|
متى نسمي الحب (حب بدون عقل)؟
اذا انت شايف انك بهرت زوجتك بحبك اكثر مني انا مع زوجتي (يعني يكون عندك احساس انك سويت شي معاها يضاف إلى (قاموس الحب) ماحد سواه ...ياليت تكتب الحركه او الموقف اللي سويته ...والله اتحداك تغلبني لأني ما اعتقد ان فيه احد سوى اللي سويته، واذا انت سويت شي انا ماسويته راح اسويه بس احسه حيعجبها ما أبي اخلي شي حلو بالدنيا هذي إلا اسويه مع زوجتي احبها وأموت فيها والحاضر يعلم الغايب.
وهات وخذ نشوف وش عندكم ونعلمكم وش عندنا بس عشان امشي على اللي بتقولون لي عليه ماطلع في اطوار اخرى. ...اذا انتي يا زوجه شايفه نفسك متيمه بزوجك ومحد قدكم..علميني بأكثر حركه عجبتك منه. تردت انزل الموضوع بصراحه ولكن بأنزله. |
الله
ولا رد؟:( يوه اجل لهذي الدرجه مااااااااااااااافيه ازواج كما طلب الاخ في البدايه:29: لا حول ولا قوة الا بالله |
لو تطرحه بالعكس يمكن يردوا عليك الاخوات
لاننا عندما نحب ننسطل لكن الاخوان يمكن لانهم خجولين ومايحبون الاستعراض والبيوت اسرار والعين حق وداري على شمعتك تقيد ولو ذكروا مواقف بنطقهم عين يقطعوا الخلف |
مشكلتي اصدق اشكر لك مرورك.
خواطر امرأة تعجبني مداخلاتك احياناً والله يتقبل منا ومنكم الصيام والقيام |
يبدوا انك بالفعل تحب زوجتك بدون عقل ( ما شاء الله )
لكن احيانا تفوتك ولا تمرر اسالتك على عقلك فأنتبه فإن غلطة الشاطر بعشرة :) تحياتي للجميع |
(( قالوا جننت بمن تهوى فقلت لهم ومالذة العيش الا للمجانين !! ))
اكثر شي ممكن يعجبها فيني هو عندمـا امسـح دموعهــا بيـــدي لكن قبل مسح الدمعـة لازم أزعلهـا لكي تنزل الدموع من عينيها غزيره |
أكثر شى أحبه في زوجي أنه يهتم بي أذاكان عندي مشكله يعني يواسيني يعينني على الخروج منهاو..........ألخ
ويوم يضمني بقوه من قلبه |
اقتباس:
لا ما تخاف وقت العقل عقل وقت الحب للحب |
اقتباس:
يا سيد الرجال انت كحلتها في السطر الاول والثاني بس عميتها في السطر الاخير ما اتحمممممممل ازعلها ابد ابد ابد والحمد لله اذا زعلتها اقدر اراضيها وهي قلبها طيب ما تتحمل تشوفني مختبص من زعلها |
اقتباس:
احب اقول لك وبكل تواضع وبدون اي مبالغه لساتكم في اول الطريق:15: احنا تعديناكم بأشواط اسم الله علينا اسم الله علينا:22: |
شكرا اخي على طرح الموضوع
بالنسبة لي يكفي ان اقول ان يوما ما طلبت الماسا غالي الثمن من زوجي ورفض فنزلت دمعتي وقلت اهكذا تحبني؟ ومن الغد اخذني الى كوفي جميل على الكورنيش وامسك يدي وقال اتعلمين قدر عشقي لكي سكت فأخرج كيسا ووضعة على الطاولة وقال لي افتحية وعندما فتحتة رأيت الالماس فنظرت الية وقد دمعت عينة وهو يقول لااجلك افعل اي شيء صرفت راتبي كلة علية... وفيما بعد علمت ان زوجي لم يوافق لشراء الالماس لي الا لانة كان في ضيقة مادية ومع ذالك ضغط على نفسة واشترى الالماس لي وذهب ليستلف من اخية لنكمل مصاريفنا باقي الشهر هذة القصة لها الان سبع سنوات ومارأيت قط اكرم واكثر خلقا واجمل من زوجي وحبيبي وقرة عيني وابا اولادي والذي الان اكملت 13 سنة زواج معة ادامة اللة لي في ظل طاعتة تحياتي واحترامي |
حلو بس ودي اقولك اني جبت لها الماس قبل ما أتزوجها وهي خطيبتي وقبل ماتطلب بعد.
ابي غيرها. الله يوفقكم يارب ويسعدكم ويخليكم لبعض. |
ولولو بعد وذهب
بس تخيلوا فضه ماجبت لها ورب البيت. |
كتبت فيها شعر ؟؟!! :25:
|
تزوجت عليها عشان اختبر نفسي مع غيرها واعرف مقدار غلاتها وحبها عندي
|
اقتباس:
لا صراحه احلـــــــــــــــــــــــــــــــــى اختبار وش النتيجه طـــيــــــب؟ |
اللي فهمته منك إنك مافيه شي ماسويته دليل حبك لها ..
