|
زوجي ومرضه النفسي .. احتاج نصائحكم
السلام عليكم ورحمة الله وبركاته
بدايتنا ابتكلم عن حياتي الزوجيه وعن شخصية زوجي انا فتاه متزوجه من سنتين وعندي ولد واحد عمره سنه زوجي اكبر مني بعشر سنوات ويعاني من مرض نفسي اسمه ( انفصام ذهني ) بسبب صدمه نفسيه صارت له قبل ست سنوات وكان سبب الصدمه سرقت اعز اصداقائه لامواله دخل مستشفى الطب النفسي وتعالج فيه وحاليا ياخذ دوا بشكل يومي للتخفيف على الافكار والوساوس اللي تصير له .. مشكلتي بدأت معه بعد حملي بطفلي كنت حامل بالشهر الخامس انتكست حالة زوجي وتعب والسبب اذا قلة الماديه عنده يتعب واعراض تعبه تكون تفكير دائم وسرحان ويركب السياره ومااعرف وين يروح وسماع الاغاني بشكل رهيييييب وبصوت عالي جدا لدرجه ان اذني تنبض من شدة الصوت بعد تعبه اهله حاولو معاه يدخل المستشفى رفض فأتصل اخوه بالشرطه والاسعاف واخذووه للمستشفى الطب النفسي وترقد فيها لمدة 24 يوم وانا وقتها كنت حامل وتعبانه نفسيا من حالة زوجي واللي زاد الطين بله اخو زوجي اللي اتصل على الشرطه لان مايسويها عاقل وهو لما يكون مريض مايضر احد تعالج والحمدلله واستمر على علاجه حتى هذه اللحظه .. لكن .. انا اعاني حاليا منه لانه دائم التفكير حتى ولده ابتعد عنه يكون عندي بالساعات والله مااحس بوجوده كل الوقت سرحان ويفكر واحيانا تتغير ملامحه للغضب واحيانا اكلمه مايرد ماادري ليش مع ان حياتنا الماديه ولله الحمد مستوره وكل الوقت يراسل الشخص اللي سرق فلوسه ويقوله كلام بالرسايل قووي جدا .. انا تعبت لدرجة انه اهملني واهمل ولده حتى حقي كزوجه مقصره معاي صارلي على هالحاله شهر واكثر ماني عارفه شسوي ارجووكم اللي عنده حل لي يساعدني لاني ملييييييت اشوف صديقاتي عايشات حياة مرفهه ومترفه امووت من القهر ليش انا لأ ..؟ . تم تعديل العنوان ليتضح المضمون .. |
ينقل الى قسم المتزوجين مكانه المناسب.
تحياتي،،، |
مشكور اخووي يعطيك العافيه
|
هل تعني ان زوجك يعاني من مرض الذهان (الشكيزوفرينيا )
لان الوساوس جزء من هذا المرض النفسي بما فيه الانشغال عن امورك واموره بسبب مرضه خصوصا انه احتاج للتنويم اكثر من مرة يفضل ان تعرفي عن حالته طبيا وان تتكلمي مع احد اخوانه ليراجع معه طبيبه ربما يحتاج لتعديل جرعات الدواء لديه |
نعم كلمي أحد من خوانه صراحة الوضع... الله يعينك
|
اولا اخو زوجك عاقل جدا يبي يعالج اخوه ولو بالقوه
الله يصبركي ويكون في عونك اذا كان زوجك مايذيكي وقادره علي الصبر معاه حاولي ان تخففي عنه بالكلام الطيب والنصح والمحافظة علي تناول العلاج في الوقت المناسب ومراجعه الطبيب |
احسن شي تكلمين الطبيب القائم على علاجه
لانه ممكن يفيدك بكيفية التعامل معاه ويمكن تكونين جزء من العلاج ربي يشفيه ويخليه لكم |
