|
يوم الشوفه الشرعيه العروس تبكي مالحل؟
السلام عليكم ورحمة الله وبركاتة .. أسعد الله جميع أوقاتكم أببدأ بالمضوع على طول! قبل كم يوم وأنا جالس بالإستراحة جاني أعز اصدقائي وجهه متغير وحالتة حالة ومتكدر وشفيك وآخذه برئ الاستراحة وشكى لي وضعه وتوهقت أنا ما أدري وش آقوله قلت ابكتب الموضوع هنا عساكم تشوفون له دبره .. يقول أنه خطب قبل كم شهر ورحبو فيه والولد اخلاقة عالية وفي وظيفه زيييينه وبعد كم أسبوع من الخطوبة راح لم أهل الخطيبة وأخذ معه هدايآ لخطيبتة وقال يبي يشوفهآ (النظرة الشرعية) , وبعد نصف ساعة خشت علية خطيبتة وأمها وكانت مستحية وبعد ماجلست البنت قامت تـبـكي والولد صار في موقف لايحسد علية . بعدهآ أستأذن وطلع وكانت أخلاقة قافلة وراح بيتهم وسأل أمه وأختة قالو له البنت تستحي بشكل غير طبيعي.. وهو الحين وسوس يقول يمكن البنت يوم تبكي ماتبيني ووضعه مرة متأزم ويكسر الخاطر ولايدري وش يسوي .. اللي عنده حل لايبخل علينا.. وسلامتكم.. الاشراف: تم تعديل العنوان ليناسب النص |
اذا عجبته ودخلت قلبه
فليأخذ رقم جوالها ويكلمها بكل صراحه لماذا تبكي وما السبب ولا يستعجل ويهدم خطبته يمكن البنت مستحيه أو فيها شيء ثاني لازم يتأكد منها شخصيا بالجوال وفقه الله |
اقتباس:
هلا أخوي يقول أن البنت عاجبته وان اهلة هم اللي مختارين البنت ولافيهآ اي شئ |
السلام عليكم
الله ييسر امره ويسخرله ويفرج همه طيب ممكن يسأل اهلها بكل هدوء لحظه كيف نوعيه البكاء؟؟؟ دموع ناعمه وبرئيه؟؟ ولا دموع الم وقهر ومبين انها مغصوبه او شي لاسمح الله |
وآلله شي يحير
لكن تقدر تقوله يكلم وآلدته آو آخته وتروح لبيت خطيبته وتآخذهآ بآنفرآد وتسألهآ تقول آنتي تبكين يعني مغصوبه على آخووي .. ولآ منحرجـه منه وآلبنت بتقول آلحقيـقـه .. لأنهآ من آهل آلعرووس ومآتقدر تخبي شي لانهآ مآرآح تخآف منهم وآلبنت آذآ مآتبي آلولد آو مغصوووبـه عليـه آكيد بتقوول لأهل آلولد هذ1 آلحل آلي بيريحه آن شآءللـــه ..00.. |
انا بكيت
بس بعد ما طلعت من عنده ايوه من الخجل ياخويا تبكي معناتها ماشاء الله لم تتعرض في حياتها لرجل الا من اهلها ومن محارمها خله بس يتأكد من انها موافقه ويتوكل على الله البنت مافيها شي ومو مغصوبه عليه ولا شي خجل في خجل وبس بشرنا |
وعليكم السلام مبروك .. :14: الله يوفقه يارب ويجمع بينهم على خير ربي يحفظه لا داعي للقلق ولا يوسوس ويقول ماتبيني او مغصوبه علي او مجبورة على الزواج إلخ بعض البنيات تبكي من الخجل والبعض تبكي من الفرح وايضا فيه اسباب للبكاء خاصه بكل بنت وتشعر بمشاعر واحاسيس تجبرها على البكاء ! الله معك |
لو ماتبيه كان ارفضوه من الأساس , وبعدين مافيها شي تبكي من الخجل ماتدري وش تسوي
صديقتي قالت لزوجها يوم النظرة الشرعية ( مابيك) ومع ذلك غيرت رايها بعدين وهذي هي ماشاء الله معاه مبسوطة وسعيدة . |
شوف لإقلك شئ
في نساء هن هيك بس يفرحوا يبكوا يزعلوا يبكوا:29: اذا ما كان البكا بألم وقهر الاكيد هي من النوع الي يبكي من غير سبب كما تفضلو اخواتي قبلي يبعث امه او اخته ولا توصي حريص بيجيبو القرار الصح :d الله يبارك له والله يرزقك كمان انت أم وليد |
الله يوفقه ويكتب له الخير
بصراحه غريبه انا اعرف البنت تخاف لكن تبكي مادري شي جديد وماراح ازيد على الي قالوه اخواتي لكن انصحه لايجلس على عماه ياايتصرف يكلم اخته وهي اكيد بتحاول تقرب الموضوع اتوقع مو مثل الوالده امكن البنت تنحرج منها او اذا قدر يكلمها يتأكد من موافقتها .... وبالتوفيق اخوي تحيتي |
الله ييسر الي فيه الخير ،،
|
مساء الخير أخوي مجنون
عزيزي البنت مافيها شئ غير انها تستحي وأضمن لك ان شاء الله وبصراحه انا لو مكانها اسوي اكثر من كده لأنه شاب ومايدري شعور لبنت في لحظه مثل هاللحظه خوفها وقلقها وحياها وربكة الموقف تطلع بالنهاية دموع الله يوفقه ويسعدهم ان شاء الله ويوفق كل المقبلين على الزواج ويسعدهم إن شاء الله اختك عروس جده |
ياحليلها تبكي؟!
