|
العريس مايصلي في المسجد أوافق ام لأ؟
السلام عليكم...
أرجو افادتي بأقرب وقت...ولكم مني جزيل الشكر *************************************** لقد خطبني شاب ذو خلق ودين وكلام منطقي ورؤيه ثاقبه للحياه و عندما حضر الى منزلنا وتقابل مع والدي..اعجب والدي بأسلوبه وتفكيره ودينه وطريقة كلامه... ولكن........عندما اخذ ابي معلوماته كامله..وذهب الى المسجد الذي بقرب بيتهم... وسأل عنه الامام....فقال له الامام... انا هنا منذ 7 سنوات ولم اره يصلي في المسجد... فعندما قال لي ابي ذلك الكلام...صُدمت فلم اكن اتوقع.. ولكن عندما استخرت اشعر براحه كبيره...له وخاصه اني متأكده من سعة صدره وانه رحوم وحنون القلب.. وهو على دين ولايريد فتاه متحرره يريدني لاني محافظه في كل شئ...ولله الحمد والمنه... ************************** وما اثار الشك لدي .. ان هذا الشخص الذي سأله والدي..قال لابي ان هذا الشاب واهله ظروفهم الماديه عاديه جداً((على قد حالهم)) وهذا ليس له دخل بزواجي من الشاب وكذلك ذكر لابي بعض المعلومات التي ليس لها دخل في موضوع الزواج...لان مايهمني هو الشاب نفسه بغض النظر عن اهله او حالتهم الاجتماعيه....... ارجو مساعدتي....فليس لي الا الله ثم انتم احبائي... الاشراف: تم تعديل العنوان ليناسب النص |
يعني هذا الشيخ لازم اشوفه في المسجد اصلي والله معناته انه مايصلي!
موشرط واذا عاجبك الا متقدم لك وتحسي انك مرتاحة له توكلي على الله وماعليش من الناس كلامهم مايخلص |
السلام عليكم
اختي الحبيبه الله يرضا عليك ويسعدك يارب والله افتقدتك الفتره الاخيره خير اللهم اجعله خير حبيبتي اذكري الله ولا تستعجلي ابدا صحيح الصلاة اهم حاجه ولكن ياما شباب الله يهديهم تكون جذورهم طيبه وتربية صالحه ولكن لهو الشباب يخليهم احيانا يلتهون عن صلاة الجماعه ولكن بعد الزواج يصيرون اكثر هداية انت اهم شي تأكدي هل هو يصلي فروضه الخمسه حتى لو في البيت خليهم يسألوا عنه في العمل بعدين اقولك حاجه الامام ماشاء الله يصلي ويادوب يشوف المصلين في الصفوف الاولى وماينتبه للصفوف الاخيره فما ادراك قد يكون هذا الشاب يصلي الجماعه لكن الله يهديه يصلي في الصفوف الاخيره واذا كان شاب اكيد دايم خارج البيت يعني عندك الصلاوات الثلاثه( العصر والمغرب والعشاء) قد لاتكون بنفس مسجد الحاره قد تكون في مساجد اخرى الظهر اكيد اكيد يصليها في عمله خلي ابوك الله يحنن قلبه عليك يسأل عنه في العمل وهل هو يصلي معاهم الظهر خليه يسأل عن اخلاقه في العمل مع الموظفين وبعدين ياقلبي انت خلال هذي الفتره صلي واستخيري واطلبي من والدينك يصلوا ويستخيروا اذا حسيتوا انكم مرتاحين توكلي على الله وامشوا خطوه اللي هي الشوفه الشرعيه وخذي فرصه كمان للتفكير وصلي واستخيري إذا ارتحتي امشي كمان خطوه وتأكدي ياقلبي اذا فيه خير لك بتلاقي الامور تتيسر بشكل وربي ماتتخيليه وتلاقي الخطوات تمشي تمشي تمشي بإذن الله بكل يسر وسهوله وإذا لقيتيها توقفت فعرفي انها الخيره والله كفاك شره توكلي على الله ياقلبي ولاتشيلي هم خليك هاديه جدا واستمري بصلاة الاستخاره والدعاء والتذلل لوجه الله والله يكتب لك الخيره الطيبه وييسر امرك ويسخرلك اللي يخاف الله فيك ويسدد خطاك ويرزقك الزوج الصالح اللي يرضاه الله لك من الرجال لاتنسي الدعاء الصدقه الاستغفار قيام الليل صلاة الاستخاره والهدووووووء الله ينزل عليك الصبر والسكينه ويشرح صدرك ويفرج همك ويريح بالك الله يفتح لك ابواب رحمة ويارب ان كان فيه الخير لك في دينك ودنياك ييسر امركم ويجعل عقد قرانكم في عيد الفطر وزواجكم في الصيف القادم بإذن الله مستبشره خير طمنيني عنك ياقلبي الله يطامنك بإسمه |
ايوه صح نسيت ياقلبي
خلي الوالد يسأله فين يقضي وقت فراغه هل يروح نوادي رياضيه هل يروح جمعات شبابيه ووين ومن هذا الحكي ترى هذي المعلومات لما تعرفيها تريحك |
عزيزتي ..هدأي من روعك ..عدم شهادة الشيخ ليس بالضرورة انه لايصلي..
