|
تدرون وش لقيت في ردود الأعضاء في المنتدى ؟؟
بسم الله الرحمن الرحيم
اخواني واخواتي السلام عليكم ورحمة الله وبركاتة ام بعد ابدخل بالموضوع على طول حينما تكتب مشكلة يتجه جميع الاعضاء الى حل هذه المشكلة ولاكن ينقسمون الى فريقين فريق يذكر با احاديث النبي صل الله عليه وسلم والفريق الثاني يذكر ان الرجولة لابد وان ليس لها حقوق وما ادري ليش انتم وش رايكم ماحصلتوا هالشي ؟؟؟ |
انا شفت بعض الاعضاء كذا ... لكن عضو واحد يستفزني رده ... ليش لمن يكون الرجال محترم زوجته مثلا
او يعاملها بما يرضي الله سبحانه يقولون عنه ضعيف شخصيه ... او لمن يكون زوج هادئ وحليم في حل بعض المشاكل يصير مو رجال ... والله استغرب انا ... الله يهديهم بس .. |
انا اقول لنتقي الله في اقلامنا ..وفي حروفنا .. فنحن محاسبون
جزاك الله خيرا أختك حائزة |
الله يرد المسلمين الى الأسلام
ردا جميلا ............يارب العالمين |
اقتباس:
إلاّ حصلت القسم الأول فعلاً راااااااائع ....وتشعر وانت تقرأ رده عليك بالوثوق ..وتأخذه بعين الإعتبار (ماكان الرفق في شئ إلا زانه ..ومانزع الرفق من شئ إلا شانه) القسم الثاني..الله يهديهم..ماخذين الدنيا كلها للرجل ..وفاهمين الآيه غلط (الرجال قوامون على النساء) فاهمينها بإن الرجال لازم يكون قوي ويفرض سيطرته وجبروته و...و...وكلمته تمشي ..مايأخذون الدنيا بهدوء وتفاهم .. ترى مو لأني إمرأه أقول كذه ..لاوالله .. حتى المرأه اللي تفرض سيطرتها على الرجل أراها مخطئه ..واللي تمشي الرجال على كيفها ..والله غلط يجب التفاهم من الطرفين ..والليونه من الطرفين .. لأنه ياإما الرجل بيكون مظلوم أو المرأه مظلومه بس في الواقع (أشوف رجال كثير يظلمون المرأه ..بحجة إني ولي أمرك ..وتقولين حاظر ..وإبشر ..من غير ماتقولين شئ) هذي وجهة نظري فقط لاغير وجزاك الله خير يا أخي (أمير الشوق808) وأتمنى ترفق على زوجتك .. |
اقتباس:
|
موضوع جميل
وكان نفسي اقرا مثل ماذكرت لاحظت ان الكثير يحتفظ بنصائح معلبة يطرحها بكل الردود بغض النظر عن المشكلة وبهذا الردود كثير من السلبية والاتكالية بدون تقديم نصيحة عملية مباشرة وتحس ان من قرا المشكلة لم يتعب نفسه ليعرف مافيها مع هذا يشكر لانه على الاقل قدم نصيحة لكن هذا اهون من خصوصا من الرجال من يقرا المشكلة فقط للانتقاد خصوصا لو كانت من الجنس الاخر ولمثل ماتقول ليبين ان ليس للمراة حقوق وان ليس من حق الزوجة او المراة الاعتراض ويلتمس كل الاعذار للرجل حتى اني اذكر باحد الردود عن رجل صور المراة المطلقة وكانها بقايا منبوذة ومحتقرة وانه من سيتزوجها غير انسان طامع بها او محتقر لها لعلكم تتذكرون رده اكثر مني لكني استئت من تصورات البعض من الرجال بمجتمعاتنا الحمدلله انهم ليسوا بالكثرة لكن لهم ردود منتشرة الشي الجيد اني ارى الكثير من النساء الواعيات يفاجئني بحجتهن وسعة اداركهن وتعمقهن بالردود كثيرا ت واسلوب علاجهن للمشاكل او للامور افضل بكثير وملاحظ من اسلوب الكثير من الرجال رغم ان بعض المشاكل بسبب الرجل والمتوقع ان يساعد الرجل المراة بشكل اكبر لفهم طبيعة زوجها لانه من جنسه لكن العكس اجد المراة من خلال ردود الاخوات اكثر استيعابا لشخصية الرجل |