http://www.asmilies.com/smiliespic/t...a0asmilies.gif اختي اعانكِ الله .. الحل الوحيد لتجاوز هذه المحنه هي ايجاد علاج جذري لمعانات زوجكِ النفسيه وتجاوز اثار تلك الصدمه وهذا يكون بالعلاج وزرع الثقه من جديد نحو الطرف الاخر من قبل زوجكِ .. فلهذا اختي يجب عليكِ ان تساعديه بزرع ثقه زوجكِ بنفسه وفي غيره.. وحثه بطريقه واخرى على الخروج والانفتاح مع المجتمع وتكوين علاقات اجتماعيه خاصه مع من تثقين بدينهم وعلمهم في بدايه تلك المرحله لكي يساعدوه في تجاوز تلك المرحله ..و ممارسه الرياضه وخاصه الرياضات ذات الجهد الحركي العالي .. ولاانسى اختي انه في حال استمرار زوجكِ على دواء معين لمده سته اشهر بدون فائده ملموسه انصحكِ ان تراجعي طبيب اخر غير الذي صرف العلاج الاول ..علما بارك الله فيكِ ان جميع الادويه النفسيه هي غالبا مهدئه وتقلل نسبه المشكله لحدما لكن يبقى الجزء الاكبر هو عليكِ بمساعده هذه الادويه وهو العلاج السلوكي ..هناك كثير من المواقع والمنتديات التي تتعلق بالامراض النفسيه فأرجو ان تقومي بعرض مايعانيه زوجكِ من اعراض نفسيه والادويه التي يستعملها على المختصين بها وفي النهايه سوف يكون عندك تصور معين للتشخيص الدقيق لحاله زوجكِ وكيفيه علاجه دوائيا وسلوكيا.. وفي الختام انصحكِ نصيحه عليك بدفع بالصدقه بنيه الشفاء لكن عن طريقكِ انتِ شخصيا وزوجكِ بحيث تذهبين لا حد الفقرا وتقومي بزيارته ودفع الصدقه له ففيه راحه نفسيه كبيره واجر اكثر وتغير لروتين حياه زوجكِ اليومي .. |
الله يكون بعونج يا اختي
الغاليه احس الموضوع يبغيله متابعه من دكتور او استشاري نفسي |
اقتباس:
والله ياخي ماادري شنو الاسم العلمي لمرضه لكن اسمه بالعربي انفصام ذهني.. ونعم هو يوسوس واحيانا تأتيه افكار غريبه ان في احد كبار الشخصيات يحاربه ويحاول يدمر حياته.. وبالنسبه لاخوانه عنده اخوين اثنين وبصراحه ماشوفهم واقفين معاه مثلي اخوه الكبير يقولي مليت منه واخوه الاصغر ماعنده تعامل الا بالشده والدليل اتصاله على الشرطه هو متعقد من الحكومه بسبب وساوسه اللي تجيه بسبب المرض واخوه الله يهديه زاد هالوساوس عنده.. والجرعات عنده يوميا صباح ومساء جبه ونص قللهم الدكتور بعد ماكانو حبتين .. |
اقتباس:
|
اقتباس:
الله يسلمك اخوي وفعلا زوجي مايأذيني جسديا يأذيني نفسيا ومعنويا مااحب اشوفه متضايق لانه زوجي وحبيبي وابو ولدي وحاول اخفف عنه والعلاج ياخذه بأنتظام وبوقته والمراجعات مايطوفها من ولدت طفلي وهو منتظم بمراجعاته.. |
اقتباس:
|
اقتباس:
والعلاج اللي يأخذه ممتاز جدا والدليل غلات ثمنه غالي جدا لكن يصرف له ببلاش من المستشفى مشكورين تصوور ثمنه 4000 ريال سعودي لان مفعوله قوي وان شاء الله يفيده مع الايام لكن مشكلتي انه لي الحين يفكر ويسرح كثير .. بالنسبه لمواقع الاستشارات النفسيه ياليت تدلني عليها لاني ماني عارفه القاها اسفه اذا ثقلت عليك مشكوور اخوي علي رايك وحلك .. |
ماأملك لك الا الدعاء الله يفرج لك
|
الله اعلم حاولي اختي ان لا تشعريه بالحاجه الماديه وان حالكم ما شاء الله افضل من كثير وان الله هو مقدر الارزاق . ثم ان كان بامكانك اعملي في مجالك وساعديه قولي له انك بودك العمل و اثبات مهاراتي لا تذكري الماده ابدا.
