|
تعبثي بشعري يقلقني !
عندي مشكلة من وانا بالمتوسط الى الحين وانا عمري 29 سنة مشكلة ذابحتني انا كثيرة العناية بشعري واشتري اغلى الشامبوات من افضل الصالونات والمراكز واخذ فيتامينات خاصة للشعر ووايد اهتم بشعري وارتبه واقصه بس مشكلتي ان دايما ايدي تلعب بشعري هالحركة تحسسني بالراحة وبنفس الوقت بتأنيب الضمير لما اشوف شعري يتساقط ويدهن بسرعة من كثر اللعب فيه فأنا دايما الف شعري على اصابعي او اذا لقيت شعرة مو وايد ناعمة ومتأثرة من حرارة السشوار اقطعها واذا لقيت شعرة بيضة اقطعها ودايما ايدي في شعري العب فيه بكل وقت جدام التلفزيون وقت النوم اذا قاعده اقرا شي وبكل وقت قبل الزواج كانت امي تضربني على ايدي الحين زوجي دايما يقولي وينصحني اني اترك هالحركة او يسحب ايدي من شعري بس هم مو قادرة اهد هالحركة . . يمكن اللي يقرا الموضوع يقول الموضوع ما يسوى او تافهة بس والله المشكلة بالنسبة لي صعبة ومو قادرة اهدها مثل عادة الطفل بمص صبعه وصعوبة تركه لصبعة لاني قاعده امر ابهالمشكلة بعد مع بنتي . . والمشكلة ان للعب بالشعر اثاراه السلبية ... ما ادري شسوي ؟؟ الإشراف : تعديل العنوان . |
تصدقين انا صادتني مثل حالتج..
اذا اجوف شعرة مو ناعمة سيده امقعها.. بس ذي الحركة كلش موزينة!! فإبتعدت عنها نهائيا عقب ما جفت أضرارها.. وأختي تسوي حركتج الثانية.. ان يدها كله في شعرها.. ولا تيي فترة الإمتحانات.. أوووووووووووووووووه شعرها يعاني من اللعب فيه!! بس يا اختي لازم يكون عندج اراده انج تتركين هالعادة وبتتركينها.. أنا متأكدة!!! |
أختي أنا اعاني سابقا من نفس المشكله.. لكن الحمد لله بعدت عنها لما حسيت بأضرارها.. تحلي بالأراده والأفضل حطي صورة وحده صلعه قدام المرايه عشان تبطلي هالحركه:d أختك دلوو24ووعه |
السلام عليكم
أختي خلي شعرج دائم مربوط ؟ |
نقل للمراءه والا زياء
|
انا حاسه فيكِ لانه وحده من خوات كذا! واحيانا معها المقص تقص في اطرافه او تدور شعره معينه وتقصها إذا حست انها اطرافها متقصفه ! عجزت اقنعها تترك هالعاده ولها شهورررر
افضل شيء انك تلفين شعرك بشباصه وممكن ايضا تلبسين طوق يلم شعرك الامامي عشان مايكون فيه فرصه لك للعبث واللعب بشعرك وعلى فكره كثر تمشيط الشعر او لمسه وحك الفروة يدهن الشعر اختك الله معك |
ابد تحكين قصتي هههههههههه ..حتى انا مو لاقيه حل
|
مساء الخيرات بنت اخوي عنده نفس المشكلة
وتزيد في الامتحانات وشعرها قرب يصير اصلع من كثر القطع قال لها الدكتور الحل تغطي شعرها فترة حتى تنسى العاده هاذي وسلامتــــــــــــــــــــــــــــــــــــــــــــ ـــــــــــك . |
وانا بعد اعاني من هالمشكلة 24 ساعة يدي بشعري حتى اهلي وزوجي صاروا يقلدوني ويضحكون :)
|
اقتباس:
حلللللللللللللللللللللللللوه الفكره :d :d :d شكلي بسويها وان شاء الله تنفع حتى انا يدي في شعري طول الوقت وشعري على الأرض يطيح وسببت لأبوي إحراج ((مره من المرات ..أبوي رايح البنك ..يقول جيت اعدل شماغي من عند المرزام إلا وذيك الشعره اللي نازلتن على عيني ..يقول يارجال وش جيب هذي الشعره ويطالع يمين شمال:11: ويقوم يسحبها ) أثراه يوم حط شماغه فوق الكنب ..نشبت شعره من شعراتي في شماااااااغه ههههه:d وكل مايشوف يدي على شعري يهاوشني :mad: يقولي شيلي يدك من شعرك بتقرعين هههههه وشكرا للأخوات أتمنى من الحلوين ..يعطوننا أفكار عشان نبطل هذي الحركه |
انا هالحاله تجيني.. وقت الامتحانات .. واذا كنت قلقانه من موضوع او افكر....
