|
أخت زوجي تكلم رجل أجنبي هل أخبر عمها ؟
السلام عليكم ورحمه الله وبركاته
كل عام وأنتم بخير وعيدكم مبارك اخواني واخواتي الموضوع واضح من العنوان .. بصراحه أنا اكتشفت بالصدفه من زوجه عمي ,, لاني سافرنا عندهم وحسيت ان البنت الله يستر عليها فيها شي غير طبيعي وسكت والله .. لكن زوجة عمي امس فجاءة قالت فلانه تكلم واحد وانا والله من الفجعه والمصيبه من امس ماجاني النووم وحتى درجه حرارتي مرتفعه من هالمصيبه الي سمعتها .. ومااني عارفه وش اسوي لان والله عمتي الي هي امها وخالي ناس طيبين وماتوقع هالشي يحصل لهم .. وانا خائفه استغفرالله العظيم من الي بعد المكالمات المهم ان استخرت اني اخبر خالي وهو عمها يصير بنفس الوقت وبصراحه هو تصرفاته عقلانيه وضامنه مليوون بالمئه ماراح يمسني شي انا يعني بطلع منها بس بنفس الوقت خائفه ومتردده الله يسعدكم ويخليكم ولا يوريكم مكروه في من تعزون وش تنصحوني فيه والإ اتركها ماكأني دريت عن شي ومع اني مااقوى بس بسمع نصائحكم |
الله يعينج اختي و يهديك للي فيه المصلحة .. و يستر على اخت زوجج يا رب العالمين
انا اشوف الاحسن انج تكلمين زوجة عمج اللي عرفتي منها الموضوع عشان تتاكدين و تعرفين هي كيف عرفت .. لان لو طلع الموضوع فيه لبس بتكون مصيبة كبيرة لو تاكدتي ان الموضوع صح كلمي البنت و حاولي تحصلين طريقة تراقبينها .. بس ما انصحج تخبرين ريلج او ام البنت او ابوها .. على الاقل مو الحين .. بعدين هي البنت كم عمرها؟؟ و كيف تكلمه هل هي تطلع بروحها؟؟ عندها موبايل او تكلمه بالنت؟؟ حاوي تعرفين اكثر عن الموضوع و تتاكدين عشات تقدرين تقررين شو اللي ممكن تسوينه |
السلام عليكم اختي ...
مهما كا عاقل خالك وحكيم... انتي راح تحرجينه وتصدمينه في بنته ... الموضوع مو سهل .. نصيحتي بالبداية كلمي البنت نفسها .. وانصحيها وهدديها انك راح تخبرين ابوها وامها و زوجك بعد... ويمكن تنهدي وتخاف وتبطل كل هالامور ... واذا ما تركتها وعاندتك خبري ابوها.. بس خلي هالشي اخر احتمال بعد ما تحاولين معها انتي.. مدري هذا اللي اشوفه.. دمتي بود... |
انا من وجهة نظري انك تكلمين البنت نفسها وتفاتحينها بالموضوع وتحاولين نصيحتها واذا وجتي منها عدم تقبل للنصيحه هدديها بانك بتعلمين عليها ابوها واذا ما اهتمت علمي عليها
والله يعينك على هذي المصيبه |
عليكم السلام ورحمة الله وبركاته
كيف شخصية البنت ؟ وكم عمرها ؟ أمها كيف تصرفت معها مادامها عارفه عن بنتها ؟ وكيف عرفت عنها ؟ إذا كانت طيبة مثل أهلها راح تسمعك وأنصحك تكلمينها إنتِ في البداية طبعاً ماأوصيك كلّميها بهدوء وخوّفيها من الله أولاً وخوفيها من المجتمع وكيف نظرته للبنت وإذا ماسمعت منك قوليلها أنا لأني أحب لك الخير ماأبي أقول لأحد عنك لكن لو مامشيتي بالطريق الصحيح أنا مضطره أقول وأتكلم لأني ماأبي أشوفك تغرقين قدامي وأنا ساكتة طبعاً هذا تهديد لها لكن لا تنفذينه إلا لما خلاص مايبقى في يدك أي حل وإنتبهي تقولين لوالدها ماراح يتحمل الخبر عن بنته الله يكون في عونك . |
السلام عليكم ام البراء ...
