|
مليت من تعامل عائلتي معي وبالأخص أبوي
السلام عليكم بدخل في الموضوع بسرعه .. أنا شاب مرهق عمري 16 سنه داخل على 17 إن شاء الله أسرتي يعاملوني على أني طفل وشاكين فيني ومو واثقين فيني وبالأخص أبوي لدرجه أني اذا ابي اطلع لأحد اصدقائي في بيته استئذن ابوي وبعدين يقولي من صديقك .. وين ساكن .. وش أسمه .. إلخ ؟ وأجاوب على كل سؤال بعدين يقولي لأ مايحتاج تروح ليبييييييييييييييييييش وبعد ابوي اذا كنت قاعد على النت يجي ابوي الشكاك ويقولي وش داخل عليه ويطالع في اللاب توب وأنا أقوله ما دخلت على شي انا داخل على موقع الزعيم يقولي لأ أنت داخل على موقع غيره ويوم دخلت عليك صكرت الموقع وشو هالموقع وأحلف له الى مايطلع من الغرفه انا اتحطم نفسيا مافيه ثقه وشك دائم ومعاملة اطفال معن خط شنبي واااااضح والشعر في صدري أوضح وشعر الأبطين والعانه .. انا متحطم لدجة اني اذا ابي اكلم ابوي اتردد في فتح الموضوع معه اي موضوع كان أرجوكم أبي حل لمشكلتي تكفون طالبكم مليت |
حليـــلك.. أنت في نظرهــم بعدك صغير لانك 16 سنه وهالشي طبيعي الخــوف عليك من البلاوي اللي يشوفونها فالدنيــا.. لا تتكدر ولا يضيق صدرك وأنا أختك.. وإن شـاء الله اخواني وخواتي يفيدونك أكثر.. |
فعلا انت شاب صغير ... الله يحفظك ... ولا تتضايق لانه كل الي يسويه ابوك من حرصه عليك صدقني ...
تخيل انه تاركك ولا يسئلك ولا يدري وين انت ... ولا يهتم فيك ... يعجبك يعني كذا!! لمن تكبر ويصير عندك اولاد ان شاء الله راح تسوي مثل ماسوى ابوك .... يمكن تكون طريقته جافه معاك .. لكن تحمل هاذا لمصلحتك ...مع الايام اخوي راح تعرف انه ابوك يحبك ويبغى مصلحتك ... ترى رفقاء السوء كثار وابوك يخاف عليك منهم ... تلمس له الاعذار... الله يسعدك يارب ... هموووم |
حبيبي انت رجل بس ابوك يبي مصلحتك ويخاف عليك انت الامل لاتزعل بكره انت حيكون عندك ابن إن شاء الله وتعرف ابوك صدقني الخوف على الشاب في هذا الزمن اكثر من البنت انت رجل والله ينور قلبك بنور الله0لك مني كل الحب0
الإشراف : تعديل لفظ المشيئة ، إن شاء الله تكتب بهذا الشكل |
طيب أثبت له بأنك بخير وطمنه عليك
أحكي له يومياً مارأيت في موقع الزعيم أبحث له في النت عن أشياء يحبها هو أعمل برنت للأشياء التي تراها تفيد المنزل بالعربي أشرك والدك وبقية العائلة معك في النت في أفكارك في حياتك لا تقول لي أنه لن تتبقى لك مساحة بعد ان تعمل بكلامي ستجد بمشيئة الله ، أن الرقابة ستقل عنك لإطمأنانهم عليك ( وطبعاً أنت قد المسؤوليه ) . وبالتوفيق حبيبي ترى أحنا في عالم مخيف ، ومعاه حق أبوك يخاف عليك وراح تشعر بخوف مشابه لهذا الخوف عندما تكبر شوي وتخاف على أخوانك او أخواتك اللي أصغر منك . الله يعينك |
اقتباس:
|
والله أنكم ماقصرتوا أخواني الكرام
أشكركـم من كل قلبـي .. |
لاتفسر حرصه عليك انه شك فيك بس هو خايف عليك هاالزمن والله يخوف,,وانصحك ياخوي تحافظ على الصلاة هي الحافظ لك بعد الله سبحانه أنا عندي اخو بعمرك والله أبو يسوي مثل ابوك واكثر فترة وان شاء الله يتطمن قلبه عليك بس طبق كلام العضو الي قبلي انك تشرك اهلك في اهتماماتك عشان يثقون فيك أكثر والله يارب يوفقك
|
عزيزي وفقاك الله
كل اللي حاصل من والدك هو مجرد حرص وخوف عليك وماهو شك فطبيعي انه يحصل ماذكرت لإنك لسه تعتبر صغير لو الكلام هذا فوق الـ22 مثلاً راح اوافقك بالرأي لكن مثل ماقلتلك بالسن هذا تعتبر صغير وصغير جداً في نظر ابوك ....وطبعاً غيرك من الشباب اللي بسنك يمكن اهاليهم تاركينهم على راحتهم لكن صدقني ان الوضع مو عاجبهم واللي حبيت اوصله لك انه مافيه احد مرتاح بهالدنيا الكل عنده شي يخلق منها مشكله كبيره .... الله يخليك لأهلك ويخليهم لك |
