|
هل الاحتفاظ بخصوصياتي توثر على علاقتي بزوجتي
ياخوان وياخوات
حبيت اسالكم ..انا مااحب احد يقرب لي شئ او يلمس اغراضي جوال ...الخ ايما يكون !!:( واسمع واقرا ان الزوجه دايم تفتش جوال الزوج واغراضه ..وانا صراحة لو يصير هالشئ هذا ابزعل مرررررة.. هل هذا من حقي ؟؟؟؟ولا لا ؟ مع العلم اني ايضا لااحب ابدا ان افتش اغراض الاخرين ..وايضا زوجتي ..ولست من النوع الشكاك ..واذا هي ناويه مش ولابد فلا يردها الا الباب ..اقصد ان مااومن بالمراقبة :11: ... وش رايكم ...:25: تصدقون لو اشوف زوجتي جالسة على اللاب توب حقي كان كسرت راسها :29: قولوا رايكم بدون مجاملة ضروووري |
مع احترامي لرائيك هذا كلام غيرصحيح فحريتك تنتهي عندما تبدء حرية الاخرين وما في رجل في العالم بحب يجيب وجع الراس لبيته فكل ممنوع مرغوب فانت عندما تمنع زوجتك من خصوصية ما فانت كانك تشجعها عليها وبالتالي تعامل بصراحة وستكتشف ان زوجتك تصبح لامبالية تجاه الموضوع وعمرك ما تشعر زوجتك انك مخبي عليها شيء
|
بصراحـــــــــــــــــــــــــــــــــــــــــــــ ــة مو من حقك ما سوت جريمة مجرد لاب توب يعني شنو بتكون خاش فيه !!!
عموما عااااااااااااااادي جداً اذا مسكت شئ من اغراضك حب الفضول يعني انت بعد بيجي اليوم الي اتفتش في اغراضها .. تقبل مروري . |
اقتباس:
كيف...انا احب الصراحة ..لكن مااحب احد يمسك اغرضي ؟! خصوصا الجوال والاب توب !!! اعلموني اذا مخطي ؟! |
انا احس ان انت تجيب الشك لنفسك اشمعنه الموبايل والللاب توب يعني اكيد بكون في شي واللي واثق من نفسه ما يخاف انت لا تمنعها علشان لا تشك هي فيك انت خلك عادي وتصرف طبيعي ولو شفتها مره مسكت شي من اشيائك اقعد معاها وتابعها وشوف هي وش ناويه تشوف وابتسم وقول لها بطريقه مؤدبه انك ما تحب احد يتعبث باشيائك ولا ترى انت راح تتعبث باشيائها وخلك مرن ولا تعصب الامور وصدقني مع الوقت بتشوف انها ماراح تهتم باغراضك
|
اخوي مع الاخوة حق اذا انت تشدد على الشيئين هذان دون غيرهما معناه في (ان)
شوف انا زوجي دايما تارك جواله عادي ماعمري شفته خباه او خاف اشوفه وتصدق عمري مافكرت افتحه واشوف مسجاته >>>>>>>>>>> لانه لو خايف اشوف شي كان خاف عليه وماخلاه تحت ايدي وبصراحه انا اذا شفته خباه وخايف عليه الفضول بيذبحني ايش اللي مخبيه علي اكيد شي غلط وبعدين الاب توب المفروض انه مشترك بين الزوجين واذا حبيت يكون لك ملف شخصي اعمل باس وورد لنفسك وقول لزوجتك انها لاتفتحه مع اعتذار انك تحب انه تكون لك خصوصياتك مع وعد انك ماتخالف في خصوصياتك دينك واوامر ربك فإذا زوجتك ماراقبتك ربك شايفك لاتنسى.. تحياتي.. |
بصراحة احس عادي انك انت تلمس اغراضها وهي تلمس اغراضك :d :25:انا عندك مثلا ما لمست جوال زوجي من تزوجت ولا فتشت فيه ولا أفكر اني افتش فيه ابد بس هو اديم يفتش بجهازي وبجوالي وماخذ راحته .... عادي اخي |
اقتباس:
والله ماني راعي هالشغلات ..لكن مااحب احد يفتش علي ..طيب يعني انا غلطان !!!:( كل الرجال من اقاربي يحبون يفتشون على زوجاتهم ....... وانا والله فريي انا مااحب الوصايه والتدقيق ... خلوني اقولكم شغلة الان انا اكتب في المنتدى واخذ راحتي من دون احد يعرفني ..طيب اشرحلكم مشاكلي وتعطوني افتراحاتي ..طيب تصوري زوجتي بدت تطالع مشاركاتي وانا اتكلم عنها ..واقول لوحدة مثلكم شوفي يااختي ..وبارك الله فيكم >>>>>>>>>>>>>>>>>>كان اروح في خبر كان:29: هذا من ضمن الاسباب .. طيب انا ارسل لاحد الاصدقاء رسائل خاصة وشكر وتقدير ودعاء ..واحيانا يشرح لي مشاكلة واعطيه بعض الحلول ............طيب اذا فتحت جوالي وشافت هالرسائل ..انا صراحة انقهر:( اذا تبوني اشرح زيااادة والله اقول ........................................... |
اقتباس:
الجوال مثل ماذكرت فوق .. |
اقتباس:
اللهم اعني على تفكير النساء:18: يعني طيب انا مافتش على جوالها ولا عن اغراضها ..مع انه المفروض ادقق عليها ..لكن انا عندي حاجة انو البنت اذا بتفلت الله لايردها ومالها داعي وجع الراس!!! وبعدين تقولين الاب توب يكون مشترك ..الحين شايل هم السرير الواحد لاني ماتعود .تصدقون اني نصدمت قريت موضوع في المنتدى وحده تشكتي عن زوجها ماينام معها وانما بنام في الصالة او اي غرفه!! طيب انا احب يكون شوي الواحد مستقل وحر ..ماادري على هذا غلط !!!ولا لا لعلمك انا احب الاجتماعات وخصوصا الاسرية بس ابغى ان الواحد يجلس مع نفسه شوي |
انا طبعى من طبعك فلا احب مشاركه حد لاغراضى ولهذا تعمر معاى حاجياتى من اجهزه وغيرها ولا احب حد يقود سيارتى غيرى او يستعمل شسوارى
واحب حين انام انام على سريرى لوحدى واكثر ما يقلقنى حين اتزوج انه حد بيشاركنى سريرى عله يشخر او كثير الحركه ولااحب ان حد يبحث بتلفونى فلعل صديقتى تبعث لى مسج خاص احب ان يحترم الاخرين خصوصياتى لانى بدورىاحترم خصوصيات الاخرين لكن لا تستبق الاحداث جرب تنام معاها بسرير واحد فان لم يكن الوضع مريح صارحها باللى بنفسك وان لا تريد ان تستعمل كمبيوترك ضع له رقم سرى للجهاز حين تشغيله بالتالى سوف تفهم وذات الشىء للموبايل استعمل له رقم سرى |
المتعلم مدامك قررت تتزوج يعني كل شي بكون مشترك بينكم انتوا روح في جسدين يعني كل شي عادي وقلت لك بالطيب تقدر تقول لزوجتك ان هذي خصوصياتي ومابيك تطلعين عليها إلا بإذني لا تبين لها ان ممنوع ابدا ان الامر يحتاج إذن فهمت شنو اقصد يعني وقع الشي اهون من انه ممنوع لان ممنوع يعني في سر ماتبيها تشوفه بس باذنك يعني عادي مافي شي بس انت تحب اللي يستأذنون فهمتني
|
منى انا كنت زيك ما احب احد يطفل على اغراضي ولا احب احد ينام جنبي بس بعد ما تتزوجين كل شي يتغير .. النوم يصير امر عادي وتتعودين عليه و الاغراض مثل ما قلت بينوا ان لازم استئذان مافي شي ممنوع بس لازم الواحد يتعلم يستئذن
|
لحظه شوي
ليه نعتبر فتح الزوجة لجوال زوجها تطفل وتفتيش اذا كنت انا صفحة مفتوحه بالنسبة لزوجتي وزوجتي كذلك وين المشكلة؟ بالعكس, انا لو اجي واحصل زوجتي فاتحه جوالي وتقرا المسجات ببتسم واجلس اقراها معها ونفس الشي بالنسبة لها الزواج مشاركة احيانا ممكن يكون فيه اشياء تتضايق لو زوجتك تدري عنها (مشاكل مثلا) وهي كذلك والحل هنا في الوضوح "حبيبتي المكان الفلاني فيه اشياء ما ودي ان احد يشوفها وانحرج منها. لا تفتحينه يا عمري" مع كم بوسه واذا كانت واثقه من اخلاقك, اعتبر الموضوع انتهى وبدون زعل وخصوصيات زايده بين الزوجين واللي اقل ما يجي منها الشك |
