|
هل اصارحها بوضعي المادي الله لا يحرمني منكم
السلام عليكم و رحمة الله و بركاته ..
الحمدلله انا لي خاطب الان تقريبا 4 اشهر ... الى الان ما املكت ... و النية قريب ان شاء الله .. المهم يا جماعة الخير ... انا لما خطبت و لله الحمد الخطبة تمت بشكل سريع ... انا انسان وظيفتي ممتازة و لكن مشكلتي انه لدي قرض " اسهم " و السيارة و ما يبقى لي من الراتب غير 5000 ريال ... انا الان لي فترة قريبة اتكلم مع خطيبتي يعني يمكن اربعة مكالمات الى الان ... نحاول نعرف اطباع بعض .. الخ خطيبتي وضعها المادي ممتاز يعني امها و ابوها وضعهم ممتاز جدا .... اما انا بالنسبة لوضعنا كان ممتاز و لكن مع الزمن تغير الحال و صار حالنا عادي و الحمدلله على كل شي ... المشكلة يا جماعة الخير انا حاس ان اهل خطيبتي و اللي يقربو لها يحسبون وضعنا مثل اول و انه احنا الى الان مبسوطين ... و حسيت هذا الكلام من خالها و عيال عمها .. ابغى نصيحتكم ... هل اصارح خطيبتي و اقول لها عن وضعي المادي و عن وضعنا المادي ككل ؟ هل اصارحها بانه على التزامات و انه ما يبقى لي من الراتب الا 5000 ريال و الا اسكت .. على فكرة انا عندي شقة ملك ... نصايحكم الله لا يحرمني منكم ... شاكر لكم مقدما |
http://www.asmilies.com/smiliespic/t...a0asmilies.gif لماذا !! هل هذه الاسره لم تقبل بك زوجا لابنتهم الا لكونكم اسره مرتاحه ماديا ؟! راتبك طيب ولله الحمد والمنه ..الا اذا كانت تلك المخطوبه واسرتها من اصحاب الترف والسفر المستمر وووووووفعليك بالاستخاره |
تكلم معها ليس بقصد المصارحه ربما يشعرها ذلك بأنك تشعر بالنقص أو نحوه..
و5000 بدون ايجار اعتقد تكفيك وزوجتك إن شاء الله.. |
أخبرها من اول مكالمة لك ودائما كن صريح واذا رايت انها تحسب للمادة الشئ الكثير فاستخر ربك في تركها ويعوضك ربك خير لان اللي نظرتها مادية وسفريات وصولات وجولات متعبة جدا .
وبعدين راتبك 5000 ممتاز جدا زميلي بيتزوج وراتبه 3100 وعليه اقساط1200 ريال يعني يصفي له 1900 ريال يعني احمد ربك واشكره |
ماشاء الله تبارك الله
اللهم صلي على النبي الله يفتح لكم ابواب رزقه ويألف بين قلوبكم اخي الكريم بكل تأكيد لازم تشرح لخطيبتك وضعك المادي ولازم تتفقوا على كيفية توزيع مصاريفكم وعلى احتياجاتكم مو مهم اهلها يعرفوا اهم شي انت وهي تكونوا واضحين مع بعض ومتفقين وعلى فكره ماشاء الله تبارك الله عندك سكن ملك راتبك يصفي على 5000 مرررره ممتاز احمد ربك واشكره يعني الحمدالله ماعندك ايجار بيت ولا شي كل اللي عليك ديون على وشك تنتهي منها وتجهز البيت يعني ماشاء الله تبارك الله الله يبارك لكم وييسر امركم ويألف بين قلوبكم واحب اقولك بنت الأجواد ماتهمها الماده بنت الاجود تحط ايديها بيد زوجها وتشد من ازره الله يوفقكم وييسر امركم يارب |
توكل على ربك فأنت في نعم لاتحصى ..ولاتفكر في الدين مطلقا وكن سخيا مع أهلك ومن الجيد أن تكون بعيدا عن الإسراف والتبذير..وحاول أن تتصدق عنك وعنها لتفوز برضا مولاك..ولتكن صريحا واضحا لإن الغموض ينتهي بكما إلى طريق مسدود..بارك الله فيك وشكرا ثقتك بهذ المنتدى الجيد
|
طبعا لازم تخبرها بالوضع ...
