا على البشرة مقدور عليها تعالجها وتخف النقاط اللي تنتقدها منها واحمد ربك غيرها حتى بالمكياج لو ايش تسوي ماتصير حلوة وانت ماقلت لامك انك تبي جمال رباني |
ياهلا ..
يا اخي اصبر عليها .. مصيرك راح تتعود علي شكلها و تحب اخلاقها و بعدين ما راح تستغني عنها .. و عسى ان تكرهوا شيئا وهو خيرا لكم .. وربي يسعدك .. أميرات .. |
طب يا أخي
حضرتك كيف شكلك مقبول شئ يعني لو كان شكلك اكثر من المقبول كان امك خطبت الك ملكة جمال اوربا بس شو نسوي بالقسمة احمد ربك واعط البنت فرصة لتتأقلم معك يمكن هي مصبرة حالها ع قسمتها كمان وكاتمة :18: ولا تبين لها نفورك :29: :29: بيقل المثل لاقيني ولا تعشيني والف مبروك عقبال ما تبشرنا بحمل المصونة حرمتك ام وليد |
امسك عليك زوجك و اتق الله
كيف تروح تقول لامك و ابوك انه البنت مب حلوه؟!!! أصبر شوي! يمكن مع الوقت تحبها و تصير ام عيالك شو بيكون موقفك اذا حد قالها عن رده فعلك و رايك فيها بعد ليله العرس؟ انا ما الومك على رده فعلك انا الومك على التسرع |
الله يعطيكم العافية بصراحة والله العضيم ماتوقعت الصدى هذا كلة
ولا ماتوقعت كلامكم راح يأثر فيني ولكن والله بصميم القلب اثر فيني انتابني شعور اللحين مدري شنو بس اوعدكم اني راح احل المشكلة بعيداً عن الحلوول التقليدية و إن شاء الله راح تسمعون اخبار تسركم واشكركم من كل قلبي والله يعطيكم الف الف الف الف الف الف الف عافية وانتظروووو الاخبار السعيدة تقبلو تحيات اخيكم المحب دائماً..............لندكروزر وعلى فكرة اللي ضايقني بكلامة لا يحسب اني زعلان والله يعطية الف عافية (إن شاء الله) تكتب هكذا بارك الله فيك .. |
المشكله في ملامحها ولا بشرتها؟؟
اذا كانت المشكله في البشره فمحلوله وبعدين الله يهديك اجمل جميلات العالم يغيرو 180 لا شالو المكياج يعني هي بمكياج حلوه؟؟ومن غير مكياج لا؟؟معقوله انها فنانه بالمكياج لهدرجه؟؟ ايش الي مو عاجبك فيها؟؟ملامحها ولا بشرتها؟ |
تبي الحل أخوى
سلمك الله يبغى لك خيزرانة موضوعة في موية يوم كامل, وبعدها تأخذ جرعة مسائية وجرعة صباحية إلى ما تعقل وتصير رجل. إذا كل واحد بسوي مثلك وإذا البنات ما تزوجت إلا شخص كامل 100% كان محد تزوج.. الحياة تقوم بالمجمل على العشرة والمودة مو الجمال. تعوذ من أبلييس وأعقل... |
يداك أوكتا وفوك نفخ ..
أنت الجاني على نفسك , ويجب أن تتحمل ما يأتيك ولا تحمل بنت الناس ما ليس له فيها شي , فأنت من رضيت أن تكون كبش فداء , لكنك لهاثك خلف الزواج أطار عقلك , وأنساك فكرك , هذا وأنت رجل |
للأسف العضاء تعاطفوا معاها أكثر من تعاطفهم معاك ..
وهذا دليل ان الدنيا لسة بخير .. |
اخوي ..
وعسى أن تكرهوا شيئاً وهو خيرٌ لكم وعسى أن تحبّوا شيئاً وهو شرٌّ لكم اصبر وان الله مع الصابرين ياخي هذا نصيبك يمكن ها الشي خير لك يمكن هيه اتكووون احسن وحده من بين الف وحده من الجميلات ... الأخلاق والدين والنسب انا حاسه بشعورك وفاهمه وضعك لاكن لاحول ولاقووه حاااول اتحبها ... شوفها من ايجابيتها وليس من سلبيتها .. حاول ياخوووي ها الدنيا تعلمك واايد اشياء الجمال جمال الروووووووووح وليس الشكل ... وبعدين ياخي والله حرام عليك هيه شو ذنبها انها اتكون منبووذه منك وبعدين قبل كل شي هاي خلقة الله تعالي ... ولزم اتكوون راضي يعني الحل انك تصبر ع الأقل شهووور اتحمل وبتشوووف النتايج ... والله ولي التوفيق... |
لا حول ولاقوة الا بالله
اهم شي تعرف ان مالها ذنب وعاملها بمايرضي الله وتأكد انك لن تعرفها وتحبها حتى تعاشرها فاصبر واحكم واعط نفسك الفرصه والاهم اذهبوا للعمرة كما كنت تريد ربما يألف الله قلوبكم |
| الساعة الآن 06:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©