اعتقد ان الخصوصية بين الزوجين يجب ان تكون في حدها الادنى بلا شك
لان التنازل عن الخصوصيات لمصلحة العلاقة الزوجية يعني الكثير لدى اي طرفين ( ازواج ) وهذا الشعور يولد الثقة و وتتحول إلى عادة وطمأنينة بين الطرفين. ولا اقول بان احترامك لخصوصياتك ( خطأ ) ولكنه باب خطير قد يتغلل منه شك زوجتك بأسرع ما يمكن والزوجة إذا شكت ستحول حياتك إلا جحيم وبالتالي انت كسبت خصوصياتك ولكنك خسرت زوجتك :) تمنياتي لك بالتوفيق |
كل ممنوع مرغوب
وكثر الحرص يجلب الشك خصوصا بالجوال او اللاب توب لانه امر شخصي بامكانك ان تبين وجهة نظرك لكن بدون شدة ومع هذا المثل يقول امشي عدل يحتار عدوك فيك بامكانك وضع ملف سري مغلق بباس وورد لافكارك الخاصة وللجوال احذف الرسائل الخاصة التي لا ترغب بان يطلع علهيا احد لا تنسى ان الجوال ممكن يضيع بيد اي شخص |
اقتباس:
اسال الله لك الزوجة الي اتفتش اغراضك وتحاسبك على كل كلمة :d :d لا أخوي الله يرزقك الزوجة الصالحة الفاهمة التي تعينك على الحق ... |
اقولك شي وما تزعل انت فيه شي غلط تسوي وماتبى حد يعرف عنه وصدقني انقهرت يوم قريت كلامك شويعني تكسر راسها ليش الاخت لعبة تكسر راسها
(والله ابا اسال انتو تزوجتو ليش ) يعني والله الزواج ترى من فراس وضحك وعيال وفلوس فكرو شوي بعقل انا اقولك واكلم كل الرجال (اللهم عافينا انتو تزوجتو الحريم عشان تهينوهم ) قال اكسر راسها ما اعتقد انها سوت غلط ما دامها زوجتك وشريكة حياتك وسكنك (سكنك) وبيتك يعني انت ع هذا وبتخبي اسمحلي ترى بس قهرني كلامك انت وزوجتك بينكم اشياء اكبر من تفاهات تلفون ولاب توب صدقني اجلس مع نفسك وفكر بعقل وخلو عنكم (الغشامة) غشمشم والسموحة |
صراحة المفروض كل القواعد تكسر وما يكووون فييه خصوصية بين الازواج
اكسر راس زوجتي عشانها شافت كمبيوتري اجل وشووله اتزوج اذا صار بينا خصوصية الحمد لله عني انا الوضع اكثر من عادي سوا كمبيوتري ولا غيرة |
اخويا الحياه قبل الزواج شيئ وبعد لزواج شيئ اخر يعنى لا خصوصيات بين الازواج ومن حقك ومن حقها انها تفتش وراك:d
بهزر معاك:d ربنا يديم الحب والموده بينكم يارب واعلم يااخى زوجتك هى جسدك وقلبك |
تصدق اخي نفس الطبع عندي بس انا مو التلفون واللاب توب بس انا كل حاجة ماحب يسالني احد وين رايحة من وين جاية ايش راح تعلمي اعملي كذا ....الخ الله يعين
ونفس الشي مااحب اسال احد عن اي شي ولا يهمني اعرف معلومات عن اي احد او استخدم اشياء احد الله يرزقك اخي الزوجة الي تتفهمك وتراعي خصوصياتك |
أقولك من حقك. . لأني أنا بعد إذا ربي رزقني بزوج صالح... باكسر راسه إذا تدخل في خصوصياتي من موبايل، لاب توب(إلا بعد الإستأذان)،عملي،دراستي، وخططي المستقبليه
إلا إذا كان همه يدفعني للأمام.. فمو مشكله في دراستي وعملي ولكن بعد الإستأذان باكسر راسه إذا تجاوز حدوده.. لأنه بيعرف مين أنا قبل الزواج فما يحتاج يشك أو يلعب بخصوصياتي |
يا اخوي
