بدأت اكره زوجي فهل معي حق؟( المشكلة حلت ولله الحمد )
 

اختي

الوضع مو طبيعي

بصفته ايش يتكلم معاها؟؟؟

لا تسكتي ابدا ابدا

اليوم كلام وبكرة ما تدرين وين يوصل الحال

تحياتي

طيب اش اتصرف الله يسعدك قوليلي انا مو عارفة اش اتصرف
وشكرا لمرورك

اختي

قولي له صراحة

اولا ..حرام لا يجوز ان تكلم امرأة اجنبية عنك ...لا يجوز ابدا

ثانيا ...لازم تبينين له انك متضايقة من هذا التصرف

ثالثا...كوني حازمة مع صديقتك ..واطلبي منها ان تتوقف فورا عن الاتصال بزوجك ..

لا تستحين ابدا...خاصة انها ما تستحي انها تتصل عليه

قولي لها ..اذا تبغي شي تطلبه منك وانت توصلين له طلبها

لكن اياك ان تسكتي بعدين راح تعضين اصابعك ندم

ربي ييسر امرك

سلااااااااااااااااااااااااااااااااااااام
والله قلت حيه آنه لو مكانك جان صرت مجنونة آنه صارت لي قصة مشابه لقصتج صديق زوجي زوجته وايد مايعه الحمدلله والشكر كانت دائما من تصير مشكلة بينها وبين زوجها تتصل في زوجي علشان يزعم يصالحهم(وطبعا غرضها كان شي ثاني وكانت تدخل في مواضيع ثانية) وكان زوجي مايعطيها وجهه بعدين قررنا آنه وزوجي كل ما تتصل له أرد عليها آنه وكان أسلوبي دائما جاف معاها لين الحمدلله أنقطعت أتصالاتها ومره صارت مشكلة بينهم وهاي المشكلة وصلت للطلاق بينهم أتصلت في زوجي وقالت له أنت السبب في طلاقي لكن الله يراويك في ولدك وزوجي ماله دخل بالسالفه جوفو والله بنات آخر زمن أدري أني طولت وطلعت عن السالفة بس والله بعد فيني قهر من هالموضوع أتمنى أنك أنتي تحطين حد للموضوع وديري بالك على زوجج يا حبيبتي والله يكون في عونك....

اختى ما عليكى الا ان تذكرى زوجك ان ما يفعله حراااااااااااااااااااااااااااااااااااام
لانه من الاختلاط الغير جائز شرعا
اما هى فكلميها بطريقه جااااااااااااااافه ولا تستقبلى اتصلاتها يمكن تحس على دمها

ربي يهدي مابينكم ويجمع شملكم

ربي يهدي مابينكم ويجمع شملكم

ويسخر زوجك لك

حبيببتي الله يعينك نصيحتي كلميها وشوفي شوقصدها من ها لمكالمات لانه والله مب طبيعي الي يسوونه
قيسي هي تبي توصل لوين وحطي حد لها الموضوع ابدا ما ينسكت عنه الله يستر قوليلها انتي شو تبين قوليلها رجال متزوج وحياة راح تتهدم بسببك وشوفي شو بترد؟؟؟
والله ما ادري كيف لازم تتصرفي طيب كلمي زوجك وبهدوء تاااااااام عن الموضوع وقوليله اولا حرام وقوليلة انت مب حلال مشاكل تتكلم مع الحرمة اذا وحاولي تشغلي زوجك عنها بكل السبل خلي هذا الموضوع شغلك الشاغل لا تتركين البيت لانة هذي فرصة بالنسبة لها وراح تغتنمها كلمية وطلعيلك مشكلة وخليه يحلها عشان ينشغل عنها
الله يعينك على ما بلاك

لحظه اختي طيب هم يتكلمون بأي صفه ...
واذا الموضوع انها كل يوم يتكلمون ..هنا لازم تتخذين قرار كلمي زوجك وقوليله لو ماترك مكالمتها
راح تروحين لها وتتفاهمين معاها
وتعرفين اهي اش ناويه عليه
حبيبتي اهي تمادت يوم شافتك ماعلقتي على الموضوع ..
انصحك استعجلي في مكالمتها ..ولا تنتظرين لين ما تخرب بيتك..

