|
اللي يبغى الاجر يدخل ويساعدها.....
بسم الله الرحمن الرحيم.....
بأدخل في الموضوع على طول لانه مني قادرة اصبر احس انه راح اتجنن .... صراحة هذا الموضوع طلبته صديقة لي انه انزل موضوعها عندكم عسى انها تلقا له حل.... راح احط الموضوع في نقاط عشان يسهل عليكم فهمه.... ------بدات القصة لما زوجي طلب مني اروح لحرمة زميله علشان هو وزميله بيروحوا مشوار ومطولين شوي وهي جالسة لوحدها وماتعرف احد نهائيا في جدة......... صراحة انا رفضت اني اروح عندها في البيت لان وقتها كانت هي عروس ماكملت شهر وقلت صعبة علي وعليها وقلت لزوجي تجي هي.....المهم صار وجاتني وكان هذا الموضوع كله في غضون اقل من ساعتين....المهم انها جاتني على الساعة 12,30 الظهر ايام الاجازة.....وكانت مرة منحرجة وجلست تتعذر مني وصراحة اخلاقها تنشى بالذهب....المهم انهم قالوا انهم مراح يتأخروا يعني العصر بالكثير هم عندنا....واحنا كل شوي نتصل عليهم الين ما جات الساعة ( تتوقعوا الساعة كــــــــم) جونا الساعة 2 في الليل....تخيلوا عروسة واول مرة تجينيوتجلس كل هذا الوقت....والله لو انه انا لقلبت الدنيا فوق تحت...... لكن سبحان الله الجلسة الاولى هذي اكننا نعرف فيها بعض من وحنا صغار...... وهذا الشيء اللي خلاها تبدأ تشتكيلي.... ------زوجها طباعة غريبة مرة...مثلا أيام الملكة دامت لمدة سنتين ما شافها فيها غير مرة واحة وكلمها مكالمات معدودة وما تتجاوز الساعةوكلها يسئل فيها عن الاهل والحال...(بس انا حاولت ابررلها لانه هي في الشرقية وهو في جدة)..... -----معروف انه العرسان مايبعدوا عن بعضهم ولادقيقة....أما هذا الشخص فهو يبعد باليوم....والدليل انه واخوه اتزوجوا في نفس اليوم.... وصار وراحوا لاهل الاخوان مرة واحدة طبعا العروسة الثانية ما كملت ساعتين الا دق عليها زوجها وراحوا.....وهي المسكينه جلست بالساعات....(مع انها كانت تعبانه....)... عاد قامت امه وكلمته تلمح له ....لا والادهى والامر انه لما جا جلس في الوادي البعيد وتعالوا شوفوا التعليق....وبعدين قعد يجلس يشرب شاي........المهم لما خرجوا قالت له يوديها عند اهلها تسلم عليهم....وقام ايش سوى خلاها تسلم عليهم وتنام عندهم كمان يومين....وهذا كله بعد اقل من اسبوعين من الزواج....وتعالوا شوفوا التعليقات اللي عليها... -----جو جدة \\\\مايخرجها.......مايجلس معاها.....ما يداعبها....ياسرحان يا على فليم يا على كمبيوتر...يا خارج.....ويا يقرأ..... وكأنها وسادة جنبه...جات وظمته وكلمته طفت التلفزيون مسكت يدينه.... بيعطيها اهتمام مايعدي دقائق...وترجع حليمة لعادتها القديمة... ------الجماع:- مرة كل 3-4 أيام.....بدون مقدمات الا بالطلب....وهذا كله والنور طافي.....وطبعا يتم القذف من هنا يتم الاخراج من هنا لا سؤال ولا يحزنون.... -----صراحة انا قلتلها تصبر عليه تخليه يحبها تستقبله احسن استقبال لانها الطريقة اللي تخلي الرجل يعطي الممطلوب....مانفع معاه... ------استخدمت معه السكوت التام......مانفع معاه .... -----بالكلام والمصارحة.....مانفع نعاه.... ماخلينا ولا بقينا الاوسوينا.... ------اكتشفت انه في ارقام بنات في جواله ورسايل قديمة من قبل الزوج واسماء اخر دلع.... جلست 3 اسابيع وما كلمته عن الموضوع.... وقبل فترة تمت عمليات مصارحة وصارحته وحلف لها انه هذا كله من زمان وهو ندمان ... وبعدها صار تحسن 1%.... والان اتصلت علي تبكي مسكينه لانه له كم يوم يخرج من بدري ومايرجع الا متأخر مره.... وهي مهي عارفة كيف تتصرف.... فيا ليت تدوني أرائكم وحلولكم.... وناقش الموضوع مع بعض... ياليت تردوا على.... |
اللهم يسر أمرها ،، وفرج كربها ،، وحنن قلب زوجها عليها ..