طبعا كلنا لنا خصوصيات بس الاسلوب هو المهم يعني انا لو رحت لزوجي وقلت له لو سمحت ....ما احبك تفتش بجوالي ولاب توبي!! شو تتوقع ردة فعله الطبيعيه ...وتحت الطبيعيه عشرين خط!! اكيد بيقولي ليش؟؟ في شي ما تبغيني اشوفه؟! لكن اللي ممكن اسويه اني ما راح اتكلم في الموضوع...واذا شفته يفتش...بقوله بضحك...كمشتك ....شو تسويييييييييييييي!!!! حبيبي ترى لاب توبي في مذكراتي وخصوصياتي وصور موديلات وحركات بناتيه ...ما احب انك تشوفها!!! عشان خاطري اتوقع باسلوب حلو ممكن يقتنع مع اني ما اشوف ان هذي خصوصيات الزوجين روح وحده ...وما بينهم حواجز |
واذا زوجتك كالتلك ماريدك اتفتش في اغراضي يعني الموبايل واللاب توب؟؟؟؟ راح توافق؟:(
|
والله أخوي مدري
بس انا تفكيري الشخصي انه طالما نويت تتزوج فتأكد أنه فيه وحده راح تشاركك بكل شيء بحياتك وراح تشاركها بكل شيء بحياته وحتى أصغر الامور |
ليه فيه بلاب توب او الجوال اشياء تخاف او تخجل احد يشوفها؟؟؟؟؟؟؟؟؟؟
ا |
أخي المتعلم ... الخصوصية والحياة الزوجية
تعرف أنهذا الموضوع أعيشه حالا مع زوجي الله يهديه الذي يقول نفس كلامك بالضبط عندما اقول له لماذا القفل على الهاتف يقول لي حتى لينانسرق محد يقدر يفتحه بس أناموحراميه فخلك معاي عادي لكن للأسف أصبح يقول مثلك تمام خصوصياتي ؟؟!!! حسنا ولكن أين نامن خصوصياتك فمنالمفروض لا خصوصيات في الحياة الزوجية لان المرأة بطبعها لا تحب الغموض والأسرار لذا راح تحاول أن تكسر حاجز الغموض الذي وضعته أمامها بكل الطرق والحيل فنصيحتي لك .. أترك الامور عاديه جدا ستجدها هي التي انسحبت من أطار الخطر الذي قد زرعته أنت في نفسها و تبدأ تهدأ و تنشغل في أمور أخرى غير جوالك ولاب توبك .. ولكن تذكروا اخوتي في الله ( البر من حسن الخلق و الاثم ما حاك في الصدر و كرهت أن يطلع إلية الناس ) صدق الرسو لالكريم . |
ويش السالفة أنت تبغى تكسر راس زوجتك والاخت تبغى تكسر راس زوجها وين قاعدين
كل عام وانتم بخير |
انت قلت تريد الصراحة
انا لوزوجي يقول هكذا صراحة بقول في انا يعني الجوال والاب تب تحديداً ما تحب تلمسهم !!!!!!! يا اخي اذا ما خايف من شيء فما اعتقد انك بتقول خصوصيات اصلاً اشفيها لو الزوجة استخدمت الاب تب واي شيء يزعجك عشان تسميه خصوصية صراحة زوجي الله يحفظة لي ما يمنعني من شيء لا الاب تب ولا الجوال والله ثم والله حتى ايميلاتة تبع الخاصة وتبع الشغل كلهم معطيني الباسورد تبعهم مش ضعف منة ابداً ابداً بالعكس هو شخصيتة قوية بس ما في عندة خصوصيات معي يعني اي قلبة مفتوح لي وهذا ان ذل انما يدل على مدى ثقتة بنفسة قبل كل شيء ويرفعة بنظري اكثر واكثر ويجعلني احبة واخلص لة في كل شيء ربي يحفظة لي من كل شر |
ماتفتش الا اذا نهيتها وماراح تدور الا صور الحريم او ارقام حريم او شي يخص الحريم وانتبه تحط في الجوال صور اطفال صغار هي ماتعرفهم :d |
انا رايي اللي ما يريد زوجته تشوف حاجاته تكيد مخبي شيئ
|
اقتباس:
إلخ اقتباس:
إلخ اقتباس:
اقتباس:
اقتباس:
الله يكسر راس الشيطان مو راسها ! لووووووووووووووول اقتباس:
الله معك |
اخي ... زوجي اخذ جوال من اول ما نزلت الجوالات ...
