انظروا ماذا حدث لي مع زوجي ( هااااااااام )
 

ابغى مشورتكم وفزعتكم لاتتركوني .... أنا لي سنتين متزوجة وعندي بنت عمرها ثلاث شهور أول ماطلعت من النفاس اكتشفت ان زوجي يدخن وهو يقول مو دايم يدخن يعني حسب المزاج والنفسية طبعا لانه مو دايم ماكنت اشم فيه ريحة طبعا يوم عرفت صار نقاش حاد بيني وبينه بس كان رافض يناقشني ويقول مافيه شيء نتفاهم عليه طبعا تعبت نفسيتي وقلتله بريح عند أهلي يومين جاااء ابو الشباب تركني وماجاء ياخذني والحين صارلي شهر ونص وأنا عند أهلي يقولي اذا بترجعين انت ارجعي لانه زعل ليش اقوله بنام عند أهلي طبعا يوم صار لي اسبوع دقيت عليه بشوف وش السالفه مارد علي ويرسل رسايل تهديد بعدها تركته ولاصرت ارسله ولا ادق عليه وهو الحين ساكت والله مادري وش فيه مع انه يحبني (ماشاءالله ) بس مادري ليه يعاملني كذا :( :(
وش رايكم وش اسوي؟

حرااااااااااااام عليكم عطوني مشورتكم ياأهل الخير

يمكن زوجك من النوع العصبي بس بدون صوت

يمكن تكوني جرحتيه بكلامك أو أنصدم لما شافك مصدومة من اللي سواه

المهم الكلام عن الماضي ما يفيد الأن أول شي عليكي بالدعاء

ثم حاولي في زوجك وليني له الجناح وخذيه بالسياسة

كلميه مرة وإثنين وعشرة

حاولي فيه وأكسبي الأجر عند الله

وبإذن الله لو نيتك صافية ربنا ماراح يخيب ظنك

تحياتي لك والله يوفقك وييسر لك أمرك

الله يهديه ويهديك

مشكلة بعض الزوجات انها تحاول تظغط على زوجها بتهديدها له ببيت اهلها. وفي الاخير تجي على راسها.
اما ان ترجع هي بنفسها وتكون بذلك فقدت شي من ماكانت تحتمي بة او انها تفقد زوجها للأبد.

انصحك انك تسارعي الأن وترسلي لة رسالة حب وشوق وغرام وتقولي لة في نهاية الرسالة مايربطني بك اكثر من الزواج هو الحب اذا كنت غالية عندك تعال نتفاهم ونشوف من الغلطان. واذا جا ان شالله.. لا يطلع من بيت اهلك الا وانتي معة .. منها كسبتي زوجك وكسبتي انة هو نفسة اللي جا واخذك من بيت اهلك.

والله يصلح الحال.

اوقفي معه أختي لا تقفي ضده ، أن كان يدخن فلا تعتقدي بأن التهديد لرجل ناضج سيغير شيء في الموضوع ، عاتبيه نعم ولكن لا تجعلي الموقف يتحول الى عناد فالرجل قد يبيع أغلى مايملك بأرخص الاثمان لمجرد أن وضع في موقف عناد وحتى لا يكون في موقف المتلقي للاوامر ،

أعينيه بعد العتاب البسيط الذي لا يجب ان يتكرر وشجعيه بأن تفرحي حين تشعري بان قضى ساعات معك دون أن يدخن ، وبعدها ستجديه يقول لك حباً في الثناء أن تركت التدخين .

في النهاية لاتهدمي بيتك من اجل هذا ، ودائما كوني عوناً له ولا تكوني ضده .

