محتار في أمر زوجتي !!
 

السلام عليكم ورحمة والله وبركااته


كيفكم يا اعضااء المنتدى الرائع ...؟


بدخل في الموضوع على طول ...

مشكلتي مع زوجتي , انا مملك من تقريبا 8 شهور .. وبعد 3 شهور باذن الله سيتم الزواج .. والامور والحمد لله عاال العاال .. ولكن من فتره حسيت ان زوجتي بدأت بالتغير من ناحيه الاهتمام بي والسؤال عني .. يعني يوم اكلمها بالفون احس انها مضايجه وما تبي تكلمني ... وانا متعود اكلمها يوميا .. واذا ما كلمتها او سألت عنها بمسج تزعل مني وتضايج ... انا قلت يمكن لان موعد الزواج صار قريب هي خايفه او اي شي .. ما ادري بالضبط شو هي المشكله .. وصرت اضايج من هالشي وانا فكرت اصارحها بهالشي ولكني خايف تهتم فيني وتسأل عني لكن بس عشان اسكت يعني مو من قلبها ... والله محتار ومب عارف شو اسوي !!!
مممممممم وانا فكرت ابتعد عنها فتره ما اكلمها يمكن تشتاااق لي اكثر .. بس ما عندي اي عذر عشان ما اكلمها ويمكن هي تفهم الموضوع غلط اذا قلت لها ما بنكلم بعض لفتره !!!!!!!!!


ساااااعدوووووني جزاكم الله خيرااااا

الله يحنن قلبها عليك ،،
معليش يمكن اتمر في ظروف اعذرها ،،

بختصار مفيييييييد .. ياخي لاتهتم من الطبيعي ان مزاج أكثر النساء يتغير بسبب العاده الشهريه وتسمى ( الدورة ) ... وبيني وبينك من البدايه أنت غلطت ياخي تملكت عليها قبل يوم الزواج بفترة طويله جداً ... ولاتقعد تقول هذي عوايدنا وهذي طبايعنا ياااااااخي وهذا رأيي الشخصي

وخلك بعيد حبك يزيد والثقل زييييييييييين بس بالهدااااااوة شوي شوي لاتمسخها لأ خلك ذكي ياحلو

والله ردودكم ع العين والرااس وتسلموووووووو وما قصرتوا معااي

المشكله انها ما بتتفهم غيابي عنها يوم واحد حتى اذا قلت لها الف حجه ... والحمد لله انا متأكد من حبها لي .. لكني من النوع اللي احب ان زوجتي تهتم فيني ... ومب عارف كيف اتصرف بهالحاله

وبالنسبه لطول فتره الملكه فهي بسبب خارج سيطرتي .. ظروف خاصه يعني ...

عااد كله ولا المصارحه لانها من النووع الكتووووووم يعني مهما حاااااااااولت معاهاا ما بتقول شي او انها بتقول مافيني شي ... طبعا هالعاده ابدا مب عاجبتني فيهاااا ... وطبعاا انا احاول افهم منها بطريقه غير مبااشرة لي ما اوصل للموضوع اللي ابغيه ... لكن هالمره بحااول معاها وان شااء الله خير



شكراااااااااااا

يا اخي داوها بالتي كانت هي الداء .. المثل بالمثل

والمملوك مملول .. واركد ترى قيمة الرجل في شخصيته

وركادته يعطى الرجل جاذبية لزوجته ولأهلها ..

جزاااكم الله كل خير ان شااء الله ...


مشكوورين على ردودكم وتفاعلكم للموضوع ... وانا خذيت بكلامكم وان شااء الله خير



شكراا

السلام عليكم,,,
حبيت ارد على موضوعك يا أخ محتار وأول مره أرد على موضوع لاني مريت بنفس الشي


انا متزوجه من عدة سنوات والحمدلله حياتي الزوجية عال العال ومن الأفضل للأفضل ان شاء الله
يوم يتقدم لي زوجي كنت موافقه عليه وراضيه عنه ومعجبه فيه خاصة ان فيه صلة قرابه بيني وبينه
بس كنت متخوفه من الحياة الزوجيه وخايفه ان يكون فيه مشاكل او مانكون متفاهمين وانا نفس خطيبتك
الله يعظم اجر زوجي الغالي واجرك كتومه واخاف ان فيه شي فيني موب عاجبه فيني وكنت استحي مره من زوجي وراح الان تسعين بالميه من الحيا الي ماتوقعت انه يروح ربعه وكنت احب اسمع مدح منه وانبسط كثير يمكن ماكان واضح علي من زود الحيا ويضيق صدري لاني ما اوضح له بس والله غصب عني والله يعلم وش كثر كانت ضيقة الصدر عندي لاني ما اقوله الي في خاطري بس والله كله من هالحيا الي خرب علي ذيك الايام ولا كان اي احد يدري عنها ولا اعز الناس واقرب الناس مني لا امي ولا اختي ولا صديقتي
وكنت احس بالمدح اذا كان عاجبه من قلب او كان يجامل لاني احسه احيانا متضايق مني بس ما اقدر اقوله شي او اصارحه
وكان يكلمني الله لايحرمني منه يوميا بالساعه والساعتين والثلاث ومره قالي وش رايك نخلي المكالمه يوم ورا يوم يعني يوم يكلم ويوم ما يكلم تدري وش رديت عليه قلت له اوكي مو اني عادي عندي وكله سوا لا والله الا ضاق صدري وما حبيت افرض نفسي عليه
والله عالم بكثر فرحتي اذا دق علي وش كثر اكون فرحانه اكثر اذا حسيت بصوته انه مبسوط انه يكلمني ومشتاق لي
بس الحمدلله بعد الزواج ما ادري راح الحيا وانزاحت الضيقه الي كانت على صدري ومن جد ودي تنعاد هذيك الايام بس بدون الحيا والله يخليلي زوجي واكون سبب لسعادته دنيا وآخره