والله يرزقكم ويشفيه اللهم امين امين |
اختي مياس مشكورره اختي على مرورج وانا بصراحه محتاجه لدعائج جزاج الله خيير
|
اقتباس:
اخوي لووف 3 انا حاليا ادور وظيفه لان شهادتي دبلوم ويبيلها وقت عشان يقبلوني اتوظف وانا يشهد علي الله ماعمري ضغطت عليه بالفلوس بالعكـس اكثر الاحيان اذا احتاج اعطيه ومره بعت ذهب عشان خاطره .. والمشكله الكبرى اخوي يأخذ منه فلوس كل شهر وسبب له ازمه ماديه :( |
اختي اول شي الله يعينك ويصبرك ويشفيه يارب
اسمعي اختي على قولة المثل أسال مجرب ولا تسأل طبيب والدي عنده نفس حاله زوجك تقريباً بس الفرق ان سبب المرض لوالدي من جدي لان كان يخاصمه قدامنا ولان يطلب منه يعيش معه ويعطيه راتبه المهم والشاهد في الموضوع لازم توقفين معاه أنتـــــــــــي وحطي بينها اقواس كثيره انتي لان المريض مايحب احد يتعاطف معاه اي احد اي كان لكن من زوجته وعياله بالعكس بيفرح اول شي اترجي فيه انك تروحين معاه لدكتوره مثل مااعمل انا ومع ان في البدايه ماوافق ابوي رفض نهائيا ولحد مااقنعته وان احنا نحبه ونبي له الخير ولمن كنت اروح معاه في البدايه كان يحفظني وش اقول للدكتور وسويت الي قالي عليه في البدايه لكن اخذت رقم الدكتور وكلمته وقلتله كل شي (( لان المريض النفسي لازم احد يروووح معاه لان هم مايدري عن حاله )) فاهمتني <<<<<< هذا من ناحية الدكتور ومن ناحيه البيت حاولي باي طريقه تكونين معاه ولا تتركين له مجال يفكر ابدآ ..... انا بصراحه اجلس عند ابوي وكل ماشفته راح بعيد اصرخ عليه ويستوعب ويضحك بحركتي واهم شي والمهم والهام الــــــدواء بانتظام وعلى الوقت ابوي صارله اكثر من 15 سنه على العلاج والحمدالله على كل حال صحيح احيان يظطر التنويم بالمستشفى وجلسات كهربايئه لان احيان مايعرفنا وينكرنا لكن الحمدالله الحمدالله يارب وين كنا وين صرنا اللهم لك الحمد والشكر واي سؤال انا حاضره اختي بس باامانه اصبري عليه والله اني عشت الحاله مع الوالد وقد ايش تعبنا وهو نفسه تعب اكثر منا والوالده تعبت كثير بس صبرت صبرت ماشاءالله تبارك الرحمن وبصراحه اقولها لو بنات هالوقت مايصبرون لان عاشت معاه عيشه كثير صعبه وحاولي انتي تتصدقي بنيت شفاءه وحاولي معاه يترك الاغاني ويواظب على صلاته وصدقيني مافي شي على الزوجه مستحيل لاتجلسين وتناظرين وتقولين ماااقدر وبالنسبه لأخوانه انا بصراحه ماشفت عماني وقفو مع ابوي استغفرالله يارب والله ماغير زادوه مرض من كثر مايطلبون منه فلوس وسيارات لهم وماقولك هالشي اكرهك فيهم لا والله بس اقولك هالشي من واقع تجربه وماكانو يعترفون بمرضه ويقولون طيب بس احنا الي تعبنا والله لان عايشين معاه والله يطوول بعمره ويخليه لنا يارب قوولي آمين واسفه اختي طولت عليك بس والله بغيت اساعدك وحزنت بصراحه كثير وذكرتيني باشياء كثيره الله المستعان تحيتي |