بالعكس احمد ربك عندك اب مهتم فيك ويخاف عليك.. وحرصه الكبير عليك هو من باب حبه لك وخوفه يصيبك اي اذى لا سمح الله. وهذا الحرص والخوف من ابوك طبيعي جداً وخصوصا في سنك هذا من كثر ما يشوف الدنيا هالايام بلاوي ومشاكل مالها اول ولا تالي فـ بالتالي ابوك يبي يحافظ عليك قد ما يقدر ويبعدك من المشاكل.. الله يخليه لك إن شاء الله ويخليك له وترفع راسه إن شاء الله .. وآنه متأكده لمن تكبر واتييب عيال راح تفهم احساس ابوك جيداً.. وراح تعذرهـ أكثر .. تحياتي |
الله يكون في عونك
|
والله انكم رجعتوا الثقه بنفسي وحسيت فعلا بإهتمام ابوي فيني
مشكورين وعساكم ع القوه |
نعم من حرص والدك عليك ومحبته لك يفعل ذلك ولأنك ما زلت
تقع تحت مسؤوليته فهو يطبق حديث الرسول عليه السلام الذي يقول فيه كلكم راع وكلكم مسؤول عن رعيته عليك أن تثبت له أنك مسلم ملتزم بأوامر الله تعالى في كل كبيرة وصغيرة وعندها سترى الثقة المطلقة من أبوك وفقك الله لكل خير |
والله ولي العلم إن تعامل والدك معك سببه ردة الفعل الغير مستغربة لمن يسمع أحداث وأخبار هذه الأيام التي لا نقول إلا الله يستر علينا .
وفي البداية أحب أن أهنيك على إقدامك على الإستشارة فهذا أمرٌ طيب تشكر عليه يا أخي الكريم لابد أن تذكر بأنك في مرحلة خطرة "المراهقة" فحريٌ بكَ أن تتحكم في أفعالك وتصرفاتك لكي لا تحطم نفسك بنفسك , بالإظافة إلى انه لابد منك أن تستمع لوالدك ولا ترادده , وإذا كنت تخجل أو تستحي أو تخاف من والدك والحديث معه , لا يمنع أن تكلم والدتك مثلاً لكي تخبره ما في نفسك وأنك تريد أن تتناقش معه في هذا الأمر وأنه أمر يؤرقك ويسبب لك المتاعب مع الأخذ بعدم مقاطعة الوالد حينما يتحدث لكي لا يغضب عليك. أخيراً أنصحك يا اخي الكريم بوالديك فلا تغضبهما فغيرك يئن أنين الثكالاء بسبب موت أحد والديه أو بسبب ماحصل له من ظلم بعد فراق أحدهما . |
معلش ياخويا والله عندهم حق
هم بس عايزين يحافظو على الامانه |
اخوي في ريعان شبابي ... اهلا بك في منتدانا ....
صدقني تراك محظوظ مره ... انا كنت مثلك وكنت دايم اتذمر واحس نفسي محطمة ... لمن يعوون علي اهلي اطلع ... اذك يوم كنت في الثانوي قدراحوا كل بنات خالاتي للملاهي وانا امي عيت علي اروح ... لانه ما معنا حرمة كبيره .... وكنت استغرب ويضيق صدري .... واحيانا ابكي لكن الحين بديت اجني ثمار هالتربية .... والله انه مو مدح فيني ... لكن الكل يشهد على اخلاقي وتربيتي هذا يرجع لفضل الله ثم فضل والديني .... الله يخليهم لي ويطول بعمارهم على الصحة والعافيه ... والهدى والتقى فأنت لا تتذمر ... انظر للمشكله من منظور ايجابي ابوك حريص عليك .... ما يبيك تنحرف .... بعدين تذكر كلكم راع .... وكلكم مسؤل عن رعيته .... وانت امانه برقبة ابوك لازم يحافظ عليها لين ترد لبارئها الله يهديك ويفتح بصيرتك اتمنى انك تتقبل مروري ... |
بكرا باذن الله تتزوج ويجيك اولاد ويكبروا ويصيروا مراهقين
حزتها بتقول ياااااااااارب اجعل ابوي في الجنه لان فعلا التربيه صعبه صعبببببه وهالزمن يخووووووف ابوك وربي كثييير يتمنووونه كثييير الله يطول لك بعمره ويخليه لك انت باين عليك ان شاالله رجال صاالح وبترفع راسه ان شاالله بس هذي فتره خايف عليك شوي وربي ماينلاااام من هالزمن اصبر وفتره وبتعدي وحاااول تكسب ثقته اذا شفته مشغول بشي اطلب منه انك تساعده او ساعد امك وخواتك مافيها شي علشان تكبر بعينهم الله يرضى عليك |
مشكورين أخواني
بس مو لها الدرجه يخاف علي .. تصدقون انه سحب مني اللاب توب وانا الآن استخدم لاب توب أختي الكبيره وايش السبب إني أنا عضو اللجنه الإعلاميه بشبكة الزعيم وعضو نشيط وحاط ايميلي بتوقيعي وجت وحده من البنات وأخذت ايميلي وطلبت مني اشارك في منتدى واصوت لموضوعها " على ما اعتقد ان المنتدى حقها " بعدين ابوي سحب مني اللاب توب وصارله اسبوع وهالبنت احلف لكم ان مابيني وبينها اي علاقه او صداقه بس اظافتني عندها عشاني عضو نشيط وتبيني اشارك في المنتدى .. طيب انا شو ذنبي ابي منكم الله يجزاكم خير تقولون لي كيف اكلم ابوي ابي لاب توب يرجعلي .. وبأسرع وقت جزاكم الله ألف خير |
وينكم يا أخوان ؟!
