|
النظرة الشرعية
السلام عليكم
اخواني تقبل الله منا ومنكم صالح الاعمال وجعلنا الله من عتقائه من النار الحمد لله تقدمت لخطبة بنت والخطوة الثانية الشوفة بس اذا قابلت البنت وش اقول لها بعد السؤال عن الحال ويا ليت كل واحد يكتب لنا وش قال يوم الشوفة واي وحده ماذا قيل لها واذا اعجبتي البنت وقامت وطلعت ... اقول اني موافق واني احتري ردكم,,, او اصبر وادق عليهم واذا ما اعجبتني وش اسوي؟ ندق ونقول ما كتب الله نصيب ! وشكرا |
اهلا اخوي
باعتبار اني مريت بهالتجربه كنت مثلك محتار وش اقول اذا جلست معاها وكنت على طول اسأل اللي مروا بهالتجربه لكن صدقني مجرد ماان رحت وجلست معاها سبحان الله الكلام قام يطلع بروحه ومو راضي يخلص يعني مثلا تكلمت معاها عن دراستها حياتها مع عايلتها وشتحب وشتكره كنت ماخذ معاي بوكيه ورد وكل مابين لحظه اقطف من البوكيه ورده واعطيها اياها انا اقولك هالكلام لان نظرتي كانت خاصه شوي ووقتها كان طويل يمكن قعدت معاها قرابة 6 ساعات هههه طبعا لا اوصيك في حال انها عجبتك لاتنسى ان تبدي اعجابك فيها مثلا تقول بصراحه ماتوقعتك بهالجمال واسألها بعد عن رايها فيك وقل لها شالعيوب اللي تشوفينها فيني او بشكلي وقبل لاتمشي منها لاتنسى ان تهديها اخر ورده وقل لها لاتنسينها واحتفظي فيها بعتبارها اول ورده اهديتها في حياتكم اسأل الله لك التوفيق |
اخي الفاضل قد مريت بالتجربه وكانت فاشله
اخي اولا قبل ما تروح للشوفه تجهز نفسك وش بتقول ووش بتسوي يعني جهز نفسك بعدد اسئله في البداية السلام وبعدين كيف الحال وبعدها مفهومك عن الزواج وماذا تريد من شريكة الحياة وبعدها ادخل في اعمالك وهواياتك وبعدها اسئلها وش مفهومك عن الحياة الزوجيه وماذا تتمني ان يكون الزوج ان شاءالله ترد عليك قبل ما تدخل سمي بالرحمن وادعي بقلبك اللهم اشرح لي صدري ويسرلي امري وحلل العقده من لساني ليفقهوا قولي وعليك بالابتسامه اول ما تدخل لان الابتسامة مفعولها عجيب حتى لو ما اعجبتك من اول ما تدخل لازم تتصنع الابتسامه والله يفوقك يا رب يا كريم |
بس حبي الكبير واقتراحه باقة ورد الصراحه مستصعبه ومو وقتها
بحفظ الله |
شوف يا اخوي ... انا قبل يومين رحت الشوفة ... والله يا اخوي ادخل و قلبك قدك و اتكلم مع ابوها بكل ثقة لما يكون معاكم و انت افتح المواضيع عشان هي تحس بشخصيتك .. و با النسبة للبنت لا تتعب نفسك صدقني ما راح ترد على كل شي راح ترد يا رجال بصوت بشويش و عينها بالارض ... اهم شي زي ما قلت لك خليك وااااااااااااااااااثق من نفسك و ربي تتسهل لكن لو بتفكر كثير صدقني راح تتلخبط ... انت و انت في الطريق ادعي ان الله يريحكم لبعض مو بس انت ادعي انه حتى هي ربي يخليها ترتاح من ناحيتك .............. على فكرة حلوة اقتراح الاخ لما يقول لك اسالها عن شكلك هههههههههههههههههه والله انه سؤال مو في محله ابدا هههههههههههههههه اصلا ما راح تقدر تجاوبك ابدا .. تمنياتي لك بالتوفيق
|
فيصل ..