اختي الفاضلة المسألة تتعلق بالعرف في بلدكم
فاذا كان عادي الرجل يكلم صديقة زوجته فهذا وضع وان كان الامر غير طبيعي فالوضع مختلف لأني اعتقد بهذا الشكل هو يريد تطفيشك فكيف يجرؤ على أن يحادثها أمامك؟
سبحان الله هذه حكمة منع اختلاط الجنسين فالرجل بطبعه متقلب الهوى وكلما رأى امرأة مختلفة عن زوجته- ليس بالضرورة افضل- مال اليها
اما ان كان الوضع طبيعي عندكم ولا حول ولا قوة الا بالله فاجلسي مع صديقتك وصارحيها بان هذه الاتصالات المتكررة تثير المشاكل عندك في البيت واذا كانت فعلا صديقتك وتحبك طالبيها ان تنسحب من حياة زوجك بهدوء واذا كنت بتخجلي تكلميها في هالامور حتى ما تزعل يبقى انت بعد لا تزعلي وليستمر الوضع هذا حتى يبدأ زوجك يقارن بينكما والمقارنة بالتأكيد ستكون لصالحها فهي غير مضطرة لاكثر من ان تثير اعجابه لمدة نص ساعة مكالمات باسلوب جذاب واذا استدعى الامر ساعتين شياكة لزوم عشوة أو لقاء، أما انت فاربعة وعشرين ساعة بوجهه ولازم الطبخ كويس ونظافة البيت وملابسه والاولاد
الله يعينك

يا هلا ..

اختي لحقي على بيتك لا يخترب .. وقفي البنت عند حدها وطلبي منها انها تترك زوجك في حاله وانها راح تسبب لك المشاكل باتصالاتها ... وكلمي زوجك بكل هدوء اذا كان يحبك و يحترم مشاعرك بيطل الاتصالات مع هذه المرأه ..واذا كانت هذه الصديقه لا تستحي مره فانت لا تستحين الف مره .. اهم شي حياتك ما تخترب..

طمنينا عن اخر اخبارك ..

أميرات ..

اسئليه هل يرضى ان تكلمي صديقه المطلق لاصلاح ذات البين


الامر لايرضي الله ولا عباده
وغير لائق
وقولي له ماذكرتيه لنا وبمواقف
وان يحترم وجودك
وانها ماعندها سالفة



وبنفس الوقت كلميها
والكلمة اللي تستحي منها بديها
وقولي لها لو سمحتي لا تتصلي على زوجي
فيه شي كلميني وانا اوصل له
والافضل تصلحي بينك وبين طليقك والخطا مايتعالج بخطا

شو ؟؟؟؟؟؟؟؟؟؟؟؟؟؟؟؟؟؟


طبعا لازم تغاري و توقفي هالمكالمات في الحال لكن بطريقة عقلانية و لو ما نفع احكي معها هي و خليها تحط حد

بنات آخر زمن !!

يعني ناطره لين تتصاعد الامور
؟؟؟
لا تصيرين طيبه بزياده!!!

كلميها واعطيها في وجهها قولي اللي تسوينه هذا غلط لو انتي مكاني مايرضيك بليز قولي له في وجهه لاعاد تكلمني ولا تفضفض لي. قولي لها راح يخرب بيتي من تحت راسك وهي اذا فيها ذرة احساس حتبعد عنه ابدأي منها لاتبدأين من زوجك عشان مايصير يتحايل عليك في التواصل معاها.

الله يفرج همك يارب

اشكر كل اللي ردوا علي والله انتوا عائلتي
وابشركم الموضوع خلاص انتهى والمشكلة انحلت بفضل الله ثم بفضل نصائحكم طبعا ماقدرت اسكت وكلمتها وقلتلها انتي حتخربي بيتي وكلمته هو بعد وصراحة قسيت عليه حبتين وماصرت اكلمه لغاية ماهو طفش من الوضع وكلمها وقلها خلاص لاعاد تتصلي علي وانا عن جد اعزكم وكل اللي رد علي ربنا يفتح بوجهه ابواب الخير ويرزقه بغير حساب

مبروك
الله يوفقك

حبيبتي الوحده تنتبه من اقرب الناس لها بالذات الصاحبات

قوليله ما يجووووووووووووووووووووز تتكلم معاها و صارحيه وقوليله انت زوجي يعني اللي بيني و بينك مالها دخل فيه

الله معاكي

اصلا من جد المفروض مايكون بينهم كلام أصلا لأنه لايجوز وكمان نص ساعه وكل يوووم احنا مانقول شي فى شرف المرأه ولكن على اي اساس تكلمه وليش اي شي تبغاه تكلمك بس صراحه هيا لقيت واحد يسايرها ويمشس معاها كلميه وأزعلى وقوليله هذا الوضع لازم ينتهى الان

خلاص ياجماعة الموضوع اتحل اشوفكم مرة زعلانين ترى والله انحل وانتوا ماقصرتوا
قد كده تعزوني وتخافوا عليا هههههههه
ماصدقت الاقي احد مهتم فيا تحياتي لكم

مبرووووووووووووووووووووك
الله يفرجها في وجهك

:14: :14: :14: :14:

الحمد لله

الحمد لله ..

اسأله تعالى أن يديم السعادة عليكما ..

نسخة لعالم المشاكل المحلولة ..