|
حنا معك
حط لاب توبك في الصاله وشاور ابوك قله مثلا وش رايك وش ارد على هذا المقال وبحث له عن عن اي موضوع تحس انه يهمه في القوقل وتجيب له بعض المواضيع التي تحس انه يهتم فيها مثل مواضيع دينيه او شعر او قصص شعبيه اذا كانت هذه اهتماماته بين له ان النت ثروة اذا استخدمناه في الخير لا تحاول تتخفى في غرفتك كن في الصالة كما قلت لك اما عن اهتمام ابوك فيك فهو طبيعي وله الحق انه يطمئن عليك لاكن بدو شك فيك وزي ما قال المصريين ما اذكر نصه لاكن حسب ما اذكر ( حرص على ابنك ولا تخونه) وبالنسبة لسواله عن اصدقائك المفروض انك تشكره انا ابوي كان كذا ياخي له حق لازم يطمأن الدنيا فيها مخدرات وفيها ارهاب وفيها شذوذ انا اعرف انك الحمد لله بعيد عن هذه الاشياء لاكن من حق ابوك ان يطمأن عليك دائما سولف مع ابوك عن سوالف اصدقائك وعن اهتمامتهم وعن توجهاتهم باسلوب سواليف لكي يعرف ويطمئن واخيرا اتمنى التوفيق للزعيم في مبارياته القادمه ويحقق بطولة الخليج قل امييين |
ليشما تشترك في نادي تلعب رياضه
كراتيه و جودو او سباحه او تركب خيل التحق بالتحفيظ و دروس الثقافه الاسلاميه كيف مستواك الدراسي اي المواد تميل الها اكثر اتفوق فيها حاول ان تقرا كتب قصص او تكتب 16 سنه سن النشاط و الحيويه اعتقد ان الوالد يحب يشوفك بهالمجالات متفوق حتى يعرف انك تعرف تقسم وقتك و بالتالي يرجع لك اللاب توب مع اني اشوف كاام ا انه لاب توب لكل واحد من الاخوه شي مو طبيعي و لو منه احط كومبيوتر ين في غرفه و اقنن استعمالها و اعمل جدول بين الاخوه حتى لا تضيعوا الوقت بعيد عن التحصيل العلمي و الرياضه |
لا تلومهم ياخوي أنا كنت مثلك وبعد ماصار عندي اطفال صرت أخاف عليهم من الهواء الطاير بكره تجرب وتشوف سوري أنا ما أقصد انك طفل بس هم من خوفهم عليك في نظرهم أنهم يحافظون عليك بس العمر له دور والاسلوب والتربيه
|
أبوك معه حق من كثر ما يشوف ويسمع بس أنت أ ثبت له العكس وخلك واضح معه ولاتعصب عليه أبد
|
اخي العزيز اتوقع اغلبنا مرينا في نفس الشي انت الحين متظايق من معاملتهم لك بس بعدين بتحمد ربك وبتبوس ايدك بطن وظهر على خوفهم الزايد عليك ولاتسمي هالشي عدم ثقة يمكن هذا خوف زايد والثقة اكيد موجودة وبمحلها
|
اخوي عمره 26 وابوي للحين يساله وين كنت ووين جيت
ولا يزعل ولا شي لا يتكدر خاطرك اخوي بكره تكبر ويجيلك عيال وتحس بشعوور الاهل وتذكر ان مافيه شخص خالي من العيوب وهذولا اهلك ولازم تتقبلهم بعيووبهم وميزاتهـ :: الله يخليك لعين ترجيك تقبل مرووري |
مشكورين اخواني
والله يوفق الجميع |
أخوي في ريعان الشباب أول شيء أهلا وسهلا فيك معانا في الموقع وشيء مفرح جدا وجود مثلك معانا لكن يفرحنا أكثر انك تجتهد في دراستك وتستغل وقتك بشكل أفضل وأنا مع رأي اللي قالوا لا تلوم الوالد على تصرفاته وبالعكس حاول تعزز ثقته فيك وانك ماعندك شيء تخبيه عليه ولا على غيره ولا تنس ان خوفك من رب العالمين قبل كل شيء وتذكر ان الاثم ماحاك في صدرك وكرهت أن يطلع عليه الناس
|
| الساعة الآن 04:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©