وفقك الله لما يحبه ويرضاه

اشكر ردودكم بس ماكنت اقصد اني بجلس عند اهلي من زعل كان قصدي اريح عندهم يومين وارجع

اختي الغاليه
الله يهديج بس .. بصراحه انتي اللي اتسرعتي يوم تركتي البيت .. و موضوع التدخين هذا كنتي ممكن تعالجينه باسلوب احسن .. لكن انتي عاندتي و للاسف عنادج طاح على راسج

يا حبيبتي اقولج عن تجربه .. الريال اللي يدخن ما يحب حد يلومه على هالموضوع .. بالعكس يعصب و يعاند زياده .. يعني كنتي لازم تبدين التلميح و الكلام الهادي باسلوب لطيف بدون عتاب و لا غضب عشان ما يعصب

الحين يا اختي هو الطاهر ماخذ الاسلوب عناد .. يعني انتي طلعتي من البيت بدون سبب (من وجهة نظره) الحين انتي ردي لو تبين هو ما بيجي ياخذج

نصيحتي لج اتصلي فيه و كلميه بهدوء و اسلوب حلو اتفاهمي معاه على ردتج لبيت مو على موضوع التدخين (خلي موضوع التدخين وقت ثاني يوم ينصلح الحال بينكم) و شوي شوي يوم تحسينه هدا و قدرتوا تتكلمون مع بعض كم مره لو هو ما قال انه بيجي ياخذج انتي قوليله انج اشتقتيله و تبين تردين البيت اطلبي منه يمر عليج

يعني اتنازلي شوي و هدي الامور لانج انتي اللي اتسرعتي من الاول .. و ان شاء الله تقدرون تتفاهمون و توصلون لحل لكل مشاكلكم

تحياتي

حبيبتي .. من وجهة نظري ان تصرفك مو سليم
مو كذا تنحل الأمور
صحيح ان التدخين شي مو طيب لكن لازم يكون لك أسلوبك في حل المشاكل
ما يعتبر سبب انك تتركين بيتك
التدخين ياأختي مو كفر .. والزوجة الشاطرة تعرف تساعد زوجها وتخرجه من البلا اللي هو فيه
نصيحتي لك انك تحاولي تتوددي لزوجك .. أرسلي له رسالة تبـينين انك مشتاقة له
والخطوة الثانية .. تبحثين كيف تخلينه يترك التدخين وننتظر الطرق من اللي عندهم خبرة
بالأسلوب الصحيح والطريقة المناسبة
الله يسهل أمرك ويهدّي سرك

لكن انا ماقلبتها زعله كان طلبي بس انم عندهم اريح بعدها يجي ياخذني بعدين دايم انام عند اهلي مو اول مرة اطاب منه بعدين كنت محتاجة ابعد عنه لاني ماتقبلت الموضوع وانصدمت لاني ارفض الدخان بشده فصعبة بعد سنتين من الحب والتفاهم يجي بكل برودة يقول تراني ادخن مرررررررره صعبة

حبيبتي انت الغلطانة ،، من الصبح ارجعي البيت واعتذري منه قبل لا تتفاقم المشكلة وتكبر ..
الله يهديه ويبعد عن الدخان ..

كيف يحبك ويرسلك رسايل تهديد ومخليك عند اهلك شهر ونص؟؟

يا حبيبتي عندك بنت ولك سنتين متزوجه انصحك لاتنامين عند اهلك( الا للضروره )


زوريهم وامشي في نفس اليوم


وبعدين يمكن زوجك اخذ على خاطره منك دايم تنامين عندهم وحب يعطيك درس


راجعي نفسك اختي واتصلي على زوجك واعتذري منه ترى الفتن كثرت حافظي على بيتك وزوجك


ولاتزعلين مني يالغاليه حبيت اكون صريحه أكثر لافادتك والسموحه يالغاليه

عزيزتي والله حاسه فيك بس المشكله انك غلطتي يوم رحتي لأهلك هو انتهزها الفرصه علشان يسويلك سالفه وزعل ولا عاد تناقشيني في الموضوع وارضي بالواقع ... الحين كل اللي عليك انك تحاولين فيه الين ما يرجعك له عادي اعتبري نفسك انك غلطتي في حقه مشيها لا تقولين لا انا ما سويت شي بكذا تعطينه فرصه انه يستمر في غلطه ، اتصلي فيه ارسلي له مسجات المهم انك ترجعين وبعد كذا اجلسي فتره لا تتكلمين معه في الموضوع لانه بيكون متأهب لاي هجوم عليك .. لا تعرضين نفسك الى معركه خاسره وتذكري ان الصبر يوصلك للي تبغينه مهما طال الوقت او قصر .

