|
.,زوجي يراني مقصره دائما... ساااااااااعدوني
السلام عليكم ورحمة الله وبركاته
اخواني واخواتي والله عندي مشكله ممكن توصلني لطلاق مدري شلون ابداء بس اببداء من من الاول معليش بيكون كلامي ملخبط شوي ومو مرتب انا سبق وكتب في هذا المنتدى الغالي عن موضوع يخص زوجي لكن ياخوان مالقيت التفاعل الي يخليني ابر د اعصابي لكن الحين والله نفسي تساعدوني اخواني مشكلتي مامرت على احد زوجي غريب الاطوار والله تعبت يعني قبل اسبوع طلبته يوديني السوق قال لي انا مو سواق عندك انا بوديك بس من بيرجعك كلمت اخوي قال لي ابرجعك معليش المهم اخواني انا تعبت من تصرفاته يعني معتبر اخواني سواقين مع انه اخواني واخواتي ماعنده زود شغل يعني مو موضف عند ابوه مكتب وماسكه يعني يوم يروح وعشره لا ولا كيفه يعني مايطيق يطلع في الشمس زي الرجاجيل قبل يومين جيته الفجر قلت له يابن الناس انا تعبانه وابي اروح اجلس عند اهلي ولي اسبابي اولها اساعد امي عندها فطور منها اكمل اغراض السوق انفجر علي طلع لي الاولي والتالي قال انا مو على كيفك انتي موقايمه في بيتك مع اني قسم بالله العلي العظيم بيتي انظف منه مافيه ولا اعتمد لا على شغاله ولا احد انتي بنتك موقادره عليها انا بعد العيد بجيب لبنتي مربيه قلت له ياسلام طرطع زياده قال انتي ماتمشيني على كيفك قلت له الي تبي تسويه سوه بس الا بنتي بنتي مسؤليتي انا المسؤله عنها وعن تربيتها بدء يسب ويلعن قال لي انا ماجبرتك على العيشه معي اخواني لا تقولون مضغوط ماعليه زود مسؤلييات والله العظيم تعبت منه اخر شي اخواني خليته ورحت اتفاهم مع اخته الكبيره قلت لها يابنت الناس خلوني في حالي مايبيني يعطيني بنتي ويسرحني ليه كل هذا اخواني مشكلتي معه مشكله مايحب اقول له ابروح بيت اهلي مدري ليه مره من المرات رحت لسبب قاهر يعني كان بيسافر قال ايوه الحين لا تقصرين روحي هلسي مع اخوانك واختك مدري يغار من اخواني غيره ماهي طبيعيه عجزت افهمه وعجزت في نفس الوقت اكيف نفسي على حياته انسان وحداني ماله اصحاب ولما يطلعني بيت اهلي مضطر واحد من اخواني يجلس معه يعني يدور معه لين اخلص مايروح البيت وانا وبنتي مو فيه يحب بس بغباء يعني كل مره يقول لي انتي لي ولبيتي ولبنتي انا ماخذتك شغاله لعزايم ابوك والله تعبت اجلس 5 او 6 شهور ماشوف جدتي وعماتي بسبب وسوسته وكل مره ابي ار وح فيه لا زم يكون فيه سبب قوي يعني عزيمه كبيره مره حايته فارغه مافيها الا تلفزيون كم مره اروح واجلس في بيت اهلي ابي حل القي نفسي راجعه بدون اي حل عشان بنتي انسان مايصلي ابدا الا في رمضان 4 ايام او 5 بعدين يتركها مدمن افلام مصخره وقلة ادب حاولة كم مره حاولت اخوفه من الله اخر مره قبل يومين قلت له انا اخاف من الله ولو بسوي شي سويته ليه كل هالتجريح انا مسويه شي خطاء قل لي ترا فيه واحد فوق الجميع يحاسب وكل ظالم له نهايه قال لي كلامك هذا وفريه لاخوانك الي راكبه انتي فوق روسهم مو انا انا خابزك وعاجنك بتقولون ليه انا صابره عليه وهو مايصلي اقول لكم مشكلتي الكبيره امي وابوي ابوي انسان مسااااااااااااالم جدا ومايحب المشاكل ولا يحب دخلت المحاكم وكم مره يرسل امي علي تقول لي اصبري ولا تعالي وخلي له بنته ماعندي استعداد اربي له بنته(الكلام هذا ولا مره قال له لي ابوي بنفسه يعني صرت اشك ان امي تكذب علي) المشكله الكبرى امي وهذه قصتها طوووووووووووووووووووووويله امي تحبه يعني ترحمه تقول هو ضحية تربيته ماتربى