|
ماخسر من أستشار؟؟ ممكن تفيدوني
أستشارتني احد صديقاتي في موضوعها واحترت ايش ارد لها فقلت اشاوركم وانتم اكيد ماراح تقصرون
هي مطلقة ولاكن بنت عمرها تقريبا 29 تقدم لخطبتها شاب لم يسبق له الزواج عمرة تقريبا 32 سألو عنه الاهل وقالو انه شخص كويس ولاكن على قد حالة يعني راتبة تقريبا من5 الى 6 الاف يشتغل في بنك وغير جامعي وهي جامعية.. المهم قبلت فية عن قولت ماتزوجت وهي مطلقة يعني فرصة وجت لها..وقبلت وجو اهلة وجابو الشبكة ولكن لم يصير بينهم ملكة ولا مهر يعني فقط كلام وشبكة عشان يعلنون لناس .. بعد هالكلام بتقريبا بأسبوعين اتصلت عليها احد صديقاتها تبي تخطبها لأخوها وسبق قبل أشهر ان صادفت اخوها هذا بيت صديقتها بدون علمها..يعني شافته وهو شافها لانه ماكان يدري انها بالمجلس.. اخوها مطلق وتعرف اسباب طلاقة انها مقنعه جدا وعمرة40 ولدية ولد بنت ومعاهم شغالتهم جامعي ومركزة جدا جدا مرموق وسيم وشخصيته جدا حلوة من كلام اخته طبعا مع وجود الأخلاق والدين .. واعتقد شخص بهذي المواصفات اي بنت تتمناه طبعا صديقتي احتارت لانها قبل اسبوعين قبلت بالأول ولاكن لو قارنا اكيد الثاني لدية صفات ومميزات افضل بكثير.. والأن محتارة هل ترفض الأول ليتقدم الثاني ام حرام عليها ؟؟ واعتقد مو عيب او حرام انها تختار لنفسها الأفضل؟؟؟ لانها عشرت عمر مو علاقة يوم او يومين.. ولابد من الاقتناع التام.. اكيد طبعا ماخاب من استخار..وماخسر من استشار.. ولذالك استشيركم ؟؟؟؟؟ |
والله الموقف صعب بصراحة الثاني انسب من حيث انة متزوج من قبل وووو
لكن حرام لاتها الحين مخطوبة وخطيبها مالة ذنب بالعكس يكفي انة تقدم لة وهي مطلقة ويمكن هو يكون مش انسب لها لكن فية خير وانسان كويس وبيسعدها ماتعرفي لذا اشوف المسالة صعبة بصراحة انه اي حد يقول الاول ولا الثاني لكن الحل هو ا[blink]لاستخاااااااااااااااااااااااااارة[/blink] خبريها تتستخير الله وما خاب من استخار |
غلطتها انها وافقت على الاول بدون اقتناع
المفروض ماتتصرف هالتصرف وتظلم الرجال معاها وبعدين راتب 5 او 6 آلاف جدا ممتاز ! ومو شرط ان الجامعي يكون افضل من الغير جامعي! انا اقول حرام تكسر خاطر خطيبها وتظلمه معاها يعني معقوله تزوجته تمشية حال بس / قسوه منها بصراحه ! |
اقتباس:
ثانيا يا أختي ترى ما تجوز خطبة على خطبة بعدين المطلق ممكن في أي يوم يحن لطليقته ويرجعها لذمته بالذات إن بينهم أطفال خليها تحط قدامها جميع الإحتمالات إذا كانت مررره محتاره انصحيها تكثر من صلاة الإستخارة |
لو كنت مكانها وبعد الإستخاره مره وإثنتين وثلاث
سأختار الأول لأنه لا يوجد مايعيبه أبداً فضلاً عن إنهم سألوا عنه وماسمعوا إلا كل خير عنه . رأيي عن الأول : راتبه ليس قليل وعمره مناسب الثاني : عنده أولاد ، كبير عليها أنصحها بالإستخارة وتحكيم العقل لا العاطفــة والله ييسر أمرها . |
برايي الأول أفضل من ناحية العمر و أنه ماتزوج
و بالنسبة لراتبه مو شين جيد جدا و مع الأيام يزيد ثم أنها ماتظمن أن أخو صديقتها يتقد م فعلا يمكن ترفض هذا عشان الثاني ثم يغير الثاني رأيه و تندم و المشكلة هي عدم إقتناعها بالأول !! عليها بالإستخارة و الله يكتب لها الخير |
لو انا مكانها باختار الاول
بعد الاستخاره طبعا .... لان الاول ما سبق له الزواج ولا عنده اولاد بعدين راتبه مررررررررره كويس ... والشهادات والمناصب ميب مهمه بعدين عمره صغير ومناسب ... |
تقريبا من5 الى 6 الاف
هذا على قد حاله الشاب الي راتبه 5 او 6 ويعرف يتصرف يسوي الهوايل بالراتب هذا ثاني شي 32سنه احسن من 40 سنه إذا كان الأول رجل بمعنى الكلمه وبعدين اعرف احد الشباب تزوج من وحده مطلقه طبعاً ماكان معها عيال من الأول وهي مدرسة و زوجها الجديد معه المتوسطه ولا خذها إلا بعد ما تزوجها والحين عندهم عيال و عايشين احلا عيشه الله يتمم عليهم سعادتهم |
تستخير
الثاني لو مامعه عيال كان قلت لك توووب بس ترى مسألة العيال ماهي سهلة لابد يكون لها احتكاك فيهم , حتى لو شغالتهم معاهم , وزوجة الأب ياعيني لو تعطيهم العسل قالوا فيه سم , ثم إنهم يحتلون حيز من اهتمام والدهم وهذا من حقهم , مما قد يثير كوامن الغيرة لديها فيما بعد بخلاف الأول ماعنده غير عروسته . لكن لايمنع , تستخير بالإثنين كلهم , والله يكتب لها الخير . وممكن تجيب ورقة وقلم وتكتب مميزات هذا ومميزات هذا وعيوب هذا وعيوب هذا .. أنا عني لو حصل لي نفس الموقف أحس إني باختار الأول . ملحوظة : إذا كان الأول يشتغل في بنك ربوي ويباشر عمليات ربوية فهذا قد يؤثر على حياتهم فيما بعد (للأسوأ)حسب ماسمعت والله تعالى أعلم . |
اقتباس:
مش حرام شرعا انها تسيبه بس ازاي صاحبتها متعرفش انها مخطوبة وبعدين مش اكيد ان أخو صاحبتها حيتقدملها لو اكيد تتجوز اللي مرتحاله اكتر |
اول شي هي ماتسوي شي غلط او حرام يوم انها تقارن بين هاذا وهاذا .. لكن لو تقدم وخطب الثاني وكان الاول خاطب فهنا يكون حرام ..