حبيبتي هذى نصيحة اخت طاحة بمثل مشكلتك لكن الله عاضني والحمدلله تاب واقلع عنه من فتره طويله قبل ما يتوفى الله يرحمه

متابعه لموضوعك وياليت تسمعينا اخبار حلوه

بس عادي عنده انام عند اهلي لانه احيانا يقولي نامي عند اهلك ليه هالمرة قلبها زعل
ياليت تعطوني طرق اخليه يترك الدخان

أختي العزيزة فيه رجال ما يحبوا زوجاتهم تنتقد اي تصرف من تصرفاتهم و حتى لو يحبها ما يرضى بهذا التصرف و بالاضافة للعصبية الشديدة زوجك ما عجبه الموقف اللي صار
و بيني و بينك اختي انت يالمفروض ما تروحي بيت اهلك و تتركيه و تستحملبه و تصبري عليه و تحاولي تخليه يخفف من سالفة التدخين هذي
نصيحة : حاولي انك ترجعي الامور لمجريها و تدوسي على نفسك شوي عشان المركب تمشي و لا تنسي ان جهاد المرأة هو حسن التبعل و لاتفكرين ان اي بيت خالي من المشاكل بس الايمان بالله و الصبر هو اللي يحل المشكلات

دعواتي لك اختي العزيزة بأن يسخر الله لك زوجكي و يرجعه لك راضيا قريبا ان شاء الله

الله لايحرمني منكموجزاكم الله خير ولاتنسوني بالدعاء ادعوا ان ربي يرجعلي زوجي ويطيح اللي في باله

اختي ..
هنا مربط الفرس وانا اخوكي ..

[blink]وياريت تركزون معايا يا اخواتي المتزوجات لحظة من فضلكم [/blink]

صحيح انك متعودة تروحين عند اهلك وتباتين عندهم ..

لكن هالمرة خرجتي من البيت [blink]وفيه مشكلة اصلاً بينكم [/blink]

لانضحك على انفسنا بعد ماتطيح الفاس في الراس ونقول تراه رماني عند اهلي وماسأل فيني ...

خليكي منصفة للرجل ...
ومنصفة لنفسك يااختي ..

وترى الدخان مشكلة ..

لكن وضعك الآن مشكلة اكبر ..

وزوجك الآن اخذ عنك انطباع انك امرأة عندية ..
وتستخدمين (السلاح الفاشل) المعروف (بأروح عند اهلي حتى تنفذ اللي ابيه) ...

مايصير يااختي تضغطين على زوجك بهذا الشكل لأنك بتخسرين زوجك لسبب تافه ..

وبعدين

هالطفلة اللي بينكم ..

حرام والله انك تحرمين ابيها منها بسبب التدخين ...!!!!!

الله يهديكي بس ..:(

نصيحتي انك ترجعين بيت زوجك
والزعل ماله اي داعي واذا على الدخان
ادعي الله انه يتركه ويبتعد عنه
موفقه حبيبتي

بصراحه اختى استعجلتى ولكن حاولى ارضاء زوجك

اسلوبك خاطئ جدددددا في التعامل مع الموضوع

بصراحه يا اختي كعد اشوف ان طلعتج كانت مو صايبه

كان لازم تتروين شوي و انت لا زم تتناقشين معه
و ب صراحه انت احسن من غيرج شوفي الشباب

الي خمرة و مخدرات جكاير هينهى



الله يجمعكم

ياعالم كنت اطلب اناقشة وهو رافض النقاش يقول هذا اللي عندي وشوفي الي يريحك هذا اسلوب للنقاش

ارجعي لبيتك الحين , وسالفة التدخين تبي لها طولة بال عشان تنحل ..
لكن رجعتك لبيتك الآن مهمة , دقي عليه وقولي له إنك مشتاقة له وللبيت واطلبي منه إنه يجيك ياخذك .
ولما ترجعين لبيتك ممكن تفكرين بحلول جذرية لاقتلاع هذه المشكلة , وبالهداوة كل شي ممكن إن شاء الله ..