الحل الوحيد يسألون اهلها ولااخته تكلم العروس مباشرة وتسألها الله يوفقهم |
السلام عليكم ورحمة الله وبركاته
أخي الكريم الدموع تخرج عندما تكون المشاعر فائضة يعني حزن شديد فرح شديد خجل شديد وهكذا فأعتقدت إنه أمر طبيعي وإن البنت خجولة بزيادة وتترجمت تلك المشاعر بالدموع ولكن يتأكد بأن تسأل أختك أفضل وأسأل ربي أن يوفقه وأن يتمم أموره على خير يااارب |
السلام عليكم
البكاء له مليون سبب وسبب لكن وش نوع البكاء بحرقه ولابس دموع تنزل ؟؟؟!!!!! وانصحه يحاول يكلم البنت او يشوفها مره ثانيه ولا يدخل احد بينهم من الان والله اعرف واحد يتعذب هو وزوجته للحين لانه دخل امه واخته هو المسكين يحب بنت خالته وهي كمان وامه واخته رافضات ويبونه يرغمون الولد على وحده ثانيه عشان اخو الثانيه يتزوج اخت الولد المسكين وفعلا كان يرسلهم لبنت خالته عده مرات ويرجعن يقولون له البنت ماتبيك وتشوفك مثل اخوها وهو المسكين تحطم وقبل بالبنت الي اقترحتها امه له وتزوجها واخته تزوجت اخوها. الان الاخت مرتاحه لكنه هو وزوجته وبنت خالته مو مرتاحين ابدا. اخوي الافضل لصديقك دام انه دخل من الباب وخطبها وشافها ومرتاح لها انه التعامل من الان يكون بينهم الاثنين فقط والله يجمع بينهم ويوفقهم ويسعدهم |
زميلتي يوم شوفتها تقول جلست تبكي من كثر الخجل و الحياء :d
|
خليه يطمن
اتوقع من كثر الحيااااااااااااااااااا |
كلام رجل فوق العادة جدا منطقي وطبيعي انها تبكي والله يوفقه بس على فكرة ام البنت ليه جايه مع بنتها مايجوز يشوفها رجل غريب
|
الله يعينه
بس انا من شووري يخلي اخته تكلمها وتسأل البنت بكل صراحه هل هي مجبوره عليه ..واذا كان انها مجبوره يتوكل على الله ويفسخ خطبته وان كان المسأله مسألة حيا فخله يتوكل ويتم عرسه والله يوفقه... |
والله ياخي إذا الرجل يسال واحد عن الشوفة الشرعية فالبنات من كثر ما يخافون من الشوفة يسالون مئة، وانت تعرف كيف البنات يكبرون الموضوع.
وبصراحة البنات عاطفيات وحساسات كثير ولو انهم غير ذلك لما قال رسول الهدى ( رفقا بالقوارير ) ولا تظن ان دمعه البنت لها سبب !!! قد تبكي البنت لمجرد انها طفشانه ومحد اتصل فيها مثلا هههههههه فما بالك بشوفة شرعية، اخي قل لصاحبك لا يحزن وعليه ان يكلم عمه ويقوله بس ( عسى ماشر ؟؟ ليش البنت بكت !! عسى ما سويت شيء ازعجها؟! ) وتمنياتي لك بالتوفيق |
رايي انها يطلب شوفه شرعية ثانية
ويسلها قدام اهلها هل هي موافقة عليه والا مغصوبة والا وش فيها ما انصحك بالجوال لازم قدام اهلها عشان لا يجي بعدين وتقلب كلامها هذا زواج مب لعبة اللي يبون الزواج ماحد جاهم اللي جاهم يبكون <<<< وش تبي ذي؟ |
ياحليله خويك قله يريح نفسة واذا خذ اسبوع من بعد الشوفة يصلي استخارة واذا حاس انه مايل لها ابد يدق على جوال ابوها ويقول لهم تراي راغب البنت وان شاء الله ابتصل عليك او تتصل علي نحدد يوم الملكة وبس ويقفل على الموضوع وعني انه بينبسط واذا حدد الزواج الله لا يهينه يعزمني علشان اجي ابارك له :d
|
^^ ^ الله يحييك زواجه في قصر القلعه :d الله يعطيكم العافيه جميعاً والله يجزاكم خير .. |
| الساعة الآن 07:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©