الله يخليكم لبعض ويخليك لزوجتك الأولى بعد .. ممكن تقول لنا بصراحة عن بعض الأمور اللي هي تسويها دليل حبها الجنوني لك .. خلنا نتعلم ونستفيد .. |
عندي سؤال هل سبب حبك لزوجتك انها خارقه الجمال؟؟
فغالبا الرجل لا يتيم هكذا بزوجته الا اذا كانت ملكه جمال |
اقتباس:
بعد ان تزوجت عليها شعرت بمقدار الحب الكبير الذي احمله للزوجة الأولى في قلبي والذي لا يمكن لأي إمرأة أخرى في العالم ان تملأ وتشغل مكانه . يعني قلبي يميل لها جدا لكن طبعا العدل في النواحي الأخرى موجود بين الزوجتين فالعدل اساس الحكم |
اقتباس:
لكن العبرة مش في الالماس ايها الاخ الفاضل ... العبرة في ان يصرف رجل راتبة كاملا على شيء واحد لااسعاد زوجتة ثم يجلس من غير مال افهمت مقصدي؟ احترامي |
مستحيييييييل ثم مستحيييييييييل اني اكتب كل اللي سويته لزوجي هنا
انا احبه واموت فيه بس مو محتاجه ولامجبوره اني اثبت لاحد اني احبه يكفي انه هو داري فيني وهذا اهم شي .. واذا سويت له شي فلاني سويته له هو مو عشان اكتب هنا اني سويت له ... وسلاااااااااااامتكم والله يديم عليكم المحبه |
اقتباس:
للأسف ماني شاعر ، ولو شاعر اتوقع اني اعيش معاها بإخلاص وتفاني احلى من حبر على ورق. ولكن حيرتيني بصراحه يالله واحد صفر لكي. تحياتي لك. |
اقتباس:
والله العظيم يا أخي الفاضل إني حبيتها قبل ما أشوفها من اسلوبها وكلامها وطريقة تفكيرها واهتمامها فيني ووو الخ وبعد ماشفتها ذهلت بشكل ماحد يستوعبه للخصوصية لا أريد اذكر لما شفتها وش صار فيها قبل مايصير فيني يعني بمعنى آخر. اكتملت من كل النواحي مو معقوله اتوقع يوصل الحب بالشكل هذا إلا وفيه شي فعلاً يستحق هذا من الجوانب الشخصيه والخلقيه والخُلقية والإجتماعية وايش ياربي كمان والنفسيه والأنثوية والبيروقراطيه والإمبريالية وش دخل هذولي مادري بس اتوقع انها برضه تمام فيهم شرهتك على اللي يعرف معناها اصلاً. الحمدلله على كل حال. |
اقتباس:
واحترامي لكي ولزوجك بعد بس انا لإشباع غرور فيني اني ماقصرت معاها تعرفين يعني ماودي زوجك يغلبني معك لازم احسس نفسي بالإنتصار وإلا اروح اشتري لها (شيول) بكره عشان اشوف سواها لكي زوجك أو لا؟؟؟؟؟؟؟؟؟؟ |
اقتباس:
أولاً انتي صادقه وقالوا لك باعلمك انتي واللي في المنتدى بكل اللي سويته معاها اصلاً ماني قايل إلا اشياء سطحيه بس ارجعي قيسي على سالفة la amour والماسها مانبي اكثر من كذا احداث وكسبت دعوة من الكثيرين في المنتدى في ظهر الغيب زي ما أنا كسبت منك دعوة الحين والله يديم عليك المحبه كمان من زوجك ومنك. سلام |
واللهالعظيم يا أخي الفاضل إني حبيتها قبل ما أشوفها من اسلوبها وكلامها وطريقة تفكيرها واهتمامها فيني ووو
يا لله اعترف وش معناه كلامك] |
قصدك بتصيدين علي شي.. الله يسامحك واحسني الظن ميشان ما آخذ في خاطري منك ...اخواتي خطبوها لي أوكي وماراح يقولون لي بس حلوه لا بيقولون لي كل شي عنها قبل ما أتقدم وأخطبها وأعجبت فيها من اختيار تخصصها في الجامعه اول شي وفي طريقة حلها للمشاكل داخل بيتهم وفي طريقة جلستها مع الناس وعقلها متزن مو صاحبة مشاكل مع الحريم، وبعدين اعتقد ان الكثيرين يتفقون معاي انه لما تحب لجمال الروح اكيد حتكون جميله شكلاً في نظرك.
سلام |
على حسب ما قرأت انكم لاتزالون عرسان !!
سبعة أشهر أكيد سوف تعمل لها الذي ينعمل والذي ما ينعمل الله يسعدكما .. لا تحكم الان على السعادة انا لا احكم الابعد سنة ونصف زواج تتضح الامور أما زواج ستة اشهر او سنة !! لا تزالا في شهر العسل ولا اعتقد ان اي واحد سيخرج اسرار ما يعمله لزوجته هنا ! وبعدين سؤال :: واحد متزوج من سبعة شهور ماذا تتوقع يعما انت لزوجته ؟؟ أكيد كل شيء ! |
بخليها 2 صفر !!