|
وعليكم السلام لا داعي للقلق كل شاب مقبل على الزواج يكون عليه ديون او التزامات اخرى عموما انت وضعك المادي جيدجدا وراتبك ماشاء الله لاباس به وايضا شثه ملك فلا تقلق ولا له داعي انك تخبرها بشيء عشان بعض البنات توسوس او احد يدخل عليها افكار سلبيه تقلقها تجاه المستقبل .. امورك ووضعك مستقر ولله الحمد لا داعي للقلق وراتبك جيد ولا عليك من كلام الناس إلخ الله يجمعك بمن تحُب ويسعدكم موفق ان شاء الله :14: الله معك (: مُبتسمة وكلي جروح |
أخبرهاااااااااا وبدون تردد ... |
هذي شريكة حياااتك
ومن حقها تعرف وضعك المادي عالاقل علشان ماتحسبك بخيل وتعذرك بس مووو بالفتره الحاليه ان شاالله بعد الملكه ولما ترتاح لك وتاخذوا على بعض اكثر راح تحس هي ان الحياة مشاركه وبتتفهم ان شاالله بس لو قلت لها من اولها يمكن تقول ببالها وش هذا ليش جالس يقول لي هالكلام من اولها شكله يبي يلمح لي او انه داخل على طمع وغيرها من الافكار بس لو قلت بعد ماا تكون عرفتك زين وعرفت طباعك ان مافيك بخل ولا طمع بتعذرك باذن الله بالتوفيق يارب |
اقتباس:
|
اقول لك ... مولازم تعلمها بتفاصيل راتبك .. ولكن بين لها انك رجل عصامي وتريد ان تكون نفسك بنفسك وانك لن تعتمد على احد في بناء حياتك الاسرية ... واقتصد في الحياااة ولاتسرف وكن اجودي معاها ... ترى البنات تحب زوجها كريم معااها ومو لازم تعودها على البذخ .... واكثر من الصدقة يبارك الله لكم في حياتكم ..... |
..
فيه ناس يتزوجون على راتب 3000 وأقل من رايي تصارحها من الآن ودامكم على البر عشان لو ماعجبها الوضع يمديها تتراجع وتفصخ الخطبه وعشان لو عرفت كل شي بعد الزواج راح تعاتبك لأنك خبيت عليها وضعك المادي وإذا هي تحبك وشاريتك ماراح يهمها كم معك والا كم راتبك راح تقبل تعيش معك على الحلوه والمرهـ من رايي تصارحها والمصارحه مهمة جداً الآن لأنك لو خبيت أنت المتضرر الوحيد .. |
مشاء الله راتبك ممتاز
وحتى لو مب زين الزوجه الصالحه تصبر حتى لو كانت بنت امير |
انا رايي انك تخبرها .. بس في الاول المهم انت تشل من بالك احساسك بالنقص و ان وضعك اقل من وضعها و ابد لا توصل لها هالاحساس
لكن من حقها تعرف لان هذي بتكون حياة مشتركة بينكم و انت عارف انها حاطه شي معين في بالها فمن حقها تعرف الوضع بالضبط من البدايه .. اذا هي تباك لشخصك ما بيفرق عندها حتى لو كان اللي يتم معاك 500 مو 5000 .. اما لو هي همها الفلوس و ما كملت فالخيرة في ما يختار الله و تكون عرفتها من البدايه و هي ما تستاهلك شي ثاني .. انت داخل على زواج و عرس يعني مصاريف بالهبل .. فهي لو حرمه عاقله لازم تتفهم الوضع من الحين و تسوي ترتيباتها على حسب امكانياتك مو تروح تتدين و تتلعوز من اولها صارحها احسن و ان شاء الله ما بيصير الا الخير |
اشكر الجميع على تفاعلكم و مشاركتكم ... لكم مني الدعاء ... الله يجعل ايامكم كلها سعادة و افراح و يبعد عنكم كل مكروه ... شكرا جزيلا
|
اقتباس:
^ ^ أنا معها بكل كلمه قالتها ^_^ |
بالعكس ماله داعي تخبرها الآن .
كل شيء بوقته حلو |
لازم تخبرها الان لان الصراحة مطلوبة من الاول وانت الحمدلله مانقصك شي والزوجة المخلصة لازم تفضل مع زوجها في اي حال
|
اذا تبي نصيحة مجرب لاتقول لها
وفي نفس الوقت فهمها ان تعيش معاك على الحلوه والمرُه غني كنت او فقير متى مافهمت البنت وحسيت انت انها تحبك بأي وضع كنت عليه ذاك الوقت صارحهااااااااااااااااا |
| الساعة الآن 12:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©