![]() |
عندي مشكلة مع امي ياريت تساعدوني
السلام عليكم
ااخواني واخواتي عندي مشكلة ذابحتني الا وهي امي انا كنت قبل سنتين ملتزم وكنت اصلي واعتكف ومن سنتين تغيرت وانقلبت 180 درجة وصرت ما اصلي الا نادرا وكثرت معاصيي وبقيت على هذا الحال سنتين ثم الان وقبل 4 اشهر ولله الحمد استقمت على الصلاة لكن حلقت دقني ومن يوم حلقت دقني كاني كفرت صارت امي على الطالعة والنازلة تنصحني لكن ليته نصح بطريقة حلوه او لحالي لكنها ما تنصحني الا قدام اخواني وتنصحني بطريقة هي اشبه بالسخرية (دائما تقول ليتني ما عطيتك فلوس لكذا وكذا لانك ما تستاهل) وكل كلامها عن النار والقبر والعذاب وكل هذا عشان التراويح والتهجد ما اصليها والصلوات المفروضه انام عنها ما تقول شئ وخواتي واخواني ما يصلون التراويح والتهجد ما تقولهم شئ يعني ما تشوف الا انا يعني انا قبل يوم كنت ما اصلي (ودائما على جنابة مع اني مو متزوج) لكن كان عندي دقن كان الوضع طبيعي والان يوم صرت اصلي لكن حلقت الدقن صرت كافر !! والله اني اتمنى اني اسافر اي مكان عشان ابعد عنها يعني اول كنت اروح اجلس معها واسولف اما الحين حتى وانا طالع لغرفتي ترمي علي كم كلمة زي (روح انت ووجهك اللي صاير زي وجه الحريم لا دقن ولا شئ ) انا احترت معها والله وابيكم تساعدوني |
صراحة والله تستاهل
يا اخي ربنا سترك ليش لتفضح حالك انت تعرف الحلال والحرام دامك كنت ملتزم فلشو العتب ع امك جنتك ونارك هذا فوق ما بتخاف عليك كثر خيرها الله يهديك ويهديني وكل المسلمين أم وليد |
اقتباس:
اذا عندك كلام حلو قوليه والا اصمتي وانا في غنى عن مثل هذه الردود التي لا تسمن ولا تغني من جوع |
هدي أعصابك ياأخي الفاضل ...
والله هذا من حرصها عليك وماأظنك تشك في هذا لحظة وحدة .. بكرة ان شاء الله اذا صرت أب بتقدر موقفها .. وأنت إذا شفتها كذا ابتسم في وجهها وحب راسها وقل يمة ادعي لي ترى هذا اللي بينفعني ولاكلامك هذا لايسمن ولايغني من جوع .. ترى هي في بالها الحين إنها تضغط عليك بهالأسلوب وماتدري إنها تزيدك عناد .. والله لو تدخل عليها في تالي الليل إن تلقاها رافعة يديها لربها تبكي وتدعي لك، بس بعض الأمهات مايعرفون الأسلوب الأمثل في نصح أولادهم .. الله يوفقك ويهديك للحق ويثبتك ويريك الحق حقا وبرزقك اتباعه ويريك الباطل باطلا ويرزقك اجتنابه ويجعلك من البارين بوالديك .. |
اقتباس:
الحل مبين قبل مراضاة امك لازم تراضي الله يعني امك كانت تعاملك هيك قبل اكيد لأ ما غيرت معاملتها الا لم تغيرت بعتذر منك ان فهمت انه حكي فيه شماتة كنت بس حابة ابين لإلك انه والدتك ع حق اسفة مرة ثانية وان شاء الله الاخوة مابيقصرو معك |
اقتباس:
|
اقتباس:
اذا عندك كلام حلو قوله والا اصمت وانا في غنى عن مثل هذه الردود التي لا تسمن ولا تغني من جوع :d :d |
اقتباس:
|
اقتباس:
لكن تنصحني بطريقة مقبولة مو قدام البيت كله يقول الشافعي : تعمدني بنصحك في انفرادي ** و جنبني النصيحة في الجماعه فإن النصح بين الناس نوع ** من التوبيخ لا أرضى استماعه و إن خالفتني و عصيت قولي ** فلا تجزع إذا لم تعط طاعه |
تذكــــر ،، اننا مانقدر نغير آباءنا وأمهاتنا ،، يمكن امك غلطت شوي في اسلوبها لكن والله مو قصدها ،، هذا من خوفها عليك ،، وأي أم تتمنى ابنها يكون محافظ على صلاته على وقتها
صدقني ،، اذا عاملتها بطريقه حلوة راح تستحي وتخفف من هذا الاسلوب ،، يعني مثلا لما تبدأ تخاصم ابتسم لها وبوسها في راسها وقولها حااااضر من عيوني ،، ولا يهمك بس ياليت ماتقولي ملاحظاتك قدام أخواني علشان ماانحرج ،، وأي شي تبغيه مني قوليه بينك وبيني وراح احاول أنفذه ،، وترا ياأخوي مافي أحسن من الإنسان اللي يحافظ على صلاته في المسجد ،، والدين ليس بالتشدد ،، لكن عيش حياتك وارض ربك قد ماتقدر والله راح يوفقك أســـأل الله أن يجعـــلك قــــرة عيـــن وقـــــلب لوالدتــــــك ،، وأن يجعـــــل والــــدتك قـــرة عينــــك وقلبـــك |
يا جماعة الخير ليش قمتوا على الرجال .. المفروض تدعون له عشان الله يهديه ..
أخي العزيز جاهد نفسك على الرجوع الى ما كنت عليه سابقا ، تقرب الى ربك بكثره الاستغفار .. اللهم اهديه ، واعفو عنه ، وثبته على الحق .. |
السلام عليكـــــــــــــم اخوووي الكريم
.................... آآخوي حلو وكويس الانسان لما يعترف بالغلط او الذنوب الي يسويها مو لاجل يجد الفرق لأ .. لا عشان يرجع لصوابه ولا هو عيب لما الانسان لما يخطي او يغلط لكن العيب لما انك تعرف خطأك وتستمر فيه ويجييك يوم تندم فيه على سويااك .. قبل مايجي هاليوم تتووب الى الله توبة نصوح فأن الله رحيم غفار لاتخلي الشيطان يستمر في العب عليك .. قف مع نفسك وقفه جاده وحاسبها قبل فوات الآوان وبالنسبه للوالده ياحظك فيها ماشاء الله غيرك يتمنون ام مثل امك.. تدري ليش؟.. لان مستحيل انسان ينصح انسان اخر ويدله على طريقه المستقيم وهو يكرهه .. امك تعلمك عشان تاخذ حذرك .. امك خانها اسلوبها بس ماخانها تفكيرها وقلبها الطيب مهما صار تبقى امك تبقى هي الحريصه عليك .. وافرح لانها تدلك على الخير وتاركه اخوانك .. توكل على اللــه واعرف ان اسلوب امك كذا فلا تؤاخذها .. وارجع لربك فانه غفار رحيم يتقبل بتوبة عبده .. الله يوفقك واسفه على الاطاله |
اقتباس:
بعض الاحيان الانسان ينحرف لا اراديا تصير كثير يعني اخونا في الله مااتوقع انه متعمد يتهاون في صلاتهو يترك الالتزام ... الخ ؛؛؛؛ اخوي ابو فيصل اقعد مع امك قعده هاديه و اسالها : ايش تبيني اسوي عشان ترضين علي ؟ وشوف وش تبي منك ونفذه بالنهايه هي امك ، و لازم تسوي اي شي يرضيها و بالتوفيق :) |
انت قلت امك يعني لا يوجد حل امامك ا لا ان تلاطفها وتحاول معاها بأسلوبك حتي تكف عن السخريه عنك لانها امك ويجب عليك ان تصبر علي كل ماتعمله لك وثق انها تحبك كثير ولا تكرهك اما حلق اللحيه بعد الالتزام فهذا شي اكيد الكل بيستغرب عليك كشخص ملتزم وبعدها حليق وترك الصلاة عموما اتمني لنا ولك الهداية
|
ربنا معاك يااخى
لكن امك مع الوقت هاتشعر انك رجعت لربك مثل السابق ولا تضيق صدرك دى امك وخايفه عليك ولو هى بتنصحك امام اخواتك اعذرها ماعندهاش خبره ان ده مزعج بالنسبالك ويقلل من شائنك امام اخواتك لكن ممكن تلطف انت الجو بينك وبين امك روح لامك واعطيها قبله على جبينها:d وهى ان شاء الله هاتعرف انك رجعت ابنها بتاع زمان:14: ربنا يهدينا.............والله مارضيت اقول ربنا يهديك .............لتقول شمتانه فيك:( :) اصل عصبى بزياده .........والله خوفتنى:24: |
عاملها بالطيب وكل ما نصحتك رد عليها بكلام حلو وبتشوف وشلون تتغير وتصير تعاملك بطريقه حلوه
لاني اعتقد انها خذت عنك فكره ومستحيل تغيرها عنك الا اذا انك غيرت معاملتك معها |
وعليكم السلاااام ورحمة الله وبركااااته
هدي أعصاااابك يأخي العزيز ,,,, والحمد لله أنك استقمت وتبدل حاالك الى الاحسن ,, ولكن بين لوااااالدتك ان الدقن مو أسااااس الدين . وترى قلب الامهاااااات على أبناااائهم مليء بالحب والحناااااااان , ولا أعتقد ان والدتك تكرهك لا سمح الله او تفضل أحدكم على الاخر, وقبل راس والدتك وفهمها الوضع وشر عليها ان لا تنقدك او تحرجك عند الاخرين, وحذااري ان تبتعد عنها او تعقهاا فهي جنتك وناااااارك. اللهم اهدنا واصلح لنا شباااابنا وفتياااتنا. ولكم مني خاااالص التحييييات واعذب الامنيااااااات |
شف اخوي بقول لك اشياء سوها وان شاء الله تجيب نتيجه مع امك
ابتسم في وجهها .... اذا قالت لك شي قل لها ابشري ... حب راسها في كل وقت ... دايم اطلب منها الرضى .... خل وحده من اخواتك او الخدامه تصلح لكم قهوة ورح لامك قل لها يمه مشتهي اتقوى معك ... اقعد سولف عليها ... ترا ابوك وامك جنتك ونارك .... اطلب رضاهم بحياتهم قبل موتهم والله يعينك على مصيبتك ... |
اقتباس:
انحرافي كان بسبب دراستي بالخارج وعاد تعرفون بلاد الكفر وايش فيها |
الله يعين
الله يهديك ويهدي شباب الامه ملاحظه يبدو ان عصبي مررررره ترى يجيب القالون خفف من عصبيتك احسن لصحتك |
أخوي ماسبب انتكاسك بعد التزامك..