ايش يقصد بهذي العبارة ؟؟؟

يقصد انا بأدخن غصب مثلاً ؟؟

الله ما حرم الخمر وهي أشد ضراوة من الدخان الا بالتدرج

وانت تريدينه أن يتركه بين يوم وليلة ..

ثم أنت تفرضين رأيك فرضا , وليس بنصيحة ولهذا لن يتقبل منك ..

ثم عليك ان تتعلمين آداب النصيحة والأمر بالمعروف والنهي عن المنكر

لأنه بالجهل يزداد المنكر منكرا ويصبح فعلك حرام لأنك لم تنفعي بل أضررت

واليك النتيجة تركك زوجك في بيت أهلك ولم يسأل عنك وهذا ما يفرح الشيطان

يقصد لا تناقشيني اذا مو عاجبك روحي لاهلك

عشان الدخان تتركين بيتك
صحيح انه شي غير مرضي لكن هاذا حال اغلب الرجال
ياليت زوجي يدخن ويترك باقي المنكرات
قولي الحمد لله وارجعي لبيتك وزوجك واصبري وحاولي لكن بالحسنى والكلمه الطيبه ووضحي له انك خايفه عليه اولا واخيرا
ونصيحتي لاتتركي بيتك حتى لو زعلتي ازعلي في بيتك

نقل للمتزوجين

التهديد ما بيجيب نتيجة ولكن التفاهم والنقاش ممكن يوصلو لحل
ولازم النقاش يكون بقواعده اللي الكل بيعرفها زي الاحترام وعدم المقاطعة او فرض الراي
حاولي تاني مع زوجك
والله يوفقك ويهديكم

السلام عليكم ..

انا مستغربه كيف اهلك رضوا انك تظلي عندهم وانت اللي غلطانه ..

ارجعي الي بيتك في اسرع وقت واعتذري ...

مو هذا اسلوب تتعاملين فيه مع زوجك المدخن ..

بالتدريج والهدوء كل الامور تنحل ..

وربي يسعدك ..

أميرات ..

شكرا لكم ولتفاعلكم معي لاتنسوني بالدعاء

ارسلي له هالرسالة
قال النبي صلى الله عليه :" أكمل المؤمنين إيماناً أحسنهم أخلاقاً وخياركم خياركم لنسائهم "
وارسلي
جرحتني في فؤادي خليت روحي عليله

اثر المفارق صعب وغيمة سواد وليل تغيب عني هذا صعب لا مابقا بي حيل

جرحتني في فؤادي خليت روحي عليله

يا هاجري ليه الزعل ؟ يا هاجري ماذا حصل ؟ يا هاجري إنت الأمل 00 يا هاجري زاد العناااااااء

وارسلي
انا اذا كنت ضايقتك بكلامي او بتصرفاتي ترا من خوفي على مستقبلنا ومستقبل عيالنا بس انا اسفه اذا ضايقتك يمكن كان اسلوبي خطاء المهم اللي راح راح و ياليت كلامي مايزيد جفاك وتغليك بس انا بينت اللي في قلبي لك والباقي عليك

ابو خالد يعني اذا ارسلتله بيسوي شي لاني كنت ادق عليه في بداية المشكلة ومايرد علي

اعقلي يا مرة وارجعي لبيتك أحسن لك

انا جالسة عند اهلي مايدرون لان جلستي كانت زيارة بس يوم شفته طول ماجاء ياخذني دقيت عليه مارد وقال يبي يتفاهم مع ابوي سكت وجلست اسبوعين وماحد يدري بعدها اضطريت اعلمهم لاني طولت

مادام مايرد عليك ارسلي له رساله توضحين فيها موقفك من هالفرقا
يعني هو يمكن يقول في نفسه (اللحين تقولين لي ابجلس عند اهلي يومين يعني تبين تأدبيني والله لخليك عندهم لين تجين بنفسك عشان تعرفين من هو اللي بيتأدب ) لكن إذا ارسلتي له رساله وبينتي فيها موقفك وانه ماكان قصدك يمكن يطيح اللي في راسه وانتي ادرى لأني ماأعرف كل التفاصيل والله يردكم لبعض وتعيشون عيشه هنيه