اقتباس:
لكن شكلي بروح معاه بمراجعته الجايه لانه كل شهر يكون عنده مراجعه وبكلم الدكتور وبحاول اخذ رقمه وبمشي بنصيحتج والله يجيب اللي فيه الخير وفعلا كل مااشوفه سرحان ويفكر اكلمه احاول الفت انتباهه لي ولولده واحيانا اقوله انا عازمتك على غدا او عشا اهم شي اطلعه من البؤوره اللي حاكر نفسه فيها وياختي ثلاث ارباع مشكلته اخووه الله يهديه يعرف ان اذا زوجي قلت فلوسه يتعب نفسيا لكن هو مصر يأخذ منه كل شهر مبلغ مو هيين مع العلم اني عايشه عنده وكأننا ماجرين عند اخووه تصوري !! انا اقنعته اننا نسكن بروحنا ونأخذ شقه بعيده عن اخوه الطماع والحمدلله اقتنع وبعد شهرين بنسكن الشقه.. لا والله ماطولتي علي اتمنى تفيديني بتجربتج مع والدج الله يخليه لج ويطول بعمره يارب .. |
ليش تمنعين والحمدالله هذي نعمه بحد ذاتها ان وافق وهو يطلب يأخذك معاه والله ان تعبت على ماقنعت الوالد وتعبت قبل ماوصل للدكتور اتصل ويصرفون ورحت موعد على اساس ان االوالد معاي وبعدين اكتشف الوالد اتوقعت بيزعل بس الحمدالله الدكتور شرح له الوضع وقال لازم احد يجي معاك وانا اكبر وحده بالبيت من البنات ولان الاولاد تعرفين ماهم مثلنا جالسين وشايفين .. وعلى قولتك انا بصراحه خفت فالبدايه وحتى لمن اتكلم مع الدكتور ابكي لكن الحين الحمدالله الزمن جمد قلبي ..ولان العلاج النفسي دائما يتوقف بالي حول المريض لان هو مايحس بنفسه ولمن يرووح للدكتور وش بيقوله اكيد مثل ابوي بيجلس ويسكت وبيعطيه حبوب ودواء مثل الي قبل لكن انتي غير بتحسين اذا فيه تقدم او تأخر بعلاجه او يفكر اكثر من الشهر الي قبله انطوائي او لا الحمدالله صار في تحسن وبكذا بقيلل من دواء لان الدواء النفسي صعب وان قل او كثر
وانت تذكرت شي راح افيدك |
ان شاء الله بروح معاه بالمراجعه الجايه
طيب اختي بغيت أسألج انتي تعرفين اسم علاجه بشوف هو نفس علاج زوجي ولا لأ؟ |
ربنا يشفيه و يعافيه
و يكون اجر اخلاصك و صبرك و حرصك عليه عند رب العالمين ان يعجل بشفائه و يعوضكم خير عن هذه الابتلاء اللهم امين |
اجمعيين يارب العالمين اشكرج اختي على دعائج جزاج الله خيير
|
حبيبتي الله يعينك ويشفي لك زوجك ويخلي لك ولدك
أختك أم سعود |
خليه يقرى قرآن كل ما حس بالحاله
لانه هو علاج لما في الصدور واذا عيا .... اقري انتي الرقية الشرعيه في مويه وزيت زيتون وخليه يرب المويه ودهنيه بالزيت على راسه ... الله يشفيه ويسخره لك ... قولي امين |
اختي انا مااعرف اسماء علاجه كلها بالانكلش اذا تبيني اكتبها لك هنا أمري عاااااادي والله
هو تقريبا ثلاث انواع تحيتي |