زين ويجي منه وممكن يتغير مع اني دائما ماشوف منه تغير وكل مره تصير بيني وبينه مشكله تدخل نفسها وتحلها عشان مااطلع تقولون شولون تعرف طبعا هو يرفع عليها السماعه ويعطيها الموجز والله ياخواني واخواتي تعبت من حياته اخذني موضفه واكمل دراستي بالجامعه كل هذا الغاه يعني جلسني بالبيت ومره قلت له قبل تقريبا اسبوع يابن الناس اذا مصاريفي ومصارييف بنتي تضغط عليك خلني اشتغل تخيلو قالي (انقلعي ) انتي قومي في بيتك اول يحاول كل مره يطلعني مقصره عشان ماحد يلومه تخيلو اعزائي مره من المرات كنت تعبانه ومو قادره ارتب بيتي مو انظف ارتب يعني كان فيه حوسه بسيطه تعرفون البيت الي فيه طفل راح صوره بالجوال وارسله على اهلي بالكمبيوتر وفجاءه وانا افتش كمبيوتر اهلي والقى الفيديو سئلت خواتي من وين هذا جلسو يضحكون قالو ياختي ماشفنا وصاخه هي شويت تركيبه وعرايس طايحه بالارض بس طنشيه امي كل مره تدافع عنه كل مره تحطني انا الغلطانه اخواني يحب دائما انه يكسر مجاديفي في كل شي حتى في ذوقي مع ان خواتي مايلبسون الا لما يستشيروني كرهته وكرهت طريقته يحاول دائما يشككني في نفسي دائما يقول لي انا اعرف كل شي يصير انا ماني مغفل انا خابزك وعاجنك وابوصلك المرحله الي ابي وابخليك تسرحين وتمرحين الين ماتوصلين للمكان والنقطه الي ابيها والله طفشت مدري وش اسوي الجاء لعمي عند عمي مره عادل ومنصف نفسي الجاء له ابوي مرررررره بارد كل مره يقول لي بكره يتعدل بكره يتغير تصدقون اخواني ابوي جار للمسجد المهم اذا جابني وقت الصلاة وابوي كان طالع لصلاة ينزل يصلي اذا كان مافيه احد العطه يابطه اخواني تصرفاته مرررررررررررره تطفش تدرون ابوه مايهتم منه يعني احنا ساكنين معه في نفس البيت يجلس احيانا اسبوع مايشوفه خذو هذا الموقف واضحكو مره رحنا الشرقيه 4 ايام ولمارجعنا مريت على امه كانت جالسه وسلمت عليه وخليت بنتي تسلم عليها جاء هو صافح امه تخيلو صافحها ابوي لما يسلم عليه يعطيه خده يقول لي اخر مره صار بيني وبينه كلام انا رجال مايستهنون فيني تجين انتي تستهينن فيني مع اني عمري ماحسسته بهالاحساس عنده نقص لا تعطين نفسك اكبر من حجمها انا ادفنك مكانك يعني من هالكلام الي يجرح اسلوبه جااااااااارح جدا يعني لما يزعل حتى امي يقل ادبه عليها مره يقول لها الله يلعن الساعه الي عرفتني عليكم انتم وبنتكم انا طابت نفسي منك ومن بنتك تخيلو مع ان امي حرمه كبيره لا وتقول لي هذا اليوم انتي احسن مني انا يقل ادبه علي واتحمل ليه مافيه احترام لاحد معليش في داخلي كلام كثير بس اخاف اكون طولت عليكم ارجوكم ساااااااااااااعدوني والله تعبانه |
الله يهديه ويسخر ه لك
نقل للمتزوجين مع تغيير العنوان |
الله يعينك حبيبتي
ولي عودة |
اقتباس:
والله كنت ناوي اكمل القصة اشوف نهايتها ولقيت ان بدايتها ما تعطي خير اختي اصلحي النية في تشجيعه على الصلاة وإن صلحت صلاته صلح ان شاء الله باقي اموره وربنا يكون بعونك أخوك:d |
يووووووووووه
وش هالهممممممممم الله يكون في عونك ويصبرك لي عوده |
شوفي اختي:بداية
ندعو ربنا ان يلهم زجك الصواب والخير والعيشة السعيدة بينكم مهما نصحتيه لا يمكن ان يرد عليك لكن تخيري أعز الناس عليه يعني كلمي ابوه او اخوانه في الموضوع واحيلهم ان بعمل هيك وشوفي |
لا املك إلى الدعاء لكما بالتراحم والمحبة والسعادة في الدنيا والاخرة وأن يهديكم ويصلح ذريتكم يا كريم...
تحياتي |
ماقول غير الله يعينك من كل قلبي...