الله يوفقك .. انا مثلك ابد .. الاسبوع القدام بإذن الله الشوفة الشرعية والله الموفق . لكن خليك واثق و مبادر في الكلام .. وخليك شوي ( نكوتي ) يعني اختار من الكلام ما يضحك اباها بأسلوب محترم عشان ترتاح لك اكثر الله يوفقك ولا تنساني من صالح الدعاء اخوك صهيب |
حياكم يالله ياشباب والله اللي يقرأ كلامكم تقول كأنكم جالسين تصفون مشهد رعب :24: خذوا الأمور بتلقائية وعفوية و وستأتي معكم بأسهل مما تتصورون الله يسهل أموركم ويرزقكم الزوجات الصالحات الكريمات العفيفات ========== :29: قفلة :29: متى يأتي فيلم الرعب <<<<< أقصد نصيبنا :( يا رب تيسر ما تعسر وتفرج علي وعلى إخواني الشباب عزوبي :21: بس :d رجل :30: دمتم في حفظ الرحمن |
اقتباس:
اضحكتني اضحك الله سنك والله ما ودي اتكلم اخاف اخوف الرجال :11: بس والله صدقت خذ الموضوع بعفويه وبتلقائيه وكمان تخيل انك رايح عزومه عزيمه بس لا زم تتجهز قبل ما تروح وتجهز الكلام وكيف تتكلم ووش الاسئلة وتحاول تمرن نفسك بالكلام عشان ما تضيع الله يوفقك ويسهلها عليك يا رب يا كريم موفق ان شاءالله ودربك خضر بحفظ الله |
الله يوفقك يا عزوبي بس رجل
اللهم لا هم الا وفرجته ولا عزوبي إلا وزوجته ولا مريض والا وشافيته اللهم امين الله يزوجكم ويرزقكم الزوجات الصالحات يا رب والله يزوجكن ويرزقكن الازواج الصالحين يا رب بحفظ الله |
اقتباس:
اقتباس:
وعليكم السلام الله يوفقك يارب ان احببت على حسب الجو ولا مانع بالتلميح انك راضي ان اعجبتك او إذا ماعجبتك تقول لهم نشوف ان شاء الله استخير وانتم استخيروا وان الله كتب نصيب ابتصل لكم بعد يومين وطبعا اذا انت قرارك عدم اتمام الخطوبه انسحب بهدوء بدون ما تتصل لان الامر عند بعض الناس غير مقبول انك تتصل وتقول ماكتب الله نصيب وبعض الناس يتقبل ذلك ولكن منعا لاحراج نفسك او احراجهم البعض يفضل تخبرهم قبل ماتطلع تقول اذا بيننا نصيب سوف اتصل بكم وهم يفهمون انك إذا ما اتصلت انك انهيت موضوع الخطبة اسال الله لك التوفيق والسعاده (: |
الله يجزاكم الف خييييييير ومشكورين على ردودكم
|
هلا اخوي
انا مريت بهالتجربه الحقيقه اني توقعتها تجيب الشاي او العصير وتمشي مباشره لكن ابوها جزاه الله خير سولفت معه حتى اطمأنت نفسي وبعد كذا دخلت هي بمااني ماحضرت للموضوع ماوجدت كلام اقوله غير كيف حالك حتى الرد انا يالكاد اني سمعته انت اهم شي عليك انك تركز فيها طبعا من اول الرؤيه راح ترتاح وانا الحقيقه اني يوم طلعت تبسمت في وجه ابوها وجلست اسولف معه ظهر على وجهي اني راضي وهذا المطلوب ولكن لابد من الاستخاره والله يوفقك اخوي |
،،
سبحان الله لم أكن أتخيل أن الرجال أيضا يحملون هم هذا اليوم إلى هذا الحد.. اعتقدت أن الأمر سهل بالنسبة لهم.. أسأل الله أن يوفقكم جميعا.. أختكم |
اقتباس:
لا ليسى سهل على بعض الشباب الصالح الذينا ليسى لهم علاقات مع فتيات ومغازل الصالح تجدينه هكذا:24: اما الاعاب تجدينه هكذا :25: بحفظ الله |
اقتباس:
صدقت لا فوض فوك وتسلم على الرد الجميل عزوبي:21: بس:d رجل:30: دمتم في حفظ الرحمن |
لوول جبتها على الجرح
يوم طلبت الشوفه الشرعيه قالولي مالك الا صوره تناظر فيها, وهذاني صابر وزاجي بعد كم شهر وصابر صارلي سنتين |
اتمنالك التوفيق وربنا يعجل باتمام زواجك وتكون زوجه صالحه:22:
ونزغرطلك قريب:14: |
والله ماتخيلت ان الشباب كمان زينا هالموقف صعب عندهم .،
الله يوفقكم جميعا .، ويرزقك اخوي عزوبي بس رجل الزوجه الصالحه بإذن الله عاجلا غير اجل .، اقتباس:
يعطيكم العافيه .، |
شكرا لكم جميعا والله يجزاكم خير
|
| الساعة الآن 12:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©