لربما كان يصلي في مسجد ابعد من ذلك المسجد..هل سأل ابيك في كل المساجد؟ ولربما وقت عمله لايسمح له بالصلاة في المسجد..ولربما ظروف.. ثم ان المرأة هي التي تجر زوجها وتصلحه ..اذا حببتيه في المسجد بعد الملكة صدقيني ستكسبين الاجر وتفرحي برؤيته.. بما انك استخرتي وتم السؤال عن الولد اتكلي على الله وربي يسعدك وألف مبروك مقدما أختك حائزة |
ودي أفهم وش دخل امام المسجد يتكلم عن الجانب المادي ويستطرد ويحشر انفه في كل شيء ،
........................ |
أختي
الرسول صلى الله عليه و سلم قال أو ما معنى الحديث ( إذا أتاكم من ترضون دينه و خلقه فزوجوه ) و مو كل من له ( دين ) --> له ( خلق ) ، و ليس كل من له ( خلق ) --> له ( دين ) فما فائدة الدين بلا ( خلق ) يعني ركزي على ناحية الأخلااااااااااااااااق ، نصيحة مني و مو شرط تاخدي بكلام الإمام و هناك مية ألف احتمال بأذكر لك اللي في بالي 1 - مو كل إمام للمسلمين هو إمام ، فيه منهم المرائي ، و فيه منهم عشان الراتب و السكن ، و فيه منهم عشان يقولوا و الله شيخ .. و مع كذة لا أظلم البقية الصالحة 2 - يمكن يكون الشاب يصلي في مسجد آخر ؟ مثل ما قالوا الأعضاء 3 - يمكن يصلي في المنزل و محد رباه إنه يصلي في المسجد ؟ أخوي أكبر مثال ماعمره صلى في المسجد ( ما عدا صلاة الجمعة ) طبعا لكن ألحين ماشاء الله بدأ يتغير من حاله و يروح يصلي بالمسجد و أخوي الآخر تزوج و لحد ألحين ما يروح للمسجد و يصلي في المنزل و زوجته تحاول إنها تغيره و تساعده يروح للمسجد لكنها ما أجتهدت الصراحة و مع ذلك بيكرم زوجته و ما يحب يزعلها و حتى أبو زوجته يقول لبنته لو بيوم من الأيام جيتيني زعلانة أنا أرجعك لزوجك بنفسي ( ترى ما أقول كذة عشانه أخوي هي بنفسها قالت لي و ما في وحدة تقول عن نفسها كذة ) المهم أختاري ( الخلق ) أول شئ و إذا كان يصلي كل صلواته فالحمد لله و خلينا نكون واقعيين و نبتعد عن المثالية !!!!! كلنا نبغى اللي يصلي في المساجد ، لكن فيه أحد ألحين بيصلي في المساجد إلا ما ندر ؟؟؟؟؟؟؟ تعالي هنا في المنتدى و أقرأي مشاكل بعض الأخوات ، اللي تقول زوجي يصلي في المساجد و يخونني ؟؟؟؟ و اللي تقول زوجي ملتزم من أمام الناس و من خلفهم يحادث الفتيات ؟؟؟؟؟ و اللي تقول زوجي إمام و يضربني وووووو ؟؟؟؟؟ و ماشاء الله المواصفات اللي قلتيها إن شاء الله بيكون رجل و ليس من أشباه الرجال و أهم شئ الإستخاااااااااااااااااااااااااااااااااارة و الله يوفقك |
يمكن يروح مسجد ثاني متعود عليه ،، استخيري أكثر ...