جميع من قام بالرد على موضوعي جزاكم الله الف خير
المنتدى هذا حقيقتاً يعالج مواضيع الزوار على الاغلب ومنهم من يزور المنتدى وتفكيرة لازال مغلق فانا أهيب من يزور المنتدى ان يوسع ادراكة ويفهم الشروحات ومعالجة المشاكل بكل دقة وبكل تفهم حتى لا يتختلط علية الحابل بالنابل .. الشي ء الأخر يا اخواني و يا اخواتي موضوعي يتحدث عن فرق ردود الاعضاء وليس معاملات الازواج لبعظهم إقتراح عند طرح موضوع يجب ان تكون الردود بالكثير 25 رد وبعدها تقوم الإدارة بقفل الموضوع وطرح ردود الاعضاء على الهيئة الاستشارية وتختار الانسب ومن بعدها يقوم المشرف باضافة الرد المناسب والمتفق علية تحت عنوان : رأي الهيئةالأستشارية الفائدة تنقيح بعض الردود والالفاظ . اعطاء صاحب الموضوع الحل النهائي لمشكلته . ما رأيكم ؟ |
انا معاك في اللي قلته ... وياليت هالشي يصير ... لو هالشي يصير ... كان معظم مشاكل الاعضاء
بأذن الله محلوله ... |
ماشاء الله عليك
رأيك سديد وبمكانه , حتى مايتلخبط المستشير ويحوس , هذا يقول له كذا وذاك يقول كذا لكن صعب التطبيق , زي ماأنت شايف المشاكل بالهبل , والهيئة الاستشارية غير مفرغة لمثل ذلك وكلن عنده أشغال وأعمال أخرى |
أعتذر ..لأنني خرجت عن ماكنت تريد بالتحديد
|
بصراحة انا ارى اغلب الرجال في منتدانا
ماشاء الله عليهم والله انهم يقدرو المرأة وما ينصحو الرجل الا بالخير وبالعكس ينصحو بالرفق بزوجتة لكن هناك تقريباً دخلاء وهم بعدد أقل من اصابع اليد الواحدة يخربون الامر وهم معتقدين بان هذة حقاً هي المرجلة والله ما يصير الرجل بعيني رجل الا لما يفرض احترامة عليا بأذبة واخلاقة واسلوب وليس العنف الا دليل على الهمجية والتعسف والجهل والتربية الخاطئة التي تربى عليها لكن الحمد لله ان منتدانا يزخر برجال ما شاء الله عليهم والنعم فيهم رجال بمعنى الكلمة ويكفينا هؤلاء لان الكمال لله فعلاً يفخر المرء ان يجد رجال في الدنيا فيهم الخير والصلاح اما ما سواهم فهؤلاء نقرأ ردودهم ونعتبرهم غير موجودين او بهم مرض نفسي وهم محاسبون على كل كلمة يكتبونها عند بارئهم لانهم يسعون الى خراب بيوت المسلمين لا صلاحها ((ما يلفظ من قول الا لدية رقيب عتيد)) والله يهدي الجميع تقبل مروري |
أخت فراولة ماله داعي الاعتذار احنا اخوان وانتي اخيتي
اشكر الجميع على مرورهم |
الفئه الاولى تتجه الا سنة النبي ولاسلامنا الجميل
والفئه الثانيه تتجه ل تفكيرهاا الناقص وتنقصهاا الحكمه ولكن تجد الكثير من الاقلام التي تتجه لسنتنا وايضاا للحكمه فالردود وتخاف الله فيما تقول ...الله يكثرهم يارب |
شكرا لك يا عيون
|
نقل للمفتوح
|
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©