نصيحتي اختي لو انا مكانك راح افهمها و اعقلها و انصحها و اذكرها بكلام الله سبحانه و الرسول صلى الله عليه و سلم .. ممكن تفكر في نفسها و تبطل تكلم الشاب . بعدين الله يجزيكي خير انتي ما شفتيها بعينك ولا سمعتيها بأذنك ولا تصدقي كل شي يقال .. ياريت تتأكدي من الموضوع بطرقتك .. و اذا الموضوع صح افهمي منها ايش اخرتها و نهاية المكالمات و و و و . وقوليلها لو انو صح يحبك و يبغاكي يجيكي من الباب مو من الشباك .. وياما صارت قصص في حكاية التليفونات هذه . و أذا ما اقتنعت و سوت اللي براسها ساعتها قولي لأبوها بطريقة هادية و عقلانية ولازم يكون معك ادلة واضحه علشان تتكلمي بعين قوية .. لآن لو ما عندك دليل بكل سهولة راح تكذبك و تبطل تكلم اللي بتكلمو فترة معينه لين تنسو الموضوع و يتأكد الاهل انها بريئة من التهم هذه و تسيري انتي في مكان لا تحسدي عليه .. و ممكن تتسببي في مشاكل لنفسك و بينك وبين زوجك لأنك في نظرهم " مفسده " اسف على التعبير وبيقولو عنك كلام عمرك ما راح تسمعيه .. و انتي نيتك الخير .. نصيحة اخ ياريت تكوني متأكده و يكون معاك دليل او تجيبي شهود علشان تكوني في موقف قوي وانشاء الله يوفقك لفعل الخير و العمل الصالح و دمتي بخير |
بنت_الحب
اختي زوجة عمي متأكده من هالشي وتقول كشفتها ولمن قلتلها اعترفت وتقول عرضت علي اكلم واحد بعد استغفر الله العظيم البنت عمرها 19 وهي عندها موبايل ويعطيك العافيه عزيزتي o0o0o0o0o0o0se اخوي انت فهمت غلط الي بخبره مو ابوها عمها ويصير خالي بنفس الوقت ومادري متردده اقوولها لكن الله يكتب الي فيه الخير والصلاح تسلم اخوي على مرورك ابو فيراس يعطيك العافيه اخوي بس والله متردده وانا بصراحه ماني قويه بهالمواقف الله يعين يااارب عزيزتي غـاليــة بصراحه البنت حبوبه وعسوله لكن في الاوان الاخيره مادري وش صار لها صارت تلبس عبايه مخصره ونقاب الله العالم بحاله وتكشف اكثر ماتستر وانا لمن كلمتها على عباتها قالت ابوي ماتكلم وعادي مافيها شي كل البنات كذا وصارت انطوائيه وكثير تختفي بغرفتها وعمرها 19 والي عندها خبر مو امها زوجة عمي انا لانها ساكنه عندهم وبصراحه خفت عليها لان البنت تركت جوالها عندنا صدفه وزوجه عمي فتحت جوالها وطلعت صور للبنت تقول ترسلها للرجل الله المستعان وبصراحه خفت عليها خووف مو طبيعي وانا بخبر خالي وهو يصير عمي بنفس الوقت بس اغلب الردود مانصحوني بهالشي وراح ابعد ويعطيك العافيه عزيزتي وياليت تنورينا ddmm يعطيك العافيه اخوي وصدقت في كل كلمه قلتها لكن انا انصدمت في البنت وخفت عليها وابي اطلعها من الي فيه |
لا حول ولا قوة إلا بالله
وين ابوها وامها عنها |
لحظه وداع
والله اهلها موجودين وناس طيبين بدرجه ماتتوقعين لكن مادري هي البنت وش صار لها انا بصراحه مااعرف زميلاتها معرفه اقوول امكن من زميلاتها وماابي اظلم احد واهلها على نياتهم والله احيان تدخل تقول بنام تأخذ تقريبا 15 ساعه واذا ماوصلت 20 وهم يقولون نائمه يعني بالعقل في احد ينام كذا الله المستعان ويصلحها والله ان خائفه عليها وخائفه اسكت وازيد الطين بله تسلمين على مرورك ويعطيك العافيه |
الله يستر عليها
|
لابد من حل جذري وقاطع يواجهها الرجل المسئول عنها وتخبريه انتي حتى لو كرهتك فهذا لمصلحتها