صورة التوقيع روووووووووووووووووعة وين هاي المكان ؟ |
محمد هيا
اسمحلي اجاوبك على السؤال هالصورة من جزر المالديف :23: تحياتي |
انا اقول ترى امام المسجد مو ملاك طاهر
يعني اذا قال يصلي خلاص قد يكون في خلاف مع هذا الامام او انه يصلي في مسجد اخر لعلمك ان بعض ائمة المساجد اخذين الوظيفه عشان الراتب خذي العلم مني ونا اخوك اسئلوا عنه اصدقاءه ومجتمعه الذي يتعامل معه فهم اكثر درايه به وشكرا |
اقتباس:
انا مع الاخوان و اوافق راي الاخت روح الطير انا بعد اخواني نفس اخوانها و زوجي بعد بس الحمد لله اخلاقهم زينه و محافظين عالصلاه (بس في البيت) بصراحه معظم الشباب هالايام جي الله يهديهم |
يا اختي الله يهديك
اول شي اذا كان يصلي في المسجد يمكن انه يصلي في مسجد ثاني مو هذا المسجد ثاني شي المسجد يبدا المصلي فيه من 50 ويوصلي الى 200 و 300 الإمام بيعرف مين والا مين ثالث شي يمكن الامام يعرف وجهه بس ما يعرف اسمه اللي سال عنه ابوك اذا كان ما يصلي بالمسجد هالايام تبغين الصدق قلو اللي يصلون بالمسجد والسبب انهم ما تربو على هالشي وترا اللي يتربى على الصلاه في المسجد من وهو صغير بيتعب كثير حتى في الصلاة في البيت يعين الكشلة تلقينها من ابوه واخوانه الكبار يعني لو كان يصلي في البيت يعتبر شي ممتاز بما انه ما تربى على الصلاه من الاساس على العموم ممكن تلقين واحد محافظ على الصلاة في السجد لكن خلقه شين وتفكيره متحجر ومعاملته قاسيه وما عنده اخلاق ابد وممكن تلقين واحد يصلي بالبيت واخلاقه ولا احسن منها لا تربطين الصلاة في المسجد بالاخلاق او حتى الدين دام انه يصلي ولو على الاقل في البيت خير وبركة |
اقتباس:
اهلين.. والله كلامك ريحني... ومتوكله على ربي لكن نكد علي هالامام الله يهديه بس والله ما اقتنعت بكلامه.. |
اقتباس:
|
اقتباس:
|
مو معناته أنه ما يصلي بالسجد
يمكن يصلي في البعيد و يترك القريب لحصول مشاكل أو غيره أسألوا الولد عن أي مسجد يصلي فيه ثم أسألوا عنه الله يوفقك يارب |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
هدهد...
مافي احد كامل في دينه ...الكل مقصر ... دامك صلتي استخاره وارتحتي((ماخاب من استشار وماندم من استخار ))... توكلي على ربك ... ويمكن الله يهديه على ايدك... مين يدري..؟ اتمنى لك التوفيق... دمتِ بود |
تصدقي بالله
اني مرتاحه للموضوع وبس افكر فيك انت واختنا (عبير) متفائله خير لكم يارب وانا اطبخ الفطور اليوم لأهلي بس اتذكركم ومتفائله خير عظيم لكم بإذن الله الله ييسر امرك ياقلبي هدهد ياعيوني كلامك اللي قلتيه لي فوق انك متغيره وصايره زاهده في الدنيا هذي هي البشاير صدقيني زيدي زهد وتوكل على الله وصدقيني قرب الفرج قرب الفرج انا مررررره متفائله خير تصدقي ياهدهد انا جتني فتره كذا زهدت في الدنيا كثير كثير كثير وجاوني خطاب كثير كثير وكل واحد اتنازل عشانه عشان بس ابغا الستر والعفاف لكن سبحان الله امشي خطوات واكون مرتاحه وفجأه ينتهي الموضوع ومازلت متفائله ومستبشر ه خير لي ولك ولجميع البنات اهم شي نقوي ايمانا وعزيمتنا وزيدي تذلل هذه الايام هذي ايام فضيله ربي يحب يسمع صوتك في الدعاء وتذلل اوعديني انك تجتهدي هذي الايام وصلي واستخيري واكثري من الدعاء والاستغفار والصدقه تصدقي تصدقي لها اجر واثر عظيم وان شاء الله يارب يتمم عليك يارب بالزوج الصالح اللي يخاف الله فيك الحنون الحليم الكريم السخي الدين اللين مخمون القلب ويارب يارب يارب ييسر امر زواجك ويصير عقد قرانك في عيد الفطر يااااااااااارب يارب يارب انا متفائله خير خليك متفائله ياقلبي استمري بصلاة الاستخاره ياقلبي على فكره ياعيوني لما تتكلمي مع الوالده او الوالد كلميهم بهدوء وحاولي توضحي لهم احتايجاتك بكل هدوء واكثري من دعاء( اللهم دبرني اني لاأحسن تدبير الأمور)<<<< هذا الدعاء ذكرته لي اخت عزيزه على قلبي( الله يفتح لها ابواب رحمة) واثر الدعاء سبحان الله واضح في حياتي وفي الفتره الاخيره بالذات توكلي على الله وانتبهي تقولي حظي وماحظي:29: خليك مؤمنه وقويه ومتفائله وراح يجيك الفرج صدقيني هيا ياقلبي ابغا اشوف الضحكه الحلوه والتفائل امشي في الموضوع شوي مع اهلك وخلي الوالد يسأل اكثر واطلبوا الشوفه الشرعيه والله يختار لك الخيره الطيبه يارب هيا ياقلبي نبغا نعمل احلا :14::14::14: الله ييسر امرك يارب |
اقتباس:
|
شوفي حبيبتي صحيح ان الصلاة بالمسجد شي مره طيب .. لكن برضو مو شي اكيد بميه بالميه بصلاح الشخص ..
