صورة امرأة أعرفها بجوال أخي
 

في يوم وانا في بيت اهلي الا واخويا يناديني (..........) المهم روحت له اشوف ايش وراه لمن فتحت الباب وانا اسطر على وجهي ابتسامة مد لي الجوال ومن بعيد اثناء انتقال الجوال الي يدي لاحظت صورة بنت قلت اكيد هذي بنت يبغاني اخطب له زيها(زي عادته) المهم وصل الجوال يدي رفعته نظرته الا بنت انا اعرفها صعقت كيف وصلتك هذي الصورة قال واحد اعطاني اياها المهم المهم انا ابغاكي تنصحيهالا نه هي دوبها متزوجة قلت له طيب الصورة يمكن راحت بالغلط او سرقت من جوالها او او قال المهم انصحيها لا ن الشاب يقول انه كان على علاقه بيها ومل منهاويبي يدحرجها على غيره وهي تطارده..
بدي اعرف كيف انا اعالج الموضوع وكيف انصحها وكيف اقولها؟؟؟؟؟؟؟؟؟؟؟؟؟؟

حبيبتي صارحيها وقولي لها ان صورتها في جوال الشباب ومدام هي متزوجه اكيد بتخاف على بيتها وخليك حازمه معاها وانصحيها وبينيلها الغلط يمكن يكون في احد لاعب بعقلها والله يكتب اللي فيه الخير

وريها الصورة بنفسك عشان تصدقك

لأنها أحتمال تقول عنك كذابة أو غيرانة منها أو حاقدة عليها

لذا أذهبي لها ولو تقولي لها إنه وصلتك صورة لوحدة تشبهها وقبل لاتوريها الصورة أحكيلها حكاية الصورة بأن الشباب يبون يرمونها على بعض ، وبعدها وريها الصورة


طبعاً وأنتي تكلميها لازم تكون قسمات وجهك قسمات وحدة مذهولة وصوتك خافت ولا يكون تبتسمين


والله يعينك

هذا ماجاء على بالي الآن والله الموفق

إضافة الى ما ذكره الأخ أخي في الله فأنا أعتقد أن هذه خطة ونوع من التهديد لتلك الفتاة من ذلك الشاب صديق أخيك ويريد أن يستخدم أخيك ويستخدمك لغرضه الدنيء ،،، وبمعنى أنه يريد أن تتأكد تلك الفتاة بأن صورتها معه ليحقق منها ما يريد ،،،،

أعتقد أن مثل هذا الموضوع يحتاج الى مزيد من التأمل والتفكير ،،، لي عودة بعد تفكير عميق وربما استشارة .

لا حول ولا قوة إلا بالله

الله يهديها ويهدي الجميييع

اتمنى اخواننا هنا يساعدونك

لآني ما افهم بالسوالف

لكن خوفيها من الله وان شرف البنت في عفتها والمصيبة انها متزوجة

لا حول ولا قوة إلا بالله

لا حول ولا قوة الا بالله

الله يستر علينا وعلى المسلمين

ويصلح احوالنا واحوال المسلمين

هلابك أخي أبو مريم

يمكن لم يعد يستطيع الاتصال بها فقد تكون غيرت جوالها ،،، ويمكن أنه يريد أن يوحي لها بأنه قد بدأ بالفعل في نشر صورها حيث لم ترضخ له .

وعلى العموم كل الاحتمالات واردة مادمنا بعيدين عن الموضوع .

أختي الفاضلة


حاولي قبل أن تذهبين اليها أن تضغطين على أخيك بقوة وحزم ،،،، وتعرفين منه أدق التفاصيل في الموضوع

،،، وادخلي عليه من باب الغيره على أخته المسلمة ،،، وخوفيه من الله وأن لا يكون هو أو تكونين أنتي

طريقا لتهديد فتاة متزوجة قد تكون تابت وندمت على ما فعلته ثم تسهلون الطريق لمن أراد اصطيادها من

حيث لا تشعرون ،،،، رققي قلب أخيك وقولي له أنت لا ترضى لاخواتك بمثل هذا فلا ترضى لبنات الناس .

ثم بعد ذلك إن أمكن أن يتم نصح ذلك الشاب من خلال أخيك وأن تحتسبون هذا عند الله ،،، والضغط على

الشاب في أن يزيل جميع الصور التي عنده لها اتقاء عقاب الله ،،، وأن الله لن يتركه في حال سبيله إن هو

آذاها فقد يعاقبه الله في نفسه وأخواته وزوجته بعد الزواج ،،، فأهم نقطة أن تستطيعون إزالة الصور الموجودة

مع الشاب والتأكد من ذلك ،،،

وفيما بعد يمكنك إخبارها بعد أن تطمئنين على سلامة موقف الشاب معها ونصحها ثم تطمينها بأن الصور قد

أزيلت .


