|
علاقتي بخطيبي وظني به .. هل هذا صحيح ؟؟
السلام عليكم.. هذي اول مشاركه لي..وبغيت اسالكم ..وتعطوني راايكم انا مخطوبه(ما ممتلكه بعد) واكلم خطيبي ف الموبايل(((..بس بالرسايل..))) وبعض الاحيان الرسايل تتجه لجانب الغزل ... والقبلات الطايره والاحضان ,, ودااايم يكتب لي خطيبي..تعبتيني..و هالكلام يتعبني..ويتعب جلبه.. بعد ما عرفت هالموقع وقريت فيه خطر ببالي ان خطيبي...ممكن يمااارس العادة السرية!!!بعد ما يرسل لي..ونتبادل الحب من بعيد..((((بس ما شي كلام عن الجنس او غيره))) هل توقعي ممكن يكون صحييح؟؟ وانا الحين ندمااانه ع الي صار بس كانت النيه انا نتعارف لان الزواج بعد3 شهور تقريبا.. تم تعديل العنوان ليتناسب مع المضمون .. |
فلونا حبيبتي ليش تخلقين مشكلة من لاشيء .. إنتي للحين ما تزوجتي وإنتي مو واثقة فيه وتشكين...
وبعدين أصابعك مو سوا... تعوذي من إبليس.. وإستغفري ربك.. تحياتي ،، فرح الأيام |
فلونا حبيبتي
انتي اللي تسوينه اقل القليل لاي وحده مالجه وانا اعتبره شي قليل للتعارف ومع هذا تبغين تقطعينه؟! لا حبيبتي ما اعتقد اللي في بالج صحيح |
حبيبتي فلونا ما تفعلينة لا يجوز خصوصا انكم لم تتملكوا بعد على ما فلتيه ((( انا مخطوبه(ما ممتلكه بعد))) فهو لا زال انسان اجنبي اقطعي الرسائل والمكالمات حصانة لك وله ،،
والله يتمم لكم على خير ،، |
سبحان الله الاخت تقول مو مملكة اي الى الان لم يعقد عليها والاخوات يقولون هذا اقل القليل
اختي هذا الرجل ما زال اجنبي عنك وما تفعلينه لا يجوز شرعا وهوخيانة لأهلك ودينك فكفي عن ذلك فورا واتق الله و3 شهور ليست فترة طويلة بعدها افعلي معه ما تشائين صارحيه وتأكدي انك ستكبرين في نظره |
حبيبتي فلونا خذي هاذي النصيحه مني
اقطعي هالرسايل لبعد الملكه حتى ما تفتحين عليج باب الشك قبل الزواج وبعده |
حبيبتي ممكن يكون شكك في محله
لأنه يقرا ويوصله شي موطايله والنفس ضعيفة الأفضل انكم تملكون وتكلميه بدون ما يكون عليكي وعليه إثم ولابد انك تقطعين الرسايل وثلاثة شهور مو كثيرة والصـــــــــــــــــــــــبر طيــــــــــــــــــــــــــــــــــب |
تملكوا وش رادكم
|
تفضلي ..
ما حكم مكالمة الخطيب لخطيبته عبر الهاتف ؟ ما حدود التعامل مع المخطوبة؟ تم النقل للمقبلين .. |
عجلوا بالملكة افضل واسلم
|
القبلات ولو بالهاتف لا تجوز
اتقوا الله عشان يوفقكم |
وسؤال مهم لماذا يتم التعارف الحين ؟!
|
اشكركم ع التجاااوب... وانا الحمد الله الحين بديت أقلل م الرسايل.. وتفاهمت مع خطيبي أنه عشان رمضان ما يجوز.. والحمد الله حن صابرين.. وبعد رمضان بحاااول نملج...لأن أنا عارفة انه حرااام بس ماأعرف كيف... صارت..وكيف اعتميت عن الحق..ادعولي ربي يثبتني.. |
اختي الغزيزه ، لوجه الله لااكثر هل انتي لا تعرفيه نهائيها عشان تكون بينكم هالمراسلات وهل تحسين فعلا انكي تستفيدي ابغي جواب وراح اقولك لماذا
فلونا على فكره اسم حلو لو عندنا بالخليج يصير جان اخترت اسم فلونا الله يرزقنا يارب |
..صراااحة... هو صحيح خطيبي من الأهل..بس في حياتي ما عرفته ولا حتى شفته قبل لا يخطبني.. أعتقد اني بستفيد أني ع الأقل أعرفه من أي نوع من الناس..والا كيف تفكيره((كان هذا القصد من التعارف)) بس الله يثبتنا ونصبر..ودعواااتكم ربي ييسر زواااجنا.. شكرا night من ذوقش.. |
بسم الله الرحمن الرحيم
ارجوا ن المشرف إلغاء الموضوع بعد أذن كاتبة ويحول الموضوع الى دار الافتاء لان موضوعها مسئله شريعه يفتى فيها اهل العلم وشكرا |
اخني انا عندي حل مناسب لكي
اطلبي من اهلك بان تتعرفي عليه بالحضور الى بيتكم مع وجود محرم بهذه الطريقه تكونين في ناحيه امان ومن ناحيه اخرى تتعرفي عليه اكثر ربي يوفقك ويثبتك بس نصيحه قلبيه ساعات نعمل اشياء خارج عن السيطره لكن تذكري ان من راقب الله بكل شي يسر له اموره |
هذي المشكلة يا night أن الأهل ماا ممن عاداتها ان يجلس الخطيب مع خطيبته.. ولو في وجود المحرم!!!(((((وهذا ما دفعني للتواصل معه بالموبايل)))))--وهذي كانت احدى الاشيا الي ما مقتنعه بها أبد-- بس ما دري كيف صااارت... ربي ييسر..ويغفر لي.. |
| الساعة الآن 08:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©