فيها صور وعرض يسحب منه الموبايل وتخضع لمراقبة وتشرك في غرفة مع احد البنات حتى لاتنفرد للحظة لوحدها ممكن السيطرة على الموضوع الان اما اذا تطور اكثر من ذلك لايمكن لاتتساهلي في اخبار احد الرجال المحارم اقربائك والله يستر عليها وحاولوا تعرفوا مين صديقاتها مادامت تغيرت فجأة فوالله اعلم قد رافقت صديقة سوء جرتها..ربي يهديها ويستر عليها وعلينا وكل المسلمات أختك حائزة |
عزيزتي حائزه
جزاك الله خيرا وبصراحه ترددت انا بكلم خالي هو اصلح واحد لكن الاعضاء واغلب الردود يقولو واجهيها وانا ماااقدر ماعندي جراءه اذا تكلمت ببكي وانا بالذات مقهووره ومفجوعه... وكمان انا معقود قراني بس ولو متزوجه كان اخذتها معاي البيت وكلمتها وراح احرمها من الجوال وبقدر عليها وهي تعزني مره وعشان كذا خائفه عليها زياده بس باقي على الزواج تقريبا 9 شهووور والله العالم وش يصير بهالوقت يعني تنصحيني اتكلم ؟؟؟؟؟؟ |
تكلمي ياغالية لكن اخذي وعد من خالك انه مايقول انتي اللي قلتي له.. واجرك على رب العباد
ابتعدي عن المواجهة ماانصحك لأن ممكن تسبب لك مشاكل وبشريني ايش يصير معك أختك حائزة |
أنا متأكده مليوون بالمئه ومثل مااكلمك انا الحين انه ماراح يقوول اني انا الي قلت له .. وانا عارفته زين ومن وقفاته معاي ... وانا بصراحه مااشوف قدام عيووني والي بيحل المشكله خالي لان انا خائفه عليها وانا والله طار النووم من عيووني لمن قالتلي على سالفه الصور وبجد خائفه عليه هي ماتستاهل والله وبجد اعزاها
وعلى قولتك وبااقرب فرصه بحصل خالي وبخليه يوعدني وبعدين بتكلم وان شاءالله مايحصل الإ كل خير بأذن الواحد الاحد يارب والله يجــــزاك خير ويريحك دنيا واخره مثل ماريحتيني ووجهتيني اني على صوواب وعلى الاقل انا ابي احد يكون مؤيد عشان اتشجع |
الله يريح بالك ياقلبي وانتظر تبشريني ايش يصير معك..ربي يهديها ويستر عليها
أختك حائزة |
أم البراء
إنتِ متأكدة بنفسك إنها تكلم ؟ أنصحك تتأكدين بنفسك أكثر قبل تكلمين أي رجــــل تراها صعبة على أي رجل إنه يشوف أحد محارمه يغلط غلط مثل كذا مهما كان متزن حاولي تقربين لها وأدخلي عالمها وإكسبيها ترى والله البنات الكلمة تأثر فيهم يعني البداية خليها منك ومش شرط تبدأين بنصح وتهديد .. لا .. إنتِ تأكدي وإسأليها بطريقة غير مباشرة لو شفتي شي خطأ بجهازها بمعنى ، إستغبي بسؤالك إذا إرتبكت وخافت كلميها مثل ماقلتلك كأخت لها خايفة عليها من غير تهديد وفي آخر الحلــــول لو ماقدرتِ عليها خبري عمك والله يكون في عون الجميع . |
كلمى البنت نفسها
كده انتى هاتسببى مشاكل للبنت وفضيحه وممكن خالك بدل مايعزك انتى حبيتى الخير واصلاح بنته سببتى مشاكل لها عشان كده اختى اتكلمى مع البنت بهدوء الاخت الكبيره لاختها الصغيره بدوووووووووووووون تهديد انك هاتخبرى ابوها وهى والله هاتسمع الكلام وهاينصلح حالها وكونى صديقتها تقولك كل شيئ يمكن يااختى عندها فراغ ياريت تملئ انتى فراغها وتكون اصلاح ليها وفى نفس الوقت تكون سترتيها لانك لما تقولى لخالك تعتبرى فضحتيها لابوها اختى يارب تعملى بكلامى لان ممكن مصراحتك لخالك تدمر البنت اكتر لان نحن البنات ان ننزل فى عين اهلينا كفايه انها اتفضحت قدامك بلاش تكون الفضيحه اكبر من كده اختى استرى عليها واقفى جمبها وسعديها وان شاء الله ربنا بيفرج كربك دنيا وأخره ويعوضهالك فى بناتك بالخير والستر ليهم اختى اتمنى لبنت خالك الستر بالزوج الصالح والهدايه |
عزيزتي غالية