|
الله يهديلها زوجها ويصلحه وخليها تكثر من الدعاء لاحول ولا قوة الا بالله من جد يؤسفني انه في ازواج يعاملوا حريمهم كدا مدام من البداية مو مقتنع ليه اتزوجها
الله يهديه ويصلحه |
>>>لا وعارفين ايش يقولها......لسة بدري على الحب...مع العلم انها في 28 وهو اكبر منها....
أنا بأعرف سنتين ونصف ملكة وشهرين زواج ما لقى فرصة انه يحبها.... |
السلام عليكم
شكل زوجها هذا يفتقر للحكمة ومن الواضح انه احد امرين *اما انه يعاني من مشكله خاصه بحياتهم يحسها كبيرة بالنسبة له وهو الي خلاه يعاملها بهالأسلوب الجاف بس الاكيد انه يحاول مايبين لها شي عشان مايجرح مشاعرها وعشان كذا يحاول يهرب من البيت وهذا بحد ذاته جيد جداً والدليل انه لما صارحته بموضوع البنات حاول يلم الموضوع بحجة انه من زمان وفوق هذا اتحسن معاها حبتين!! **او انه من الاصل لما اتملك وشافها ماعجبته وحسها صدمه بالنسبه له وهذا الي خلاه يتصرف معها بهالشكل من ايام الخطوبة ويحاول يبتعد عنها كنوع من الهروب حتى مايجرحها لانه يحس كلاهما ماله ذنب!!! |
اعتقد ان هذه نتيجه طبيعيه لأننا فرطنا في نصيحه افضل الخلق عليه الصلاه والسلام (اذا جأكم من ترضون خلقه ودينه فزوجوه) فلو ان هذا الرجل عنده خوف من الله اوقليل من الخلق لما كان هذا وضع زوجته,انصحك اختي ان تشتري شريط قيم جدا للشيخ محمد الشنقيطي واسمه(الحقوق الزوجيه) وتشغليه في السياره وانتم رايحين مشوار ,وتدعي له بالهدايه وانتي اشغلي نفسك بالمفيد وسيعوضك الله خير بس احرصي انه لايسمع انك تشتكينه عند أحد,والله يجمع شملكم
|
طيب يا خوي يا التهامي
كيف الواحدة تعرف زوجها قبل الزواج اذا كان على دين وخلق وكل حد يسال عنهم يقولو الرجال زين وخلوق الرجال (اعوذ بالله منهم يتلونو مثل الحرباية) فيه حللين الاول انها تصارحة وتقولة انا ما ابيك ردني بيت هلي ما ابا اعيش ما خاين كذاب والحل الثاني انه تصبر وتحاول انها تغير من طباعة ويعتمد انتي من اي نوع اذا كنتي تحبينة واايد وما تقدرين تصبري عنه حاولي تغيريه من دون ما يدري شوي شوي سنة سنتبن ثلاثة والله يعينك بتصبري ولا لا اقولك شي انا اكتشفت انه زوجي يعرف وحدة وكلمته مره عنها وقالي هذا ماضي وصدقته بس بعد فتره شفت نفس الرقم بتلفونة تعرفي شو سويت خلية لين ما سافر وبعدين اتصلت عليها وكلمتها بهدوء وقلتلها ابتعدي عنة بدون ما اخبرة وبكيت لين ما تعبت بس لاني احبه بجنون قلت هذا حبيبي ولازم يكون ملكي وحدي وحلفت اني اسوي المستحيل عشان املكة وخليه خاتم بيديني بس المسألة يبالها وقت طويل وانا خليت هذي المدة ثلاث سنوات وما زال العلاج مستمر |
حبيبتي عليها بالدعاء في الثلث الأخير من الليل والتضرع إلى الله والإلحاح وهو مهم جداً لأن أفضل الدعاء يكرر الطلب 3 مرات في كل مره
اللهم أصلح زوج وزجها وأهدهم وحننهم علينا وأصرفهم عن السوء اللهم جعلهم يحبوننا ويتعلقون فينا التعلق المباح اللهم فرج همي وهمها وهم كل مكروب أنت القادر سبحانك |
أول شيء مشكوووووورين جميعكم وربي يفرج همكم......