وكل ما شفتني امي تضربني على ايدي.. وصارت تربط شعري عشان ما اسويهاااا.... بس ما فاد شي... الله المستعآآآآآآآآآآآن .... ربي يعينك اختي ... تحيتي لكِ |
اوه اوه اوه ما توقعت ان وايد غيري يعانون نفس المشكلة وسالفة اني اربط شعري ما اقدر لانه قصير وما احب اربطه طافكم امس زوجي شنو سوى فيني :) عيز يقولي هدي شعرج هدي شعرج وكل شوي اقول له بعد شوي انزين بعد شوي ولا اكو فايدة جان ياخذ جيس النايلون الخاص بالمصبغة اللي يغلفون فيهم الملابس ولف الجيس على ايدي الأثنين خلاني اموت من الضحك صج والله الحركة صارت ادمان يقولي شالفايدة تستعملين اغلى الشامبوات والمستحضرات والفيتامينات للشعر وبالمقابل انتي تلعبين فيه ابهالطريقة المشكلة يحلى اللعب لما يكون في بالي شي |
اربطى شعرك فتره بايشارب ومع الوقت حتى لو نزعتى الايشارب سوف تلاحظى انك ترك هذه العاده
|
ههههههههه
طلعنا مجتمع كامل يعاني من هالمشكلة انا من وانا صغيرة للحين فيني هالطبع حتى اخوي فيه الطبع هذا مع عادة مص الاصبع وللحين ماتبت ادا طقوني على يدي عن مص الصبع احول يدي على شعري :d خلاص مسكين تنف راح فيها شعري والقشرة مكملة عليه من جد مشكلة حتى يطيح في يدي وكنت ازيد ايام الامتحانات والتفكير او وقت ماشوف التلفزيون وكانت عادة بس الحين انا اتعمد اسوي فيه جذيه وهاملته بدرجة فضيعة حتى مامشطه اغسله واطلع من الحمام اربطه يوم ثاني او يوم ثالث ادا جيت اغسله افتحه بالزووور يفتل واغسله وهكذا قليل ادا تكرمت ومشطته علشان يخليني ريلي اقصه وكانت مشكلة عويصة عندي اول ماتزوجت لازم اتمشط وعدله وخفت نعومته وصار يدهن وايد مع انه ناعم وايد ومع قلة الاهتمام هذا وبعد يطول قااااهرني :19: وكنت اقصه قبل لا اتزوج بس 6 اشهر ويطول الى النصف مايكمل سنة او سنه ونص الا ورجع طوله الاول وامي تعصب وصارت تحلفني على القرآن ماقصه قلت بتزوج وبقصه على راحتي وطلع ريلي مثلها مايرضى اقصه وانا مليت من الطوووووويل ابي استانس بالقصير واغير شوي ابدا مافي امل سويت هاي لايت وانعدم اكثر وتقصف يقول انتي ماتستاهلينه شعرج هذا عطيني شعرة واحده ازرعها في شعري من شعرج يتمسخر علي يقول بنحط لج هدية بشعرج علشان تمشطينه وتطلعينها وعلسان ماتلفين فيه مايصير تكون حالة نفسية ؟؟!! ومن جد شنو الحل سريري امتلى شعر ؟ |
اربطي شعرك ... او لفيه بكلبه .... وان شاء الله تزول هالحاله
انا تجيني بس ايام الامتحانات .... بس وبعد كذا تروح |
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©