![]() |
اكتئاب!!؟؟
السلام عليكم اخواتي
كيف اعرف اذا انا عندي اكتئاااب اللي بعد الولاده ؟؟ الله يجزاكم خير جاوبوني |
انتي بتعرفين من نفسك فشعور الاكتئاب ليس بالشي البسيط وبتشعرين بعدم الرغبه بالمولود وترمينه على اهلك طول الوقت ولا ترضعيه ولا شي..
|
يعني الاكتئاب لازم يكون على المولود و لا على نفسي اني م اشتهي الاكل و اقعد مع الناس بس كذا ما اركز معاهم
انسى ..... اسرح زي كذا اشياء غريبه ؟؟؟ |
شعور بضيق الصدر , وطفلك ماتبينه وترمينه على اللي عندك بالبيت ..
|
اكتئاب مابعد الولاده لازم يتعلق بالبيبي يعني اذا انتي متعلقه بطفلك طوال الوقت معناتها مستحيل عندك اكتئاب مابعد الولاده..
|
طيب انا طول الوقت حاسه بضيقه شديده و قرفانه من نفسي و مالي خلق احد
و اشتهي اكل من اساسه يعني باليوم يادوب ساندوتش واحد و كوب شربه هذا بالغصب و اسرح عى طول !!!!!! هذا ايش اسمه |
اختي حلا الايام
اول شي الحمد لله على سلامتك وسلامة المولود ثاني شي اللي انتي فيه طبيعي نتيجة مرورك من مرحلة لمرحلة اخرى تحسي بذهول وعدم استقرار الحياة لسه ملخبطة ومولود جديد في حياتك وناس رايحة جاية تبارك لك بالمولود وغيره وغيره فترة النفاس غالبا تكون كذا ماتشتهي الاكل ولا لك نفس في شي بس ودك ترتاااحي ولا خلتي الاربعين واستقرت الحياة باذن الله بتطيييييييحي بالاكل والوزن ياسلاااام :) بس سؤال .. انتي كم لك والدة ؟ |
تالينااا
الله يسلمك حبيبتي مشكوره على التوضيح صار لي اسبوعين و الحمد لله |
يختي ياناااااااث نونو عمره اسبوعين :)
ربي يحفظلك هو ان شاء الله شوفي حبيبتي فترة النفاس اهم فترة الظاهر انه هذا مولودك الاول التغذية مرررررررة مهمة يا حلا خذيها نصيحة من اختك اغصبي نفسك على الاكل وركزي اكثر شي على الفطير والتمر والعسل والسمن .. اذا تعرفي العريكة طيييييييحي فيها وابعدي تماااما عن الملوخية والبامية والحوامض وخذي لك كاسة عصير برتقال كل يوم عشان لا يجيك امساااك .. ترى لو جاك لا قدر الله بتتمني تولدي مليون مرة ولا يجيك امساك مع الخياطة .. والنصيحة الثانية الرااااحة ارتاحي قد ماتقدري ولا تسوي حركات متعبة لا تشيلي شي ثقيل ولا تجلسي جلسة غلط مثلا اذا جلستي على ركبك فترة طويلة اذا خلصتي الاربعين بتحسي ركبك توجعك مووت ارتاحي واتغذي كويس عشان تعوضي تعب الحمل والولادة ترى اذا ما اتغذيتي ولا ارتحتي بتخرجي من الاربعين تحسي عظامك كلها مكسرة النصيحة الثالثة المروخ خلي احد يمرخك بزيت الزيتون الدافي او زيت السمسم عشان يلم عظمك والنصيحة الرابعة تدفي مضبوووط ولا تخلي الهوا يدخل فيكي والنصيحة الخامسة اشربي الاعشاب كل يوم فترة العشرين يوم الاولى .. والعشرين يوم الثانية بيكون لك علاج ثاني غير عن الاعشاب اكيد الوالدة بتقولك عليه ربي يسعدك |
صح ونسيت اقولك المسلوقة لاااازم منها كل يوم عشان تنظف لك الرحم
والله يعينك على فترة الاربعين اصعب من الحمل والولادة والله تعب المصارعة والكونغ فو وسائر انواع الرياضات ولا شي جنب تعب الحمل والولادة والنفاس |
الحمدلله ع سلامتج و يتربى ف عزج ان شاءالله
|
تالينا حبيبتي و الله مشكووووووووووووووووووووووووووووووووووووووووووووووو ووووووره على النصائح الله يخليكي ان شاء الله و يسعدك
بحاول قد ما اقدر اسوي اللي قلتي عليه |
ضوى الليل
الله يبارك فيكي و عقبالك ان شاء الله |
ايش هي المسلوقه؟؟
|
المسلوقه شوربة دجاج مسلوق
|
برضوه مرقة اللحم ممتازة كل يوم خليهم يطبخون لك اللحمه في موية واشربي مرقتها رح تقوي عظمك وجسمك..
|
الساعة الآن 08:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©