اجتهدي في عملك هذا ابتغاء مرضاة الله واحرصي في ذلك ،،، ولن ينسك ربك على عمل مثل هذا

فسيؤتيك أجرا عظيما ويوفقك في حياتك الدنيا ويزيل عنك البلايا والمصائب والمحن لعمل تجتهدين فيه قليلا.

ومتزوجه بعد!!!!!

:(

اعتقد ان القصه مو كذا

اتوقع ان اخوك لقى الصوره متداولة بين الشباب وعرفها

وجابها لك علشان تنصحين البنت

لاان وربي مافيه احد يقول لخويه هذي صورة البنت اللي تقرب لك

ومبلشتني وانا ماابيها وكنت على علاقه معها

الا واحد مجنون حتى اللي بايعها مايسوي كذا

حتى كلام ابو فيصل مادخل مخي

تتوقع فيه واحد يقول يعطي صورة بنت لشخص يقرب لها علشان يوقع بها اذا تاكد من صورتها

طيب مايحسب للضربه اللي بتجيه والمشاكل والبلاوي ؟؟؟

مدري بس الموضوع مادخل راسي

اسيرها

وش جاب طاري أنها قريبتهم ؟؟؟

ما فيه أحد قال أنها تقرب لهم !!!!

الأخت كاتبة الموضوع قالت أنني تفاجأت أني أعرف البنت معرفة فقط .

أما أنا اللي ما دخل راسي هو وشلون أخو كاتبة الموضوع جاي متحمس يقول لاخته انصحيها !!! فتوقعي

كبير بأن هذا الرجل يعرف أنها تعرف البنت جيدا وهذا كان أسهل طريق للوصول اليها من خلال أخو كاتبة

الموضوع ثم اليها.

السلاااام عليكم اختي

اول شي..و أهم شي عليكم بستر البنت انتي واخووك .. و هالسالفة ما تطلع ولا لأحد ولو لأقرب الناس لكم ...

ثاني شي.. اخوك لازم يبتعد عن البنت وما يحط نفسه في سالفة مثل كذا

ثالث شي.. الله يقويك تتصلين عليها ولا تروحين لها بهدووووء وتخبرينها بكل شي قاله لك اخوك وصديقة.. وانك من خوفك عليها وعلى سمعتها جيتي وخبرتيها و ما خبرتني احد باللي صار وانه سر و عليها تحافظ على نفسها وعلى سمعتها وتوقف كل شخص عند حده...


الله يوفقك لكل ماهو خير ..

وطمننينا عليك ...

كلام الاخ (اسيرها )هو اللي كان ؛وهذي ماهي صديقتي هي من قرايبنا واخي وجد الصورة عند الشاب (وفصل عقله لمن شافها ) لانه مامداه نساها توها صغيرة في العشرينات ومالها شهرين متزوجة وهو شاف زميلة اللي مو بصاحب الصورة قد ارتبك عندما وصلته الصورة لانه كذا كأنه خجلان من ان اخويا يشوف هذا الموضوع لانه يعلم ان الاخت تقرب لنا بينما صاحب الصورة مايدري انها من قرايب اخويا المهم انا ما ابغى مبررات ولاكيف وكيت انا بدي اعرف كيف اعالج الموضوع بدون مايضرنا وأنا من الاول حاولت ابعد اخويا وقلتله ابعد انا احله بطريقتي لان اخويا شاب وهم ملفقين ويرمون اخطاؤهم على اول واحد يصيدونهوأخويا في غنى عن المشاكل وهو الشاب كان بيقول انها طفشته وهو مل منها وقال لصاحبه خذ اشغلها وهو يقول انها متعلقة فيه (انا كيف اوضح لها لعب هالشاب عليها وغدره بيها وانها مجرد تسلية )مع العلم ان هذولي الناس مماطلين وشكل وممكن يلبشوني بالموضوع اذاكلمتهم مباشرة.....

اكتبي لها رساله وانصحيها

رسالة مو بخط يدك لا ..بالكمبيوتر ولو تعرفين ايميلها تمام واذا ماعندها ايميل اطبعي الرساله بالكمبيوتر

وانصحيها ولاتعرفين بااسمك في الرساله وبكذا نصحتيها بدون ماتعرف من الناصح وذا ماتقدرين ترسلين لها

رساله سواء بالايميل او بورقه مطبوعه على الكمبيوتر تقدرين تشترين شريحه بدون اسم وتكتبين الرساله

على شكل رسالة وسائط نصية وخلي الجوال مقفل وحاولي توثقين كلامك باليمين علشان تصدقك وماتحس

في الموضوع لعبه

وبدون ماتدخلين في المشاكل

وياليت ترسلين الرساله وزوجها مو في البيت او قريب منها اخاف تتهور بسبب الصدمه وتعطيه الرساله

ثم يطلقها

موفقه خير

اسيرهااا

نحنا البارح كنا ع البحر وكانت البنت وعماتها معانا وانا عرضت الموضوع على انه صار لوحدة واخذت رأيهم كيف يكون الحل وقالوا نفس الحل (اسيرها )والان لو اعمله راح يعرفوني اكيد