حبيبي "بسم الله عليه" شاعر، وكتب فيني .. وأنا مو شاعرة لكني كتبت له شعر ...! لاتسألني كيف !!! ماأدري !!! !!!! طيب نفرض إنها الأولى ... لو كنت طول عمرك وأول ماطلعت على الدنيا وأبوك مكنيك يعني أنت أبو فلان .. ولنفرض إنك أبو عبدالله .. وتزوجت بهذي الانسانة الي تحبها، بس ماأعجبتها كنيتك، وماودها ولدها الأول يتسمى "عبدالله".. ومصرة على هالشي .. بتغير كنيتك ؟؟؟ مع إنك معروف عند الجمييييييع فيها .. وممكن أهلك يعارضون هالتغيير .. بتغير الاسم لعيون زوجتك ؟؟ |
اقتباس:
طيب اسمعي خليكي هنا وبعد عشر سنوات بأنزل موضوع جديد إذا الله احيانا وياكم يارب ،،،،،،،،،،،، خليكم متفائلين ياناس ليه تنظرون النظره السوداويه الروتينيه اعرف عجوزة ماتت حزن على زوجها الله يرحمها لاحظوا عجوووووووووووووزة ياعالم وأنتم بعد سنة ونص الله يهديكم بس. تبغوني اتشائم من الحين ماني متشائم هاه وش رايكم صحيح ممكن يخف الهبال بس تشائم مافيه. |
موضوع جميل
ولكنالمتزوجين دايما بخيلين بنصح ةعرض التجارب الأيجابيه لأفاده الغير متزوجين المتزوجين بس شاطرين بعرض مشاكلهم وتعقيد الناس العين حق لكنتحصنوا بذكر الله وانصحو غيركم ولا تعقدونهم بس مشاكل والأشياءالحلوه ما تذكر |
بس اخوي انصحك لوجه الله بقراءة المعوذات كثير
|
اختي جنة الدنيا
أنا اعتبرها واحد صفر لي في ناحية التسميه لأنها تقبلتها زي ماهي لأنها مستحيل تحرجني مع الوالد..ولها اللي تبيه في تسمية باقي الفريق |
كل شي بالاقناع يجي ...
زوجي تقبل إنه يحط نفسه في هالموقف المحرج "اقناعه للوالد" لعيوني .... بسم الله عليه وعلي ..... |
انا اخت ولست باخ...وبصراحه مرره حمستني اعرف هل تعلقك بيها لانها جميله من الشكل...لاني اعرف بنات كثار يتصفون بنقس صفاتها ولكن حظهم في الجمال بسيط وبعضهن لم يتزوجن بعد والاتي تزوجن لا يلقون نفس هذاالاحترام من ازواجهم..فهل لجمالها علاقه؟؟
والله يوفقكم ويديم عليكم الحال وما شا الله والله اكبر |
انا اسرتني بعدم رفضها للتسميه ابدا..الله يخلي لك زوجك
|
اقتباس:
المعذرة يا أختي الكريمه ماكان ترميزك إلى اسمك يوضح جنسك. ماتوقع علاقة قوية جمالها لأني اكذب على مشاعري وعليها لما يكون جمالها ماخذ حيز كبير في مشاعر الحب لأنها راح تكون فترة وتزول اكيد حتكبر ويتغير شكلها بس لما اكون مقتنع اني احبها لذاتها هي ولشخصها هي حتدوم المحبه عكس بعض الناس اللي يتشائمون ومن هنا تنتهي سالفة الحب والإعجاب بعد سنة وسنة ونص ويمكن شهر. بس العاقل والمنطقي والفاهم زي كثيرين يقدم جمال الروح قبل جمال الشكل. وإذا اجتمعت الكمال من عند الله وأنا ماحب اتغزل في زوجتي قدام الناس الغزل له مكانه ووقته كمان. |
seher algharamاولا انت قلت لي في موضوعك السابق لما قلت لك عندي سؤال قلت اسألي ويوم جيت ابي اسأل لقيت الموضوع مغلق الله يسامحك ثانيا اذا تبي نعمة المحبه تدوم وتزيد وتصيرحتى الزوجه الاولى احلى من العسل وامورك كلها تكون فيtopاحمد ربك 100 مره قبل طلوع الشمس و100 مره قبل غروبها وكلما تحس بروعة الحب اللي تعيشه او اي نعمه قال تعالى لئن شكرتم لازيدنكم صدق الله العظيم |
اختي ريشة فنان
مادري وش اقولك بصراحه لكن شكلك تأخرتي في طرحك للسؤال وعلى كل حال اعتذرلك. ولكنه اغلق لأنه طلع من محور الموضوع إلى محور الفرق بين الأولى والثانية. ثانياً الشكر اكيد دائم لله عز وجل واحمد الله عز وجل على كل نعمة انعمها علي ويجب الشكر بالأفعال ليس فقط بالذكر. تحياتي لك. |
اللهم اني اعوذ بك من كل شيطان وهامه ومن كل عين لامه
(تحصين لي ولكم) |
| الساعة الآن 12:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©