المصريه هلا فيكم بصراحه الى الحين ماسوويت ولا فعلت شي والله بكل صلاتي ادعيلها ان الله يحفظها ومادري على قوولكم انا صح خائفه من مصارحه خالي لان الكلام سهل لكن الفعل صعب وهذي المشكله فيها شــــــرف وخائفه ومع اني مطمئنه من خالي وهو كان شاك من اول من تصرفاتها واختفاتها لمن نتجمع بس برضوو خائفه وعلى قولتكم سمعت البنت بس خالي ماراح يفضح بها بالعكس امكن يمنعها من الجووال لان هنا تكمن المصيبه وعزيزتي غاليه انا متأكده لان لمن قالتلي زوجه عمي ماصدقتها في البدايه لكن قالت لي اسم الرجال وانا دخلت على موقع الاتصالات واخذت رقم بطاقه الاحوال لزوجي لان رقمها باسم زوجي ودخلت على مكالماتها الصادره واخذت اغلب رقم تتصل عليها وكلمت اخوي جاب لي اسم صاحب الرقم ومن دون مايدري قلت لزميلتي وطلع الاسم مطابق تمام الله المستعان بس الله يصلحها ويهديها |
ليه ماتنصحينها انتي اذا كانت علاقتك فيها طيبه
احسن من انك تكلمي عمها صعبه يمكن يعصب وتسير سالفه بعدين يطلعونك غلطانه |
اقتباس:
|
بارك الله فيك
أختي الفاضلة بارك الله فيك على حرصك على عفاف وطاهرة هذه الفتاة الصغيرة
نصيحت لكي أن تخبري خالك بالموضوع في أسرع وقت ولا تترددي ، إذا كان خالك رجل حكيم ويعرف كيف يتصرف بحكمة ، ووفري له كل المعلومات التي لديك ، وأطلبي منه أن يتأكد من الموضوع بنفسه ، ويكون أفضل لو كانت معك زوجة عمك ، وأطلبي منه عدم الإشارة إليك في الموضوع بإي شكل ، لأن للفتاة ستستغل ذلك في صالحها على أعتبار أنك زوجة أخيها ، فنحن نعلم طبيعة العلاقة بين الفتيات وزوجات إخوانهن . مع إحترامي لرأي بعض الأعضاء بأن تكلمي البنت شخصياً ، لا أنصحك بذلك نهائياً ، للسبب الذي ذكرته أعلاه ، ولأنكي غير قادرة على مواجهتها ونصحها ، فتقديم النصيحة والتوجيه في مثل هذه المواقف يحتاج إلى حنكة وحكمة، وأسلوب معين في النصح خاصة وأنها صغيرة في السن . توكلي على الله وأخبري خالك ، ولا تتطلبي كثرة الأراء لكي لا تحتاري ، إذا كنت تقصدين بذلك وجه الله ودفع منكر واقعة فيه الفتاة ، وتجنيبها منكر أكبر لا قدر الله . الأن أختي الفاضلة فالمنكر لا يتأخر المسلم في دفعه ، والله المستعان ولا حول ولا قوة إلا بالله ، اللهم أحفظ المسلمين والمسلمات من الفواحش ما ظهر منها وما بطن . اللهم أجب . |
انا اقول انتي كلميها بينك وبينها تري ذي نصيحه مب فضيحه
ولا تقولين لا حد كلنا خطاء اختي كشفت اخت زوجها والين الحين ماقالت له مهما كان هذي عمة عيالها واخت زوجها الي لو عرف يمكن يروح فيها وهي قبل كل شي انساااانه لا تفضحينها ابدا وان شاء الله تسترينها بالدنيا ويسترك ربي بالاخره انتي كلميها ان انتصحت كان بها واذا لا كلن ذنبه على جنبه :: اتمنى اكون افدتك |
من ستر على مؤمن سترالله علية يوم القيامة
بس اخني ضروري تفعلين حل معها انصحيها ممكن تستقبل منك |
مشكورين اخواني وجزاكم الله خير على ارائكم
ومثل ماقلت انا بصراحه اتكلم وماعندي جراءه صعب صعب جدا وانا ماابي افضحها لا والله والله العالم بنيتي انا خائفه عليها مره طيب واذا سكت وش يضمني ان البنت ماتستمر لان زوجه عمي خوفتني الله يهديها وياليتها سكتت لكن الحين رمت الهم علي وانا خائفه من سكوتي انا انتظر خالي الاسبوع الجاي بيزورنا واحتمال ابلغه على الاقل يساعدني |
صدقيني ياغالية اخبارك لخالك ليس فضيحة فهو من اهلها وسيسترها وسيفعل مافيه سترها ومصلحتها
لاتترددي والله يسدد خطاك أختك حائزة |
صادقه اختي حائزه والله شايله هم على قلبي
وتسلمين على مرورك .. تحيتي |
| الساعة الآن 08:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©