|
اقتباس:
سؤال بس .. الحين انت فعلا و من كل عقلك شايف ان امك غلطانه و انت صح و زعلان لانها تعصب عليك او تكلمك؟؟؟ عفوا يعني .. بس ما ادري شو التعليق اللي ممكن ينحط على حالتك ..الله يهدي الجميع |
صراحه الامهات عذاب تدري ليش لانهم كبرو بالسن ويبيلك تستحمل الله يفرجها وتتزوج
بعدين صح ليش ماتفاتحها بموضوع الزواج؟؟؟؟ شو رايك مافي حل غير كذا تدري ليه لان الواحد جد ماعاد يقدر يتحمل انا موقادره اتحمل خلاص الله يفرجها امي برضو زي كذا تمر علي و ترمي كلام يسم البدن وتروح عالعموم هذا هو الحل الوحيد انك تتزوج وتطلع من البيت عشان لاتصير فيه حساسيات بينك وبينها |
اقتباس:
تعرف انا لي فتره كنت بنزل كذا موضيع من مشاكلي مع امي لدرجه صرت اعتكف بغرفتي عشان ما اشوفها وصرت احسها صديقتي يعني عادي نتاطق بس الحمد لله عرفت انه الشيطان كان يزين لي قوتي وصرت ادعي ربي يصبرني مع اني عصبيه بس الحمد لله ربي هداني ودامها بس عليك واخوانك لا دليل شكثر هي تحبك انت وشكثر انت مميز عندها وش كثر تشوف فيك الخير وتتامل فيك انك الولد الصالح الي بيدعو لها بحياتها وبموتها انت لا تسافر اصبر كم سنه وهي بتسافر وبتخليك بهالعالم غريب مالك احد بتفتقد وجودها مالك حضن يضمك اغتنم الفرصه دامها عندك اصبر وادعي ربي يصبرك وارضها بحياتها قبل ماتندم بعد مماتها الله يطول بعمرها ان شاء الله والله يبلغنا رضا والدينا ويخلي امهات المسلمين ويرحمهم |
الله يهديك زالله أنقهرت لما عرفت أنك أبو فيصل لاني كنت أشوف مواضيعك فيها نوه من الألتزااااااااام
على العموم الله يهديك ويعينك على الحق وأياك الغضب من أمك لاتنسى وصية الرسول أمك ثم أمك ثم أمك |
اهم شي انت تحافظ على صلاتك
وابتعد عن الحرام وتزوج عشان انت ترتاح وامك تتطمن عليك واهم شي تتزوج وحده راعيه دين وصلاه لانها كنز في هذا الزمن ترى مو بس الرجال عندهم انحراف ترى حتى الحريم وامك هي مقهور اكثر منك ورضاها من رضا الله هي ماتطالبك بمعصيه بالعكس تتمنى لك الخير اله يهديك ويوفقك ويجعلك امام مسجد وداعيه للخير |
اخوي لا تخلي الشيطان يسيطر عليك اتعوذ من ابليس تري اشطر منه ماشي
انته سافرت للخارج ورأيت الفرق بين دولتك الأسلاميه وبين دووله كااافره قووولي اين وجدت راحتك النفسيه اكثر ؟؟؟ بغض النظر عن تصرفات امك والأشياء الخارجيه ؟؟ كنت ملتزم وبعدين تركت الألتزام ورجعت مرثانيه ؟؟ سبحان الله الله هداك الي طريق الحق لو ابتعدت عنه ياخي الكريم .. هذا امك الله يحفظها و يخليها لك هل تتخيل الحياااه دوونها كيف ستكون ؟؟ اعلم ان من ينصحك يحبك و لو كانت ماتعرف تنصح ياخي لو اي شي قالتك قولها ان شاء الله ان شاء الله لا تجاوب رد ثااااااااني غير ان شاء الله شووووف كيف بتغير معاملتها معك جرب بس والله يثبتك علي الدين واكثر من الأستغفار اخوووي ولا يغلبك الشيطان استعذ با الله منه اللهم اعن اخي الكريم علي طاعت والديه ... والله ولي التوفيق |
اخي الكريم لانحتاج تذكيرك بخوف والدتك عليك لانك تعلم ذلك ولكن مشكلتك في طريقتها في النصح
طيب خذها وحدها وخبرها انه هذا الاسلوب يضايقك وينفرك اكثر لانه هذي يولد ردة فعل عكسية وهي العناد والمكابرة وهذا من امر الشيطان اخي الكريم فكر بينك وبين نفسك قبل ماتقدم على اي فعل هل هذا يرضي الرحمن ام يغضبه وصدقني راح تعيش بسعادة بعدها ماعليك من العالم لان السائد يبدو سعادة ولكن زائفة لانه لا سعادة في معصيه اتمنى منك اخي الكريم ان تعود لما كنت عليه وابحث عن صحبة صالحة تعينك على الطاعة والله يكون في عونك ويثبتك |