الله يعينك .. حثيه على الصلاة .. اهم شي.. مايحب يحتك في اهلك لانه يحس بالنقص.. يحس بانه اقل من اخوانك .. ويجرحك عشان يكسرك اتوقع .. فانتي حاولي ابدا ماتتكلمين عن اخوانك كثير.. ودائما شيميه .. وامدحيه .. |
الله يفرج همك ويسخره لك يهديه
|
شكرا اخواني على دعائكم لي
والله احس بتعب نفسي مايعلم فيه الا الله كرهته وكرهت الحياة معه انسا ن متسلط ويكره نفسه والناس اجمعين نفسي اتحرر منه ومن تسلطه بس مدري شلون الله يعين مشكورين اخواني كلكم اختي ام وداد كلامك سليم حتى امي دائما تقولي نفس الشي مايبيك تشوفين نفسك عليه مع ان عمري ماحسسته بهالأحساس الله يعين امين يااااااااااارب |
هذا زوجك الى جانب تركه للصلاة تراه يحس بنقص قوي جدا
و اكيد ماله اعتبار او هيبة سواء الحين او في طفولته ولقاك عاد ضحية جاهزه فيه طرق للتعامل مع المرضى النفسيين الي مثل زوجك بس انتي احسني استخدامها انك مثلا تبالغين في المدح و اذا كان رايق وسوى لك شي حلو تحسسينه بعظم هذا الشي وتقولين له انا مدري كيف كنت من غيرك و تسالينه عن اشياء في التربية و شغل البيت يعني يصير هو ابو العريف وتذكرينه بالله سبحانه و تعالى مثلا وهو طالع قولي حصن نفسك الله معك الله يوفقك خليه يستحي انه ما يصلي تكلمي عن صلاتك قولي اليوم قمت مرتاعة فاتتني الفجر الله لا يعاقبني بس طبعا من ضمن الكلام لا تعطين اي نصائح مباشره و ابدي بالزين مع امه خليه يستحي انه ما يسلم عليها زين و اقعدي قولي قدامه ياحظك امك عندك ماشاءالله لو انا امي جمبي كان كل يوم اسولف معها و اسال عنها |
اخي احمد عبدالرحيم من تزوجنا صار بينا مشكلتين كبار يعني اروح بيت اهلي ونحلها بينا وبين بعض ومشكله
اكبر لما تدخلو اهله هي المشكله الاخيره مسكت امه عندي بالبيت وكلمتها قالت لي اصبري واسكتي وانا مقدر اخرب بيت ولدي بيدي واذا تبين فلوس انا حاضره يعني هذا هو الدعم الوحيد الي بلقاه منها قلت لها هذا اخر شي عندك قالت لي ايوه قلت لها اجل لا تزعلين بدخل ابوي قالت كيفك انا مقدر اخرب بيت ابوي والولد هذا مافيه احد يقدر عليه المهم تكلمت مع ابوي قال لي تعالي زياره عادي واذا دخلتي البيت لا تطلعين وانا اتفاهم معه المهم كان هذا الكلام قبل رمضان العام الي فات ب20 يوم وجلست عند اهلي الين 28رمضان ورجعت معه تدرون ليه جاني في 18 رمضان وقال لي ابي بنتي ابوي بيشوفها ارسل علي اخته طبعا قلت له ماشي فجاءه اخذ بنتي مني 3 ايام تخيلو كنت بجن اخر شي قلت يابنت مابدهاش ورجعت بيتي واخواني كانو ماهم راضين بس شسوي يلوي ذراعي والله المهم ابوي قال له قبل كذا اذا تبي بنتك جب لي ورقه من امام المسجد انك تصلي لمدة شهر وبعدين اعطيك اياها بس سوى معي الحركه القذره وماقدرت اجلس رجعت معه ووالله العظيم اني كنت اطلع من الباب وادعي يارب اذا فيه خيره ولا رجعني يارب ورجعت ونفس الانسان الاول ماتغير الا يومكم هذا |
عليكي بالصبر
هذا زوجـــــــك وعليكي بالدعاء له بالهدايه والصلاة أهم شي ..بس عليكي بالدعاء له ... والله يسخره لك وكثير من الرجال كانت معاملتهم مثل زوجك بل أقسى ونتفاجئ بأحسن الأخبار بألتزامه ومحافظته على الصلاة ... وأنصك بهذه الليالي الفضيله بأكثار من الدعاء له وان الله يجمع ما بينكم والله يفرج همومنا وهموم المسلمين أجمعين |
اكثري له الدعاء في هذه الليالي المباركة و عسى الله يصلح حاله و حال زوجي
|
| الساعة الآن 11:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©