وبصراحه هي ماتعتبر مطلقه بمعنى الكلمه .. لكن فسخ عقد .. وانا لو مكانها بختار الاول .. ومواصفاته جدا جدا جدا ممتازة ومو عيب انه مو ماخذ الجامعه .. الثاني عنده عيال وعمره 40 يعني الفرق بينهم بيكون 11 سنه بينما الاول 4 سنوات .. وكمان الخطيب الثاني ممكن تاخذه وحده مطلقه وعندها عيال .. اما بنت تاخذ ابو عيال بجد صعبه وظلم لها بما انها لسا ماشافت دنيا على قولهم .. وايضا راتبه جدا ممتاز .. ناس عايشين على الــ 3 واقل وماشاء الله مبسوطين الاول افضل بكثير ومقارب لعمرها ولوضعها .. |
بعد الإختيار والإعلان للناس تفكر بالخاطب الثاني ؟ ؟ ؟ إن مالت للثاني يجب أن تسئل رجل دين عن جواز هذا . |
اعتقد انه حرام
والله اعلم اتمنى انها تسئل اى شيخ قبل ماتتصرف وتفسخ الخطوبه مع الاول |
الاول
وترسلنا عنوان الثاني<<<امزح بصراحه الاول افضل لانه بدون مشاكل |
كيف تسمح لنفسها تفكر بالثاني اصلا
هي قد عقدت اتفاق كان اولى بها ان تخبر صديقتها بأن نصيبها اتى وان تطلب منها الدعاء لها بالتوفيق الله يوفقهم |
السلام عليكم ...
اختي الغالية قال صلى الله عليه وسلم بما معناه(أنه لا يحل لمسلم أن يخطب على خطبة أخيه) والمفروض اذا صاحبة المشكلة مو مقتنعة بالأول ما وافقت عليه لان لو كان اعتراضها على الراتب فالمال ليس كل شي ... ثم إن الخاطب الآخر أب لأطفال يعني يجب التروي في الموضوع والتفكير فيه من جميع الأبعاد ... الله يوفقها لما فيه الخير لها .. أم حمزة |
ولاكن على قد حالة يعني راتبة تقريبا من5 الى 6 الاف
وليه تبغى رجل كم راتبه فوق 10 الآلف انا اشوف انه من الغباء مقياس الراتب لأنه تقريبا نسبه فوق المتوسط من السكان تترواح رواتبهم من 5 الى 6 الآلف انا رجل موظف في احد البنوك صديقني موظف البنك لايقل ابدا اجتماعيا عن الدكتور الجامعي وربي اني انحرج من بعض تصرفات الجيران او تصرفات سكان الحي الي اسكن فيه اما اذا كانت تفكر في مقياس حياتها بالراتب فهذا شيء آخر لتختار من تريد منهم لازال الخيار في يدها ولكن مجتمعنا لايرحم خصوصا المطلقات وانتو عارفين وشايفين اكثر مني زوج في يدها والا زوج لا زال في مرحلة اتخاذ القرار خاتم في اليد والا خاتم باقي في محل الذهب نسأل الله لها الهدايه وراجحة العقل والتفكير السليم اسف للإطاله الممله تقبلوا مروري |
والله اول شيء انصحها تستخير الله
واذا مو مقتنعه في الاول خلاص بلاش تتزوجو مع اني اشوفو افضل لها من الثاني لان عنده اولاد وهدي مشكله وفي زوجه سابقه والاول بتكون بداية حياتو وحيجيبو اطفال لاول مره مع بعض وراتبو مره حلو مابه شيء وموظف بنك وظيفتو حلو كمان وعمره مناسب لها والله يوفقها لم يحب ويرضى |
| الساعة الآن 03:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©