اخي العزيز اذا كنت تريد من يستمع لك فعليك الاستماع للاخرين وتقبل النقد بصدر رحب وسماحة
فالله اعلم بالنفوس اما بالنسبة لامك اطال الله في عمرها لك اخذ رضاها عليك مهما قالت لك او فعلت اهي والدتك وصدقني اكييييييييد هي خايفة عليك الكبار امثال امهاتنا ما نقدر نغير اسلوبهم بين يوم وليلة ومهما لو كان نستحملهم ونحطهم على راسنا والله يهديك ويهدينا اجمعين ويعينك عى رضى الوالدين وبالتوفيق وانشاالله يرزقك ببنت الحلال اللي تهمك |
اخوي اهم شي في هالدنيا حافظ على صلاتك هي دنيتك وحياتك نارك وجنتك وبعدين الصلاة تنهى عن الفحشاء والمنكر وامك حرمة كبيرة تبيك متدين وانت ان شا الله فيك خيرا بس الحريم الكبار ترى ماعندهم اسلوب بس لازم تطول بلالك وتستغفر ربك وان شا الله يطول في عمرها وعمرك ويسخرها لك
|
نصيحتي لــك انك تاخذ امك باللين
يعني مثلا شفتها هذاك اليوم لابسه احمر قلها اكشخ يااحمر وش هالزين او مثلا والله ابوي حركات يعرف يختار هذي الاشياء تخليها تحبك اكثر وتحاول انها ماتزعلــك اسالني عن الحريم مايجون الا بالمدح واذا لاحظت ان مافيه امل صارحها .. قلها يمه لا عاد تقولين كذا ترا انا اتضايق :: واذا تقدر تربي دقنك ليش لا :: اتمنى اكون افدتك والله يهدي والدتك ويحنن قلبها |
اخوي اول شي الله يهديك ويصلحك يارب
ثاني شي اخوي طول بالك على الوالده صدقني لو ماتحبك ماتقولك هالكلام واكيد هي تعزك معزه غير عن اخوانك عشان كذا تنصحك وصدقني امهاتنا هم كذا مو ماعندهم اسلوب لا والله بس مايبون يتركونا على الشينه .واطلعها من قلبها زي ماهي . وحتى احنا البنات نعاني من هالشي اكثر منكم لان مو مثلكم طلعاتكم كثيره .. يعني غلطه بسيطه ماتغفرها لك.. لكن احنا نسوي الشي الي يرضيهم وصدقني رضى والدينا يسوا الدنيا ومافيها يعني قبل ماتدخل تنام تسلم على راسها وتقولها تكفين اميمتي ادعيلي وخلك راضيه علي .. وسبحان الله والله مافي احن من قلب الام بالدنيا كلها .. وحاول تقترب منها يمه اذا في شي ناقصك واذا تبين شي وانت خارج يمه تامرين على شي ((عود نفسك واتعود ))وفضي نفسك يوم خذها خارج البيت خلها تشم هواء والله والله راح ترتاح راحه نفسيه مابعدها ... وانت حاول تصلح من نفسك يعني حاول تصلي صلاتك بوقتها حط منبه واذا راحت عليك نومه وصحيت صلي متى ماقمت ومو كل واحد كامل الكامل الله سبحانه وتعالى وحاول تتصدق ولو بريال بنيه انها تعينك على صلاتك بوقتها وحاول انك تصل رحمك ....... صدقني هالاشياء فيها بركه وتعين الواحد على الصلاح من نفسه .. ولاتنسى اذا انت قريب من مكه مايخالف خذ امك معاك وخذ عمره وسبحان الله سبحان الله وانت اطووف حول بيت الله تحس بروحانيه فضيعه رائعه.. كلنا نتؤنس وكلنا شباب لكن بحدود والي يبي رضى ربه ورضى والدينه ودخول جناته لازم نتنازل ::: ومو كل شاب يعيش حياته يااما ناس طلعت من بيتها تبي الوناسه مارجعت ربي اخذ امانته وماندري كيف خاتمته سيئه والا حسنه لكن مانطلب من الله الإ ان يعينا ويحسن خواتمنا لاتستهون اخوي لازم تفكر بحياتك وتصلح منها بقي وقت والله اعطاك نعمه وللحين عايش حاول انك تصلح طريقك والله يصلحك ويهديك ويحسن خاتمتك تحيتي |
أمك أحسنت الظن بك ورأت منك الشاب المتميز عن الآخرين ولكن فجأة تغيرت في نظرها وما كانت تراه بعينها .