ثاني شيء انه انا احكي قصة صديقتي مو قصتي" الله يخليلي زوجي حاطني في عينه_ما شاء الله_ ثالث شيء.... صراحة انا احس انه يحبها بنسبة لانه دائما يقولهاانها حاس بشء تاعبني...وانا اعزك....ولما يكونوا بره مثلا عندي..يدق عليها ويقولها انا رايح هنا يعني لو مو مهتم فيها ماكان قالها..ولو طولوا وهم زعلانين يجيها ويسلم عليها ويرضيها بس انه اول ما ترضى يحط راسه وينام....يعني صراحة احس انه عنده عقدة في نفسه وقولتلها انه هذا زوجها ومو حلوة تستغني عنه ولازم تستحمل الين ما تشوف حل لهذي العقدة.... ومن كلامها انه يبادرها في البداية وفجأة تقرصة الحية ويدون اي عذر.... وهي معد عرفت تتعامل معه كيف تضحكله وتحرق قلبها ولا تطنشه ولا رسمي....؟؟؟ |
السلام عليكم
الحل / الإلتجاء والتضرع إلى الله بالدعاء فإنه جل وعلا لا يخيب من طرق بابه ويجيب المضطرّ. أخوك ،،، |
والله يا أختي من خلال حديثك عن تفاصيل حياتهما...
قد يكون الرجل والله أعلم مسحور أو أحد البنات السابق مكلنهم عامل له عمل... والا ايش اللي يخليه يدور راسه عنها وهو مقبل عليها ويغير رايه؟؟؟؟ الأفضل الالتجاء للرقيه الشرعيه وحتى لو يروح لشيخ يقرا عليه... بس لابد من اقتناعه فقد لا يقتنع... تحاول تقنعه أو أحد أصدقاءه المقربين...وتدعيله ...وتذكره بالله والدعاء إذا شكى والا قال أنا تعبان.. وتحاول تكسبه وتخليه ...يفضفض لها إذا كان عنده مشكله نفسيه أو حتى جسديه... وتبدأترسله رسائل على جواله تذكره بالله ..وتدعيله ...والله إنها تريح القلب حتى لوما نطق.. الله ييسر أمرها |
الله ييسر أمورها ويهدي لها زوجها .......... بس انا أحس إن الموضوع فيه سحر ......... جزاج الله خير ............ |
مشكووووووورررريييين يا اعضاء المنتدى الغالي.....
تصدقوا بالله.....اني قلتلها نفس الكلام...... حاسة انهم مسحورين..... وقلتلها اني راح اجيبلها موية زمزم مقري عليها وتمر عجوة......وطبعا حاولت اقنعها تقنع زوجها بانه يروح للشيخ...... بس المشكله انه ما يحب احد يكلمه نهائيا في اموره الشخصية.... لكن الله يعين ان شاء الله....... وراح اخبركم باخر امورها..... وارجوكم ادعولها...... |
دام الزعله معاها جابت نتيجه في الأول خليها تزعل عليه في الثانية يمكن هو من الناس اللي مايحس إلا لما احد يزعل عليه وخليها تبعد عنه شوي في النوم تطاوعة بمعنى اصح وتقوله بعد اسبوع اسبوعين بالله وش رايك بعيشتنا في أول سنة زواج شي يفتح النفس صح بيقولها انتي ماتبادرين وعاد تنفتح السيرة وتشوف بعدها ممكن يتحسن خليها تنتبه من الخلفه لايوهقها بحمل بعدين تورط وتكبر المشكله وتصير مشكلتي مشكلتين تصير وأفضل حل للمشاكل الزوجيه المصارحه والمواجهه.
موفقين يارب. |
اختي انتي زوجه الان وهذا زوجك افهمي ماذا يريد اعملي كل ماهو في الخارج بطريقتك الخاصه وصدقيني الطير مصيره الى عشه وهذا هو الصحيح خليكي ذكيه زوجك لايروح الى اليد الغريبه وانتي الله يساعدك الحب والتفاهم كل شي والله يكون في عونك لكي مني كل الحترام
|
الله يهديه لها .......