فيمكن تكون زوجتك اخ محتار تمر بنفس الي كنت امر انا فيه واذا كان كلامي صحيح صدقني بتحس زوجتك انها اسعد انسانه في اللحظه الي تحس هي انك مبسوط معاها
والله يخليكم لبعض ويهنيك فيها ويهنيها فيك ويمكن تقدر بطريقتك انك تغيرها واذا هي مثلي تراها اكيد حساسه وتعامل معاها على اساس هالشي

ومثل ماللصفه هذي مساوئ ترا لها محاسن بعد الزواج لاني اقارن نفسي مع الي اعرفه من المتزوجات ويوم نتكلم عن الملكه احسهم مررره ما شاء الله عليهم كانو مبسوطين بس حاليا ( بعد عدة سنوات) بس تسب في زوجها وتتأفف من الحياة الزوجيه ... بس هذا يعني مو كل الي كانو مبسوطين ايام الملكه يكونون الحين في مشاكل اكيد الناس يختلفون

وان شاء الله يفيدك ردي وتتهنى انت وزوجتك...

رجعت لموضوعك أخ محتار لأني لقيت رد للأخت تويتي نايس للموضوع كيف تخلي خطيبتك ماتفكر الا فيك
صدقني اذا سويت الي قالت عليه اكيد ماراح تفكر الا فيك

والله يوفقكم

اختي ( وانا اموت فيه ) لكي جزيل الشكر لانكي أرحتي بالي ... وانا قريت رد تويتي نايس وتقريبا كل الكلام اللي قالته اسويه وخصوصا السؤال عن كل صغيره وكبيره وشو صار في يومها من قامت لين ما تنام .. وابصراحه هي بعد ( زوجتي) اذا انا ما سألت عنها او طرشت مسج هي تطرش مسج تقول مثلا (احم احم ) ... عشان تذكرني بوجودها او انها تسأل عن اخباري وليبش ما سألت عنهاا ... والحمد لله هذا الشي مريحني ... لكن المشكله اني احس احيانا انها غير راغبه بالتكلم معاااااي وهااا الشي اللي مب قادر اعرف شو سببه ... ومثل ما قلت قبل اخاف اصارحها بالموضوع وتحاول تغير اسلوبها كتصنع وما يكون من قلبهاا

هذا كله تقلب استراتيجيات :)

يعني تقول بثقل عليه
وبعدين تشتاق وتلومك على التقصير
بعدين تثقل مره ثانية

حاول تستمتع بهالفترة قدر الامكان ولا تفكر ابدا او تحاول تفسر تصرفاتها بانها ملت منك

اهلا اخوي محتار
يمكن الحل انك تصارحها بس تكون باسلوب
يعني بين لها ان مثل ماهي بحاجه انها تحس بالحب منك انت ترا بحاجه انك تحس بهالشي منها وبحاجه انها تبين لك انها تشتاق لك زي ماهي بحاجه لهالشي
وتبين لها كثر فرحتك تكون لو تسأل عنك او تكلمك

بس اهم شي ماتقولها وانت متضايق او زعلان والله هالشي مررره مهم ويأثر على ردة فعلها

لاني بعد الزواج بين لي زوجي هالشي لاني والله ماكان يجي على بالي هالشي وكان اسلوبه وهو يقولها بحب مو بزعل


وترا مره هالاسلوب له اثر لانها على طول بتحاول انها تخفف من الحيا الي عندها لانها تعزك وتحبك وهالشي باين من كلامك بس هي مو عارفه تعبر عنه

واذا طلبت منها هالشي وانت متضايق اكيد بيضيق صدرها لانه شي اكيد غصب عنها

وهذي الطريقه انك تطلب بحب او تصارحها بحب مره بتنفعك حتى بعد الزواج والله اقولك هالكلام من تجربه

وترا الحيا عند البعض منا يالبنات مسوي مشاكل تخيل اعرف وحده من البنات ايام ملكتها شاريه لزوجها هديه بس من الحيا ما قدرت تقدمها الا بعد الزواج

تحملها شوي وحاول وتجرئها والله يوفقكم ويسعدكم

والله امور الخطبة هذي عجيبة الواحد ما يعرف يؤيدها والا يعارضها
يا الله المهم الناس عايشة

انشاااااء الله بعد الزواج بيكون كل شي تمام التمام ...

شكراااا ع الردود الحلوه .. ابصراحه كنت متضايج من الموضوع بس الحين والحمد لله تفهمت الموضوع


واتمنى لكم وللجميع حيااااااااة سعييييييييييييده