وهي كبيرة في السن لا تعرف تتعامل مع إنكار المنكر و لا تعرف طرق تغييره الواجب الآن أن تتريها صورتك الحسنة و تحاول تخدمها أن تقدم لها الهدية تلو الهدية أن تأتيها وهي في مصلها وتطلب منها الدعاء |
تدري ليش امك تعمل كذا
لانك انت احب شخص عندها وشيفتك انت الى فيك خير من اخوانك طبعا مو تقصير فيهم لا بس شايفه ان فيك خير كثير ان شاء الله وهذي عن حاجه اشوفها باامي الله يحميها ويخليها وامهات اجمعين عندي واحد من اخواني ماشاء الله عليه يعني اكثر اخواني تحسه باااااار فيها والصلاة مااااشاء الله مايخليه ويعني تحس فيه دين اكثر من الباقين لكن اخواني الباقين الله يهديهم ويصلحهم يعني لابد من القصور الله يهديهم عشان كذا تشوفها على اخوي الى فيه دين بالمرة غلطته عندهاااااااااااا كبيرة بالمرة لو هو عمل حاجه بسيطه اما هم سبحان الله لو غلطتهم كبيرة ماتزعل كثر ماتزعل من الاول تدري ليش لا غلطت الشاطر بالف وانت ان شاء الله شاطر:22: :22: وبار عند امك عشان كذا تعاملك كذا والله يتمم عليك ويثبتك على الدين لان هذا اهم شي وهو الى راح ناخذة معانا للقبر الاشراف/ تم تغيير اللون ليمكن قراءة المشاركة |
اخوانى واخواتى نحن هنا فى هذا المنتدى كالجسم الواحد واخينا صاحب الموضوع لديه مشكله فلا داعى لأى هجوم عليه او كلمات موبخة فقط انصحوه والله الهادى
اخى انت لديك مشكلتان واحده مع نفسك والثانيه مع امك نصيحتى لك اصلح مابينك وبين ربك (وكلنا نحتاج الى ذلك)حتى يصلح الله لك مابينك وبين نفسك ومابينك وبين امك جاهد نفسك فى موضوع الالتزام فانت الخاسر الوحيد اذا لم تحاول الوصول الى الصفوف الأولى بين الملتزمين فهذه الدنيا كلها فتن والقابض على دينه كالقابض على جمرة ولكن هل ستظل حياتك كلها بين معصيه وندم وعودة وندم وهناك المتقين الأبرار يقضون حياتهم فى طاعة الن تريد ان تكون بينهم وتحشر معهم؟ ام تريد ان تحشر مع العصاه؟ هناك مقوله احبها جدا وهى (لا تؤثر بنصيبك من الله احدا) اخى ارى انك بحاجه الى ايقاظ الوازع الدينى بداخلك ولست بحاجه الى توبيخ امك فهو لن يضيف شيئا وارى ايضا ان مشكلتك مع امك هى مشكله فرعيه فلا تتجاهل بسببها المشكله الرئيسيه الا وهى مشكلتك انت مع نفسك طبعا هناك حل اعتقد ان سيساعدك كثيرا وهو الزواج ولكن قبل ذلك اكسب رضا ربك وكن عند حسن ظنه بك ولا تكن مما يعبدون الله على حرف وانت على هذا الحرف الأن(شاب فى مقتبل عمره يعيش فى دنيا كلها فتن ونفسه تحدثه بما لذ وطاب منها ودينه يطالبه بالأستقامه فقط اكسب ثقه ورضوان ربك سارع واركض وهرول فى طريق الالتزام ثم بعد ذلك ساعد نفسك بطلب الزواج وستجد ان حالك تغير كثيرا وحال امك تبدل معك باذن الله |
الله يهديك ويصلحك
ويرضي أمك عليك ويهدي الجميع ويهديني |
الساعة الآن 11:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©