منجد حالتهم تكسر الخاطر.....امس دقت علي وتبكي وميته من البكاء كمان..... له اسبوع يخرج عاى العشا وما يرجع الا الساعة 2...وبعدين على الكمبيوتر الى السحور بعدين ينام ويصحى يروح الدوام يرجع ينام .....يقوم يفطر ويخرج..........وهكذا.... احس انها مراح تكمل,,,,,,,,,,,,,,,,,,,,,,,,,,,, |
كان الله في عونها وفرج كربها وسخر لها زوجها والله حزنت لحالها الله يهدي زوجها |
انا اشوف انها لازم توضعين المشاركة في قسم الهيئة الاستشارية افضل
|
الله يريح على قلبها ويعدل حال زوجها
الله المستعان ومهما تعددت الأسباب في نظري الله وحده مقلب القلوب والأبصار فأسأله انه يصلح حاله ويألف بينه وبين زوجته ويهدّي سرهم |
الله يكون بعونها ويرحم حالنا وحالها
تقبلو تحياتي لندكروزر |
واضح ان زوجها يهرب من المواجهة لسبب ما
نتمنى تواجدها لمعرفة بعض التفاصيل من ضمن هذا طبيعة عمل زوجها هلي هي ذهنية او عملية حركية دوامه طويل او عادي طبيعة حياته قبل الزواج بخلاف علاقاته التي اكتشفتها من جواله هل كان يسافر لوحده او مع شباب واين يسافر عادة من هم اصدقائه (المرء على دين خليله ) كيف اختارها كزوجة وهل خطب غيرها وماهي نظرته للمراة وكيف تقبل الخطوبة اتفق كثيرا مع الراي الاول اعتقد سنفور |
صديقة لينة الورد معانا ياليت تشاركونا....
السلام عليكم...في البداية أحب أشكركل من ساهم في حل مشكلتي وأسأل الله أن يجعل كل حرف كتبتوه في ميزان حسناتكم ياااااااااااااااااااارب وأولكم صديقتي الغالية على قلبي لينة الوردالتي كانت أخت لم تلدها أمي وأنا قرأت الردود وسوف أعلق على الكلام أولا زوجي طلب نظرة شرعية علما بأنه كانت هناك نظرات شرعية له من قبل ولم يعجبه شئ لأن ذوقه صعب على قول أهله وطلب ملتزمة ولماشافني طارمن الفرحة وقال انا تمنيت مواصفات ولقيتها فيك طبعا محافظ على الصلاة والأذكار ولكن غالبا في البيت وهذا من ضمن مشاكلنا لكنه يصلي ثانيا طبعه صريح جدا جدا ومرةبكيت عنده وقلت انت ماتبغاني وندمان حلف بالله إني أملك كل المواصفات اللي يتمناها لكن قال حاولت أحبك بس ماقدرت وليش تستعجلين الحب يجي مع العشرة وحلف قال انا أغليك وأعزك لكن ماحبيتك سألته ليش قال مدري مع اني ادعي في كل صلاة وأقول يارب احبها بكيت وقلت ليش طيب تهرب ونزل عينه بالأرض وقال بأسف وتحطيم مدري مافيك شي يعيبك لكن مدري ليش أنا ماعمري عرفت أحب وقلت والبنات قال ماحبيت أنا وأتمنى احبك طبعا اللي يخليني اصبر انه فيه بذرة خير هوصح يسهربرا بس إذاجا يضيع السالفة مرة يجيب لي حلويات ومرة عروسة ومرة يتكلم معي كنه ماسوى شي وانا استحي وابتسم بس احترق بداخلي وقبل امس تخانقنا مرة لأن لي كم يوم ماعاد اقعدمعه وانا ماأتجرأألبس قصير بس في هذي الليلة لبست وجيت ولاكأنه شافني لابسة شي غريب وانشغل بالمسلسل وبعدها كلم صاحبه وبعدها قعديلعب في الجوال وانا عصبت مرررة ودخلت الغرفة طنشني بس نادى مارديت طنش ويوم جا وقت الصلاة مر علي وقال وش فيك كنتي قاعدة وفجأة انقلبتي قلت لأن وجودي زي عدمه وتطور النقاش قلت وديني لأهلي قال تعوذي بالله من الشيطان وطلع وخلاني يعني هويبغاني لكن بالطريقة اللي هو يبغاها وبصرااااحة انا تعبانة وماأبغى أذكر تفاصيل ثانية ياليت اسمع رد قبل ما أرجع بيتي وجزاكم الله الجنة
|
أسأل الله العظيم أن يصلح أحوالكما وأن يهدي سر زوجك
|
|
| الساعة الآن 06:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©