تسلموون اخواني وخواتي على دعائكم ومشورتكم
|
اقتباس:
|
[ةماني عارفه شسوي ارجووكم اللي عنده حل لي يساعدني لاني ملييييييت اشوف صديقاتي عايشات حياة مرفهه ومترفه امووت من القهر ليش انا لأ ..؟ .[/size][/QUOTE]
كل كلامج على عيني وراسي الا الجملة الاخيرة ليش انا لا ؟؟؟؟؟؟ اختي الكريمة اتذكري صبر ايوب واصبري زوجج مريض ساعدية حاول تشيلن هالاغاني وحطي قران اوقفي معاة حسسية انج بجتبة طول الوقت وقول لية الدنيا ماتدوم لحد وربج بياخذ حقكم من اللي سرف زوجج اختي استغفري الله واحمد الله انة زوجج بصحة وعافية وعندج ولد بالدنيا ومابيها خليج قوية وحاولي تقوين زوجج الله معاج |
الله يشفيه ،،،
|
اقتباس:
كل كلامج على عيني وراسي الا الجملة الاخيرة ليش انا لا ؟؟؟؟؟؟ اختي الكريمة اتذكري صبر ايوب واصبري زوجج مريض ساعدية حاول تشيلن هالاغاني وحطي قران اوقفي معاة حسسية انج بجتبة طول الوقت وقول لية الدنيا ماتدوم لحد وربج بياخذ حقكم من اللي سرف زوجج اختي استغفري الله واحمد الله انة زوجج بصحة وعافية وعندج ولد بالدنيا ومابيها خليج قوية وحاولي تقوين زوجج [/QUOTE]الله معاج كلامك على عيني وراسي لكن شسوي كل ماشوف احد من صديقاتي او قريباتي احس بالحسره بس يعطيك الف عافيه على كلامك وتشجيعك والله يجيب اللي فيه الخير |
محمد هيا الله يسلمك ويشفى مرضى المسلمين
|
الله يعينك ويصبرك أذا تبين نصيحتي اقرئي كل يوم صورة البقره كااااااملة وكثري من الاستغفار
|
حبيبتي والله تقطع قلبي
ماعندي شي افيدك فيه الا الصبر والدعاء والقران و اقري سورة البقرة بغرض الشفاء والاستغفار والدعاء وشوفي كمان ممكن الاخت لولو تفيدك الي ردت فوقك الله يشفيه امين يارب العالمين يارب |
اختي سيدة البرتقاله اخوي ملك شادي
مشكورين على ردكم تكفوون ادعولي :( |
[blink]تنبيه [/blink]
و ضع البريد الألكتروني أو أرقام هواتف مخالف لتعليمات المنتدى و يتسبب في إيقاف العضوية .. |
الله يشفيه يارب ويعافيه من كل شر ويجمع في مابينكم بالعافيه ويخليلكم ولدكم اقري عليه يا اختي مع الاتكال على الله بأن قراءة القرآن على المريض والدعاء له هو الشافي
وعندي لك نصيحه صغيووووووونه (لا تشوفن غيرك اللي احسن منك تتعبين شوفي اللي هم دون منك ياعني الحمدلله انه مايوذيك ولا ولدك ويحبك ) يارب تسمعينا اخبار زينه عنه اللهم آمين |
الله يشفيه ويصبرك ويصلح ولدكم
قادر على ذلك |
الله يسعدك ويوفقك يارب ويشفي زوجك امين ويهديه الك
يارب الله يسعدك معاه وينهي مشاكلك كلها انا ختك ولست اخوك (ملك )يعني بفتح اللام والميم angel الله يسعدك يارب |
| الساعة الآن 06:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©