والله اعرف ناس تصلي بالمسجد لكنهم اخلاقهم سيئه لو ماذكرتي هاذي الصفات الحسنه بالعريس كان قلت لك بلاش منه لكن ماشاء باين الولد طيب واخلاقه طيبه لكن يبغاله احد يرشده على الطريق الصحيح .. الف الف مبروك مقدما |
اقتباس:
|
اقتباس:
|
اقتباس:
|
ألا يصلي الجمعة و صلاة العيد في المسجد ؟
هناك فرق بين شاب يصلي كل الأوقات و لكن لا يصلي في المسجد إلا الجمعة و العيدين و الجنازة و باقي الصلوات التي لا تصح الا بالجماعة و شاب آخر لا بعرف اتجاه القبلة أصلاً أعتقد ان الأول صالح للزواج ما دام ذا خلق و أمانة |
اسالو عنه اكثر
|
تكفون ادعولي ...والله محتاجه دعائكم ....
للحين مر اسبوع وماصاااااااار شي ... |
أختي الكريمة ما قصر الأخوة والأخوات في مشاركاتهم الأمر سهل وبسيط وأظن أن أباك أكثر حكمة وتروي في السؤال عنه وعدم الحكم عليه - خاصة بعد كلام إمام المسجد عنه - سيسأل عنه أكثر، وحاولي بطريقة ما أن هذه النقطة ما تغيب عن والدك وإخوانك،،، أي السؤال عنه أكثر وعدم إستعجال الحكم عليه وإن شاء الله سيكتب الله لك كل خير فأحسنِ الظن بربك ويجعل الله عيدك هذه السنة عيدين عزوبي :21: بس رجل :30: دمتم في حفظ الرحمن |
السلام عليكم ورحمة الله وبركاته
أختي الكريمه الصلاة مهمة جدا ولقد مرت علينا بعض المشاكل في قسم الاستشارات الخاصة سببها التهاون في هذا الموضوع (( موضوع السؤال )) وانصحك بالتالي : 1 ـ أسالوه اين يصلي حتى تسالو امام المسجد الذي يصلي فيه ؟ 2 ـ اسالو عنه في عمله (( رئيسه المباشر ، زملائه )) ؟ 3 ـ اسالو عنه جيرانه ؟ 4 ـ هل يدخن ؟ وأسأل الله الحي القيوم ان يقسم لك الخير ويسعدك يارب |
اقتباس:
|
شوفي وانا اخوكـ
مو شرط يحكم عليه هالشيخ أنا مثــلاً لا أصلي في نفس المسجد القريب من باب منزلنا لاني لا أحس معه بخشوع وصوته مو حلو ولا أرتاح نفسياً معهم طبيعه فيني فلهذا دايم اصلي في مسجد برأس الحي واصلي فيه دايم وارتاح فيه واخشع بصلاتي فيه فلو خطبت بكل تأكيد لو سأل عني إمام المسجد بيقوله ما اشوفه يصلي بس لو سأل عني بالمسجد الأخر راح يلاقي الي يعلمه كل شي عني والظاهر ان الي خطبك نفس الحاله وترا تصير كثير وشي عادي الي لازم تسويه انك تقولي لأبوك يصارحه ويقوله سألت شيخ مسجدكم وقال انك ما تصلي وشوفي مبرراته ربما كان يصلي بمسجد ثاني وخله يروح ويسأل عنه ويتأكد والله يوفقك ويقدم لك الي فيه الخير |
اقتباس:
|
اقتباس:
|
اقتباس:
|
اقتباس:
إذا تأكدتي من عدم صلاته في المسجد سواء القريب او البعيد قولي لأبيك ما فيه نصيب وبس بدون الدخول في تفاصيل وياختي ليس من المعقول ان لايصلي في المسجد القريب له سبع سنوات فاحيانا ربما يصحا متأخر في صلاة الفجر ويصلي بالمسجد القريب له نصيحتي لك لو عندك اخوان ان يذهبون الى المسجد الثاني ويسالون عنه وإذا كان فيه مسجد ثالث يسالون عنه . علما اني كما اخبرتك لست مقتنع بفكرة انه يصلي في مساجد بعيده ويترك المسجد القريب حتى وان كان كذلك . صلى في المسجد القريب بعض الاوقات والطريقه الاسهل في نظري سؤال جيرانه لأن الجار في الغالب يرى جاره وهو يصلي الله يوفقك ويقسم لك الخير |
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©