يعني من طعش سنه عمري في حياتي ما مسكته ولا فتحته ...ولا حتى اصلا اعرف افتحة ..اذا بغيت اتصل على احد اقول له كيف افتحة ..او خذ طلع لي الرقم او اخلي اولاد الصغار يطلعون لي الرقم ... وهو يموت قهر يقول لي وش هالتخلف ما تعرفين تفتحين جوال ... ؟؟؟؟ مؤخرا ...طلعت لي جوال ... يا دوب استخدمة للضرورة ... اولادي الصغار هم يعرفون له اكثر مني ... لكن لو كان قال لي قبل طعش سنه لا تلمسين الجوال ...كان صرت خبيرة وفنانه بعد في الجوالات ببساطة كل ممنوع مرغوب وخاصة سالفة الجوال والاب توب وهذا هو المسكين كل يوم خاربين اللاب توب حقة ..مع ان عندنا جهاز كبير واساسي للكل وكل يوم يقول لنا لا احد يلمس الجهاز عفستوه ...لكن لو انه كان حاط عليه رقم سري ...كان اكيد حرقنا الجهاز مو بس خربناه قل لها ما احب احد يشاركني في فرشاة اسناني ...او منشفتي ...راح تتقبل ...لكن جوال ولاب توب ,,, مصدرين للشك وبقوة ...استبعد انها راح ما تشك فيك فهمت الحين |
اقتباس:
|
اقتباس:
مثلا :دايم احب اشارك الزملاء في هموهم ..يفضفضون علي باختصار برسايل وزي كذا ..طيب وش دخل زوجتي بهالشغلة ..بعدين انا مااسمح لاحد زوجات الزملاء ان تدري باللي نقولة ..وكذلك العكس بالنسبة للبنات ...بينهم اسرار وامور عيب ان الرجل يتدخل فيها بمبدا انهم متزوجين! وهنا خصيت اللاب توب والجوال ... وبعدين الفساد والله المستعان سهل مرررررررررة ..طيب مستعجل شف الاسواق ...تبي مررووق اقرب دولة ..بمعنى ليست محصورة على الجوال والاب توب.. وانا ضذ مبدا مراقبة الزوجة واختبارها ... ارجو اني وضحت |
الاخوة ذبحني الحب ..فهد هاشم ..نعم ..والاخت محمد مشكورين على المرور واتمنى قراءة اعلاه
|
ام رخيم ..لورد اكسر راسها ..صيغة لا تدل على الكسر الحقيقي يعني ابزعل ..هي ترها زوجتي وانا اول اقرب واحد لها .........................:)
المصرية امين يارب |
الاخت توتي مشكورة على المرورة
الاخت سلمى ارجو قراء ردي السابق الاخت 3thooo ابحاول اجيبها باسلوب ومشكورة على التنويرة برنجلس:نعم لن افتش لان لها خصوصية احترمها هي ليست امة اسوي اللي ابي بل لها مشاعر وحقوق! محمد مشكور على الرد بس ليش ماتشيل هالحشرة في ردك :) كل شوي احسب جهازي فيه شئ احب الود ايوه صورة بنات وارقام ..وبلاوي ..وشغلة طويلة!!!!اللهم لك الحمد والشكر ..الله يحفظني ..الفتن كلها امامي وابتعد عن برحمه من الله ..سبحانه الجوال مافيه شي حنين اممممممممممممم والله افكر في الطريقة.. فجر جديد بارك الله فيك ساري:هههههههههههههههههههههه مشكور اخوي |
مبتسمة ولكن كلي جروح
والله اتمنى انك تقراين رودودي وتعطيني رايك |
أخي الكريم.............اذا اعطيت الموضوع اهتمام زائد......ماراح تريح زوجتك.....حتى ولو احترمت خصوصيتك...لكن مراح تكون واثقة بالعكس راح تعيش في شك دايم....وكل ماشافتك على اللاب توب او تجيك مسج او مكالمة مسكينة راح تحس بحسرة في قلبها.... لكن اذا خليت الموضوع عادي مع الوقت مراح تهتم......
تقبل مروري.... |
| الساعة الآن 12:33 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©