من جد انا حيرانة ومن جد خايفة عليها واحس اني حملت امانة كبيرة مو قادرة احتملها

لا حول ولا قوة الا بالله العلي العظيم

هذه البنت صحيح طايشة ...متزوجة وتسوي كذا

اذا ما تخاف الله ....طيب ..ما تخاف من الفضيحة اللي يمكن انها تصير لها

وهالبنات ما يتعظون من القصص اللي كل يوم يسمعونها عن لعب الشباب بهم

ربي يستر على المؤمنين

الخطأ احيانا يجعل الانسان لايرى انه مخطئ وبعدين هي حديثة عهد بزواج وهذا الموضوع على مايقول الشاب قبل الزواج (والمخطئ يحسب ان الناس لن تكتشفه او تشعربه وهذي المشكلة)

طيب مالك الا انك تصارحينها

بس مو اول ماتلتقين فيها تتكلمين عن الموضوع

لا خلي السالفه هذي اخر شي اذا قربتي تمشين

ولا تقولين لها ابيك بموضوع ضروري او تحسسينها ان فيه شي علشان ماتتوتر اعصابها

وقبل لاتقولين لها السالفه بيني لها وش كثر غلاتها عندك وخوفك عليها وعلى سمعتها

انتي مثل اختي, انتي لو ماتهميني كان مابكلمك عن هالموضوع ,كلنا نغلط ومافيه احد معصوم

وقبل ماتقولين لها السالفه خذي منها وعد انها ماتزعل (كرري عليها هالشي ثلاث مرات)

وخبريها باللي صار وياليت تكونين ماسكه يدها علشان يخف التوتر عندها وماتتنرفز

اسيرهاااااا

اشكر الاخ اسيرهاعلى تفاعله وبحاول ؟؟
طيب ولو سوت نذالة ورسلت ابوها لزوجي وجاني الغالي وقال لي من فين الصورة وكيف واسئله مالها حصر انا ماأبغى اورط اخويا في الموضوع لانهم صراحة ناس مشاااااااااااااااااااااااااااااااااااااااااااااااا اااااااكل وماعليهم .

صارحيها او صارحي إحدى أخواتها اذا عندها أخت كبيرة و يكون عندها شوية حكمة و بتثقي برأيها

أرسلي لها الصورة بلوتوث على جوالها


وخلاص هي راح تعرف أن الصورة انتشرت


وإذا كان فيها دم راح تصحى من غفلتها


أما إذا كانت بدون دم فراح تكابر و تستهبل وتكلمه وتقول له ليش زعلت مني وليش صوري منتشرة ومن هذا الكلام .


طيب أنا عندي سؤال : هل في إمكانية أن تري والدتها الصورة ؟!!

ما قلتي لنا أنها من قرايبكم الا فيما بعد ،،، يعني بعد ردي ورد الأخ الكريم أسيرها ،،،

وعلى العموم ،،، ما داموا أهلها راعين مشاكل فابتعدي عن الموضوع بتاتا فقد تتورطين أنتي فيه وتقعين في سين جيم من أهلك وأهلها .

أما أخيك فإن استطاع بنفسه أن يقنع صديقه بمسح الصورة نهائيا فله الأجر الكبير عند الله ،،، فلعلها بعد الزواج تعقل وتتهدأ .

الله يحفظنا بحفظه ويستر على بنات المسلمين:(

الله المستعان

الله يستر على بناتنا وبنات المسلمين

بما انه وراهم مشاكل نصيحتي ابتعدي عنهم لا يقلبون السالفه عليك

لا حول ولا قوة إلا بالله
الله يستر علينا وعلى المسلمين ويستر عليها مسكينه

[QUOTE=أخي في الله]أرسلي لها الصورة بلوتوث على جوالها


وخلاص هي راح تعرف أن الصورة انتشرت


وإذا كان فيها دم راح تصحى من غفلتها


أما إذا كانت بدون دم فراح تكابر و تستهبل وتكلمه وتقول له ليش زعلت مني وليش صوري منتشرة ومن هذا الكلام .




الحل هذا معقول جددددددددا
لكن أرسليلها الصورة في مكان يكون مزدحم عشان ما تشك فيك
و بيكون درس قاسي لها
طول عمرها

اشكر الجميع على النصائح وأظن أني راح اترك الموضوع الى ينتهي بنفسه من جد مالقيت اي طريقة ابلغها بالموضوع وبمعنى أصح حاولت اعمل بنصائحكم ولكن لم استطع
تحياتي

قولي لها ربي ستر عليها لا تفضح نفسها

سؤال هل أنتم في السعودية
يمكن أن لم تصلح جميع الطرق التي ذكرت اللجوء إلى الهيئة

نعم بالسعودية بس الهيئة مستحيل